SANTIAGO 2:4 - Tepehuano Tepehuán del Sureste (Durango)

⁴ Dhiꞌ jɨꞌ noꞌ pim puꞌñi jaꞌk pɨx tu bua puiꞌ bam kaiꞌch na pim jɨꞌk pɨx jix ja kɨɨgalhdhat jix bhaiꞌ ja bua gu jaꞌtkam, jaiꞌ baꞌ cham. Dhiꞌ cham tuꞌr am gu puiꞌ jaꞌk. Bɨɨx ji sia nar jaroiꞌ na pim jix bhaiꞌ ja buadaꞌ.

SANTIAGO 2:4 ပူးပေါင်းရင်းမြစ်များ

LUUKAS 18:6

Baꞌ puiꞌ xi chɨꞌɨɨk jup ja tɨtda ɨp gio guiꞌ nam kaichuꞌ: ―Dho jaña nat siamri dakoo aꞌmkam ma ñio gu gɇꞌkam gu dɨɨlhdhɨm ubii na cham jum jɨɨpiꞌñkaꞌ na pu tɨtdadaꞌ, sia ku guꞌ tɨi cham tuꞌ kaꞌm tɨ nɨiꞌñ guiꞌ gu gɇꞌkam.

JUAN 7:24

Nɨidhix kam ji na pim aꞌgadaꞌ gu tuꞌ noꞌ pim ɨlhiiꞌñ na cham jir am, cham tuꞌ na pim kuupɨt tu aꞌgadaꞌ.

SANTIAGO 3:17

Matgam guꞌ guiꞌ nam moo tuꞌ sɨlhkam bax maat na jax jaꞌk jix aaꞌ gu Dios nam tuiꞌñgɨdaꞌ, nat ba ja tajaañ gu matdagaꞌn, miꞌ puiꞌ ji nam xi jiimdaꞌ na jax jaꞌk jix kɨɨꞌ kaꞌm nɨiꞌñ. Cham paiꞌ tuꞌ bhaan jum uaꞌtulhiꞌñdhaꞌ am, ni kum cham paiꞌ dhuuk tuꞌ kɨꞌn ja bhaamkiꞌñdhaꞌ gu jaꞌtkam, dai ji nam jir jix bhabhaiꞌkam kat jix bhaiꞌ ja tɨtdadaꞌ, gio baꞌ nam jix ja joiꞌmdat ja palhbuiꞌñdhaꞌ tuꞌ na pɨx bhaan. Dhiꞌ jɨꞌ ji na baꞌ puiꞌ bam kaiꞌch nam sɨlhkam jix maatɨt miꞌ puiꞌ ba bhɨichuꞌ na jax jaꞌk jix aaꞌ gu Dios noꞌm puꞌñir jix bhabhaiꞌkam sia jaroiꞌ na pɨx buiñor.

SANTIAGO 4:11

Gio jaꞌpniñ baꞌ moo tɨip kaiꞌchɨt jiñ jaaduñ jich Xoiꞌkam bhaan, na pim gɨt cham tuꞌ bhaan jax ji kaiꞌchɨt tu oiꞌñkaꞌ. Chaꞌpim jum aꞌaꞌgat, gio na cham jir am na pim jax tɨɨdaꞌ gu jax chuꞌm jich jaduuñ jich Xoiꞌkam bhaan na cham tuꞌ miꞌ puiꞌ jim na jax tu daaxix gu ñioꞌkiꞌñ gu Dios. Nap guꞌ cham tuꞌ dhiꞌ pu chuꞌm kɨꞌn daaxix kaꞌñ jaduuñ nap miꞌ dhɨr ja aagiꞌñdhaꞌ gu jaiꞌ noꞌm miꞌ puiꞌ jiim kaꞌ baꞌ cham, jaꞌpji nap miꞌ puiꞌ xi jimdaꞌ aap dɨɨlh cham tuꞌp jum buixdhat nam jax jaꞌk jup tuiꞌñgɨdaꞌ gu jaiꞌ. Na guꞌ noꞌp puꞌñi jaꞌk duiñchuꞌ, puiꞌr jum duukam kaꞌ nap gɇꞌkam jum taat, cham tuꞌ nap miꞌ puiꞌ jim na jax jum kaiꞌch gu ñioꞌkiꞌñ gu Dios.