SANTIAGO 5:19 - Tepehuano Tepehuán del Sureste (Durango)

¹⁹ Guꞌ baꞌ noꞌ moo jax dhuukat jaroiꞌ maadɨt cham tuꞌ kap jim buix buiñor gu Dios, noꞌ guꞌ maakam pɨx ba tuiꞌdhiꞌ na jax cham puiꞌ jaꞌk aaꞌ, baꞌ noꞌt guꞌ jaroiꞌ maadɨt jix joiꞌndak tɨɨgɨk guguux na gio miꞌ puiꞌp ba jimiaꞌ na jax jix aaꞌ gu Dios,

SANTIAGO 5:19 ပူးပေါင်းရင်းမြစ်များ

MATEO 18:15

’Guꞌ baꞌ noꞌ jax dhuukat aapiꞌm maadɨt tuꞌ jax ma jam duiñ gu jax chuꞌm jam jaduuñ, jix bhaiꞌ nap mu jaꞌp dɨlhkob xi baabui xi chu aꞌgidhaꞌ na cham bhaiꞌ na puiꞌ tu buadaꞌ. Baꞌ noꞌ jax kaiꞌch na cham puiꞌ ka tu buadaꞌ, dho guꞌ puiꞌ dho na pim jax jix bhaiꞌ ba kaiꞌchdhaꞌ na jax bɨɨpɨꞌ dɨr.

LUUKAS 22:32

Guꞌ ji na guꞌ aañ soiꞌ tɨtdatuꞌ ɨp guñ Gɨꞌkoraꞌ na aap jix ioꞌm jum palhbuidhaꞌ nap baꞌ gatuuk gioñ buip ba tɨ jɨɨgiꞌñdhaꞌ, sia kup guꞌ jɨꞌx tɨi cham xi chɨ jɨɨꞌñdhat jiñ bui. Baꞌ nap paiꞌ dhuuk gioñ buip ba tɨ jɨɨgiꞌñdhaꞌ, ja aagiꞌñdhaꞌ ap dhi jaiꞌ nam gammɨjɨ bɨɨx ja jujur kɨꞌn jiñ bui tɨ jɨɨgiꞌñdhaꞌ, cham tuꞌ nam ampɨx jum oꞌjolhiꞌñdhaꞌ.

GALAASIA KAM 6:1

Jaꞌp jañ jup xi jam tɨɨdam jiñ jaaduñ jich Xoiꞌkam bhaan, noꞌt jaroiꞌ tuꞌ bhaan mam uaꞌtulh, xi palhbuidhaꞌ pim aapiꞌm na pim miꞌ puiꞌ jiim, xi aagiꞌñdhaꞌ pim jix bhaiꞌ pɨx na jax jaꞌk jix bhaiꞌ miꞌ puiꞌ jimdaꞌ. Gio aapiꞌm dɨɨlh miꞌ puiꞌp xi jiimɨt, xi gaagidhaꞌ pim na jax jaꞌk cham jam maiꞌchiaꞌ gux buam jum duukam.

1 TIMOTEO 6:10

Na guꞌ gu jaroiꞌ noꞌt bhaan ba ji jurtɨ gu tuumiñ, dhiꞌ miꞌ dhɨr bhaiꞌ jim gɨꞌlhdhaꞌ bɨɨx aixim gu tuꞌx buam jum duukam. Jaiꞌ dhɨt nam tɨi miꞌ puiꞌ ka tu daaꞌñchugɨt na jax jix aaꞌ gu Dios, cham tuꞌ miꞌ puiꞌ ka jiim am, nam guꞌ dai bhaan pɨx bax chutkagix nam jum gaꞌnga nam jax dhui bɨɨx aixim tuꞌm xi chu biaꞌkaꞌ gɨt, dai nam bam tulhiiñ pɨx baꞌ ja iꞌiiꞌmdaꞌ bhaan.

1 TIMOTEO 6:21

Na guꞌ jaiꞌ dhɨt nach tɨi maap kach dhaaꞌñchugɨt, na mɨt paiꞌ dhuuk puꞌñi bɨɨx aixim tuꞌm ba ji chu aꞌga, pu cham miꞌ puiꞌ ka tu daa mɨt na jax jix aaꞌ guch Xoiꞌkam. Jaꞌpni tu tuiꞌkaꞌ ku baꞌ moo guch Gɨꞌkoraꞌ gɨt pɨx gammɨjɨ jam aꞌm tɨ nɨidhidhaꞌ bɨɨx jɨꞌmaꞌn aapiꞌm.

2 TIMOTEO 2:18

Maakam sap pɨx ba tu aꞌga am na jax cham jir sɨlhkam, jaꞌp sap kaiꞌchdhaꞌ am na cham jɨꞌxkat gio miꞌp ka baapkiaꞌ guch iꞌiiꞌmdaꞌ bhaan guch chutkuꞌ nach baꞌ gio duduadɨip baapmigiaꞌ. Muiꞌm sap puiꞌ jaꞌk bhaan ba tɨ jɨɨgiꞌñ nam jax ja aagiꞌñ.

ISRAEL KAM 5:2

Gammɨjɨ soiꞌ tɨɨꞌntuꞌndaꞌ gu Dios ja aꞌmkam bɨɨx gu jaꞌtkam na siamri tu ja uañiꞌñkaꞌ gu ja uaꞌtulhdharaꞌ, na guꞌx ja joiꞌgɨꞌndaꞌ, na guꞌx mat kaꞌ nax chu xijai nañ duakaꞌ, tuꞌ nañ pɨx bhaan gai ba gɨxiaꞌ guꞌ.

SANTIAGO 1:16

Baꞌ aapiꞌm jiñ jaaduñ jich Xoiꞌkam bhaan, chaꞌpim puiꞌ jaꞌk kam aaꞌndaꞌ na gu Dios puiꞌ jaꞌk jam jurtuꞌnkaꞌ na pim baꞌ puꞌñi buam pɨx jix chu duñiim kaꞌ na jax jaꞌk cham kɨɨꞌ kaꞌm nɨiꞌñ guiꞌ.

SANTIAGO 1:19

Jaꞌpniñ baꞌ moo tɨip xi jam tɨɨdam jiñ jaaduñ jich Xoiꞌkam bhaan, na pim siamri xi ñakgat noꞌ jaroiꞌ giilhim jam tɨtda na jax cham jir am. Chaꞌpim juandaꞌ, xi kɇɇkɇꞌ pim pɨx sia ku jax kaiꞌch.

SANTIAGO 3:14

Guꞌ ji noꞌ guꞌ dai gɇꞌkam jum taatɨt naiꞌx ja bhaamkiꞌñ gu jaiꞌ na puiꞌ jim aagɨt nax ioꞌm jix chu maat sia tuꞌ na pɨx, gam sia na jax jaꞌk jix aaꞌ gu Dios, cham tuꞌr diꞌ kaꞌ gu matdaꞌ guiꞌ na Dios tu maak.

SANTIAGO 5:20

dhiꞌ gɇꞌkam kɨꞌn jix bhaiꞌ ba duñiaꞌ, na guꞌ guguuxdhaimɨi na jax jaꞌk dui giop bax biiñak kaꞌ buiñor guch Gɨꞌkoraꞌ, baꞌ bɨɨx pu tu uañdhaꞌ ɨp gio gu Dios na jɨꞌk uaꞌtulhdhargaꞌn. Miꞌ dhɨr baꞌ cham tuꞌ mu jaꞌk ka bhɨichgɨdaꞌ na paiꞌ gammɨjɨ miꞌ pup jum tulhiiñdhaꞌ gɨt.

2 PEEGRO 3:17

Baꞌ aapiꞌm jiñ jaaduñ jich Xoiꞌkam bhaan, tɨ nɨidhat japim nam cham jam iatgidhai mu jaꞌk jam aichdhaꞌ ja bui dhiꞌ pu chuꞌm gu jaꞌtkam, nañ guꞌ ba jam aagiꞌñ nam kaiꞌñkam muiꞌ cham maatɨt kɇɇkɇꞌ na jax pɨk kaiꞌñkam jup jum kaiꞌch gu ñioꞌkiꞌñ gu Dios. Sia kum guꞌ tɨi tu jiñkuiꞌñ, maakam pɨx ɨlhdhat kɇɇkɇꞌ am, nam guꞌ cham bɨɨx ja jujur kɨꞌn xim gaꞌngadaꞌ na jax pɨk kaiꞌñkam jup jum kaiꞌch.

JUUDAS 1:11

Tɨix buam jiñ aaꞌ iñ ja aꞌmkam, na guꞌ dhiꞌ cham bhaiꞌ tu ja jimiaꞌ, nam guꞌ buam pɨx tu bua na jax cham kɨɨꞌ kaꞌm nɨiꞌñ guch Gɨꞌkoraꞌ. Puiꞌ jaꞌk jup xi chu jim am guꞌ nat jax tu jii bɨjɨk gu Kayiin nat mua gu sɨpdhiꞌñ. Gam nam bɨɨx aixim jix buam jum duukam bhaan muiꞌx maiꞌchik gu tuumiñ, jaꞌp nat jax tu jii ɨp bɨjɨk guiꞌ na Balaam jup tɨɨgich, na puꞌñi dai tuumiñ muiꞌx maiꞌchim kat. Baꞌ dhiꞌ saalhiom dai na jaꞌpni pɨx ba tu ja doodaꞌ nat jax jum duu bɨjɨk guiꞌ na Koree tɨɨgich, nat bhaa gu dɨbɨɨr nat gɇꞌkam kɨꞌn bam uaꞌtulh buiñor gu Dios.