ROOMA KAM 7:21 - Tepehuano Tepehuán del Sureste (Durango)

²¹ Jix bhaiꞌx mat kaꞌ iñ tɨi na cham jir am kaꞌ gu tuꞌ nañ puiꞌ ba tu duñiaꞌ, guꞌ pɨx ji na guꞌ panaas dai dhiꞌx bhaaiꞌn kaꞌ nañ pu tu duñiaꞌ na tuꞌr jix buam jum duukam kaꞌ, sia kuñ guꞌ aañ tɨi cham aaꞌ.

ROOMA KAM 7:21 ပူးပေါင်းရင်းမြစ်များ

LUUKAS 4:1

Baꞌ miꞌ Jordaan Ak nat jum bakua gu Jesuus, gɇꞌ bhaan jum tajaa gux Dhuuduꞌ kam jix Uañ Iiꞌmdaꞌ. Miꞌ dhɨr baꞌ pu sɨlh mu jaꞌk bhɨi maaꞌn kap gampɨx jix chu gak kɨr na paiꞌ pu cham jaroiꞌ oirɨ, na guꞌ gux Dhuuduꞌ kam jix Uañ Iiꞌmdaꞌ pɨx nat puiꞌ jurtuda.

JUAN 8:34

Baꞌp ja tɨtda gu Jesuus: ―Tuꞌ sɨlhkam jañ yaꞌ jam aagiꞌñdhaꞌ, bɨɨx guiꞌ nam jɨꞌk jum uaꞌtulhiꞌñ, dhiꞌ kat puiꞌ bam kaiꞌch nam dai pɨx bha nɨidhim gu uaꞌtulhdharaꞌ na mu jaꞌk ja tukgiꞌñ.

ROOMA KAM 6:12

Jaꞌp japim xi dhui yaꞌ dɨr jaꞌp jaꞌk gu uaꞌtulhdharaꞌ na baꞌ cham pui jam daam jup tuiꞌñgɨdaꞌ jam tutkuꞌ bhaan. Chaꞌpim tuꞌp jum buixiꞌñdhaꞌ sia ku tɨi jam chian na pim jix buam jum duukam jup tu duñiaꞌ, sia chi jax chu tatdaꞌ jam tutkuꞌ bhaan.

ROOMA KAM 6:14

Miꞌ dhɨr dho gi baꞌ guꞌ cham tuꞌ jam daam kap tuiꞌñgɨdaꞌ ji gu uaꞌtulhdharaꞌ, na guꞌ xi jam joiꞌmdat jam aꞌm ba tɨ nɨidhidhaꞌ gu Dios puiꞌ pɨx, cham tuꞌ na pim miꞌ pu tu duñiim na jax tu aagix.

ROOMA KAM 7:23

guꞌ ji na guꞌ jaꞌp dɨr jaꞌk jiñ aꞌm jup baapak jumai na puiꞌñ jurtuꞌn nañ cham miꞌ puiꞌ jimmɨdaꞌ. Dhiꞌ baꞌr diꞌ gu uaꞌtulhdharaꞌ nañ aꞌm jup tuꞌiiꞌ, panaas ku jaꞌp jiñ dhuuk na mu paiꞌñ kuup nañ baꞌ cham miꞌ puiꞌ jimiaꞌ na jax jir am.

ROOMA KAM 7:25

Dai dho gu Dios jix bhaaiꞌ na pu duñiaꞌ, dhiꞌ nañ jaroiꞌ taxchaabgiꞌñ aañ bhaankam gu Gɇꞌkam jich Xoiꞌkam. Baꞌ sia kuñ tɨi tɨ jɨɨgiꞌñ nar puiꞌ na jɨꞌk jax tu aagix buiñor gu Dios, guñ chuukuꞌ bhaan miꞌ puiꞌ tu daaꞌñchuꞌ iñ na jax jiñ jurtuꞌn gu uaꞌtulhdharaꞌ.

ROOMA KAM 8:2

Na guꞌ noꞌch puꞌñi buiñor jup tuiꞌñgɨt guch Xoiꞌkam miꞌ puiꞌ ba jiim na jax jich jurtuꞌnkaꞌ gux Dhuuduꞌ kam jix Uañ Iiꞌmdaꞌ, cham tuꞌch dhaam kap tuiꞌñgɨdaꞌ gu uaꞌtulhdharaꞌ, baꞌ cham tuꞌ mu jaꞌk ka jiimdaꞌ ich nach paiꞌ gammɨjɨ gɨt miꞌ pup jich chulhiiñdhaꞌ.

ISRAEL KAM 2:17

Baꞌm aagɨt na pu chuꞌm jup jum duñiaꞌ na jax gu jaꞌtkam yaꞌ kam dhi oiꞌñgaꞌn, na baꞌ miꞌ dhɨr bax bhaaiꞌn kaꞌ na ja palhbuidhaꞌ nam jax dhui cham maiꞌ ka suulhgix kaꞌ. Puiꞌ kut baꞌ maaꞌnkam jup jum duuk yaꞌ ɇɇk jich bui, baꞌ yaꞌm makgɨrta jich aꞌmkam na baꞌ puꞌñi duuji tuch uañdhaꞌ gu Dios bɨɨx guch uaꞌtulhdharaꞌ, nat guꞌch aꞌmkam ba muu guch Xoiꞌkam. Dhiꞌr diꞌ baꞌ xib guiꞌ nach aꞌmkam ñiok buiñor gu Dios, na puiꞌ tɨɨꞌntuꞌndaꞌ gammɨjɨ na tuch uañiꞌñkaꞌ guch uaꞌtulhdharaꞌ nach gammɨjɨ pɨx jich uaꞌtulhiꞌñ. Puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu ja daañxiꞌñdhaꞌ gu jaꞌtkam gio nam ja palhbuiꞌñdhaꞌ nam tu daandaꞌ buiñor gu Dios, na joidham jix chu joiꞌgɨꞌn.

ISRAEL KAM 4:15

Guiꞌch palhbuiꞌñkaꞌ noꞌch tuꞌ bhaan cham ka xi ja buatuꞌ, na guꞌ guch Xoiꞌkam na puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu juan, jix bhaiꞌx maat na giilhim jir tulhiiñaraꞌ yaꞌ dhi oiꞌñgaꞌn, na guꞌ dɨɨlh puiꞌp jum tulhiiñaimɨk janoꞌ na yaꞌ xi oilhimɨk. Tɨi mamaiꞌchimɨk gu jaꞌook na sap baꞌm uaꞌtulhdhaꞌ gɨt, guꞌ ji nat guꞌ cham jɨꞌxkat maꞌiich. Baꞌ cham tuꞌ bhaan jum uaꞌtulhdhak guch Xoiꞌkam, puiꞌ kuñ baꞌp kaiꞌch nax maat na giilhim bɨxchuꞌ bhaan tu mamaiꞌchɨk gu jaꞌook yaꞌ dhi oiꞌñgaꞌn.

2 PEEGRO 2:19

Puiꞌ xi ja tɨtdat am nam dai puꞌñi jaꞌk jix jɨjɨkgɨm jup tuiꞌkaꞌ noꞌm puiꞌ xi chu bua nam jax jaꞌk tu jimdaꞌ dɨɨlh, gio sap nam cham tuꞌm tulhiiñaꞌ sia kum puꞌñi jaꞌk tu jim. Guꞌ ji nam guꞌ pu dɨɨlh maiꞌ suulhgix kat jup tuiꞌkaꞌ nam giilhim bɨɨx aixim tu buadaꞌ na jax cham kɨɨꞌ kaꞌm nɨiꞌñ gu Dios. Bax bhaiꞌ ba ja dagiaꞌ gux buam jum duukam, nam guꞌ miꞌ puiꞌ xi chu buidhaꞌ na jax ja chiandaꞌ. Iam guꞌ nam tuꞌ kaꞌm nɨiꞌñdhaꞌ gɨt gu Dios.