SANTIAGO 2:8 - Tepehuano Tepehuán del Sureste (Durango)

⁸ Guꞌ dhiꞌm aaꞌ ji na pim miꞌ puiꞌ xi chu daaꞌñchuꞌndaꞌ na jax jum kaiꞌch miꞌ paiꞌ uꞌuan taꞌm na tu daaxix gu ñioꞌkiꞌñ gu Dios nap jum kaiꞌch: “Jix ja joiꞌndat jap jix bhaiꞌ ja buadaꞌ gu jaꞌtkam sia jaroiꞌ na pɨx, jaꞌp nap jax xim joiꞌndat jix bhaiꞌ buadaꞌ aap dɨɨlh.” Dhiꞌ jɨꞌ noꞌ pim puꞌñi jaꞌk duiñchuꞌ na pim baꞌ bhaan puiꞌ ba ɨlhiiꞌñdhaꞌ na pim miꞌ puiꞌ bhɨichuꞌ na jax jum kaiꞌch gu ñioꞌkiꞌñ gu Dios.

SANTIAGO 2:8 ပူးပေါင်းရင်းမြစ်များ

MATEO 22:39

Gatuuk baꞌ moo miꞌ na paiꞌ jaꞌpnip jum kaiꞌch: “Jix ja joiꞌgɨꞌndaꞌ ap bɨɨx gu jaꞌtkam sia nar jaroiꞌ kaꞌ gɨt, jaꞌp nap jax xim joiꞌgɨꞌndaꞌ aap dɨɨlh.”

MATEO 25:21

Baꞌp kaiꞌch gu gɇꞌkam tugiꞌñ: “¡Aa guꞌ moo jaꞌp joidham jir jix kɨɨꞌ tujuandam ap ji jia! Ea nañ moo gɇꞌkam kɨꞌn jum daasaꞌ. Jabaak bha jaꞌk baꞌk chɨr nach baꞌ maap yaꞌ joidham jix bhaiꞌch chaat kaꞌ.”

MATEO 25:23

Baꞌp tɨtda gu gɇꞌkam tugiꞌñ: “¡Aa guꞌ moo jaꞌp joidham jir jix kɨɨꞌ tujuandam ap ji jia! Ea nañ moo gɇꞌkam kɨꞌn jum daasaꞌ. Jabaak bha jaꞌk baꞌk chɨr kuch yaꞌni maap joidham jix bhaiꞌch chaat kaꞌ.”

MATEO 7:12

’Baꞌ puꞌñi jam aꞌm jum aaꞌ na pim jix bhaiꞌ ja buadaꞌ gu jaꞌtkam, sia kum mu dɨr bha jaꞌk cham bhaiꞌ jam bua, na guꞌ puꞌñi jaꞌk tu aagix ja bui gu yaꞌ kam dhi Israel, na mɨt guꞌ puiꞌ jaꞌk tu uaꞌnak guiꞌ nam bɨjɨk bhaankam tu aꞌgimɨk gu Dios.

ROOMA KAM 13:10

Na guꞌ gu jaroiꞌ noꞌx chu joiꞌgɨꞌn, jir jix bhaiꞌkam kaꞌ pɨx ja bui gu jaiꞌ, cham tuꞌ nax ja bhaamkiꞌñdhaꞌ. Puiꞌ ku baꞌ dhiꞌ bhaan jim tɨtmo bɨɨx na jɨꞌk jax jup tu aagix gu jaiꞌ.

GALAASIA KAM 5:14

na guꞌ bɨɨx gu jaiꞌ na jɨꞌk jax tu aagix, dhiꞌñi bhaan jim tɨtmo na jaꞌpnim kaiꞌch: “Jix joiꞌmdaip jix bhaiꞌ duñiaꞌ gu jaroiꞌ noꞌ tuꞌ bhaan jum tulhiiñ, sia moo nar jaroiꞌ kaꞌ gɨt, panaas ku moo aap pɨx jir diꞌ kaꞌ gu jaroiꞌ nam tulhiiñdhaꞌ.”

GALAASIA KAM 6:2

Xim papalhbuidhat japim bɨɨx jɨꞌmaꞌn na pim jax jaꞌk miꞌ puiꞌ jiimdaꞌ na jax jix aaꞌ guch Xoiꞌkam. Jaꞌp ji buusan guꞌ nach bɨɨx jɨꞌmaꞌn jix bɨɨpɨt tu kuuksiop, puiꞌ ku baꞌm aaꞌ nach jich papalhbuiꞌñchuꞌndaꞌ nach baꞌ bɨɨx miꞌ puiꞌ jiimdaꞌ.

PILIIPOS KAM 4:14

Ku pim ti guꞌ siamrix bhaiꞌ duu ji na pimɨt bhaiꞌ bañ joochxi na pim puiꞌ jim aagɨt na bɨxchuꞌñ aꞌm tum aaꞌ nañ yaꞌñ chulhiiñ.

1 TESALOONIKA KAM 4:9

Baꞌ na pim jax jaꞌk xim jajoiꞌmdat jix bhaiꞌm buadaꞌ dɨɨlh daich Xoiꞌkam jɨɨgiꞌñdham, cham jum aaꞌ nañ puiꞌ jaꞌk tu jam uaꞌñiꞌñdhaꞌ bhaan dhi uꞌuan, nat guꞌ dɨɨlh gu Dios ba jam aaꞌñ na pim jax jaꞌk xim jajoiꞌgɨꞌndaꞌ bɨɨx jɨꞌmaꞌn.

SANTIAGO 1:25

Guꞌ baꞌ gu jaroiꞌ noꞌ kɇɇkɇt gux bhaiꞌm kaiꞌchdham ñioꞌkiꞌñ gu Dios miꞌ puiꞌ xi dhuiñchuꞌ na jɨꞌk jax jum kaiꞌch na bhaan jich aagiꞌñ nach jax jaꞌk dui cham kach chulhiiñaꞌ, dhiꞌ dho gi guꞌ joidham jix jɨkgɨm bap tuiꞌkaꞌ ji gio nax bhaiꞌ ji chu buusnidhaꞌ na jɨꞌk tuꞌ jax buadaꞌ, na guꞌ joidham bhaan tɨ nɨidhidhat palhbuiꞌñchuꞌndaꞌ gu Dios.

SANTIAGO 2:12

Baꞌ aapiꞌm puꞌñi ɨp jiñ jaaduñ, miꞌ pim puiꞌ xi jiimdaꞌ na jax jix aaꞌ gu Dios. Chaꞌpim buam pɨx ka tu ñiokdaꞌ na jax cham kɨɨꞌ kaꞌm nɨiꞌñ guch Gɨꞌkoraꞌ, guꞌ jaꞌpji na pim miꞌ puiꞌ xi bhɨichgɨdaꞌ ji, panaas ku moo bar bhaan kaꞌ na paiꞌ dhuuk jam aagiꞌñdhaꞌ gu Dios noꞌ pimɨt miꞌ puiꞌ jii na jax jum kaiꞌch gux bhaiꞌm kaiꞌchdham ñioꞌkiꞌñ na bhaan jich aagiꞌñ nach jax jaꞌk duñiaꞌ nach baꞌ cham mu jaꞌk bhɨɨyaꞌ nach paiꞌ gammɨjɨ miꞌ pup jich chulhiiñdhaꞌ, piam ku chich guꞌ cham miꞌ puiꞌ jii.

SANTIAGO 2:19

¿Kaꞌ na pim bax maat aa nax ioꞌm jir gɇꞌkam gu Dios gam na daipuꞌ maaꞌn jix jaiꞌch na bɨxchuꞌx aichuꞌn ku pim baꞌ ɨlhiiꞌñ na pim dai puiꞌ pɨx jaꞌk bhaan jix biiñak kat bɨɨx jam jujur kɨꞌn? Chaam ji guꞌñ jaaduñ, na guꞌ dhiꞌ cham pɨk xijai jia nañ tɨ jɨɨgiꞌñdhat jix mat kaꞌ na jax jir tuꞌm kam gu Dios. Sia dho gu jajoꞌk jix maat am na jax jir tuꞌm kam gu Dios, jix maat am ɨp na ja tulhiiñchudaꞌ gatuuk, baꞌ tɨix chotdon am xib, nam guꞌx maat nam jum tulhiiñaꞌ.

SANTIAGO 4:11

Gio jaꞌpniñ baꞌ moo tɨip kaiꞌchɨt jiñ jaaduñ jich Xoiꞌkam bhaan, na pim gɨt cham tuꞌ bhaan jax ji kaiꞌchɨt tu oiꞌñkaꞌ. Chaꞌpim jum aꞌaꞌgat, gio na cham jir am na pim jax tɨɨdaꞌ gu jax chuꞌm jich jaduuñ jich Xoiꞌkam bhaan na cham tuꞌ miꞌ puiꞌ jim na jax tu daaxix gu ñioꞌkiꞌñ gu Dios. Nap guꞌ cham tuꞌ dhiꞌ pu chuꞌm kɨꞌn daaxix kaꞌñ jaduuñ nap miꞌ dhɨr ja aagiꞌñdhaꞌ gu jaiꞌ noꞌm miꞌ puiꞌ jiim kaꞌ baꞌ cham, jaꞌpji nap miꞌ puiꞌ xi jimdaꞌ aap dɨɨlh cham tuꞌp jum buixdhat nam jax jaꞌk jup tuiꞌñgɨdaꞌ gu jaiꞌ. Na guꞌ noꞌp puꞌñi jaꞌk duiñchuꞌ, puiꞌr jum duukam kaꞌ nap gɇꞌkam jum taat, cham tuꞌ nap miꞌ puiꞌ jim na jax jum kaiꞌch gu ñioꞌkiꞌñ gu Dios.

1 PEEGRO 2:9

Aapiꞌm nat guꞌ xi jam joiꞌndak jam aꞌm tɨ tɨɨ gu Dios na pim baꞌ puꞌñi tuꞌ kaꞌm nɨidhat miꞌ puiꞌ jiimdaꞌ na jax jix aaꞌ na baꞌ jam aꞌm tɨ nɨidhidhaꞌ, gio na pim baꞌ puiꞌ bar tuutuꞌm kaꞌ na jax guiꞌ nam mu jaꞌp tu juandaꞌ chiop bhaankamuꞌn gu Dios, gam na pim sap baꞌ joidham jix chu uañ kɨr bap tuiꞌkaꞌ gammɨjɨ na jax guiꞌ, na pim guꞌ miꞌ puiꞌ jiimdaꞌ na jax jix aaꞌ. Pu chuꞌm kɨꞌn jam aꞌm tɨ tɨɨ ɨp gu Dios jiñ jaduuñ na pim joidham tuꞌ kaꞌm nɨidhat naiꞌ xi jimiaꞌ bɨɨx kap na pim tu aꞌgapuꞌ gux bhaiꞌm kaiꞌchdham ñioꞌkiꞌñ na bhaan tu aꞌga guch Xoiꞌkam, na pim ja aaꞌñdhidhaꞌ gu jaꞌtkam nat guiꞌ xi jam joiꞌndak jam boosolh mu dɨr jix chu tukgam tɨr na pim paiꞌp tuꞌt, na pim baꞌ miꞌ dhɨr puꞌñi joidham jix chu maax kɨr bap tuiꞌkaꞌ.