Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROOMA KAM 9:16 - Tepehuano Tepehuán del Sureste (Durango)

16 Dho jaiñ, gu jaroiꞌ bak na dɨɨlh ɨlhiiꞌñdhaꞌ gu Dios nax joiꞌmdai tɨɨgɨix bhaiꞌ duñiaꞌ, guꞌ pur cham tuꞌ kaꞌ ji gu jaroiꞌ sia ku tɨi bɨɨx aixim jix bhaiꞌ tu bua, na jax jaꞌk tɨi xi ɨlhiiꞌñdhaꞌ na gɨt jix bhaiꞌ ji biꞌyaꞌ buiñor gu Dios, na baꞌ gɨt miꞌ dhɨr bax joiꞌmdaꞌ.

အခန်းကိုကြည့်ပါ။ ကော်ပီ




ROOMA KAM 9:16
20 ပူးပေါင်းရင်းမြစ်များ  

Miꞌ dhɨr baꞌ moo jaꞌpni bhaiꞌp ji chu ja aꞌgi gu jaꞌtkam, jup ja tɨtda: ―Aañ bhañ joot guñ Gɨꞌkoraꞌ jix dhaam dɨr nañ baꞌ bhaankam ya jaꞌp ja aagiꞌñdhaꞌ gu jaꞌtkam na tuꞌr jix bhaiꞌm duukam. Baꞌ dɨɨlh pɨx jix maat guñ Gɨꞌkoraꞌ nañ jir tuꞌp tuꞌm daꞌ, nañ guꞌr Maraaꞌn, gio aañ yaꞌ dɨr mu jaꞌk dɨɨlh pɨx jup jix maat ɨp guñ Gɨꞌkoraꞌ nar tuꞌp tuꞌm daꞌ. Ku baꞌ guꞌ gu jaroiꞌ noꞌ moo jaꞌp tuꞌ sɨlhkam kɨꞌn jix maachim nach jir tuꞌp tuꞌm daꞌ gook dɨt guñ Gɨꞌkoraꞌ, aañiꞌ dho aagiꞌñdhaꞌ.


Baꞌ gatuuk maakam jaꞌk tɨip baidhak gu jaꞌook gu Jesuus maaꞌn kap na paiꞌ tɇꞌkob jir oidhaꞌ taꞌm, baꞌ bhammɨ kookbaꞌn xi kɨɨsak mu jaꞌp naiꞌ xi chu joojoiꞌñchuda bɨɨx kap na jɨꞌx jir oiꞌñgaꞌn na baꞌ tɨ tɨgiaꞌ na jɨꞌk tuꞌ naiꞌ jaꞌp jix chu jaiꞌch.


Baꞌ miꞌ jotmodaꞌx bhaiꞌ bhaiꞌ jim ɨlh gu Jesuus, nat guꞌ gux Dhuuduꞌ kam jix Uañ Iiꞌmdaꞌ pɨx puiꞌ jaꞌk duu na bhaan tajaañix. Baꞌp kaiꞌch: ―Aañ jix bhaiꞌñ chaat jum buiñ Gɨꞌkoraꞌ, aap nap jir gɇꞌkam jix dhaam gio yaꞌ dhi oiꞌñgaꞌn, na pich guꞌ ba ja mattuda gu jaꞌtkam guiꞌ nam gampaiꞌ tuꞌm na pich tuꞌ ja ɨxchuix gux mamatdagɨm jum aaꞌndam. Baꞌ aañ jix bhaiꞌñ chaat jiñ Gɨꞌkoraꞌ, nap guꞌ puiꞌ jaꞌk jix aaꞌ.


Dhiꞌ jaꞌp ji buusan jia na jax gu jɨbɨɨlh nap pu cham mat kaꞌ na paiꞌ dhɨr bha jɨbɨɨrdaꞌ sia ku yaꞌni jaꞌp pɨx kuu, ni nap jix mat kaꞌ na pa jaꞌk jax jum duñiidhaꞌ. Puꞌñip ji buusan gu jaroiꞌ noꞌ ba tajaañdhix gux Dhuuduꞌ kam jix Uañ Iiꞌmdaꞌ, panaas ku giop ba maaxilhiaꞌ.


Baꞌ pu bɨɨpɨꞌ dɨr ba aagiꞌñ gu Dios gu Rebeeka nam jax jir tuꞌm kaꞌ gu maamraꞌn gatuuk, nat guꞌ pu puiꞌ jaꞌk ba tu duu dɨɨlh gu Dios, sia ku mɨt chakui maaxir gu maamraꞌn, ni ku mɨt chakui tuꞌx buam jum duukam jup tu dunaak, piam ku guꞌ gu tuꞌx bhaiꞌm duukam. Jup tɨtda gu Rebeeka: “Gum mar guiꞌ na bɨɨpɨꞌ maaxilhiaꞌ, bɨtaaꞌn ji biꞌyaꞌ, baꞌ guiꞌ na gatuuk maaxilhiaꞌ, tɇꞌkob ji biꞌyaꞌ.” Baꞌ jaꞌp jaꞌk iam na iam pɨx puiꞌp tu uaꞌñix jup jum kaiꞌch ɨp: “Aañ dai gu Jakob jix joiꞌmdak tɨɨ, gu Esauu baꞌ cham.” Baꞌ dhiꞌ bhaan pup jix maatɨꞌ na gu Dios puiꞌ duñiaꞌ gu jaroiꞌ na dɨɨlh jax ɨlhiiꞌñdhaꞌ, siatti tuꞌx buam jum duukam jup tu duu piam ku guꞌ cham.


Gu Dios pɨx puiꞌ jaꞌk jiñ jurtuda guꞌ nañ mu jimiaꞌ na ñich baꞌ aañ muiꞌp jii. Baꞌ bhammɨ nach bap tuꞌiiꞌ Jerusaleen, maaꞌn kap jachich bach jumaap dɨlhkob ja bɨɨm guiꞌ nam jɨꞌk jix ioꞌm jir jix chu mamatdaꞌ ja bui bɨɨx guch Xoiꞌkam jɨɨgiꞌñdham. Baꞌ aañ xi ja aagiꞌñ nañ jax jaꞌk tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam na bhaan tu aꞌga nam jax jaꞌk dui cham mu jaꞌk ka bhɨɨyaꞌ gu jaꞌtkam nam paiꞌ gammɨjɨ miꞌ pup jum tulhiiñdhaꞌ, xi ja aagiꞌñ iñ nañ puꞌñi chuꞌm ja bui tu aꞌga guiꞌ nam cham jir Israel kam jaꞌtkam. Baꞌ dhiꞌ na ñich ja aaꞌñ, jaꞌp kaiꞌñkam ja aaꞌñ jañich nam guiꞌ mu dɨr bha jaꞌk jiñ aagiꞌñdhaꞌ noꞌr am puiꞌ nañ jax jaꞌk tu aꞌga piam ku guꞌ cham, nañ guꞌx maachim noꞌ cham jir tuꞌ kub nañ jax jaꞌk tu ja aꞌgiꞌñ.


Baꞌ na pimɨt tɨ jɨɨꞌñ aapiꞌm nat gu Dios tuꞌ sɨlhkam ba xich joiꞌgɨlh, dhiꞌ bhaan cham tuꞌ mu jaꞌk ka jiim japim bhaan gu boi na mu jaꞌk bhɨix na pim paiꞌ gammɨjɨ gɨt miꞌ pup jum tulhiiñdhaꞌ. Cham tuꞌ pimɨt tuꞌ bhaan tu juanak maꞌiich dhiꞌ, guꞌ jaꞌpji puiꞌ pɨx nat xi jam joiꞌmdak jaꞌp jaꞌk jam tuttu gu Dios.


Na guꞌ gu Dios dɨɨlh puiꞌ jam jurtudidhaꞌ na pim baꞌ dai gux kɨɨꞌp jum duukam bhaan tɨtɨɨꞌñchot puiꞌ tu duiñchuꞌndaꞌ, na guꞌ guiꞌx aaꞌ na pim jix bhaiꞌ ji bubuakiaꞌ buiñor.


Baꞌ xich joiꞌndat tɨi xich baidhikam jix dhaam na paiꞌp tuꞌiiꞌ nach paiꞌ gammɨjɨ jix jɨjɨkgɨm bap tuiꞌkaꞌ, dai sap nach miꞌ puiꞌ xi jiimdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ. Joidham jix bhaiꞌch chɨɨdai jich aichdhaꞌx dhaam dai aach nach jɨꞌk miꞌ puiꞌ jimiaꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ