John 9:30 - Fangkenio Kkewe Faawu

³⁰ Mwaaen we a paniuwaeniir pwe, “Aeina mwo amwaraeran minna! Oawse giuneei iya iga e itto me ee, nge iiy e aeffeta noa mesaei!

John 9:30 ပူးပေါင်းရင်းမြစ်များ

Matthew 11:5

rhooa masparh ra ffatenoa, rhooa pirhemae ra faaeraeg, rhooa kaenepaai ra gacch noa, rhooa saeningapiung ra rongorong, rhooa mae ra menawtae, nge Kkepas Mwamwaai we a fenai ngaeniir rhooa affayeo.

Matthew 21:42

Iwe, Jesus a aengaeniir, “Oawsaaen pwan aeraegi mwo meeta kkewe Pwapwior we e Santus e aepesa? ‘Fai we rhooan kaiu iimw re aerheei noa, nge faer ina fai we egin yor ipitan me mmwaen oanongan. Minneen nge feeoriaen Soamwoon, a inamwo amwaraeran nningen!’

Mark 6:6

A gin ssef tae nee tipan reer aeremas kkewe esooar aar niugiuniug. Iwe Jesus a noa noan pwugos kkewe e arapeto, nge a fenai ngaeniir oanongeer aeremas.

Luke 7:22

A paniuwaeniir pwe, “Oaw sefaaen noa oawwa aengaeni John meeta kka oawwa weri me rongorong: rhooa masparh ra ffatenoa, rhooa pirhemae ra faaeraeg, rhooa kaenepaai ra gacch noa, rhooa saeningapiung ra rongorong, rhooa mae ra menawtae, nge Kkepas Mwamwaai we a fenai ngaeniir rhooa affayeo.

John 12:37

Inamwo igiwe a feeori oanongaen kkeman kkeei me weni mmweer, nge rese niugiuniug ngaeni,

John 3:10

Jesus a paniuwaeni, “Een erhai sinsei taegias me wooan Israel nge wose giuneei minneei?

John 9:29

Aemaem aei giuneei pwe Deus e mwaenieniy ngaeni Moses; nge mwaaen na, aeise giuneei mwo nge igine e itto me ee!”

John 9:31

Si giuneei pwe Deus ese aiussaening ngaeniir rhooa monofit; nge e aiussaening ngaeniir rhooakka re aesirowu iwe me refeeori minikkena aan mwerhaen.