ROOMA KAM 9:8 - Tepehuano Tepehuán del Sureste (Durango)

⁸ Baꞌ dhiꞌ jaꞌpnir jum duukam, na gu Dios tuꞌ sɨlhkam bopxiꞌñ ja ɨlhiiꞌñdhaꞌ guiꞌ nam puiꞌp tu jimdaꞌ nat jax tu jii dɨɨlh gu Abraam, cham tuꞌ gu jaroiꞌ na jaꞌp pɨx puiꞌm ɨlhiiꞌñdhaꞌ. Jaꞌp ji buusandaꞌ guꞌ nam miꞌ dhɨr maaxilhiaꞌ na paiꞌ gu Isaak nat jax tɨɨdak dɨɨlh gu Dios gu Abraam.

ROOMA KAM 9:8 ပူးပေါင်းရင်းမြစ်များ

MATEO 3:9

Chaꞌpim jax jum aaꞌndaꞌ: “Aach matgɨm jich aꞌm tɨ nɨiꞌñ ji gu Dios, nach guꞌr bopxiꞌñ gu Abraam.” Jax dhui na guꞌ gu Dios sia guꞌñi joodai jix bhaaiꞌ na puiꞌ ja duñiaꞌ nam jir bopxiꞌñ kaꞌ gu Abraam, aapiꞌm baꞌ jaꞌp xi jam dui noꞌ pimɨt cham miꞌ puiꞌ jii na jax jix aaꞌ.

JUAN 1:13

Ku guꞌ na puiꞌ jɨꞌ ja tɨtda nam bar maamraꞌn, cham tuꞌ jax kaiꞌñkam jup ja tɨtda ji na jax gu jaroiꞌ noꞌ mɨt ba xim ja joojoi gook dɨt maaꞌn gu tɨyaa nam maap oiꞌñchai mɨkkat ba ja tɨgiaꞌ gu aꞌaalh nam ja maamar jum tɨɨtɨꞌndaꞌ, guꞌ jaꞌpji noꞌt jaroiꞌ ba tɨ jɨɨꞌñ buiñor guiꞌ na joidham gɇꞌ tanoor na baꞌr maraaꞌn kaꞌ gu Dios.

ROOMA KAM 8:14

Baꞌ guiꞌ nam puꞌñi miꞌ puiꞌ jiimdaꞌ na jax pɨx ja jurtudidhaꞌ gux Dhuuduꞌ kam jix Uañ Iiꞌmdagaꞌn gu Dios, dhiꞌ puiꞌm tɨɨtɨꞌndaꞌ am nam jir maamraꞌn gu Dios.

ROOMA KAM 8:16

Dhix Dhuuduꞌ kam jix Uañ Iiꞌmdaꞌ maap jum dagiaꞌ am gu dɨɨlh jich iiꞌmdaꞌ, baꞌ maaꞌn ñiꞌook xip dui am miꞌ dhɨr puiꞌ ba tɨꞌyaꞌ nach aach jir maamraꞌn gu Dios.

ROOMA KAM 8:19

Na guꞌ nat jɨꞌk tuꞌp tu duu gu Dios dhi oiꞌñgaꞌn bhaan, tɨi tɨ nɨɨra am na gɨt bam aayaꞌ guiꞌ gu tanoolh na paiꞌ dhuuk gu Dios dɨɨlh ba tu aaꞌndaꞌ nam jir jaroiꞌ dhaꞌ gu maamraꞌn.

ISRAEL KAM 11:11

Gio janoꞌ nat chakui maaꞌn ba ji chɨɨ gu alhii gu Saara, gu Abraam dai gu Dios pɨx buiñor xix biiñak kaꞌ, tɨ jɨɨgiꞌñdhaꞌ bɨɨx juraaꞌn kɨꞌn na guiꞌ puiꞌ tu kuugalhdhaꞌ nat jax tu daax bɨɨpɨꞌ dɨr, nap tɨtda nam saak maaꞌn tɨgiaꞌ gu alhii sia kum jax bar jagɨꞌgɨr, na baꞌ miꞌ dhɨr dhiꞌ bhaan muiꞌ tu bopxichaꞌ gu Abraam. Puiꞌm duu dho, gu Dios dɨɨlh ja palhbui nam jax dhui tɨgiaꞌ gu alhii, na guꞌx maat nam tuꞌ sɨlhkam jix biiñak buiñor.