John 21:16 - Fangkenio Kkewe Faawu

¹⁶ Oaruwowwan Jesus a pwan aengaeni pwe, “Simon mwu naiun John, wo aerhaengiaei?” A paniuwaeni pwe, “Ooa Soamwoon, wo giuneei pwe i aerhaengiug.” Jesus a aengaeni pwe, “Aefaenniir sheep kka naeyi.”

John 21:16 ပူးပေါင်းရင်းမြစ်များ

Matthew 2:6

‘Een Bethlehem noan faniuwaen Judah, wosoapw foakkon sessoan me neeiin taeninimwaei Judah, pwe erhai soamwoon epwe toowow saengiug, epwe nemaeni naeyi re Israel.’ ”

Matthew 25:32

iwe, nge oanongeer aeremesaen faeinaengiy nge repwe rhu fengaen me weni mmwan. Nge epwe aeyimweoiuw fesaenngiir noan ruwowu mwiirh, taeppen rhag erhai rhooan neginegin maan e aeyimweoiuw fesaenngiir sheep saengiir goat.

Matthew 26:72

Iwe, Peter a pwan iura pwe ese giuneei nge a aepesa pwe, “Iya aekkepan pwe ise giuneei mwaaen naan!”

Luke 19:10

Manewe Naiun Aeremas e itto giut nge e itto aemenewaar rhooa mwaenirh noa.”

John 18:17

Rhooapwut we reen aesemaen iimw we a aengaeni pwe, “Saapw pwan een erhai rhooan kkayeo kkewe rhoaniuwaen mwaaen naan?” Peter a iura pwe, “Aapw, saapw ngaang.”

John 18:25

Peter iwe e rhiuwen iu igiwe pwe e aepwerhikkera oanongan. Iwe ra aengaeni pwe, “Saapw pwan een erhai rhooan kkayeo kkewe naiun mwaaen naan?” Iwe Peter a iura pwe, “Saapw ngaang.”

John 21:17

Aeinuwan Jesus a pwan aeiineow, “Simon naiun John, wo aerhaengiaei?” A aenneew nee tipaen Peter pwe igiwe a faaen enuuw aaen Jesus aeiineow pwe, “Wo aerhaengiaei?” Iwe a aengaeni pwe, “Soamwoon, wo giuneei oanongaen meeta, wo giuneei pwe i aerhaengiug!” Jesus a aengaeni pwe, “Aemmwenaar sheep kka naeyi.