SANTIAGO 5:14 - Tepehuano Tepehuán del Sureste (Durango)

¹⁴ Piam ku guꞌ jaroiꞌ maadɨt ɇɇ gu jax chuꞌm kokdaiꞌ na kɨꞌn jix kaꞌook, dai na ja umuaꞌñdhaꞌ dho guch Xoiꞌkam jɨɨgiꞌñdham guiꞌ nam jɨꞌk bɨjɨk dɨr ba tɨ jɨɨgiꞌñ nam tu daañxidhaꞌ buiñor gu Dios na duaꞌñdhaꞌ xi juulhdhai am palhɨɨp gu asait.

SANTIAGO 5:14 ပူးပေါင်းရင်းမြစ်များ

MAARKOS 16:18

Gio baꞌ na cham jɨꞌxkat iaꞌñdhaꞌ noꞌt tuꞌ koꞌ ba kɨi maadɨt. Piam noꞌt jax dhuuk juu gu paꞌch, cham tuꞌ maimtudaꞌ. Gio baꞌ nam ja duduadhiꞌñdhaꞌ gux kakoꞌkkam, dai nam bhaiꞌ pɨx xi ja daꞌngɨdaꞌ, pu duduardaꞌ am.

MAARKOS 6:13

Gio baꞌ na mɨt muiꞌ maiꞌ ja joot gu cham kɨkɨɨꞌ iꞌiiꞌmdaꞌ ja aꞌm dɨr gux ñanaanbigɨm, gam na mɨt muiꞌ ja duduaꞌñ gux kakoꞌkkam, dai nam bhaiꞌ pɨx xi ja julhiiꞌñdhim gu tuꞌ joidham jix xuuꞌngiꞌ.

GU NOONBIꞌÑ GUCH XOIꞌKAM 11:30

Baꞌ gatuuk gu Bernabee gio gu Saulo mɨt mu joot nam ja uiꞌdhikaꞌ gu tuumiñ gu Judea oiꞌñkam guiꞌ nam ja guguuxiꞌñdhaꞌ guiꞌ nam tɨ jɨɨgiꞌñdhaꞌ buiñor guch Xoiꞌkam, nam sap baꞌ miꞌ dhɨr jup ja makiaꞌ bɨɨx jɨꞌmaꞌn guiꞌ nam jɨꞌk tɨ jɨɨgiꞌñdhaꞌ.

GU NOONBIꞌÑ GUCH XOIꞌKAM 14:23

Gio baꞌ nam jɨꞌmaꞌn xi ja darsaidhat guiꞌ nam tɨ jɨɨgiꞌñ buiñor guch Xoiꞌkam nam sap baꞌ ja guguuxiꞌñdhaꞌ gu jaiꞌ nam puiꞌp tɨ jɨɨgiꞌñ buiñor guch Xoiꞌkam. Baꞌ gatuuk nam paiꞌ dhuuk xi chɨɨmuidhat nam xi chu ja daañxidhat gio nam jum saabuimɨi, puiꞌ xi ja tɨtdaidhat am na gammɨjɨ ja aꞌm tɨ nɨidhidhaꞌ guch Gɨꞌkoraꞌ guiꞌ na mɨt jaroiꞌ buiñor ba tɨ jɨɨꞌñ.

GU NOONBIꞌÑ GUCH XOIꞌKAM 15:4

Baꞌ na mɨt paiꞌ dhuuk bhammɨ ba ai Jerusaleen gu Paablo gio gu Bernabee, pɨx jix bhaiꞌ ja tɨɨꞌn jamɨt guiꞌ nam tɨ jɨɨgiꞌñdhaꞌ buiñor guch Xoiꞌkam, gio gu noonbiꞌñ guch Xoiꞌkam, gio baꞌ guiꞌ nam ja guguuxiꞌñdhaꞌ dhiꞌ jɨꞌ nam tɨ jɨɨgiꞌñdhaꞌ. Baꞌ puiꞌp ba ja aagiꞌñ am nat jax jaꞌk ja palhbui gu Dios na mɨt tɨ jɨɨꞌñ buiñor guch Xoiꞌkam guiꞌ nam cham jir Israel kam jaꞌtkam.

GU NOONBIꞌÑ GUCH XOIꞌKAM 28:8

Baꞌ gu taataꞌn gu Publio janoꞌ pɨk jup ɇɇkaꞌ gu toiñdhiꞌ bɨnkam gu book koꞌk, baꞌ gu Paablo muiꞌ ma tɨɨgim. Baꞌ dai na jax jim xi chu daanɨk buiñor gu Dios bhaiꞌ xi dhaa gux koꞌkkam, jix kɨɨꞌ dho guꞌp jum duu miꞌ jotmodaꞌ.

GU NOONBIꞌÑ GUCH XOIꞌKAM 9:40

Baꞌ gu Peegro alhio ka xi ja chia nam bubuakiaꞌ mu jaꞌp dɨɨrap, dɨɨlh baꞌ miꞌ ji biꞌɨɨk oꞌlhiaꞌn kɨꞌn xi kɨkbuk ma tu daanɨ jix dhaam jaꞌk. Miꞌ dhɨr baꞌ dai nat jax kɨkbok miꞌ xi chɨɨgɨk gu Dorgas na miꞌ muukix, jup tɨtda: ―Aapiꞌñ jaduuñ Tabiita, xi bamiiꞌ. Ba dodhiaꞌ ap. Baꞌ miꞌ jotmodaꞌ jix kɨɨꞌ bhaiꞌ ji chɨ tɨɨ nat jax pu tɨɨꞌn gu Peegro. Baꞌ nat ba tɨɨ na mi jaꞌp kɨɨk gu Peegro, bhaiꞌ ji bam, sɨlh mi jaꞌp ba daa.

TIITO 1:5

Janoꞌ na ñich jax bhammɨ dɨr xim doꞌñchok Kreeta, jup xim tɨɨdak jañich nap aap baꞌr diꞌ kaꞌ nap tɨ tɨɨmoꞌ nat jɨꞌk tuꞌ tu bii nach jax ka tu buaꞌt. Gio baꞌ nam paiꞌ jax jum jumpaꞌn guch Xoiꞌkam jɨɨgiꞌñdham, saak jap jɨꞌmaꞌn naiꞌ ja darsaꞌ guiꞌ nam tu ja aꞌgiꞌñdhaꞌ nam jax jaꞌk miꞌ puiꞌ jiimdaꞌ gammɨjɨ. Gio nar miꞌ kam kaꞌ ja bui guiꞌ am gu jaroiꞌ nap daasaꞌ, gam na muiꞌ tanoolh ba tɨ jɨɨgiꞌñdhaꞌ buiñor guch Xoiꞌkam.