ROOMA KAM 7:11 - Tepehuano Tepehuán del Sureste (Durango)

¹¹ Guꞌ bak ji nat jax dhui pɨx bhaan jix bhaiꞌch bhɨi ji gu uaꞌtulhdharaꞌ puiꞌ na jɨꞌk jax tu aagix, puiꞌ kut baꞌ panaas dhiꞌ miꞌ dhɨr mu jaꞌk jup jich bhɨich nach paiꞌ gammɨjɨ gɨt miꞌ pup jich chulhiiñdhaꞌ.

ROOMA KAM 7:11 ပူးပေါင်းရင်းမြစ်များ

ROOMA KAM 3:20

Na guꞌ janoꞌ gu Dios cham jɨꞌxkat jax tɨɨdaꞌ gu jaroiꞌ na cham uaꞌtulhdhix kaꞌ, sia kut tɨi bɨɨx pu tu duu na jɨꞌk jax tu aagix kaꞌ. Na guꞌ dhiꞌ na jɨꞌk jax tu aagix, miꞌ pɨx bhaan jich aagiꞌñ nach jix uꞌuaꞌtulhdhix.

ROOMA KAM 7:13

¿Guꞌ baꞌ jaꞌp kaiꞌñkam jup kaiꞌch iñ aa panaas jiñ jaaduñ na gux kɨɨꞌp jum duukam baꞌ mu jaꞌk tɨ bhɨbhɨichuꞌn na paiꞌr tu tulhiiñaraꞌ? Chaam tuꞌ ji matgɨm. Guꞌ jaꞌpji gu uaꞌtulhdharaꞌ na dhiꞌ bhaan tɨ bhɨbhɨɨ na jɨꞌk jax tu aagix, panaas baꞌ ku dhiꞌ na jax jaꞌk tu aagix puiꞌ jaꞌk tu bua, sia ku tɨir jix kɨɨꞌp jum duukam. Guꞌ ji nat guꞌ dhiꞌ bhaan jup matgir baꞌ nar jix buam jum duukam guiꞌ na puiꞌm tɨɨtɨꞌ uaꞌtulhdharaꞌ, dɨɨlh maaxik jum kɨi.

ROOMA KAM 7:8

Guꞌ baꞌ gu uaꞌtulhdharaꞌ dhiꞌ bhaan jim iatak na jɨꞌk jax tu aagix bhaiꞌch dhaam ji jii, panaas baꞌ kut dɨɨlh gu uaꞌtulhdharaꞌ puiꞌ jaꞌk tu dai na jax jaꞌk tu aagix kaꞌ na baꞌ dhiꞌ bhaan jix bhaiꞌch bhɨɨyaꞌ. Na chich guꞌ dhiꞌ baꞌ bhaan bhaiꞌ ji ñiññia nach jax jaꞌk jich uaꞌtulhdhaꞌ, mu jaꞌk jach baꞌ ba jiimɨt nach paiꞌ gammɨjɨ gɨt miꞌ pup jich chulhiiñdhaꞌ. Na guꞌ noꞌ pu cham paiꞌ jax tu aagix kaꞌ gɨt, pu cham paiꞌx jaiꞌch kaꞌ gɨt gu uaꞌtulhdharaꞌ.

EEPESO KAM 4:22

Baꞌ chaꞌpim gio jaꞌk jup ka sulhiiꞌndaꞌ mu jaꞌk na pim paiꞌx buam tu jimdat bɨɨpɨꞌ dɨr, na paiꞌ gux buam jum duukam puiꞌ jam duiñchuꞌndaꞌ na pim jix buam tu buadaꞌ na tuꞌ cham jir kɨɨꞌ.

ISRAEL KAM 3:13

Jix joiꞌndat japim xi guguuxiꞌñdhaꞌ noꞌ jaroiꞌ maadɨt cham pɨk miꞌ puiꞌ ka jim na jax jix aaꞌ gu Dios, kapbhaiꞌ na xiaꞌlhidhat kapup tu maaxilhim, na jax bam kaiꞌch mi uꞌuan taꞌm, na pim baꞌ cham jum uaꞌtulhdhai maakam jaꞌk pɨx ba bhɨichgɨdaꞌ na paiꞌ jaꞌk jir tu tulhiiñaraꞌ.

SANTIAGO 1:22

Ku guꞌ dhiꞌm aaꞌ ji na pim tuꞌ sɨlhkam miꞌ puiꞌ xi dhuiñchuꞌndaꞌ na jɨꞌk moo jax jum kaiꞌch gux bhaiꞌm kaiꞌchdham ñioꞌkiꞌñ gu Dios, cham tuꞌ daipuꞌ na pim jix mat kaꞌ pɨx. Na guꞌr ba puiꞌ pɨx ɨp sia pim tɨix maat noꞌ pim guꞌ cham pu bua na jax jum kaiꞌch, dɨɨlh japim uaꞌtulhdharaꞌ tɨr jum iabudaꞌ, na pim guꞌ cham am buatgɨdaꞌ.

SANTIAGO 1:26

Baꞌ gu jaroiꞌ noꞌ miꞌ puiꞌ tɨi xi jim na jax moo tu aagix gu ñioꞌkiꞌñ gu Dios na tɨ jɨɨgiꞌñ buiñor guch Xoiꞌkam, guꞌ ji noꞌ guꞌ buam pɨx tu ñiok na jax cham jir am na cham kɨɨꞌ kaꞌm nɨiꞌñ gu Dios, pur cham tuꞌ kaꞌ, sia ku guꞌ tɨi puiꞌm aaꞌ na miꞌ puiꞌ bhɨichuꞌ na jax tu aagix, jir jaꞌp pɨx kaꞌ baꞌ na puiꞌm tɨɨtɨꞌndaꞌ nar jich Xoiꞌkam jɨɨgiꞌñdham, na guꞌ giilhim tu ñiokdaꞌ.