TIITO 1:11 - Tepehuano Tepehuán del Sureste (Durango)

¹¹ Ja sooꞌmchulhdhaꞌ ap dhiꞌ pu chuꞌm gu jaꞌtkam nam cham pu chuꞌm tu aꞌgadaꞌ. Bɨɨx mu jaꞌk ji ja kaajidhaꞌm guꞌ nam jɨꞌk maap jir jum oiꞌdhagɨm kaꞌ noꞌt maadɨt ba iatgi miꞌ paiꞌ jax chuꞌm kiicham. Miꞌ dhɨr baꞌ bɨɨx maap aixim ba ja tɨtdadaꞌ am na jax jaꞌk pu cham jir sɨlhkam kaꞌ, nam jax dhui bhaan maiꞌchɨkdaꞌ pɨx baꞌ gu tuumiñ.

TIITO 1:11 ပူးပေါင်းရင်းမြစ်များ

MATEO 23:13

’Guꞌ baꞌ aapiꞌm na pim jɨꞌk sap pɨk baꞌ tɨip xix maat gu ñioꞌkiꞌñ gu Dios gio aapiꞌm na pim pariseos jum tɨɨtɨꞌ, cham bhaiꞌ tu jam jimiaꞌ na pim guꞌ cham sɨlhkam ja aagiꞌñ gu jaꞌtkam nam jax jaꞌk miꞌ puiꞌ jimiaꞌ na baꞌ ja aꞌm ba tɨ nɨidhidhaꞌ gɨt gu Dios, ni aapiꞌm dɨɨlh dho moo ku pim miꞌ puiꞌ jiim, ni na pim cham aaꞌ nam miꞌ puiꞌ jimiaꞌ jaiꞌ dhɨt gu jaꞌtkam guiꞌ nam jɨꞌk miꞌ puiꞌ tɨi xix jimiik.

LUUKAS 20:40

Baꞌ guiꞌ cham ka juan am, daipuꞌ na mɨt xi chɨɨdak.

JUAN 10:12

Cham tuꞌ puiꞌ na jax gu jaroiꞌ noꞌ umuaꞌñdhix pɨx na tu bipiaꞌdaꞌ, siam tɨix bhaiꞌ namkidhat chian na ja nuukaꞌndaꞌ gu kakasnir. Bɨɨpɨꞌ kat dho miꞌ dhɨr ji dhaiꞌññiaꞌ noꞌ muiꞌ ba jim gu bhan piam gu sɨɨꞌ. Cham ja joiꞌndai miꞌ xi ja iabui gu kakasnir, na guꞌ cham jir dɨɨlh gaꞌn kaꞌ. Gu bhan baꞌ dai na ba ja daꞌngiaꞌ jɨꞌk na ɨlhiiꞌñdhaꞌ, jaiꞌm pu paiꞌ nam jaꞌk boopoyaꞌ totdonɨi.

ROOMA KAM 3:19

Jix maat ich dho na guiꞌ na jɨꞌk jax tu aagix, puiꞌ kaiꞌñkam tu uaꞌñix nam bhaan machiaꞌ bɨɨx gu jaꞌtkam na tuꞌr uaꞌtulhdharaꞌ, nam baꞌ cham jax tɨꞌyaꞌ na mɨt pu cham jɨꞌxkat maat janoꞌ na paiꞌ dhuuk dɨɨlh gu Dios bhaiꞌ ba ja tɨkkadaꞌ.

2 KORIINTO KAM 11:10

Jix bhaiꞌ tu tatdaꞌ guꞌ aañ jiñ bui nañ cham tuꞌ tuꞌ jam taan, sia ku jaroiꞌ puiꞌ kaiꞌch na cham jir am bha jaꞌp ji oirɨt na jɨꞌx jir Akaaya. Jaꞌxbuiꞌñ jiñ jur kɨꞌn jix maat nar am nañ jɨꞌx tɨ jɨɨgiꞌñ nar sɨlhkam na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam.

1 TIMOTEO 5:13

Piam nam naiꞌ pɨx jiimɨt ba tu aꞌgidhaꞌ kikcham na tuꞌ cham bhaiꞌm kaiꞌch, piam nam iataidhaꞌ, piam nam bax chu oꞌjoꞌndaꞌ.

1 TIMOTEO 5:4

Gu jax chuꞌm dɨɨlhdhɨm ubii noꞌt muu gu bɨngaꞌn, guꞌ ji noꞌm guꞌ dudua gu maamraꞌn piam gu aꞌbuilaꞌn, dhiꞌ ji nap ja aagiꞌñdhaꞌ nam aaꞌ nam bɨɨpɨꞌx bhaiꞌ ja duñiaꞌ guiꞌ nam maap jir jum oiꞌdhagɨm kaꞌ, nam baꞌ miꞌ dhɨr gu jaiꞌx bhaiꞌp ba ja duñiaꞌ. Jum aaꞌ guꞌ nam puiꞌx ja joiꞌmdaix bhaiꞌp ja duñiaꞌ jaꞌp na jax guiꞌ na mɨt jix ja joiꞌmdak jix bhaiꞌ ja buimɨk ja gɨꞌgɨlh, puiꞌ jaꞌk jix aaꞌ guꞌ gu Dios, na guꞌr jix bhaiꞌm duukam.

1 TIMOTEO 6:5

Bar koꞌkdhicham kaꞌ pɨx baꞌ, gammɨjɨ bɨɨx aixim pɨx bam buidhaꞌ am dai jaꞌp tuutuꞌm nam cham ji maatɨt na jax pɨk jaꞌk jir sɨlhkam. Nam guꞌ bax iaꞌñdhix kaꞌ gu tuꞌ na cham jir kɨɨꞌ kaꞌ, bhaan pɨx jum tutumñigamtaidhaꞌ am nam jax jaꞌk tu jimdaꞌ. Chaꞌp mi ja kɇkɇɇdaꞌ pu chuꞌm gu jaꞌtkam.

2 TIMOTEO 2:18

Maakam sap pɨx ba tu aꞌga am na jax cham jir sɨlhkam, jaꞌp sap kaiꞌchdhaꞌ am na cham jɨꞌxkat gio miꞌp ka baapkiaꞌ guch iꞌiiꞌmdaꞌ bhaan guch chutkuꞌ nach baꞌ gio duduadɨip baapmigiaꞌ. Muiꞌm sap puiꞌ jaꞌk bhaan ba tɨ jɨɨgiꞌñ nam jax ja aagiꞌñ.

2 TIMOTEO 3:6

Nam guꞌ dhiꞌx ja oiꞌñ guiꞌ nam naiꞌ jiimɨt ja iatgidhidhaꞌ gu uꞌuub mu jaꞌp nam jax oiꞌñkaꞌ nam sap pɨk baꞌ tɨi ñioꞌkiꞌñ gu Dios xi chu aꞌgidhaꞌ, guꞌ ji na guꞌ dɨɨlh nam jax pɨx ɨlhiiꞌñdhaꞌ, pu cham jir sɨlhkam kaꞌ. Guiꞌm jup ja jɨɨgiꞌñdhaꞌ, nam guꞌ cham mat kaꞌ noꞌ moor sɨlhkam. Dai gu tuꞌ nar uaꞌtulhdharaꞌ kaꞌ guꞌ nam bhaan jujurtɨkaꞌ ɨp dhiꞌ dhi uꞌuub.

TIITO 1:7

Na guꞌ gu jaroiꞌ na tu ja aꞌgiꞌñdhaꞌ guch Xoiꞌkam jɨɨgiꞌñdham, dhiꞌ gu Dios na bhaankam miꞌ puiꞌ tu buadaꞌ. Puiꞌ ku baꞌm aaꞌ na tuꞌ kaꞌm tɨ nɨidhat miꞌ puiꞌ jimdaꞌ na jax jix aaꞌ, na cham tuꞌ dɨɨlh pɨx xim joiꞌgɨꞌndaꞌ, ni ku cham bhammukdaꞌ, ni ku cham maimmukdaꞌ, ni ku cham joojoiꞌñdhaꞌ na ja gɨɨbdaꞌ gu jaiꞌ, ni ku cham jix maiꞌchim kaꞌ gu tuumiñ na kɨꞌn jix chu sabaꞌdam kaꞌ gu tuꞌ na pu cham tuꞌ mim nɨnɨiꞌñ buiñor gu Dios.

TIITO 1:9

Gam na gammɨjɨ maaꞌn na jax miꞌ puiꞌ tu daaꞌñchuꞌndaꞌ nat jax jaꞌk ba maat gux bhaiꞌm kaiꞌchdham ñioꞌkiꞌñ guch Xoiꞌkam na sɨlhkam tu aꞌga, na baꞌ guꞌ miꞌ dhɨr gammɨjɨ jaꞌk pu chuꞌm ja aaꞌñdhat bhaan ja guguuxiꞌñdhaꞌ gu jaiꞌ, gam na baꞌx bhaiꞌ ja aagiꞌñdhaꞌ guiꞌ nam maakam ɨlhdhat kɇɇ gux bhaiꞌm kaiꞌchdham ñioꞌkiꞌñ guch Xoiꞌkam nam baꞌ miꞌ puiꞌ jimiaꞌ.

TIITO 3:10

Noꞌ jaroiꞌ maadɨt miꞌ paiꞌ maakam ja aagiꞌñ guch Xoiꞌkam jɨɨgiꞌñdham, dɨlhkob jap xi baidhai xi chu aꞌgidhaꞌ na cham jir am na jax jaꞌk tu jim. Baꞌ noꞌ cham jum jɨɨgiꞌñ, jaꞌp jap tɨɨdaꞌ na buusniaꞌ miꞌ dhɨr ja bui guch Xoiꞌkam jɨɨgiꞌñdham, cham tuꞌ na miꞌ oirɨt maakam ja aagiꞌñdhaꞌ.