Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




SANTIAGO 5:8 - Tepehuano Tepehuán del Sureste (Durango)

8 Aapiꞌm puꞌñi ɨp jiñ jaaduñ, chaꞌpim jax jum aaꞌndaꞌ na cham ob paiꞌ aajim guch Xoiꞌkam na pim tɨi xi chɨ nɨɨra, Dios japim pɨx buiñor jix biiñak kaꞌ cham jax jim aagɨt nañ jax ba jam tɨtda. Pu ka na guꞌ jootom yaꞌ pɨx ba kɨɨkaꞌ cham jum ɨlhdham, dai ji nach cham oodat pɨx am tɨ nɨɨrdaꞌ.

အခန်းကိုကြည့်ပါ။ ကော်ပီ




SANTIAGO 5:8
24 ပူးပေါင်းရင်းမြစ်များ  

Baꞌ chaꞌpim jax jum aaꞌntugɨt miꞌ puiꞌ xi chu duñiidhaꞌ na jax jix aaꞌ gu Dios sia puiꞌ jim tulhiiñaidhat, na baꞌ jam baidhikaꞌ na paiꞌp tuꞌiiꞌ.


Baꞌp tɨtda gu Jesuus: ―Dho guꞌ dhiꞌ ba aagix ɨp dho na jax jaꞌk jup tu jimiaꞌ. Piam noꞌñ jix aaꞌndaꞌ gɨt na yaꞌ pu duakaꞌ janoꞌ juugɨt nañ paiꞌ dhuuk gio bhaiꞌp jimdaꞌ, yaꞌ dhop oirɨdaꞌ gɨt jia, ¿jax gip bua? Ku guꞌ dhiꞌ aañ dɨɨlh jup bax maat nañ jax jaꞌk jup tu daaxdhaꞌ na tu jimiaꞌ. Aap guꞌ dai ji nap miꞌ puiꞌ xi jimdat gammɨjɨ xiñ kaichgɨdaꞌ.


Baꞌ dhiꞌ nach tuꞌ nɨɨra xib, cham tuꞌ biaꞌ ich ni kuch nɨiꞌñ. Sɨlh pɨx nach tɨ nɨɨra na paiꞌ dhuuk puiꞌ tum duñiaꞌ, baꞌ gammɨjɨ jich aꞌm jum aaꞌ nach tɨ nɨɨrdaꞌ cham ɨɨkix kam.


Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.


Chaꞌpim ja bhaamkidhat gu jaꞌtkam, jir jix bhabhaiꞌkam kaꞌ pim pɨx ja bui. Na guꞌ guch Xoiꞌkam bar miaꞌn na gio yaꞌp aayaꞌ, baꞌ cham jir am noꞌm jax jam aꞌga gu jaꞌtkam na pim cham jir jix bhabhaiꞌkam.


Gio nam puiꞌp xi kaiꞌch na pim jax jaꞌk tuꞌt nɨɨra na gio bhaiꞌp jimdaꞌ guch Xoiꞌkam, Maraaꞌn gu Dios, nat Dios pɨx dɨɨlh duaꞌñdhak miꞌ dhɨr buusaiꞌ koiꞌñgaꞌn tɨr. Gu Jesuus jir diꞌ nach palhbuiꞌñ nach baꞌ cham jich chulhiiñaꞌ na cham xiim jum aayaꞌ nam jix ioꞌm jum tulhiiñaꞌ guiꞌ nam cham miꞌ puiꞌ jimiaꞌ na jax jix aaꞌ.


Na guꞌ aapiꞌm baꞌr diꞌ nach ji jam nɨidhat jich guꞌnguxiꞌñ nach jix bhaiꞌch chaat. Jix bhaiꞌ tu tatdaꞌ kaꞌ nach xi jam tɨꞌñchokaꞌ, na guꞌ janoꞌ na paiꞌ dhuuk gio bhaiꞌp jimdaꞌ guch Xoiꞌkam, aapiꞌm pɨx jir diꞌ kaꞌ na pim bɨɨpɨꞌch chuttuꞌ.


Gio gu Dios pɨx gɨt ɨp baꞌ moo puiꞌ jaꞌk duiñchuꞌndaꞌ gu jam jujur na pim jax jaꞌk miꞌ puiꞌ jiimdaꞌ na jax jix aaꞌ, na pim jix uꞌuañ jup tuiꞌñgɨdaꞌ, na ni jax chuꞌm uaꞌtulhdharaꞌ ku jam tɨɨꞌñxidhaꞌ gu Dios jich Gɨꞌkoraꞌ janoꞌ na paiꞌ dhuuk gio bhaiꞌp jim gu Jesuus jich Gɇꞌkam tuk ja bɨɨm bɨɨx guiꞌ nam jɨꞌk buiñor jum biiñkadaꞌ. Moo gɨt puiꞌ tu tuiꞌkaꞌ.


Sia guch Xoiꞌkam pɨx jam palhbuidhaꞌ na pim baꞌ jaꞌxbuiꞌp jix chu joiꞌgɨꞌndaꞌ na jax gu Dios, gio na pim baꞌ jaꞌxbuiꞌp jix ñakooꞌndaꞌ gu tulhiiñaraꞌ nat jax jix ñakoo dɨɨlh guch Xoiꞌkam.


Gux uam totbikdam gio gux chua totbikdam na pim biaꞌ nax ioꞌm jix dhaꞌram namɨɨk, jaꞌp ji buusan nax ioꞌm jix kuukum pɨx baꞌ gam na bax konbiꞌñ, na guꞌ pur cham tuꞌ buiñor guch Gɨꞌkoraꞌ, sia ku guꞌ panaas jix ioꞌm jix dhaꞌram namɨɨk na pim puiꞌ xim aaꞌ. Aapiꞌm chi guꞌ jaꞌp jum aaꞌ na pim puiꞌ pɨx jup jimiaꞌ jix dhaam jaꞌk sia ku pim jaꞌx ji chɨ kɨɨsaim na pim jumpadaim dhix dhaꞌram namkɨm xib na yaꞌ bar miaꞌn na paiꞌ dhuuk tum kuugalhdhaꞌ. Jaꞌkbuiꞌ kat jaꞌp ji buusniaꞌ ji na dhiꞌ baꞌ mu jaꞌk xi jam iabuꞌ tai chɨr na paiꞌ cham tutkɨ, na guꞌ dhiꞌ bhaan jam tulhiiñchudaꞌ gu Dios na pim dai jumpadim gux dhaꞌram namkɨm, iam guꞌ miꞌ puiꞌp ba ji jii pimɨt na jax jix aaꞌ na pim baꞌ puꞌñi duuji jimiaꞌ gɨt buiñor.


Aapiꞌm jix bhaiꞌ xi chu jimdaꞌ dai. Chaꞌpim bɨɨx aixim jum iꞌiattulhdhat jum ñiñiokboixiꞌñdhaꞌ, ni ku pim cham jum bhabhaakuiꞌñdhaꞌ, na baꞌ guꞌ cham puiꞌ jam tɨɨdai jam tulhiiñchudaꞌ guch Xoiꞌkam noꞌt yaꞌ ba ai. Na guꞌ noꞌ pim aapiꞌm puꞌñi jaꞌk pɨx tu jim, puiꞌ ji jam tɨɨdaꞌ na pim dhiꞌ bhaan kuiñcha biaꞌ, puiꞌ jam tɨɨdaꞌ na pimɨt dhiꞌ bhaan cham tuꞌ miꞌ puiꞌ jii na jax jix aaꞌ, baꞌ dai na ba jam tulhiiñchudaꞌ. Alh moo cham jɨꞌx ka mɨɨkidhaꞌ ji guꞌ na yaꞌ pɨx ba aayaꞌ guch Xoiꞌkam, am bha miaꞌn bam kɨisap ji guꞌ na bhaiꞌ bar jimdam.


Baꞌ aapiꞌm jiñ jaaduñ, miꞌ pim puiꞌ xi jiimɨt na jax jix aaꞌ gu Dios, gammɨjɨ pim soiꞌm ɨlhdhat tu daandaꞌ buiñor, na guꞌ dhiꞌ yaꞌ bar miaꞌn na paiꞌ dhuuk tum kuugalhdhaꞌ.


Baꞌp kaiꞌch ɨp gio guch Xoiꞌkam: ―Jix ioꞌm jootom mu jimdaꞌ iñ noꞌ pimɨt xim jotmaꞌn na pim bɨɨx kap ja aagiꞌñdhaꞌ gu jaiꞌ jaꞌtkam dhiꞌ na jɨꞌk mi chu uaꞌñix uꞌuan taꞌm. Aañ baꞌp tɨtda: ―Ea nach puiꞌ tu duñiaꞌ nap jax kaiꞌch Jesuus jich Xoiꞌkam nap baꞌ moo jootom bha jimdaꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ