TIITO 1:4 - Tepehuano Tepehuán del Sureste (Durango)

⁴ Baꞌ aañ tum uaꞌñxidhaꞌ bhaan dhiꞌñi uꞌuan aap Tiito, nañ jaꞌp jum ɨlhiiꞌñ nap jir jiñ mar, nap guꞌ jaꞌxbuiꞌ puiꞌp jix biiñak buiñor guch Xoiꞌkam na jax aañ. Baꞌ moo gu Dios jich Gɨꞌkoraꞌ gio guch Xoiꞌkam Jesuus pɨx gɨt jum aꞌm tɨ nɨidhidhaꞌ am nap baꞌ gammɨjɨx bhaiꞌm taat kaꞌ.

TIITO 1:4 ပူးပေါင်းရင်းမြစ်များ

LUUKAS 2:11

Jaꞌpniñ tuꞌm jam uaꞌtulhiꞌñ: Maaꞌn bhaꞌñi dhɨr maaxir gu alhii xib dhi tukaaꞌ na paiꞌ kiokat bɨjɨk gu Dabii. Dhiꞌr diꞌ guiꞌ na pim nɨɨra na saak bha jootsaꞌ gu Dios yaꞌ dhi oiꞌñgaꞌn na jam palhbuidhaꞌ.

JUAN 4:42

Baꞌp tɨtda am gu ubii: ―Xib jach dho gi ba tɨ jɨɨgiꞌñ ji nar dhiꞌ guch Xoiꞌkam na yaꞌ uañchudaꞌ guch uaꞌtulhdharaꞌ. Ku guꞌ cham tuꞌ ji na moo dai aap nap jup jich chɨtda na puiꞌx bhaiꞌx maat nap jax jum buadaꞌ, jaꞌpji na chich dɨɨlh ba kai na giilhim joidham xi bua na xi chu aꞌga.

ROOMA KAM 1:12

Piam nach maap jich guꞌnguxdhaꞌ, jax ña pɨx. Puiꞌ na jax aapiꞌm jiñ guguuxdhaꞌ na pim tuꞌ bax maat na pim jɨꞌx buiñor ba tɨ jɨɨgiꞌñ guch Xoiꞌkam, gio aañ nañ tuꞌp jix maat nañ jɨꞌx buiñor jup ba tɨ jɨɨgiꞌñ.

2 KORIINTO KAM 12:18

Jax dhui na guꞌr jix bhaiꞌkam gu Tiito nat mu jimɨɨk jam bui jumai bɨɨmaꞌn ɨp na puiꞌp jir jix bhaiꞌkam, nam guꞌ tɨ jɨɨgiꞌñ buiñor guch Xoiꞌkam. Miꞌ pɨx puiꞌp tu daaꞌñchuꞌ guꞌ gu Tiito na jax aañ, maaꞌn iiꞌmdaꞌ pɨx jup duuk ich, cham ɨlhiiꞌñ iñ baꞌ nat jix ɨxchuixim jup maꞌiich gu tuꞌ bhammɨ dɨr jam bui.

2 KORIINTO KAM 2:13

Guꞌ ji na guꞌ cham tuꞌ puiꞌ tu tatdaꞌñ jur am bhaan, na ñich guꞌ cham tuꞌ bha tɨɨ gu Tiito nar jiñ jaduuñ jich Xoiꞌkam bhaan. Cham jañich baꞌ tu ja aꞌgi, ba jii ñich Masedoonia jaꞌk xi ja tabuimgidhak gu bha oiꞌñkam.

2 KORIINTO KAM 4:13

Maaꞌn kap na mɨt paiꞌ tu uaꞌnak gu bɨjɨk dɨr kam jup jum kaiꞌch: “Aañ jum aꞌmkam tu aꞌga, nañ guꞌ tuꞌ sɨlhkam jum bui tɨ jɨɨgiꞌñ.” Aach baꞌ puꞌñi ɨp xib, tuꞌ sɨlhkam jach buiñor tɨ jɨɨgiꞌñ gu Dios nach baꞌ bhaankam tu aꞌga.

2 KORIINTO KAM 7:6

Guꞌ ji na chich guꞌ xib bach guꞌngux nat yaꞌ ba ji buus gu Tiito, gu Dios pɨx jich guꞌngux guꞌ na jaroiꞌ tu guꞌnguxiꞌñ noꞌ jaroiꞌ bam oꞌjolhiꞌñ.

2 KORIINTO KAM 8:16

Aañ taxchaabgiꞌñ gu Dios nat puiꞌ jaꞌk jup jurtuda gu Tiito nat jax chuꞌm jiñ jurtuda aañ, xi jam joiꞌmdat jam tɨꞌñcho ɨp guꞌ sia jaꞌp na jax aañ.

2 KORIINTO KAM 8:23

Gu Tiito aañ jiñ buir jix kɨɨꞌ maaꞌnkam, jam aꞌmkam maap tu juan ich na baꞌx bhaiꞌ tu jam jimdaꞌ. Baꞌ dhi jaiꞌ gook nam bɨɨmaꞌn mu jiimdaꞌ gu Tiito, gu jaiꞌch Xoiꞌkam jɨɨgiꞌñdham jamɨt dhiꞌ kɨꞌn ja darai, miꞌ pɨx baꞌ puiꞌp tu duiñchuꞌ am na jax jix aaꞌ guch Xoiꞌkam.

2 KORIINTO KAM 8:6

Baꞌ aach xib yaꞌ dɨr puiꞌ soiꞌp tɨɨꞌn gu Tiito na mu jimɨi jumpadaꞌ gu tuumiñ na pim paiꞌ maap jum jumpadat tu daan, kat japim chi baꞌ iam jix ja joiꞌmdai gu jaiꞌ tu makiaꞌ jɨꞌk na pim puiꞌ pup jum duuk. Nat guꞌ dhi Tiito pu ba tu jumpai bɨɨpɨꞌ dɨr gu tuumiñ bhaiꞌ jam bui, dhiꞌ baꞌ gio muiꞌp jimiaꞌ xib.

GALAASIA KAM 2:3

Baꞌ cham paiꞌ jax kaiꞌch am. Sia gu Tiito nañ baiꞌñchuꞌ, cham paiꞌ jax tɨtda am sia ku cham jir Israel kam maaꞌnkam. Cham paiꞌ jax tɨtda am noꞌp jum aaꞌ nam matgilhdhaꞌ na baꞌ bhaan bax maatɨꞌ kaꞌ na jaiꞌp bar Israel kam maaꞌnkam.

GALAASIA KAM 3:26

Puiꞌ na jax aapiꞌm xib, bar maamraꞌn japim gu Dios, na pimɨt guꞌ soiꞌm ɨlhdhak tuꞌ sɨlhkam buiñor ba tɨ jɨɨꞌñ guch Xoiꞌkam,

GALAASIA KAM 3:28

Baꞌ yaꞌ dɨr jaꞌp jaꞌk, cham tuꞌ jax ka bua sia chi maadɨt jir Israel kam maaꞌnkam piam ku guꞌ cham, piam sia kur tujuandam puiꞌ pɨx cham namkidhat am piam ku guꞌ namkidhix kam jir tujuandam, piam ku guꞌr chioꞌñ piam kur ubii, pɨx ji noꞌ pim bɨɨx soiꞌm ɨlhdhat tuꞌ sɨlhkam buiñor tɨ jɨɨgiꞌñ guch Xoiꞌkam. Bɨɨx maap jup tuiꞌñgɨdaꞌ pim bɨɨmaꞌn guch Xoiꞌkam sia pɨk nar jax kaꞌ gɨt, panaas ku pim jir maaꞌn maaꞌnkam pɨx kaꞌ bɨɨmaꞌn.

EEPESO KAM 1:2

Baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam pɨx xi jam joiꞌmdat jam aꞌm tɨ nɨidhidhaꞌ am na pim baꞌ gammɨjɨx bhaiꞌm taatɨt tu oiꞌñkaꞌ.

KOLOOSAS KAM 1:2

Tu jam uaꞌñxidhaꞌ ich aapiꞌm na pim puiꞌp jir jich jaaduñ jich Xoiꞌkam bhaan na pim bhammɨ dɨr oiꞌdhaꞌ Koloosas, Dios buiñor jup tuiꞌdhiꞌ pim. Baꞌ guiꞌ pɨx jich Gɨꞌkoraꞌ Dios gɨt jam aꞌm tɨ nɨidhidhaꞌ na pim baꞌx bhaiꞌm taatɨt tu oiꞌñkaꞌ.

1 TIMOTEO 1:12

Taxchaabgiꞌñ iñ aañ gu Gɇꞌkam jich Xoiꞌkam, nat guꞌx kɨɨꞌ maaꞌnkam jiñ chɨɨgɨk tujuandam tugiꞌñ kɨꞌn jiñ dhai, gio baꞌ nat jiñ guguux nañ pu tu duñiaꞌ na jɨꞌk jax jix aaꞌ,

2 TIMOTEO 1:1

Aañ Paablo nañ jir nobiiꞌñ guch Xoiꞌkam nat Dios bhach joochxi yaꞌ dhi oiꞌñgaꞌn, nat guꞌ bɨjɨk dɨr puiꞌ jaꞌk pu tu dai na baꞌ miꞌ dhɨr puꞌñix bhaiꞌ ba tuch jimdaꞌ gammɨjɨ, na guꞌ guch Xoiꞌkam pɨx bhaan jup tu tuꞌiiꞌ nat jix bhaiꞌ dhuu.

2 TIMOTEO 1:2

Baꞌ aañ yaꞌ tum uaꞌñxidhaꞌ aapiꞌ Timoteo nañ joidham xim daꞌ, jaꞌp ji buusan nap jir jiñ mar. Guch Gɨꞌkoraꞌ Dios gio gu Gɇꞌkam jich Xoiꞌkam pɨx gɨt baꞌ moo xim joiꞌmdat jum aꞌm tɨ nɨidhidhaꞌ am na baꞌ cham jix buam jum duukam jum daam jimiidhaꞌ.

2 TIMOTEO 4:10

Nat guꞌ gu Deemas yaꞌ xiñ buak ba jii Tesaloonika jaꞌk, na guꞌ dai bhaan jurtɨk gu tuꞌ na yaꞌx chu jaiꞌch dhi oiꞌñgaꞌn bhaan. Gu Kresente maaꞌn kap jup jii na paiꞌ Galaasia bhaan bipioꞌ guiꞌ gu dɨbɨɨr. Baꞌ gu Tiito bhaiꞌ dhɨr jaꞌk jup bhɨi maaꞌn kap na paiꞌ Dalmaasia bhaan bipioꞌ ɨp guiꞌ gu dɨbɨɨr.

TIITO 1:3

Yammɨ pu duuk jix bhaiꞌ kach aagiꞌñ na tuꞌ pɨk aagɨt jup kaiꞌch bhaan gux bhaiꞌm kaiꞌchdham ñioꞌkiꞌñ, nat guꞌ dɨɨlh yammɨ pu dhuuk tu dai. Bhaan maat jachich jaiꞌ dhɨt nam jich aagiꞌñ nam pu chuꞌm kɨꞌn bhaan tu juan, dhiꞌ nat tuꞌ aañ jiñ aꞌm ji bii ɨp nañ pu tu duñiaꞌ. Nat guꞌ gu Dios pu chuꞌm kɨꞌn jiñ dhaasak jiñ chia, dhiꞌ nat bach boosolh nach mu jaꞌk ba bhɨichgɨt nach paiꞌ gammɨjɨ gɨt miꞌ pup jich chulhiiñdhaꞌ.

TIITO 2:13

Puꞌñi jaꞌk jach tu duiñchugɨt jix bhaiꞌch chaatɨt nɨɨradaꞌ gu Dios jich Xoiꞌkam na gio bhaiꞌp jim jix ioꞌm gɇꞌkam kɨꞌn giox abhaar bhaan. Na guꞌ dhiꞌr diꞌ nat jich boosolh miꞌ dhɨr bhaan gu boi na mu jaꞌk bhɨix nach paiꞌ gammɨjɨ gɨt miꞌ pup jich chulhiiñdhaꞌ, na guꞌx ioꞌm jir gɇꞌkam.

2 PEEGRO 1:1

Aañ Simoon Peegro nañ jir tujuandam tugiꞌñ gu Jesuus jich Xoiꞌkam, mu jam ñioꞌkiꞌñ iñ jiñ jaaduñ bhaan dhiꞌñi uꞌuan noꞌ pim mɨjɨ jaꞌp paiꞌx bhaiꞌm ɨlhiiꞌñ, nañ guꞌx bhaiꞌñ chaat na pim aapiꞌm puiꞌp tɨ jɨɨꞌñdhat jix biiñak buiñor gu Dios jich Xoiꞌkam na jax aach, guiꞌ nat jaroiꞌ joidham xich joiꞌndak tuch uañ guch uaꞌtulhdharaꞌ nach baꞌ miꞌ dhɨr jaꞌp jaꞌk cham maiꞌ ka suulhgix kaꞌ.

2 PEEGRO 1:11

Puꞌñi jaꞌk noꞌ pimɨt duu nañ jax kaiꞌch, joidham cham tuꞌ bhaan jax ji chɨꞌji jam aichdhaꞌ gu Gɇꞌkam jich Xoiꞌkam bhammɨx dhaam na paiꞌ dhɨr naiꞌr gɇꞌkam, guiꞌ nat jaroiꞌ xich joiꞌndak tuch uañ guch uaꞌtulhdharaꞌ na baꞌ miꞌ dhɨr puꞌñi bax bhaaiꞌn kaꞌ nach baidhikaꞌ.

2 PEEGRO 2:20

Baꞌ guiꞌ nam puꞌñi tɨi ba tɨ jɨɨgiꞌñdhaꞌ buiñor guch Xoiꞌkam, nam bax mat kaꞌ nat ja aꞌmkam muu kuruus taꞌm nam baꞌ cham kam tulhiiñaꞌ, guꞌ ji noꞌ mɨt guꞌ gio jaꞌk jup suulh mu jaꞌk na paiꞌr tu uaꞌtulhdharaꞌ nam giox buam jup ba tu buadaꞌ na jax cham kɨɨꞌ kaꞌm nɨiꞌñ gu Dios, jix ioꞌm jix buam tuꞌm pɨx ba biꞌyaꞌ am, cham tuꞌ puiꞌ kiaꞌ na jax bɨɨpɨꞌ dɨr nam chakui tɨ jɨɨꞌñdhat buiñor guch Xoiꞌkam. Jix ioꞌm jix buam pɨx ba tu buadaꞌ am na jax cham kɨɨꞌ kaꞌm nɨiꞌñ gu Dios.

2 PEEGRO 3:18

Aapiꞌm guꞌ dai ji na pim jix ioꞌm muiꞌ xi gaagidhaꞌ na pim jax jaꞌk jix bhaiꞌ machiaꞌ na jax jir tuꞌm kam gu Gɇꞌkam jich Xoiꞌkam guiꞌ nat jaroiꞌ xich joiꞌndak tuch ñamkix guch uaꞌtulhdharaꞌ bhammɨ kuruus taꞌm, gio baꞌ na pim jix bhaiꞌ machiaꞌ na pim jax jaꞌk joidham jix chu joiꞌgɨꞌndaꞌ. Gammɨjɨch baꞌ moo tu daandaꞌ buiñor sia nar paiꞌ dhuuk kaꞌ gɨt. Jaꞌpni pɨx tuiꞌkaꞌ.

2 PEEGRO 3:2

Tɨꞌñchokat japim miꞌ puiꞌ xi jiimdaꞌ na mɨt jax tu uaꞌnak guiꞌ nam bɨjɨk ya jaꞌp bhaankamuꞌn tu aꞌgimɨk gu Dios, gio nat jax jaꞌk jup xi chɨꞌɨɨk gu Gɇꞌkam jich Xoiꞌkam guiꞌ nat jaroiꞌch aꞌmkam muu na yaꞌ xi oilhimɨk, gam na mɨt jax tu jam aꞌgi gu noonbiꞌñ nam bɨɨmaꞌn oipimɨk.

1 JUAN 5:14

Na guꞌ aach nach jɨꞌk ba tɨ jɨɨgiꞌñ buiñor guch Xoiꞌkam, dai gu Dios jach pɨx buiñor bax biiñak, nach guꞌx maat nach kɇɇkɇꞌ nach paiꞌ dhuuk soiꞌch ɨlhdhat mu taandaꞌ gu tuꞌ nach aꞌm jum aaꞌndaꞌ, noꞌx maat na sɨlhkam jich aꞌm jum aaꞌ.

JUUDAS 1:3

Bɨjɨk dɨr jañ mɨjɨ tɨi xi chu jam uaꞌñxidham kaꞌñ jaaduñ, nañ tɨi bhaan xi chu jam aꞌgidham kaꞌ nat jɨꞌk tuꞌ jax dhuu guch Xoiꞌkam janoꞌ nat tuch ñamkix guch uaꞌtulhdharaꞌ nach baꞌ cham kach chulhiiñaꞌ gatuuk. Ku baꞌ guꞌ xib jumai bhaan xi chu jam aꞌgidham iñ ji, cham tuꞌ dhiꞌ. Xib guꞌ dai ji nañ puiꞌ tɨi xi jam tɨɨdam dhi uꞌuan taꞌm jiñ jaaduñ na pim muiꞌ xim guguuxdhatgɨdaꞌ na pim jix biiñak kat bɨɨx jam jujur kɨꞌn miꞌ puiꞌ xi jiimdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ guch Gɨꞌkoraꞌ, nat jich chianɨk nach saak miꞌ puiꞌ tu kuugalhdhidhaꞌ na jɨꞌk xich joiꞌndat jich aꞌm ba tɨ nɨidhim.