Mark 14:62 - Fangkenio Kkewe Faawu

⁶² Jesus a paniuwaeni pwe, “Ooa ngaang. Aaemi oawpwene giuneei Naiun Aeremas epwene mooat mwaaenen firhin iwe e oarosaen Mamaaw nge epwe ittiw me weei naaeng wooan toapw.”

Mark 14:62 ပူးပေါင်းရင်းမြစ်များ

Matthew 24:30

Iwe nge miniwe aeginnen Naiun Aeremas epwe pwae noa me noan naaeng; nge oanongeer aeremesaen faniuw repwe sessaeng aar repwe giuneei miniwe Naiun Aeremas aan itto wooan toapw noan minna maemaewan me nningen ina e temoag.

Matthew 26:64

Jesus a paniuwaeni pwe, “Een minne wo iura. Nge ipwe aengaenigaemi: saengi igina oawpwene giuneei Naiun Aeremas epwe mooat peig mwaaenen iwe e oarosaen Mamaaw, nge epwe ittiw me weei naaeng wooan toapw.”

Matthew 27:11

Iwe Jesus a iu me mmwaen governor we nge a aeiyegiy Jesus pwe, “Een minne aar king re Jews?” Jesus a paniuwaeni pwe, “Een minimwu wo aepesa.”

Mark 13:26

Iwe nge miniwe Naiun Aeremas epwene pwaeto me neeiin toapw reen maemaewan me nningen.

Mark 15:2

Iwe Pilate a aeiineow pwe, “Een minne aar king re Jews?” Jesus a paniuwaeni pwe, “Een minimwu wo aepesa.”

Mark 16:19

Mwirin aaen Soamwoon Jesus kkepas ngaeniir, a ittae naaeng a ittae mooat peig mwaaenen Deus.

Luke 22:69

Iwe nge saengi igina a noa, miniwe Naiun Aeremas epwene mooat peig mwaaenen Deus na oarosaen maemaew.”

Luke 23:3

Pilate a aeiineow pwe, “Een minne aar king re Jews?” Jesus a paniuwaeni, “Een minimwu wo aepesa.”