ROOMA KAM 7:18 - Tepehuano Tepehuán del Sureste (Durango)

¹⁸ Baꞌ bax maat iñ na guñ chuukuꞌ yaꞌ kam dhi oiꞌñgaꞌn cham tuꞌx kɨɨꞌp jum duukam bhaan jup tuiꞌdhiꞌ, gu uaꞌtulhdharaꞌ bhaan jup tuiꞌdhiꞌ. Na guꞌ gu tuꞌ noꞌñ tɨix aaꞌ nañ pu duñiaꞌ, cham jañ jɨꞌxdhaꞌ pu duñiaꞌ.

ROOMA KAM 7:18 ပူးပေါင်းရင်းမြစ်များ

MATEO 15:19

Na guꞌ ja jujur am dɨr bhaan gu jaꞌtkam nam gɨgɨꞌlhiꞌñ gux buam jum duukam, puiꞌ na jax gu jaꞌtkam nam jix ja koodam kaꞌ, gio guiꞌ nam jaiꞌ ja biaꞌkaꞌ gu uꞌuub sia kum tɨi tɨ bɨpnaꞌ, gio guiꞌ nam jir ganaiꞌ pɨx kaꞌ, gio baꞌ guiꞌ nam tɨ ɨɨxiꞌñdhaꞌ, gio baꞌ guiꞌ nam iatdaꞌ, gio guiꞌ nam giilhim ja tɨtdadaꞌ gu jaꞌtkam na jax cham jir am.

LUUKAS 11:13

¿Jia na pim guꞌ bɨɨx pɨx jir jix bhabhaiꞌkam ja bui gu jam maamar, sia ku pim jax jir jix uꞌuaꞌtulhdhix kam jaꞌtkam? ¿Guñ Gɨꞌkoraꞌ gi baꞌ na giilhim jir jix bhaiꞌkam nax dhaam jup tuꞌiiꞌ? Tajaañdhaꞌ ji matgɨm gux Dhuuduꞌ kam jix Uañ Iiꞌmdagaꞌn gu jaroiꞌ na taandaꞌ.

JUAN 3:6

Guꞌ dhi tuukuꞌ na yaꞌ maaxilhiaꞌ, yaꞌ pur tuukuꞌ kaꞌ ji. Guꞌ aañ gux Dhuuduꞌ kam jix Uañ Iiꞌmdaꞌ ji nañ aagɨt jup kaiꞌch, noꞌt bhaan bam tajaa gu jaroiꞌ noꞌ ba tɨ jɨɨgiꞌñ aañ jiñ bui na jaꞌp ji buusniaꞌ na giop ba maaxilhiaꞌ.

ROOMA KAM 13:14

Gu jaꞌpji nach gammɨjɨ miꞌ puiꞌ xi jiimdaꞌ na jax jix aaꞌ guch Xoiꞌkam. Chaꞌch jich dhoꞌñchokaꞌ na jax jich jurtuꞌnkaꞌ gux buam jum duukam, na guꞌ dhiꞌ dai nach bach uaꞌtulhdhaꞌ noꞌch mi jɨɨgiꞌñ.

ROOMA KAM 7:15

Aañ cham maatɨt na jax kaiꞌñkam puiꞌ jaꞌk tuch jimdaꞌ, na gu tuꞌ noꞌñ tɨi jax jix dhuñiim nañ jax jix aaꞌndaꞌ, cham jɨꞌxdhaꞌñ miꞌ pu duñiaꞌ, guiꞌñ pɨx puiꞌ ba duiñchuꞌndaꞌ nañ tuꞌ tɨi cham aaꞌndaꞌ nañ pu duñiaꞌ.

ROOMA KAM 7:19

Noꞌñ tɨi pux chu duñiim na tuꞌr jix bhaiꞌm duukam, dai gux buam jum duukam jañ pɨx pu tu duñiaꞌ nañ tuꞌ tɨi cham pu duñiim kaꞌ.

ROOMA KAM 7:25

Dai dho gu Dios jix bhaaiꞌ na pu duñiaꞌ, dhiꞌ nañ jaroiꞌ taxchaabgiꞌñ aañ bhaankam gu Gɇꞌkam jich Xoiꞌkam. Baꞌ sia kuñ tɨi tɨ jɨɨgiꞌñ nar puiꞌ na jɨꞌk jax tu aagix buiñor gu Dios, guñ chuukuꞌ bhaan miꞌ puiꞌ tu daaꞌñchuꞌ iñ na jax jiñ jurtuꞌn gu uaꞌtulhdharaꞌ.

ROOMA KAM 7:5

Na guꞌ puiꞌ na jax tu aagix kaꞌ, panaas kut dhiꞌ baꞌch ñiññich nach jix buam jum duukam jup tu duñiaꞌ na chich chakui bɨɨmaꞌn koꞌɨɨk guch Xoiꞌkam. Dhiꞌ baꞌ mu jaꞌk jich bhɨichdhatuꞌndat panaas nach paiꞌ gammɨjɨ gɨt miꞌ pup jich chulhiiñdhaꞌ.

GALAASIA KAM 5:17

Cham tuꞌm kɨkɨɨgalhiꞌñ am guꞌ gux buam jum duukam gio gux Dhuuduꞌ kam jix Uañ Iiꞌmdaꞌ, dhiꞌ bhaan baꞌ cham jir am na pim pu tu buadaꞌ na pim dɨɨlh jax ɨlhiiꞌñ, sia pim chi moo tuꞌ tɨi jax jix dhuñiik.

GALAASIA KAM 5:24

Na guꞌ aach nach jɨꞌk buiñor ba tɨ jɨɨgiꞌñ guch Xoiꞌkam, bɨɨx bɨnkam sissapa mɨt guch Xoiꞌkam bhaan gu uꞌuux na gai bɨɨt na jɨꞌx jich aꞌm jup tuꞌt guch uꞌuaꞌtulhdharaꞌ, gam sia bɨɨx nach jɨꞌk tuꞌx buam jum duukam kap tu duñiaꞌ gɨt.

PILIIPOS KAM 2:13

Na guꞌ gu Dios dɨɨlh puiꞌ jam jurtudidhaꞌ na pim baꞌ dai gux kɨɨꞌp jum duukam bhaan tɨtɨɨꞌñchot puiꞌ tu duiñchuꞌndaꞌ, na guꞌ guiꞌx aaꞌ na pim jix bhaiꞌ ji bubuakiaꞌ buiñor.

PILIIPOS KAM 3:12

Ku guꞌ cham tuꞌ ji nañ puiꞌ kaiꞌñkam jup kaiꞌch nañ bar pu chuꞌm nañ jax chuꞌm bhaan tu aꞌga, ni kuñ cham puiꞌ jaꞌk kaiꞌch nañ jix uañ kɨꞌn ba kɨɨk. Jax dhui na ñich guꞌ chakui ai na paiꞌ juugɨt tu daaxix nañ aayaꞌ, baꞌñ aꞌm jum aaꞌ nañ pui miꞌ ka pup xi jimdaꞌ cham jiñ oꞌjolhdhat nañ baꞌ pu chuꞌm ba maiꞌchiaꞌ, nat guꞌ pu chuꞌm kɨꞌn jiñ aꞌm tɨ tɨɨ guch Xoiꞌkam nañ aꞌm jum aaꞌ nañ aayaꞌ sia nar jax kaꞌ gɨt.

TIITO 3:3

Puiꞌ dhor tuꞌm kat ich ji bɨɨpɨꞌ dɨr nach chakui tɨ jɨɨꞌñdhat buiñor guch Xoiꞌkam, bɨɨx aixim tu buadaꞌ ich na tuꞌ cham jir kɨɨꞌ, nach guꞌ pu cham tuꞌ kaꞌm nɨiꞌñdhaꞌ gu Dios, jaꞌp ji buusandaꞌ pɨx nach jir tujuandam tugiꞌñ kaꞌ gux buam jum duukam. Maiꞌ suulhgix kat ich tuꞌ sɨlhkam kɨꞌn, dai nach xich jɨjɨɨgak kaꞌ tuꞌ na pɨx bhaan nach jax dhuix bhaak kaꞌ.

1 PEEGRO 4:2

dai ji na pim gammɨjɨ pɨx bhaan ji baapmigidhaꞌ na pim miꞌ puiꞌ tu kuugalhdhidhaꞌ na jax pɨx jaꞌk jix aaꞌ gu Dios na pim tuiꞌñgɨdaꞌ. Cham tuꞌx buam jum duukam kap jix chu duñiik kaꞌ pim nar yaꞌ kam dhi oiꞌñgaꞌn, ni na pim dɨɨlh jax ɨlhiiꞌñdhaꞌ, na pim guꞌ kaiꞌñkam soiꞌ pɨx bam ɨlhiiꞌñdhaꞌ buiñor noꞌ pim xim tulhiiñ.