ROOMA KAM 8:34 - Tepehuano Tepehuán del Sureste (Durango)

³⁴ Ni ku cham jɨꞌxkat jaroiꞌ jax tɨꞌyaꞌ nam mu jaꞌk jiim nam paiꞌ gammɨjɨ miꞌ pup jum tulhiiñdhaꞌ. Jax dhui nat guꞌ miꞌ dhɨr bach boosolh guch Xoiꞌkam nat muu jich aꞌmkam, gioch aꞌmkam duadɨk bam ɨp. Xib sonpan daa gu Dios kɨɨꞌn dɨr jaꞌk, baꞌ bhaiꞌ dhɨr soiꞌ tɨtdatuꞌ xib jich aꞌmkam.

ROOMA KAM 8:34 ပူးပေါင်းရင်းမြစ်များ

MATEO 20:28

Na guꞌ sia aañ nat bhañ joot guñ Gɨꞌkoraꞌ, cham tuꞌ gɇꞌkam jiñ ɨlhiiꞌñ iñ, na ñich guꞌ cham tuꞌ pu kaiꞌñkam bha jii yaꞌ dhi oiꞌñgaꞌn bhaan nam baꞌ yaꞌñ palhbuiꞌñdhaꞌ gu jaꞌtkam tuꞌ na pɨx kɨꞌn. Guꞌ jaꞌpji na ñich jaꞌkbuiꞌ kat bha ja palhbuidham ji nañ ja aꞌmkam mukiaꞌ na baꞌ miꞌ dhɨr ba tu namkix kaꞌ gu ja uaꞌtulhdharaꞌ.

MAARKOS 16:19

Baꞌ daipuꞌ na jax puiꞌ jɨꞌ xi chu ja aꞌgidhimɨk gu Jesuus, pu jiix dhaam jaꞌk, baꞌ bhammɨ ji dhaibu kɨɨꞌn dɨr sonpan gu Dios.

JUAN 14:19

Dai guiꞌ nam jɨꞌk cham tɨ jɨɨgiꞌñ aañ jiñ bui dho gi guꞌ pu cham paiꞌ kañ chɨgiaꞌ am ji noꞌ ñich pɨx yaꞌ dɨr ba jii. Aapiꞌm na pim jɨꞌk bañ kaichuꞌ dho gi guꞌ pux bhaiꞌñ ñɨiꞌñdhaꞌ ji maaꞌn na jax, nañ guꞌ jam buip tuiꞌñgɨdaꞌ, gam na pim gammɨjɨ pu ba duduakaꞌ yaꞌ dɨr jaꞌp jaꞌk gu jam iꞌiiꞌmdaꞌ bhaan jaꞌp na jax aañ.

JUAN 16:23

’Janoꞌ pim dho gi cham tuꞌ bhaan jax jim aagɨt tuꞌp ka xiñ chɨkkam kaꞌ ji noꞌ ñich gio yaꞌp ba ai duadɨk, na guꞌ dai na pim puꞌñi joidham jix bhaiꞌ bam taat kaꞌ. Baꞌ miꞌ dhɨr noꞌ pim tuꞌ ba taan guñ Gɨꞌkoraꞌ aañ jiñ buix biiñak kat, jam makiaꞌ dho maaꞌn jimdam jiñ aꞌmkam.

GU NOONBIꞌÑ GUCH XOIꞌKAM 2:24

Ku baꞌ guꞌ gu Dios giop duaꞌñ ji, nat guꞌ dɨɨlh puiꞌ jaꞌk tu duu na cham miꞌm tulhiiñdhaꞌ, baꞌ miꞌ dhɨr cham jɨꞌxkat jax ka doodaꞌ gu muukiꞌ.

ROOMA KAM 14:13

Baꞌ cham jir am nach gan naiꞌch aꞌaꞌgadaꞌ nach cham jir kɨkɨɨꞌ jaꞌtkam nañ jax ba kaiꞌch, guꞌ jaꞌpji nach jaꞌkbuiꞌ kat jix bhaiꞌ xi ja tɨtdadaꞌ guiꞌ nam puꞌñi chakui bɨɨx ja jujur kɨꞌn jix bhaiꞌ tɨ jɨɨgiꞌñdhaꞌ buiñor guch Xoiꞌkam nam baꞌ cham gio jaꞌk jup suulhgiaꞌ, jaiñ noꞌ guꞌ jax dhuuk pu cham ka tɨ jɨɨgiꞌñ buiñor guch Xoiꞌkam gu jaroiꞌ noꞌch gan aꞌga.

ROOMA KAM 14:9

Nat guꞌ pu kaiꞌñkam muukɨk giop dua guch Xoiꞌkam na baꞌ miꞌ dhɨr puꞌñi bar ja gɇꞌkam tuk kaꞌ guiꞌ nam duduakaꞌ gio guiꞌ nam koꞌyaꞌ.

ROOMA KAM 4:25

Nat guꞌ guiꞌ pɨx jich Xoiꞌkam dɨɨlh jum doꞌñcho nam muꞌaaꞌ na baꞌ puꞌñi jaꞌk tu namkix kaꞌ guch uaꞌtulhdharaꞌ. Baꞌ nat paiꞌ dhuuk gio duadɨk jup buus mu dɨr koiꞌñgaꞌn tɨr, dhiꞌ bhaan matgir na ba tu namkix guch uaꞌtulhdharaꞌ, baꞌ cham tuch dhaam kap tuꞌiiꞌ.

ROOMA KAM 8:1

Na guꞌ guiꞌ nam jɨꞌk buiñor bap tuiꞌñgɨdaꞌ guch Xoiꞌkam, cham tuꞌ mu jaꞌk ka jiimdaꞌ am nam paiꞌ gammɨjɨ gɨt miꞌ pup jum tulhiiñdhaꞌ, nam guꞌ cham tuꞌ miꞌ puiꞌ ka jiimdaꞌ na jax jix aaꞌndaꞌ gu ja tutkuꞌ, guꞌ jaꞌpji daipuꞌ na jax pɨx ja jurtudidhaꞌ gux Dhuuduꞌ kam jix Uañ Iiꞌmdaꞌ.

ROOMA KAM 8:27

Na guꞌ gu Dios dɨɨlh jix maatɨt kɇɇkɇꞌ na jax kaiꞌñkam jup tɨtdadaꞌ, na guꞌ gu Dios siax mat kaꞌ nam jax jir tuꞌm kaꞌ gu jaꞌtkam ja jujur am bhaan. Baꞌ gux Dhuuduꞌ kam jix Uañ Iiꞌmdaꞌ puiꞌ pɨx tɨtdadaꞌ gu Dios noꞌx aaꞌ na puiꞌ tu duñiaꞌ nam jax tɨtdadaꞌ guiꞌ nam buiñor jup tuiꞌñgɨdaꞌ.

KOLOOSAS KAM 3:1

Guꞌ baꞌ na pimɨt guꞌ aapiꞌm koꞌɨɨk giop ba dudua bɨɨmaꞌn guch Xoiꞌkam, jum aaꞌ na pim gaaꞌñchuꞌndaꞌ na pim jax jaꞌk daix dhaam jaꞌk tu maiꞌchiaꞌ, na guꞌ guch Xoiꞌkam jix dhaam daa, kɨɨꞌn dɨr jaꞌk daa na paiꞌ gu Dios.

ISRAEL KAM 1:3

Baꞌ xib jix bhaiꞌ bax maat ich na jax jir tuꞌm kam guiꞌ na puiꞌ tɨɨꞌ Dios nar jich Gɨꞌkoraꞌ, nach guꞌ bax maat na jax jir tuꞌm kam gu Maraaꞌn. Na guꞌ gu Maraaꞌn jich Xoiꞌkam puiꞌ pɨx jup jir tuꞌm na jax dɨɨlh gu Dios, jaꞌxbuiꞌp jir gɇꞌkam, gio na jaꞌxbuiꞌ bɨxchuꞌp jix chu aichuꞌn. Dhiꞌ baꞌ xich joiꞌndak mach palhbui nach jax jaꞌk cham maiꞌ suulhgix kaꞌ, tɨɨꞌ nat bha jimɨɨk jich aꞌmkam muu kuruus taꞌm na baꞌ puꞌñi duuji tu namkix kaꞌ guch uaꞌtulhdharaꞌ. Miꞌ dhɨr baꞌ pu jii ɨp gio jix dhaam, bhammɨ ji dhaibu sonpan gu Dios kɨɨꞌn dɨr jaꞌk.

ISRAEL KAM 7:25

Baꞌ dhiꞌ yaꞌ dɨr jaꞌp jaꞌk pu gammɨjɨ bax bhaaiꞌn kaꞌ na ja baidhikaꞌx dhaam buiñor gu Dios jɨꞌk nam mux jimiik kaꞌ, na guꞌ dhiꞌ yaꞌ dɨr jaꞌp jaꞌk gammɨjɨ pu ba jaiꞌch kaꞌ, nach aꞌmkam ñiokdaꞌ buiñor gu Dios.

ISRAEL KAM 9:24

Bhaiꞌ jɨꞌ nañ tu aagɨt jup kaiꞌch nat baa guch Xoiꞌkam nax ioꞌm jix chu xidhuu, cham tuꞌ puiꞌ na jax ya jaꞌp nach paiꞌ tu chichiopiꞌ aach, na guꞌ guiꞌ Dios jir chiopgaꞌn, cham tuꞌ gu jaꞌtkam. Tɨi iam pɨx pu chuꞌm xip duu mɨt gu ja chichiopiꞌ gu jaꞌtkam na jax chuꞌm gux dhaam kam. Bhaiꞌ jɨꞌ baꞌ daakat jich aꞌmkam ñiok xib guch Xoiꞌkam buiñor gu Dios, na pu tɨɨꞌntuꞌn na tuch uaniꞌñkaꞌ guch uaꞌtulhdharaꞌ.

1 PEEGRO 3:18

Guꞌ matgɨm cham jax bua ji siam jam tulhiiñchuꞌn noꞌ pim guꞌ tɨi cham tuꞌ jax bua. Puiꞌ kam dho noꞌch ba tɨ jɨɨgiꞌñ buiñor guch Xoiꞌkam. Jaiñ sia dɨɨlh guch Xoiꞌkam puꞌñi pɨk jum tulhii janoꞌ nat paiꞌ dhuuk tuch ñamkix guch uaꞌtulhdharaꞌ pu daipuꞌ maaꞌnnim pɨx, na baꞌ miꞌ dhɨr pu gammɨjɨ ba tuch uañdhix kaꞌ. Guiꞌ tɨi cham tuꞌ paiꞌx buam tomaatɨt dho, ni nax uaꞌtulhdhix kat, cham tuꞌ kuiñcha biaꞌkat nam puiꞌ doodaꞌ gɨt. Guꞌ jaꞌpji na guꞌ aachiꞌ nach jix uꞌuaꞌtulhdhix, nat xich joiꞌndat baꞌ puiꞌm duu jich aꞌmkam, na sap baꞌ miꞌ dhɨr bax bhaaiꞌn kaꞌ nach bhammɨ aayaꞌx dhaam na paiꞌp tuꞌiiꞌ gu Dios. Baꞌ sia ku mɨt tɨi mua, gu iiꞌmdagaꞌn guꞌ puiꞌ ji na jax ba dua,

1 PEEGRO 3:22

guiꞌ na jaroiꞌ yaꞌ xi oilhimɨk giop tɨs bhɨjɨmmɨni jaꞌk jix dhaam, na xib bhammɨ sonpan ba daa gu Dios kɨɨꞌn dɨr jaꞌk. Baꞌ bɨɨx pɨx tuꞌ kaꞌm nɨiꞌñ am guiꞌ nam bhammɨr noonbiꞌñ gu Dios, sia guiꞌ nam bhammɨ gɇꞌgɇrkam kɨꞌn dalhxix.

NAT JAX TƗ TƗƗ GU JUAN 1:18

Aañ pɨx jir diꞌ na ñich duadɨk giop bam mu dɨr koiꞌñgaꞌn tɨr. Baꞌ yaꞌ dɨr jaꞌp jaꞌk jañ gammɨjɨ pu ba duakaꞌ, cham jañ paiꞌ dhuuk ka mukiaꞌ. Aañ ba tu daam kɨɨk baꞌ xib mu nam paiꞌm tulhiiñ gu koiꞌñgaꞌn, jaꞌp ji buusan nañ aañ ba uaꞌ baꞌ xib guiꞌ na kɨꞌn jum kukpioꞌk gu kiꞌñgob na paiꞌ dhɨr mu tum bapkɨ, cham tuꞌ kiaꞌ gu jaꞌook.