ROOMA KAM 7:5 - Tepehuano Tepehuán del Sureste (Durango)

⁵ Na guꞌ puiꞌ na jax tu aagix kaꞌ, panaas kut dhiꞌ baꞌch ñiññich nach jix buam jum duukam jup tu duñiaꞌ na chich chakui bɨɨmaꞌn koꞌɨɨk guch Xoiꞌkam. Dhiꞌ baꞌ mu jaꞌk jich bhɨichdhatuꞌndat panaas nach paiꞌ gammɨjɨ gɨt miꞌ pup jich chulhiiñdhaꞌ.

ROOMA KAM 7:5 ပူးပေါင်းရင်းမြစ်များ

MATEO 15:19

Na guꞌ ja jujur am dɨr bhaan gu jaꞌtkam nam gɨgɨꞌlhiꞌñ gux buam jum duukam, puiꞌ na jax gu jaꞌtkam nam jix ja koodam kaꞌ, gio guiꞌ nam jaiꞌ ja biaꞌkaꞌ gu uꞌuub sia kum tɨi tɨ bɨpnaꞌ, gio guiꞌ nam jir ganaiꞌ pɨx kaꞌ, gio baꞌ guiꞌ nam tɨ ɨɨxiꞌñdhaꞌ, gio baꞌ guiꞌ nam iatdaꞌ, gio guiꞌ nam giilhim ja tɨtdadaꞌ gu jaꞌtkam na jax cham jir am.

JUAN 3:6

Guꞌ dhi tuukuꞌ na yaꞌ maaxilhiaꞌ, yaꞌ pur tuukuꞌ kaꞌ ji. Guꞌ aañ gux Dhuuduꞌ kam jix Uañ Iiꞌmdaꞌ ji nañ aagɨt jup kaiꞌch, noꞌt bhaan bam tajaa gu jaroiꞌ noꞌ ba tɨ jɨɨgiꞌñ aañ jiñ bui na jaꞌp ji buusniaꞌ na giop ba maaxilhiaꞌ.

ROOMA KAM 1:26

Dhiꞌ jɨꞌ ji bhaan baꞌ gu Dios xi ja doꞌñcho dhiꞌ dhi jaꞌtkam nam baꞌ pu tu duñiaꞌ nam dɨɨlh jax ɨlhiiꞌñ, puiꞌ ku mɨt baꞌ bhaiꞌ jip tu duu guiꞌ na tuꞌ cham jir kɨɨꞌ. Jaiꞌ dhɨt gu ja bɨpnaꞌ dhiꞌ dhi jaꞌtkam, jaiꞌ uꞌuub jamɨt ja oi, cham tuꞌ kap jum buix jamɨt gu ja chichioꞌñ chuk, jix xiꞌɨraam jum duu mɨt.

ROOMA KAM 3:20

Na guꞌ janoꞌ gu Dios cham jɨꞌxkat jax tɨɨdaꞌ gu jaroiꞌ na cham uaꞌtulhdhix kaꞌ, sia kut tɨi bɨɨx pu tu duu na jɨꞌk jax tu aagix kaꞌ. Na guꞌ dhiꞌ na jɨꞌk jax tu aagix, miꞌ pɨx bhaan jich aagiꞌñ nach jix uꞌuaꞌtulhdhix.

ROOMA KAM 4:15

Na guꞌ paiꞌ noꞌx jaiꞌch na jax tu aagix nam tu jimdaꞌ gu jaꞌtkam, noꞌt maadɨt cham am bua miꞌ paiꞌ maaꞌn kap, dhiꞌ bhaan jum uaꞌtulhdhai ba tulhiiñchudaꞌ am. Guꞌ ji noꞌ guꞌ pu cham paiꞌ jax jup tu aagix, dho pu cham paiꞌ jaiꞌch kaꞌ ɨp gu uaꞌtulhdharaꞌ.

ROOMA KAM 5:20

Guꞌ baꞌ nat paiꞌ dhuuk tu uaꞌna gu Moisees na jax jaꞌk tu aagix kaꞌ, jix ioꞌm gɇꞌ bhaiꞌ jim gɨꞌɨɨlh gu uaꞌtulhdharaꞌ. Guꞌ ji na guꞌ nat jix ioꞌm gɇꞌ bam gɨꞌɨɨlh gu uaꞌtulhdharaꞌ, ba matgir nat gu Dios jix ioꞌm jup jum gɨꞌɨɨlh nat jix ja joiꞌgɨlh gu jaꞌtkam.

ROOMA KAM 6:13

Chaꞌpim mi dadooꞌñchiꞌñdhaꞌ gu jam tutkuꞌ gu uaꞌtulhdharaꞌ na cham bɨɨx aixim bhaan pu tu buadaꞌ na jax ɨlhiiꞌñ, guꞌ jaꞌpji gu Dios na pim muiꞌ xi dhoꞌñchidhaꞌ na baꞌ bhaan pu tu duñiaꞌ na jax jir jix bhaiꞌm duukam. Na pimɨt guꞌ aapiꞌm ba koi buiñor gu uaꞌtulhdharaꞌ, baꞌ giop dudua pimɨt na pim baꞌ miꞌ dhɨr puiꞌ ba tu duñiaꞌ na jax jaꞌk jix aaꞌ dai gu Dios.

ROOMA KAM 6:19

Aañ tu uaꞌrgidhat bhaan tu aꞌga na tuꞌ jax jum buadaꞌ yaꞌ dhi oiꞌñgaꞌn na pim baꞌx maatɨt jiñ kaayaꞌ nañ bhaan tu aꞌga gu iiꞌmdaꞌ bhaan. Baꞌ puꞌñi na pimɨt jax dhuu na pimɨt doꞌñchi gu jam tutkuꞌ gux buam jum duukam na pimɨt baꞌ bɨɨx aixim bhaan giilhim jum uaꞌtulh, puꞌñi pim jup doꞌñchidhaꞌ gux bhaiꞌm duukam na pim baꞌ miꞌ puiꞌ ba jiimdaꞌ na jax jix kɨɨꞌ kaꞌm nɨiꞌñ gu Dios, na pim jix uꞌuañ bap tuiꞌñgɨdaꞌ buiñor guiꞌ.

ROOMA KAM 6:21

Pu cham tuꞌ pimɨt mi chɨɨ na pim jax jaꞌk tu jimdat bɨɨpɨꞌ dɨr na pim jum uaꞌtulhiꞌñdhaꞌ, dai na pim bhaan pɨx tɨi bax xiꞌɨr baꞌ xib, na pim guꞌ mu jaꞌk sɨlh ba jiimɨt na pim paiꞌ gammɨjɨ gɨt miꞌ pup jum tulhiiñdhaꞌ.

ROOMA KAM 6:23

Gu uaꞌtulhdharaꞌ dai dhiꞌ kɨꞌn tu namkiꞌñ na mu jaꞌk bhɨichdhaꞌ gu jaroiꞌ na paiꞌ gammɨjɨ miꞌ pup jum tulhiiñdhaꞌ. Matgɨm guꞌ gu Dios baidhikaꞌ ji na buiñor bap tuiꞌkaꞌ gammɨjɨ na paiꞌ joidham jix bhaiꞌ ba tu jimdaꞌ gu jaroiꞌ na bɨɨmaꞌn maaꞌn maaꞌnkam bap jum duñiaꞌ guch Xoiꞌkam guiꞌ na xib jir jich Gɇꞌkam tuk.

ROOMA KAM 7:23

guꞌ ji na guꞌ jaꞌp dɨr jaꞌk jiñ aꞌm jup baapak jumai na puiꞌñ jurtuꞌn nañ cham miꞌ puiꞌ jimmɨdaꞌ. Dhiꞌ baꞌr diꞌ gu uaꞌtulhdharaꞌ nañ aꞌm jup tuꞌiiꞌ, panaas ku jaꞌp jiñ dhuuk na mu paiꞌñ kuup nañ baꞌ cham miꞌ puiꞌ jimiaꞌ na jax jir am.

1 KORIINTO KAM 15:56

Gu uaꞌtulhdharaꞌ pɨx kɨꞌn tu kooꞌn gu muukiꞌ, baꞌ gu uaꞌtulhdharaꞌ dhiꞌ bhaan jup tu daꞌngɨ na jɨꞌk jax tu aagix nam tuiꞌñgɨt miꞌ puiꞌ jiimdaꞌ gu jaꞌtkam.

2 KORIINTO KAM 10:3

Jir jaꞌtkam ich dho pɨx yaꞌ kam dhi oiꞌñgaꞌn aach nach jɨꞌk tɨ jɨɨgiꞌñ buiñor guch Xoiꞌkam, guꞌ ji nach guꞌ cham tuꞌ puiꞌ jaꞌk tu kokda nam jax chu kokda guiꞌ nam cham tɨ jɨɨgiꞌñ.

GALAASIA KAM 3:10

Guꞌ baꞌ guiꞌ nam jɨꞌk miꞌ puiꞌ jiimdaꞌ na jɨꞌk jax tu aagix guiꞌ nat Moisees tu uaꞌnak nam puiꞌ jim aagɨt na gɨt dhiꞌ kɨꞌn jix bhaiꞌ tu ja jimiaꞌ, dhiꞌ cham tuꞌ bhaiꞌ tu ja jimiaꞌ. Na guꞌ jaꞌpnim kaiꞌch: “Baꞌ gu jaroiꞌ na cham bɨɨx puiꞌ tu duñiaꞌ na jɨꞌk jax tu aagix dhiꞌ na ba tu uaꞌñix, gu Dios puiꞌ tɨꞌyaꞌ na dhiꞌm tulhiiñaꞌ sia pɨk nar jax kaꞌ gɨt. Siat chi moo maaꞌn kap pɨx cham am bua, na guꞌ jaꞌp ji buusniaꞌ na pu bɨɨx maaꞌn jimdam cham am buaꞌ na jɨꞌk jax tu aagix kaꞌ.”

GALAASIA KAM 5:24

Na guꞌ aach nach jɨꞌk buiñor ba tɨ jɨɨgiꞌñ guch Xoiꞌkam, bɨɨx bɨnkam sissapa mɨt guch Xoiꞌkam bhaan gu uꞌuux na gai bɨɨt na jɨꞌx jich aꞌm jup tuꞌt guch uꞌuaꞌtulhdharaꞌ, gam sia bɨɨx nach jɨꞌk tuꞌx buam jum duukam kap tu duñiaꞌ gɨt.

EEPESO KAM 2:11

Aapiꞌm na pim jɨꞌk cham jir Israel kam jaꞌtkam, guiꞌ nam jir Israel kam jaꞌtkam jup jam tɨɨtɨꞌ am: Gu jaꞌtkam cham jum matgilhdhadam. Baꞌ dɨɨlh gu Israel kam jaꞌtkam jup jum tɨɨtɨꞌ am: Aach jaꞌtkam jich matgilhdhadam. Baꞌ dhiꞌ nam puiꞌ jam tɨɨtɨꞌ, jaꞌp kaiꞌñkam jup kaiꞌchdhaꞌ am na pim aapiꞌm cham tuꞌr kɨkɨɨꞌ jaꞌtkam, pu cham jam aꞌm tɨ nɨidhim gu Dios. Dɨɨlh sap baꞌ ja aꞌm tɨ nɨidhim panaas nam jum matgilhiꞌñ ja tutkuꞌ bhaan.

EEPESO KAM 2:3

Aach sia puiꞌ jaꞌk jup tu jimdat nach puiꞌ chakui buiñor jup tɨ jɨɨꞌñdhat guch Xoiꞌkam, miꞌ puiꞌ tu duñiidhaꞌ ich jax noꞌ tu tatdaꞌch chutkuꞌ bhaan, piam jax nach jich aaꞌndaꞌ, xich jɨjɨɨgiꞌñdhaꞌ ich panaas aach dɨɨlh nach jix buam jum duukam jup jix chu duñiik kaꞌ na tuꞌr uaꞌtulhdharaꞌ. Guꞌ baꞌ dhiꞌ nach tuꞌ bhaan jich uaꞌtulhiꞌñdhaꞌ, cham tuꞌch joiꞌmdaich chulhiiñchudaꞌ gɨt gu Dios noꞌch pui miꞌ puiꞌ tu daaꞌñchuꞌndaꞌ gɨt, jaꞌxbuiꞌ puiꞌp jich chulhiiñchudaꞌ gɨt na jax ja tulhiiñchudaꞌ guiꞌ nam cham miꞌ puiꞌ jimiaꞌ na jax jix aaꞌ.

KOLOOSAS KAM 3:5

Baꞌ kapbhaiꞌ nat jaꞌp ji buus na pim ba koꞌiix buiñor gux buam jum duukam, chaꞌpim ka kɨɨsaidhaꞌ na pim jix buam jum duukam jup tu buadaꞌ. Chaꞌpim naiꞌ pɨx ja bɨɨm ka boppodaꞌ gu uꞌuub noꞌm cham jir jam bɨpnaꞌ. Chaꞌpim puiꞌ jaꞌk jix buam tu jimdaꞌ. Xi ñakooꞌndaꞌ pim sia ku jax jix buam tu tatdaꞌ na pim jix buam jix chu duñiik. Chaꞌpim jix aaꞌndaꞌ sia na pim gɨt jaꞌp pɨx muiꞌ xi biaꞌkaꞌ gu tuumiñ, na guꞌ dhiꞌ puiꞌ pɨx jup ji buusan na jax noꞌch ja bui tu daan guiꞌ nam didios jir jum tɨɨtgɨdam jup duiñxim.

TIITO 3:3

Puiꞌ dhor tuꞌm kat ich ji bɨɨpɨꞌ dɨr nach chakui tɨ jɨɨꞌñdhat buiñor guch Xoiꞌkam, bɨɨx aixim tu buadaꞌ ich na tuꞌ cham jir kɨɨꞌ, nach guꞌ pu cham tuꞌ kaꞌm nɨiꞌñdhaꞌ gu Dios, jaꞌp ji buusandaꞌ pɨx nach jir tujuandam tugiꞌñ kaꞌ gux buam jum duukam. Maiꞌ suulhgix kat ich tuꞌ sɨlhkam kɨꞌn, dai nach xich jɨjɨɨgak kaꞌ tuꞌ na pɨx bhaan nach jax dhuix bhaak kaꞌ.

SANTIAGO 1:15

Miꞌ baꞌ na puꞌñi xim aagaimɨi, dho guꞌ dai na puiꞌ ba duñiaꞌ dho na jax cham kɨɨꞌ kaꞌm nɨiꞌñ gu Dios, baꞌ dai na bam uaꞌtulhdhaꞌ. Miꞌ dhɨr baꞌ noꞌt cham soiꞌ kam ɨlh buiñor gu Dios na tu uañdhaꞌ, muukiꞌ chɨr bap tuiꞌñgɨdaꞌ gu iiꞌmdagaram bhaan, na guꞌ gatuuk dai na ba tulhiiñchudaꞌ gu Dios.

SANTIAGO 4:1

¿Paa pim dɨr ɨlhiiꞌñ nam gɨgɨꞌlhiꞌñ gu bhaamdaꞌ na pim baꞌ ba jim ñiñiokboixdhaꞌ tuꞌ na pɨx bhaan gam na pim ba jim koodaꞌ? Dho bhaiꞌ dhɨr jam jujur am bhaan na pim bɨɨx aixim jix chu duñiik kaꞌ na tuꞌ cham jum aagaidhaꞌ, gam na pim bhaan tɨtɨɨꞌñchokaꞌ gu tuꞌ yaꞌ kam dhi oiꞌñgaꞌn.

1 JUAN 3:4

Na guꞌ gu jaroiꞌ noꞌ bɨɨx aixim tu bua na jax cham jir am, jum uaꞌtulhiꞌñdhaꞌ buiñor gu Dios, na guꞌ guiꞌ cham kɨɨꞌ kaꞌm nɨiꞌñ gu puiꞌ jaꞌk.