SANTIAGO 1:26 - Tepehuano Tepehuán del Sureste (Durango)

²⁶ Baꞌ gu jaroiꞌ noꞌ miꞌ puiꞌ tɨi xi jim na jax moo tu aagix gu ñioꞌkiꞌñ gu Dios na tɨ jɨɨgiꞌñ buiñor guch Xoiꞌkam, guꞌ ji noꞌ guꞌ buam pɨx tu ñiok na jax cham jir am na cham kɨɨꞌ kaꞌm nɨiꞌñ gu Dios, pur cham tuꞌ kaꞌ, sia ku guꞌ tɨi puiꞌm aaꞌ na miꞌ puiꞌ bhɨichuꞌ na jax tu aagix, jir jaꞌp pɨx kaꞌ baꞌ na puiꞌm tɨɨtɨꞌndaꞌ nar jich Xoiꞌkam jɨɨgiꞌñdham, na guꞌ giilhim tu ñiokdaꞌ.

SANTIAGO 1:26 ပူးပေါင်းရင်းမြစ်များ

MATEO 15:9

¿Tuꞌm gi miꞌp tɨgiaꞌ sia kum bɨɨx aixim tɨi tu jim? Na guꞌ dai nam jax pɨx jaꞌk ja aagiꞌñdhaꞌ gu jaꞌtkam nam baꞌ pu tu bua.

MAARKOS 7:7

¿Tuꞌm gi miꞌp tɨgiaꞌ siam bɨɨx aixim tu daan? Nam guꞌ cham tuꞌ miꞌ puiꞌ jiim nañ jax jix aaꞌ, gio na guꞌ nam jɨꞌk jax tu ja aꞌgiꞌñdhaꞌ gu jaꞌtkam, dɨɨlh pɨx nam jax ɨlhiiꞌñdhaꞌ.

LUUKAS 8:18

’Jix bhaiꞌ pim xim gaꞌngadaꞌ nañ paiꞌ dhuuk puꞌñi bɨxchuꞌ bhaan tu uaꞌrgidhat tu aꞌgadaꞌ na pim baꞌ machiaꞌ. Na guꞌ noꞌ pim tuꞌ sɨlhkam jix maachik kat xim gaꞌnga, jam makiaꞌ gu Dios gu matdaꞌ na pim baꞌx maatɨt kaayaꞌ gu tuꞌ. Guꞌ ji noꞌ pim guꞌ pu cham maachik, sia ku pim palhɨɨp tɨi pɨx am jix maatɨt kɇɇ, sia dho dhiꞌ pu cham ka tɨꞌñchokaꞌ pim gatuuk.

1 KORIINTO KAM 15:15

Gio bhaankam iatdaꞌch pɨx gɨt gu Dios nach puiꞌ kaiꞌch nat guiꞌ duaꞌñdhak buusaiꞌ miꞌ dhɨr koiꞌñgaꞌn tɨr guch Xoiꞌkam sia kuch guꞌ tɨix maat na cham tuꞌr sɨlhkam, noꞌ guꞌ puiꞌ cham jɨꞌxdhaꞌ giop duduadɨi ka baapmigiaꞌ am gu koiꞌñgaꞌn.

1 KORIINTO KAM 15:2

Dhiꞌ pɨx jix bhaiꞌm kaiꞌchdham ñioꞌkiꞌñ guch Xoiꞌkam cham mu jaꞌk jam bhɨichdhaꞌ na pim paiꞌ gammɨjɨ miꞌ pup jum tulhiiñdhaꞌ noꞌ pim gammɨjɨ miꞌ puiꞌ xi jiim na jɨꞌk jax jum kaiꞌch na pimɨt kai janoꞌ na ñich tu jam aꞌgi. Na guꞌ noꞌ pim cham miꞌ puiꞌ jiim, jir jaꞌp pɨx sia ku pim tɨi tɨ jɨɨgiꞌñ.

1 KORIINTO KAM 3:18

Cham jir am na pim bɨɨx aixim kaiꞌchdhaꞌ, na pim guꞌ bhaan gai suulhgiaꞌ. Noꞌ jaroiꞌ puiꞌm aaꞌ na bɨɨx jix chu maat na jax jaꞌk tu tuꞌiiꞌ yaꞌ dhi oiꞌñgaꞌn, jum aaꞌ na gampaiꞌm ɨlhdhaꞌ jaꞌp na jax guiꞌ nam pu cham tuꞌ maat ni jɨꞌx, na baꞌ miꞌ dhɨr tuꞌ sɨlhkam jix chu matdagɨm ba buusniaꞌ.

GALAASIA KAM 2:6

Baꞌ guiꞌ nam jir jix chu mamatdaꞌ ja bui bɨɨx guch Xoiꞌkam jɨɨgiꞌñdham, cham paiꞌ jax jiñ chɨɨꞌn jamɨt nañ jax ba kaiꞌch noꞌñ tuꞌ cham miꞌ pu duiñchuꞌ nañ jax tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam. Cham paiꞌ jax jiñ chɨtdam ɨp noꞌ tuꞌ pup jum aaꞌ nañ miꞌ xi bɨndaꞌ dhiꞌ nañ jax jaꞌk tu aꞌga. Guꞌ ji nañ guꞌ cham maat noꞌm sɨlhkam jir jix chu mamatdagɨm kaꞌ baꞌ cham. Gio guꞌ cham jax bua sia kuñ cham maat noꞌm jir jix chu mamatdagɨm, na guꞌ gu Dios cham tuꞌ dhiꞌ kɨꞌn xich joiꞌmdaꞌ.

GALAASIA KAM 2:9

Baꞌ gu Santiago gio gu Peegro gio baꞌ gu Juan, dhiꞌ nax ioꞌm jix bhaaiꞌ nam jax jaꞌk tɨꞌyaꞌ ja bui bɨɨx guch Xoiꞌkam jɨɨgiꞌñdham, dhiꞌ bɨɨx puiꞌp tɨi mɨt nat aañ jiñ aꞌm tɨ tɨɨ gu Dios nañ naiꞌ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam. Guꞌ baꞌ na bhaan jix maatɨꞌ kaꞌ nach maap pu chuꞌm kaꞌm tu juanaꞌ, bhaiꞌ xiñ dhaaꞌñ jamɨt gu ja noonob, panaas ku chich jich ñiñioꞌki, sia bɨɨx gu Bernabee bhaiꞌp xi dhaaꞌñ jamɨt, nat guꞌ dhiꞌ baꞌ bhaan bii nañ bɨɨm naiꞌ tu aꞌgaꞌ. Baꞌ guiꞌ dɨɨlh sap ja bui tu aꞌga am dai gu Israel kam jaꞌtkam.

GALAASIA KAM 3:4

Bɨɨx aixim japimɨt tɨi xi chu maat panaas na pim jax jaꞌk miꞌ puiꞌ jiimdaꞌ gɨt na jax jix aaꞌ gu Dios, guꞌ pɨx ji na pimɨt guꞌ bak pu cham tuꞌ maat. Cham ɨlhiiꞌñ iñ na pimɨt moo cham tuꞌp maat.

GALAASIA KAM 6:3

Gu jaroiꞌ noꞌ tuꞌ kaꞌm jum ɨlhiiꞌñ sia ku tɨir cham tuꞌ, dɨɨlh tu daam jimiidhaꞌ.

EEPESO KAM 4:29

Giox bhaiꞌ pim tu ñiokdaꞌ, cham tuꞌ na pim giilhim kaiꞌchdhaꞌ. Puiꞌ pim jaꞌk tu ñiokdaꞌ na jax jaꞌk ja palhbuiꞌñchuꞌndaꞌ nam miꞌ puiꞌ jiimdaꞌ gu jaiꞌch Xoiꞌkam jɨɨgiꞌñdham, gio nam cham dhiꞌ bhaan jix buam jum aaꞌndaꞌ. Dhiꞌx ioꞌm jum aaꞌ na pim jix bhaiꞌ tu ñiokdaꞌ,

EEPESO KAM 5:4

Gio na pim cham tuꞌ giilhim ka tu ñiokdaꞌ. Chaꞌpim jix ñanaanbim kaiꞌchdhaꞌ. Noꞌ pim giilhim bax chɨꞌiik, xi chu dañiaꞌ pim buiñor gu Dios, xi gɇꞌkamtudaꞌ pim, cham tuꞌ na pim giilhim tɨꞌyaꞌ.

KOLOOSAS KAM 4:6

Dai gux kɨɨꞌp jum duukam ɨp na pim tu ja aꞌgiꞌñdhaꞌ gammɨjɨ na tuꞌ joidham jum kaiꞌch. Gio bɨɨpɨꞌ dɨr japim pu bam gaꞌngadaꞌ na pim jax jaꞌk tɨɨdaꞌ maaꞌn gu tuꞌ na ba jam tɨkkadaꞌ, cham tuꞌ na pim jaꞌp pɨx muiꞌ ba nokiaꞌ cham bhaiꞌ ji kɇɇji na tuꞌ pɨk jix maachim kaꞌ.

SANTIAGO 1:19

Jaꞌpniñ baꞌ moo tɨip xi jam tɨɨdam jiñ jaaduñ jich Xoiꞌkam bhaan, na pim siamri xi ñakgat noꞌ jaroiꞌ giilhim jam tɨtda na jax cham jir am. Chaꞌpim juandaꞌ, xi kɇɇkɇꞌ pim pɨx sia ku jax kaiꞌch.

SANTIAGO 1:22

Ku guꞌ dhiꞌm aaꞌ ji na pim tuꞌ sɨlhkam miꞌ puiꞌ xi dhuiñchuꞌndaꞌ na jɨꞌk moo jax jum kaiꞌch gux bhaiꞌm kaiꞌchdham ñioꞌkiꞌñ gu Dios, cham tuꞌ daipuꞌ na pim jix mat kaꞌ pɨx. Na guꞌr ba puiꞌ pɨx ɨp sia pim tɨix maat noꞌ pim guꞌ cham pu bua na jax jum kaiꞌch, dɨɨlh japim uaꞌtulhdharaꞌ tɨr jum iabudaꞌ, na pim guꞌ cham am buatgɨdaꞌ.

SANTIAGO 2:20

Moo pim siamri jam jujur xi biaꞌkat xim gaꞌngadaꞌ na jax pɨk jaꞌk jix aaꞌ gu Dios na pim tuiꞌñgɨdaꞌ, jam moom am japim xi baapsai dhiꞌ nañ jɨꞌk jax jam tɨtda. Na guꞌ kaiꞌñkam puiꞌ pɨx cham tuꞌ kɨꞌn jup jam palhbuidhaꞌ sia pim aapiꞌm tɨi bɨɨx jam jujur kɨꞌn jix biiñak kat tɨ jɨɨgiꞌñ buiñor guch Xoiꞌkam, noꞌ guꞌ ni jɨꞌx ku pim iam jix bhaiꞌm duukam xip tu bua ja bui gu jaꞌtkam na jax jaꞌk jix kɨɨꞌ kaꞌm nɨiꞌñ gu Dios, pur jaꞌp pɨx kaꞌ baꞌ na pim puiꞌm tɨɨtɨꞌndaꞌ na pim jir jich Xoiꞌkam jɨɨgiꞌñdham.

1 PEEGRO 3:10

Puiꞌ na jax bam kaiꞌch miꞌ paiꞌ uꞌuan taꞌm na tu daaxix gu ñioꞌkiꞌñ gu Dios nap jum kaiꞌch: Gu jaroiꞌ noꞌx aaꞌ na gammɨjɨx jɨkgɨm bap tuiꞌkaꞌ gio na joidham jix bhaiꞌ ba tu tatdaꞌ kaꞌ, jum aaꞌ nax bhaiꞌ ba tu ñiokdaꞌ na jax jir am, cham tuꞌ na giilhim pɨx kaiꞌchdhaꞌ na jax cham puiꞌ tum ñiok, gio na cham tuꞌ iatdaꞌ ka tu aꞌgadaꞌ, jaꞌpji sɨlhkam na tu aꞌgadaꞌ na jax jir puiꞌ.