ROOMA KAM 7:10 - Tepehuano Tepehuán del Sureste (Durango)

¹⁰ baꞌ dai na mu jaꞌk bañ bhɨichdhatuꞌ nañ paiꞌ gammɨjɨ miꞌ pup jiñ chulhiiñdhaꞌ. Na guꞌ dhiꞌ na jɨꞌk jax tu aagix, tɨi pu kaiꞌñkam tum uaꞌna nach miꞌ puiꞌ jimiaꞌ na baꞌ miꞌ dhɨr jix bhaiꞌ ba tuch jimdaꞌ, guꞌ ji na guꞌ jaꞌkbuiꞌ kat mu jaꞌk pɨx bach bhɨichdhatuꞌ nach paiꞌ gammɨjɨ miꞌ pup jich chulhiiñdhaꞌ.

ROOMA KAM 7:10 ပူးပေါင်းရင်းမြစ်များ

ROOMA KAM 10:5

Janoꞌ nat gu Moisees tu uaꞌnak na jɨꞌk jax tu aagix, jaꞌpni jaꞌk jup xi chu uaꞌna: “Gu jaroiꞌ na miꞌ puiꞌ jimiaꞌ dhiꞌ na jɨꞌk jax ba tu aagix, dhiꞌ buiñor jimiaꞌ gu Dios.”

ROOMA KAM 4:15

Na guꞌ paiꞌ noꞌx jaiꞌch na jax tu aagix nam tu jimdaꞌ gu jaꞌtkam, noꞌt maadɨt cham am bua miꞌ paiꞌ maaꞌn kap, dhiꞌ bhaan jum uaꞌtulhdhai ba tulhiiñchudaꞌ am. Guꞌ ji noꞌ guꞌ pu cham paiꞌ jax jup tu aagix, dho pu cham paiꞌ jaiꞌch kaꞌ ɨp gu uaꞌtulhdharaꞌ.

ROOMA KAM 7:9

Nañ paiꞌ dhuuk chakui mat kaꞌ aañ na jax tu aagix kaꞌ, joidham jix bhaiꞌ tu jimdaꞌ iñ panaas, pu cham paiꞌ bhaan jax jiñ aaꞌndaꞌ iñ gu tuꞌ uaꞌtulhdharaꞌ. Guꞌ ji na guꞌ na ñich paiꞌ dhuuk bhaiꞌ ji maat na jɨꞌk jax tu aagix, panaas kut miꞌ dhɨr kiaꞌpɨx bhaiꞌ ji jaiꞌchdhɨr gu uaꞌtulhdharaꞌ,

2 KORIINTO KAM 3:7

Kani na guꞌ janoꞌ nat tu uaꞌna gu Dios bhaan gu jaꞌppɨx joodaix koꞌkmalhik na jax jaꞌk tu aagix kaꞌ nam tuiꞌñgɨdaꞌ bɨɨx gu Israel kam, sia ku guꞌ mu jaꞌk tɨ bhɨbhɨichuꞌn nam paiꞌ gammɨjɨ miꞌ pup jum tulhiiñdhaꞌ, joidham jix aꞌbhar kɨꞌn ja bui ai gu Israel kam jaꞌtkam. Na guꞌ nat paiꞌ dhuuk mu ba ja aichulh gu Moisees, joidham jix abhaar mɨimtuꞌ gu buibsaꞌn, baꞌ cham bhaaiꞌ nam jax dhui bha tɨgiaꞌ sɨlh buibsaram gu Israel kam jaꞌtkam. Guꞌ baꞌ nax abhaar mɨimtuꞌ gu buibsaꞌn gu Moisees, dhiꞌ nam bhaan jix mat kaꞌ nar gɇꞌp jum duukam guiꞌ na tuꞌ ja uaꞌtulhiꞌñ, guꞌ ji nat guꞌ jɨꞌk pɨx jur nat naiꞌ ji tuu gu buibsaꞌn.

GALAASIA KAM 3:12

Guꞌ baꞌ noꞌch jix bhaiꞌ biꞌiidhaꞌ gɨt buiñor gu Dios nach miꞌ puiꞌ tu duñiidhaꞌ na jɨꞌk jax tu aagix na tu uaꞌñix, dai puiꞌ pɨx jaꞌk jach jup tu duñiidhaꞌ gɨt, baꞌ cham tuꞌm aaꞌndaꞌ gɨt nach sɨlh pɨx soiꞌch ɨlhdhat buiñor tɨ jɨɨgiꞌñdhaꞌ gu Dios. Na guꞌ jaꞌp iam jaꞌpnip jum kaiꞌch nat tu uaꞌnak gu Moisees na jax jaꞌk tu aagix kaꞌ: “Gu jaroiꞌ na bɨɨx miꞌ puiꞌ tu duñiidhaꞌ na jɨꞌk jax tu aagix dhiꞌ na ba tu uaꞌñix, dhiꞌ kɨꞌn jix bhaiꞌ tu jimiaꞌ buiñor gu Dios.”