TIITO 1:1 - Tepehuano Tepehuán del Sureste (Durango)1 Aañ Paablo nañ jir nobiiꞌñ guch Xoiꞌkam nat pu chuꞌm kɨꞌn jiñ dhai gu Dios nañ tu juañxidhaꞌ. Jiñ joot nañ ja aaꞌñdharaꞌ gu jaꞌtkam nam jax jaꞌk dai buiñor bax biiñak kaꞌ guiꞌ nat jɨꞌk dɨɨlh ja aꞌm ba tɨ tɨɨ, baꞌ bhaiꞌ ji machiaꞌ am na puiꞌ jaꞌk jir sɨlhkam nach jax jaꞌk tu jim. အခန်းကိုကြည့်ပါ။ |
TIITO 1:1
23 ပူးပေါင်းရင်းမြစ်များ
Baꞌ na mɨt puꞌñi kai guiꞌ nam cham jir Israel kam jaꞌtkam, joidham jix bhaiꞌm ɨlh jamɨt, baꞌ puiꞌ ji chɨi mɨt na sap jir jix kɨɨꞌ gux bhaiꞌm kaiꞌchdham ñioꞌkiꞌñ guch Gɨꞌkoraꞌ. Miꞌ dhɨr baꞌ dai na mɨt ba tɨ jɨɨꞌñ buiñor guch Xoiꞌkam bɨɨx nam jɨꞌk pu ba aagix bɨɨpɨꞌ dɨr nam puꞌñi ba tɨ jɨɨꞌñdhaꞌ nam jax jaꞌk gammɨjɨ buiñor bap tuiꞌkaꞌ gu Dios.
Aañ jir Paablo, jam ñioꞌkiꞌñ iñ bhaan dhiꞌñi uꞌuan aañ nañ jir tujuandam tugiꞌñ guch Xoiꞌkam, nat guꞌ pu chuꞌm kɨꞌn jiñ aꞌm tɨ tɨɨ nañ puꞌñi chuꞌm kɨꞌn jir nobiiꞌñ kaꞌ. Baꞌ nañ naiꞌ tu aꞌga gux bhaiꞌm kaiꞌchdham ñioꞌkiꞌñ gu Dios nat bhaan jiñ aꞌm tɨ tɨɨ, dhiꞌ baꞌ bhaan jir tujuandam tugiꞌñ iñ gio nañ jir nobiiꞌñ.
Aañ Paablo nañ jir nobiiꞌñ guch Xoiꞌkam, nat gu Dios pɨx pu chuꞌm kɨꞌn jiñ dhai, jam ñioꞌkiꞌñ iñ bɨɨmaꞌn gu Timoteo nar jiñ jaduuñ jich Xoiꞌkam bhaan. Aapiꞌm jach jam ñioꞌkiꞌñ na pim bhaiꞌ dhɨr oiꞌdhaꞌ Koriinto na pim puiꞌp tɨ jɨɨgiꞌñ buiñor guch Xoiꞌkam, gam sia gu jaiꞌch Xoiꞌkam jɨɨgiꞌñdham nam naiꞌ jaꞌp jup tuꞌiiꞌ bɨɨx na jɨꞌx Akaaya bhaan bipioꞌ gu dɨbɨɨr.
Baꞌ na pimɨt tɨ jɨɨꞌñ aapiꞌm nat gu Dios tuꞌ sɨlhkam ba xich joiꞌgɨlh, dhiꞌ bhaan cham tuꞌ mu jaꞌk ka jiim japim bhaan gu boi na mu jaꞌk bhɨix na pim paiꞌ gammɨjɨ gɨt miꞌ pup jum tulhiiñdhaꞌ. Cham tuꞌ pimɨt tuꞌ bhaan tu juanak maꞌiich dhiꞌ, guꞌ jaꞌpji puiꞌ pɨx nat xi jam joiꞌmdak jaꞌp jaꞌk jam tuttu gu Dios.
Aañ Paablo bɨɨmaꞌn gu Timoteo nach gook dɨt jir tujuandam tugiꞌñ guch Xoiꞌkam, mu tu jam uaꞌñiꞌñ ich aapiꞌm na pim miꞌ oiꞌdhaꞌ Piliipos na gɇꞌ daaꞌñxim jir kiicham, na pim guꞌr jaꞌtkam tugiꞌñ gu Dios na pim buiñor bap tuiꞌdhiꞌ guch Xoiꞌkam Jesuus. Bɨɨx jañ jam aagɨt jup kaiꞌch na pim jɨꞌk maap jum jumpadat daan gu Dios, sia guiꞌ nam bɨɨpɨꞌ dɨr guꞌkat tu jam aꞌgiꞌñ gu ñioꞌkiꞌñ, gam guiꞌ nam jaꞌppɨx jir tujuandam miꞌ jam bui.
Aach dɨɨlh jix bhaiꞌx maat nar gɇꞌp jum duukam dhiꞌ nach tuꞌ bhaan jix biiñak kat puiꞌ jaꞌk tu jim, na guꞌ jaꞌpni tu tuꞌiiꞌ: Guch Xoiꞌkam ya ai dhi oiꞌñgaꞌn bhaan maaꞌnkam jup jim duuk. Bɨɨx aixim jix bhaiꞌm duukam jup tu buimɨk, na guꞌ gux Dhuuduꞌ kam jix Uañ Iiꞌmdaꞌ na bhaan tajaañixchuꞌ. Gu noonbiꞌñ gu Dios joidham jix kɨɨꞌ maaꞌnkam tɨɨ mɨt, sia naiꞌ pu chuꞌm ba tum aꞌga ja bui guiꞌ nam cham jir Israel kam, jaiꞌ dhɨt ba tɨ jɨɨgiꞌñ am buiñor. Baꞌ yaꞌ dɨr giop jii jix dhaam jaꞌk na paiꞌ dhɨr jir gɇꞌkam xib bɨɨx kap.
Puiꞌ kuñ baꞌ cham jax jiñ aagɨt xi kɨɨk nañ tu nakooꞌ nam baꞌ bhaan jum guguuxdhai puiꞌp tɨ jɨɨꞌñdhaꞌ buiñor guch Xoiꞌkam guiꞌ nat jɨꞌk Dios ja aꞌm tɨ tɨɨ. Baꞌ cham jɨꞌxkat mu jaꞌk ka bhɨɨyaꞌ am nam paiꞌ gammɨjɨ gɨt miꞌ pup jum tulhiiñdhaꞌ, dai nam jimiaꞌ na paiꞌ joidham jix chu abhaar, dai pɨx noꞌ mɨt ba tɨ jɨɨꞌñ buiñor guch Xoiꞌkam.
Na guꞌ gu Dios nax ioꞌm jir gɇꞌkam xich joiꞌndak tuch uañ guch uaꞌtulhdharaꞌ nach baꞌ miꞌ dhɨr jix bhaiꞌch chaatɨt ba tu daandaꞌ buiñor cham tuꞌ bhaan jax jich aagɨt, gio baꞌ nach joidham jix bhaiꞌ ba tu jimdaꞌ na jax jix aaꞌ, nach guꞌ bax maat nat gɇꞌkam kɨꞌn jix bhaiꞌm duukam jup tu duu aach jich bui nach baꞌ cham maiꞌ ka suulhgiaꞌ.
Dho jaiñ, bax maat japim dhoñ jaaduñ na jax jix ɨɨbhidham tum duñiaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan, na paiꞌ dhuuk bha jimdaꞌ guch Xoiꞌkam. Baꞌ miꞌ pim puiꞌ xi jiimɨt na jax jix aaꞌ gu Dios, chaꞌpim jix buam ka tu buadaꞌ, na pim guꞌ bax maat baꞌ xib na jax chu ja doodaꞌ guiꞌ nam jɨꞌk cham tuꞌ kaꞌm tɨgiaꞌ gu Dios.
Na guꞌ kaiꞌñkam nañ jax ba kaiꞌch, na gu jaroiꞌ noꞌ tuꞌ pɨx ɨlhdhat jaꞌp xi dhuukat gu Jesuus jich Xoiꞌkam, cham tuꞌ bhaan tɨ nɨidhidhaꞌ gu Dios, sia ku guꞌ kaiꞌñkam tɨi tɨ jɨɨgiꞌñ dai gu Dios buiñor. Jɨɨꞌ ji gu jaroiꞌ noꞌ tɨ jɨɨgiꞌñ bɨɨx juraaꞌn kɨꞌn buiñor gu Maraaꞌn jich Xoiꞌkam na baꞌ bhaan tɨ nɨidhidhaꞌ gu Dios jich Gɨꞌkoraꞌ, nam guꞌ kaiꞌñkam maap jum kɇkɇɇ gu Dios gio guch Xoiꞌkam.
Bɨɨx na jɨꞌk jax yaꞌ tu uaꞌñix dhi uꞌuan taꞌm, yaꞌch aagiꞌñ gu Jesuus jich Xoiꞌkam nach jɨꞌk ba kaichuꞌ na jax tum duñiaꞌ gatuuk, puiꞌ na jax jaꞌk jup mattuꞌn gu Dios. Baꞌ guch Xoiꞌkam mu joot maadɨt gu nobiiꞌñ gu Dios mummu buiñor gu tujuandam tugiꞌñ Juan na sap baꞌ mattudaꞌ na jɨꞌk jax tum duñiaꞌ gatuuk.
ကြော်ငြာတွေ