SANTIAGO 5:12 - Tepehuano Tepehuán del Sureste (Durango)

¹² Gio jaꞌpniñ baꞌ moo tɨip kaiꞌchɨt jiñ jaduuñ jich Xoiꞌkam bhaan na pim tuiꞌñgɨdaꞌ gɨt, na pim cham paiꞌ dhuuk jax kaiꞌchdhaꞌ dho na dhix dhaam bhaan jix maatɨꞌ kaꞌ nar puiꞌ kaꞌ jax na pim kaiꞌchdhaꞌ, piam dhi oiꞌñgaꞌn, piam sia gu tuꞌ yaꞌ kam dhi oiꞌñgaꞌn, na pim puiꞌ jim aagɨt na dhiꞌ baꞌ jam palhbuidhaꞌ piam ku jam tulhiiñchudaꞌ noꞌ jax dhuukat cham jir puiꞌ jax na pim kaiꞌchdhaꞌ. Jaꞌpji daipuꞌ na pim pu tɨꞌyaꞌ pɨx na cham noꞌ pim jix maat na cham jir puiꞌ. Piam noꞌ pim jix maat nar puiꞌ, dho daipuꞌ na pim pu tɨꞌyaꞌ pɨx na jɇɇꞌ. Daipuꞌ dhiꞌ nax aaꞌ guch Gɨꞌkoraꞌ nach sɨlhkam tuch aꞌaꞌgiꞌñdhaꞌ na baꞌ cham dhiꞌ bhaan jich chulhiiñchudaꞌ gatuuk noꞌt ba tum kuugalh.

SANTIAGO 5:12 ပူးပေါင်းရင်းမြစ်များ

1 KORIINTO KAM 11:34

Pu xi chu jugai pim jam kiꞌaam jaiꞌ dhɨt noꞌ pim jix bhioꞌ na pim baꞌ cham jix bhiogɨt mu jiimdaꞌ paiꞌ na pim tu jugiaꞌ, na guꞌx bhaiꞌm aaꞌ gio soiꞌm ɨlhdhat na pim tu jugiaꞌ na baꞌ gu Dios cham ka jam tulhiiñchuꞌnkaꞌ. Baꞌ gu jaiꞌ na pim jiñ chɨkka na jax jaꞌk jix bhaiꞌ na pim tu duñiaꞌ, janoꞌñ jam aagiꞌñdhaꞌ nañ paiꞌ dhuuk dɨɨlh mu jim.

SANTIAGO 1:16

Baꞌ aapiꞌm jiñ jaaduñ jich Xoiꞌkam bhaan, chaꞌpim puiꞌ jaꞌk kam aaꞌndaꞌ na gu Dios puiꞌ jaꞌk jam jurtuꞌnkaꞌ na pim baꞌ puꞌñi buam pɨx jix chu duñiim kaꞌ na jax jaꞌk cham kɨɨꞌ kaꞌm nɨiꞌñ guiꞌ.

SANTIAGO 1:19

Jaꞌpniñ baꞌ moo tɨip xi jam tɨɨdam jiñ jaaduñ jich Xoiꞌkam bhaan, na pim siamri xi ñakgat noꞌ jaroiꞌ giilhim jam tɨtda na jax cham jir am. Chaꞌpim juandaꞌ, xi kɇɇkɇꞌ pim pɨx sia ku jax kaiꞌch.

1 PEEGRO 4:8

Gampaiꞌ pim pɨx jum ɨlhiiꞌñdhaꞌ bɨɨx jɨꞌmaꞌn, joidham japim xim jajoiꞌgɨꞌndat bɨɨx jɨꞌmaꞌn jix bhaiꞌ kaiꞌchɨt. Xi chum uañdhat japim noꞌ pimɨt tuꞌ bhaan mam uaꞌtulh dai aapiꞌm jam bui, na guꞌ puꞌñi jaꞌk jum bua noꞌñ tuꞌ sɨlhkam jix chu joiꞌgɨꞌn, nañ tu uañiꞌñkaꞌ gu jaroiꞌ siat jax jiñ dhooda.

3 JUAN 1:2

Aañ gammɨjɨm aꞌmkam tu daañchuꞌndaꞌñ jaduuñ buiñor guch Gɨꞌkoraꞌ nañ puiꞌ tɨɨꞌntuꞌndaꞌ nam aꞌm tɨ nɨidhidhat jum palhbuiꞌñchuꞌndaꞌ na baꞌx bhaiꞌ tum jimdaꞌ gu maaxik bhaan, nax bhaiꞌ ji buusnidhaꞌ gu tuꞌ nap jax buadaꞌ, jaꞌp na jax jix bhaiꞌ tum jim gum iiꞌmdaꞌ bhaan.