TIITO 3:5 - Tepehuano Tepehuán del Sureste (Durango)

⁵ Baꞌ cham tuꞌ na chich moo tuꞌ gɇꞌkam kɨꞌn jix bhaiꞌ duiñ gu Dios kut baꞌ xich joiꞌmdak jich boosolh miꞌ dhɨr nach paiꞌ jaꞌk jich chulhiiñaꞌ gɨt, gu jaꞌpji dɨɨlh pɨx nat xich joiꞌgɨlh. Uana bɨɨx guch uaꞌtulhdharaꞌ, jaꞌp ji buus nat jich bopko suudaiꞌ kɨꞌn nach jix iꞌkoraꞌ kat, gio na chich panaas kiaꞌpɨx ba maaxir. Baꞌ gux Dhuuduꞌ kam jix Uañ Iiꞌmdaꞌ nat jich aꞌm jum tajaa, dhiꞌ puiꞌch jurtuꞌnkaꞌ nach jix mat kaꞌ na tuꞌr jix kɨɨꞌp jum duukam nach baꞌ miꞌ puiꞌ jiimdaꞌ.

TIITO 3:5 ပူးပေါင်းရင်းမြစ်များ

MATEO 3:11

Baꞌ aañ nañ xib yaꞌ tu bopkon, jir suudaiꞌ kɨꞌn pɨx, jaꞌppɨx na bhaan jix maatɨꞌ kaꞌ nam jɨꞌk miꞌ puiꞌ jimiim na jax jix aaꞌ gu Dios. Baꞌ guiꞌ na gatuuk bha jim, guiꞌ dho gi guꞌ gux Dhuuduꞌ kam jix Uañ Iiꞌmdaꞌ ji na kɨꞌn jam bopkonaꞌ, gio baꞌ na bɨɨx mɨidhaꞌ gu jam uaꞌtulhdharaꞌ jaꞌp tuꞌm na gu tai kɨꞌn. Baꞌ guiꞌx ioꞌm bɨxchuꞌx aichuꞌn na pu tu duñiaꞌ, cham tuꞌ puiꞌ na jax aañ. Pu cham jɨꞌx jir jupaabkamuꞌn iñ dho moo nam iam tuꞌ suuskaꞌn muiꞌ ba uiꞌdhikaꞌ gɨt.

LUUKAS 1:50

Na guꞌx ja joiꞌmdat ja aꞌm tɨ nɨidhidhaꞌ gu Dios guiꞌ nam miꞌ puiꞌ jiimdaꞌ na jax jix aaꞌ.

LUUKAS 1:54

Nat guꞌ ba tɨꞌñcho nat bam ai nat paiꞌ dhuuk tu dai nax ja joiꞌmdaix bhaiꞌ ja duñiaꞌ gu Israel kam jaꞌtkam, na guꞌr jaꞌtkam tugiꞌñ gio nam jir tujuandam tugiꞌñ.

LUUKAS 1:72

Jum aayaꞌ sap na paiꞌ dhuuk gɇꞌkam kɨꞌn jix joiꞌmdai ja tɨgiaꞌ bɨɨx guch bopxi kat, cham sap baꞌ jɨꞌxkat mɨk buaꞌ puiꞌ na jax ja tɨtda.

LUUKAS 1:78

Nat guꞌ gu Dios jich Gɨꞌkoraꞌ gɇꞌkam kɨꞌn ba xich joiꞌgɨlh, yaꞌ bach aichulh jix dhaam dɨr maaꞌn guiꞌ na gɇꞌ mɨimtuꞌ. Dhiꞌ jaꞌp ji buus jich bui nat kiaꞌpɨx bhaiꞌ ba tu kobxi gu tanoolh xiaꞌlhbui dhɨr.

ROOMA KAM 11:14

Nañ guꞌ aañ jix aaꞌ nam gu Israel kam jaꞌtkam bhaiꞌ ji jam jɨɨꞌmoi miꞌ puiꞌp ba jimiaꞌ na jax jix aaꞌ gu Dios. Cham aaꞌ iñ guꞌ tɨi nam mu jaꞌk bhɨɨyaꞌ nam paiꞌ gammɨjɨ miꞌ pup jum tulhiiñdhaꞌ.

ROOMA KAM 11:6

Guꞌ baꞌ noꞌ guꞌ puiꞌm kaiꞌch nat gu Dios jix joiꞌmdak ja aꞌm tɨ tɨɨ, dhiꞌ bhaan jix maatɨꞌ na cham tuꞌ gu tuꞌ na mɨt jix bhaiꞌm duukam jup tu duu na baꞌ puꞌñi jaꞌk jir ja maiꞌchɨk, guꞌ jaꞌpji puiꞌ pɨx nat jix ja joiꞌmdak ja aꞌm tɨ tɨɨ. Na guꞌ noꞌm gɨt jix bhaiꞌm duukam jup tu duñiaꞌ gu tuꞌ, cham tuꞌ puiꞌm kaiꞌchdhaꞌ gɨt nat puiꞌ pɨx jix ja joiꞌmdak ja aꞌm tɨ tɨɨ gu Dios.

ROOMA KAM 12:2

Chaꞌpim puiꞌ jaꞌk ka tu duduakaꞌ nam jax jaꞌk tu dudua gu jaiꞌ jaꞌtkam nam cham tɨ jɨɨgiꞌñ buiñor guch Xoiꞌkam, ni ku pim cham puiꞌ jaꞌk kam aaꞌndaꞌ, guꞌ jaꞌpji na pim ba gaagidhaꞌ na pim jax jaꞌk jix bhaiꞌ biꞌiidhaꞌ gammɨjɨ buiñor gu Dios, na tuꞌr jix kɨɨꞌ buiñor guiꞌ gio na jax jir miꞌ puiꞌ.

ROOMA KAM 3:20

Na guꞌ janoꞌ gu Dios cham jɨꞌxkat jax tɨɨdaꞌ gu jaroiꞌ na cham uaꞌtulhdhix kaꞌ, sia kut tɨi bɨɨx pu tu duu na jɨꞌk jax tu aagix kaꞌ. Na guꞌ dhiꞌ na jɨꞌk jax tu aagix, miꞌ pɨx bhaan jich aagiꞌñ nach jix uꞌuaꞌtulhdhix.

ROOMA KAM 3:28

Baꞌ bɨɨx na chich jɨꞌk tuꞌ bhaan ba tu aꞌga, bhaan ji chɨɨmo chich na gu Dios puiꞌ pɨx uañdhaꞌ gu uaꞌtulhdhargaꞌn gu jaroiꞌ, dai pɨx noꞌt soiꞌm ɨlhdhak buiñor ba tɨ jɨɨꞌñ guch Xoiꞌkam, cham tuꞌ na miꞌ puiꞌ tu duñiaꞌ na jɨꞌk jax tu aagix.

ROOMA KAM 4:5

Matgɨm guꞌ noꞌt jaroiꞌ soiꞌm ɨlhdhak buiñor ba tɨ jɨɨꞌñ gu Dios, ba uañdhaꞌ gu uaꞌtulhdhargaꞌn puiꞌ pɨx, cham tuꞌ nam aaꞌndaꞌ na tuꞌ jax dhuñiaꞌ nar jix bhaiꞌm duukam na baꞌ gɨt dhiꞌ pɨx jir maiꞌchɨk gaꞌn kaꞌ. Baꞌ miꞌ dhɨr dɨɨlh gu Dios puiꞌ jaꞌk ba tɨgiaꞌ nar jix kɨɨꞌ maaꞌnkam kaꞌ.

ROOMA KAM 9:11

Baꞌ pu bɨɨpɨꞌ dɨr ba aagiꞌñ gu Dios gu Rebeeka nam jax jir tuꞌm kaꞌ gu maamraꞌn gatuuk, nat guꞌ pu puiꞌ jaꞌk ba tu duu dɨɨlh gu Dios, sia ku mɨt chakui maaxir gu maamraꞌn, ni ku mɨt chakui tuꞌx buam jum duukam jup tu dunaak, piam ku guꞌ gu tuꞌx bhaiꞌm duukam. Jup tɨtda gu Rebeeka: “Gum mar guiꞌ na bɨɨpɨꞌ maaxilhiaꞌ, bɨtaaꞌn ji biꞌyaꞌ, baꞌ guiꞌ na gatuuk maaxilhiaꞌ, tɇꞌkob ji biꞌyaꞌ.” Baꞌ jaꞌp jaꞌk iam na iam pɨx puiꞌp tu uaꞌñix jup jum kaiꞌch ɨp: “Aañ dai gu Jakob jix joiꞌmdak tɨɨ, gu Esauu baꞌ cham.” Baꞌ dhiꞌ bhaan pup jix maatɨꞌ na gu Dios puiꞌ duñiaꞌ gu jaroiꞌ na dɨɨlh jax ɨlhiiꞌñdhaꞌ, siatti tuꞌx buam jum duukam jup tu duu piam ku guꞌ cham.

ROOMA KAM 9:16

Dho jaiñ, gu jaroiꞌ bak na dɨɨlh ɨlhiiꞌñdhaꞌ gu Dios nax joiꞌmdai tɨɨgɨix bhaiꞌ duñiaꞌ, guꞌ pur cham tuꞌ kaꞌ ji gu jaroiꞌ sia ku tɨi bɨɨx aixim jix bhaiꞌ tu bua, na jax jaꞌk tɨi xi ɨlhiiꞌñdhaꞌ na gɨt jix bhaiꞌ ji biꞌyaꞌ buiñor gu Dios, na baꞌ gɨt miꞌ dhɨr bax joiꞌmdaꞌ.

ROOMA KAM 9:30

¿Jax baꞌ kaiꞌñkam jup jum kaiꞌch dhiꞌ puiꞌ? Dho na guꞌ gu Dios puꞌñix kɨkɨɨꞌ jaꞌtkam ba ja tɨgiaꞌ guiꞌ nam cham jir Israel kam jaꞌtkam kaꞌ, dai pɨx noꞌ mɨt tuꞌ sɨlhkam buiñor ba tɨ jɨɨꞌñ soiꞌm ɨlhdhak, sia kum guꞌ tɨi cham tuꞌ gaꞌnga nam jax jaꞌk duix bhaiꞌ ji biꞌyaꞌ gɨt buiñor guiꞌ.

1 KORIINTO KAM 6:11

Jaiꞌ dhɨt puꞌñi jaꞌk tu jimdat japim na pim chakui tɨ jɨɨꞌñdhat buiñor guch Xoiꞌkam, guꞌ ji nat guꞌ dɨɨlh guch Xoiꞌkam jam uañdhak gu jam uaꞌtulhdharaꞌ puiꞌ jam duu na pim jir jaꞌtkam tugiꞌñ kaꞌ, gook dɨt jamɨt puiꞌ jam duu gux Dhuuduꞌ kam jix Uañ Iiꞌmdagaꞌn gu Dios.

GALAASIA KAM 2:16

Guꞌ pɨx ji nach guꞌx bhaiꞌx maat na gu Dios cham jɨꞌxkat ja uañdhaꞌ gu ja uaꞌtulhdharaꞌ guiꞌ nam miꞌ puiꞌ tɨi xi chu duñiim na jɨꞌk jax tu aagix ja bui gu Israel kam jaꞌtkam, guꞌ guiꞌ ji na ja uañiꞌñ nam tuꞌ sɨlhkam soiꞌm ɨlhdhai buiñor ba tɨ jɨɨꞌñdhaꞌ guch Xoiꞌkam. Puiꞌ ku chich baꞌ aach tuꞌ sɨlhkam soiꞌch ɨlhdhak buiñor tɨ jɨɨꞌñ nach jix aagɨt nach uañdhaꞌ guch uaꞌtulhdharaꞌ gu Dios, cham tuꞌch miꞌ puiꞌ ka tu daaꞌñchuꞌ na jɨꞌk jax tu aagix, na guꞌ dhiꞌ cham jɨꞌxkat jich palhbuidhaꞌ.

EEPESO KAM 2:4

Guꞌ ji na guꞌ joidham jir jix chu joiꞌgɨꞌn gu Dios, gɇꞌkam kɨꞌn xich joiꞌmdak jich chɨɨ baꞌ aach.

EEPESO KAM 4:23

Chaꞌpim puiꞌ jaꞌk kam aaꞌndaꞌ, dai puiꞌ jaꞌk japim pɨx bam aaꞌndaꞌ na jax jaꞌk jir jix kɨɨꞌ.

EEPESO KAM 5:26

Baꞌ nat xich joiꞌmdak jich aꞌmkam muu, dhiꞌ pu chuꞌm naiꞌ pup tum aꞌga, dhiꞌ nat baꞌ aach jax chuꞌm kɨꞌn uana guch uaꞌtulhdharaꞌ bɨnkam na chich jich bopko suudaiꞌ kɨꞌn. Guiꞌ dɨɨlh puiꞌ jaꞌk tu duu nach baꞌ bar jaꞌtkam tugiꞌñ kaꞌ,

KOLOOSAS KAM 3:10

xib maakam japim ba tu jim, miꞌ puiꞌ ba jiim japim na jax jix kɨɨꞌ kaꞌm nɨiꞌñ gu Dios. Saalh japim pɨx miꞌ puiꞌ ji jimiim na jax jaꞌk tu jim gu Dios nat jaroiꞌp tu duu bɨɨx na jɨꞌk tuꞌx chu jaiꞌch, na pim guꞌ saalh pɨx jix bhaiꞌ maachim na jax jaꞌk tu jim gu Dios.

2 TIMOTEO 1:9

Nat guꞌ gu Dios miꞌ dhɨr bach boosolh nach paiꞌ mu jaꞌk ba jiimɨt nach paiꞌ gammɨjɨ miꞌ pup jich chulhiiñdhaꞌ gɨt, xib baꞌ dai nach aach dɨɨlh miꞌ puiꞌ ba jiimdaꞌ na jax jix aaꞌ. Xi dhoꞌñchidhaꞌ ich guch iiꞌmdaꞌ na baꞌ guiꞌ dɨɨlh puiꞌ jaꞌk duiñchuꞌndaꞌ na jax jix aaꞌ. Gio guꞌ aach cham tuꞌ tuꞌx bhaiꞌm duukam jup duu gu tuꞌ nat baꞌx bhaiꞌch dhuu gu Dios, guꞌ jaꞌpji dɨɨlh pɨx nat jix bhaiꞌch dhuu, na guꞌ pux maat na puiꞌ jaꞌk jix bhaiꞌ ji chu buusniaꞌ. Xich joiꞌgɨlh bhaankam guch Xoiꞌkam pu bɨɨpɨꞌ dɨr nat chakuip duuk dhi oiꞌñgaꞌn.

TIITO 3:4

Baꞌ aach na chich jɨꞌk buiñor soiꞌch ɨlh, gu Dios xich joiꞌmdak jich chɨɨgɨk jich boosolh miꞌ dhɨr bhaan gu boi nach paiꞌ bhaan mu jaꞌk ka jiimɨt nach paiꞌ gammɨjɨ gɨt miꞌ pup jich chulhiiñdhaꞌ.

ISRAEL KAM 10:22

Bax bhaaiꞌ baꞌ xib nach sɨlh buiñor tu daandaꞌ gu Dios soiꞌch ɨlhdhat, nach guꞌ ba tɨ jɨɨgiꞌñ buiñor guch Xoiꞌkam guiꞌ nat jaroiꞌ tuch ñamkix guch uaꞌtulhdharaꞌ. Jaꞌp ji buus nat jich batbich joidham jix kɨɨꞌ suudaiꞌ kɨꞌn, nat guꞌ bɨɨx uañchuda nach jɨꞌx jix uꞌuaꞌtulhdhix kat.

ISRAEL KAM 4:16

Baꞌ aañ jam guguuxiꞌñ jiñ jaaduñ na pim jix ioꞌm muiꞌ xim biiñkadaꞌ buiñor gu Dios jich Gɨꞌkoraꞌ na bhammɨ daax dhaam, na jaroiꞌ joidham jix chu joiꞌgɨꞌn, na baꞌch palhbuiꞌñkaꞌ noꞌt tuꞌ bhaan tɨi ba jich maꞌiich gux buam jum duukam, na guꞌ guiꞌ joidham xich joiꞌgɨꞌn bɨɨx jɨꞌmaꞌn.

ISRAEL KAM 6:6

Guꞌ ji noꞌ mɨt guꞌx oodak gio jaꞌk jup suulh nam giox buam jup ba tu buadaꞌ, dhiꞌ pu chuꞌm gu jaꞌtkam cham jɨꞌxdhaꞌ miꞌ puiꞌ ka jimiaꞌ am na jax jix aaꞌ gu Dios, sia jaroiꞌ tɨi giop ba ja guguuxiꞌñ, nam guꞌ cham tuꞌ puiꞌ soiꞌ kam ɨlhiiꞌñdhaꞌ buiñor guch Xoiꞌkam. Tuꞌ pɨx ba ɨlhiiꞌñdhaꞌ am noꞌ puiꞌ tɨi xi chu ja aꞌgiꞌñ gu jaroiꞌ, baꞌ jaꞌp ji buusniaꞌ nam giop ba sissapaꞌ kuruus taꞌm guch Xoiꞌkam, nam guꞌ giilhim bɨɨx aixim pɨx ba aiꞌchuxiꞌñdhaꞌ ja kaixdhat gu jaiꞌ jaꞌtkam na jax janoꞌ na mɨt paiꞌ dhuuk mua.

1 PEEGRO 1:3

Jaꞌp moor gɇꞌkam ji gu Dios jich Gɨꞌkoraꞌ guiꞌ nat bha joot gu Jesuus jich Xoiꞌkam yaꞌ dhi oiꞌñgaꞌn, tu daandaꞌ ich buiñor jiñ jaaduñ na guꞌr jix bhaiꞌkam. Tɨɨꞌ nat jix bhaiꞌ duu nat xich joiꞌndak tuch uañ guch uaꞌtulhdharaꞌ nach jix uꞌuaꞌtulhdhix kat, nat tuch ñamkix guch Xoiꞌkam janoꞌ nat muukɨk duadɨk giop bam mu dɨr koiꞌñgaꞌn tɨr na mɨt paiꞌ tɨi yaas. Baꞌ xib jaꞌp ji buus na chich giop ba maaxir nach jɨꞌk ba tɨ jɨɨgiꞌñ buiñor, xib baꞌ guꞌ dai ji nach jix bhaiꞌch chaatɨt pɨx am tɨ nɨɨrdaꞌ nach aꞌm tu biꞌyaꞌ guiꞌ nat tuch iimchuda gu Dios,

1 PEEGRO 2:10

Na guꞌ janoꞌ na pimɨt chakui tɨ jɨɨgiꞌñdhak buiñor guch Xoiꞌkam, cham tuꞌ jam aꞌm tɨ nɨidhat gu Dios, ni ku cham paiꞌ xi jam joiꞌgɨꞌndat. Guꞌ matgam xib na pim ba kaichuꞌ, gɇꞌkam kɨꞌn ji na jam aꞌm tɨ nɨidhidhat xi jam joiꞌgɨꞌn, na pim guꞌ buiñor bap tuiꞌdhiꞌ miꞌ puiꞌ jiimɨt na jax jix aaꞌ.

1 PEEGRO 3:21

Baꞌ gu xib nach yaꞌ dɨr muiꞌ xich gaꞌnga, jaꞌp ji buus nat jum bakua gu Noee guiꞌ gu suudaiꞌ kɨꞌn nat tɨs janoꞌ, na guꞌ soiꞌm ɨlhiiꞌñ buiñor gu Dios, puiꞌ kut baꞌ cham muu bhaiꞌmuk. Aach baꞌ puꞌñip ba ji bubua xib, nach guꞌ cham tuꞌ maiꞌ ka suulhgix, na chich guꞌch bopkonak suudaiꞌ kɨꞌn puiꞌ ba tɨɨꞌn guch Xoiꞌkam nach gammɨjɨ ba kaichgɨdaꞌ. Nañ jiñ bakuanaꞌ suudaiꞌ kɨꞌn, cham tuꞌr puiꞌ na jax nañ batbiaꞌ noꞌñ bax ikooraꞌ, guꞌ jaꞌpji na bhaan jix maatɨꞌ kaꞌ ji nañ miꞌ dhɨr jaꞌp jaꞌk soiꞌ bañ ɨlhiiꞌñdhaꞌ buiñor gu Dios, gam nañ miꞌ puiꞌ ba jimdaꞌ na jax jaꞌk jix aaꞌ nañ tuiꞌñgɨdaꞌ, gio baꞌ nañ puiꞌ xi chɨɨdaꞌ guch Xoiꞌkam na gammɨjɨ ba tuñ uañiꞌñkaꞌ guñ uaꞌtulhdharaꞌ, nat guꞌ xiñ joiꞌndak jix bhaiꞌ ba duu nat jiñ aꞌmkam muukɨk giop bam mu dɨr koiꞌñgaꞌn tɨr,