ROOMA KAM 5:11 - Tepehuano Tepehuán del Sureste (Durango)

¹¹ Ku guꞌ cham tuꞌ ji nach jaꞌp pɨx gammɨjɨ buiñor jup tuiꞌkaꞌ gu Dios, guꞌ jaꞌpji nach buiñor jix bhaiꞌch chaat kaꞌ bhaankam gu Gɇꞌkam jich Xoiꞌkam, na chich guꞌ bhaankam guch Xoiꞌkam jix bhaiꞌ ji bii buiñor gu Dios.

ROOMA KAM 5:11 ပူးပေါင်းရင်းမြစ်များ

LUUKAS 1:46

Baꞌp kaiꞌch ɨp gu Mariiya: Dho guꞌ aañ jiñ iiꞌmdaꞌ bhaan gɇꞌkamtuꞌn ji gu Dios,

JUAN 1:12

Jɨꞌmaꞌn siamri tɨ jɨɨꞌñ jamɨt buiñor nam jɨꞌk joidham kɇɇ na jax tu aꞌga. Daipuiꞌ baꞌx joiꞌndak xi ja aagiꞌñ nam cham tuꞌ maiꞌ ka suulhgix, nam guꞌ sap bar maamraꞌn gu Dios.

ROOMA KAM 11:15

Na guꞌ nañ jax ba kaiꞌch, noꞌ mɨt gu Israel kam jaꞌtkam jix bhaiꞌ duu nam baꞌ bɨɨx gu jaꞌtkam guiꞌ nam cham jir Israel kam jix bhaiꞌ ji biꞌyaꞌ buiñor gu Dios, ¿jax baꞌ tu tuiꞌkaꞌ pim ɨlhiiꞌñ noꞌ mɨt bɨɨx jix bhaiꞌp bii buiñor gu Dios guiꞌ nam jir Israel kam? Jaꞌpni dho tum duñiaꞌ panaas na jax noꞌ mɨt koꞌɨɨk gio bhaiꞌp ji baapam bɨɨx gu jaꞌtkam.

ROOMA KAM 2:17

Baꞌ aapiꞌm na pim puiꞌ kaiꞌch na pim jir Israel kam jaꞌtkam, baꞌ na pim puiꞌ ji kaiꞌchɨt dhiꞌ bhaan tu daaꞌñchuꞌ pim na jax tu aagix nat tu uaꞌnak gu Moisees. Baꞌx bhaiꞌm taatɨt am gɇꞌgɇrkam jum taat japim na pim xi iim gu Dios jix dhaam kam.

ROOMA KAM 5:1

Baꞌ aach jaiꞌ dhɨt cham tuꞌ bhaan kuiñcha ka biaꞌ buiñor gu Dios, nach guꞌ tuꞌ sɨlhkam tɨ jɨɨgiꞌñ soiꞌch ɨlhdhat nat guch Xoiꞌkam bɨɨx ba tuch ñamkichulh guch uaꞌtulhdharaꞌ.

ROOMA KAM 5:10

Baꞌ nat guꞌ dɨɨlh gu Dios puiꞌ tu duu, nat guꞌch aꞌmkam muu gu Maraaꞌn nach aach buiñor jix bhaiꞌ biꞌyaꞌ, sia kuch jir kɨꞌdargaꞌn kat nach jix uꞌuaꞌtulhdhix, dhiꞌ bhaan jix maatɨꞌ na pu cham paiꞌ dhuuk jup kach chulhiiñchudaꞌ sia pɨk nar jax kaꞌ gɨt, dai nach gammɨjɨ pu buiñor bap tuiꞌkaꞌ baꞌ.

ROOMA KAM 5:3

Ku guꞌ cham tuꞌ ji nach dai dhiꞌ bhaan jix bhaiꞌch chaat, guꞌ jaꞌpji sia bɨɨx aixim bhaan nach jich chulhiiñ nach bhaan jix bhaiꞌp jich chaat. Na guꞌ noꞌch jich chulhiiñ, dhiꞌ baꞌ bhaan jix ioꞌm jich guguuxdhaidhaꞌ ich nach soiꞌch ɨlhdhat cham jich oꞌjolhiꞌñdhaꞌ nach tɨ nɨɨrdaꞌ nach buiñor aayaꞌ gu Dios.

ROOMA KAM 8:23

Baꞌ puꞌñip suan ich aach jich iiꞌmdaꞌ ɨr bhaan, nach guꞌ puiꞌp jich chulhiiñ na jax guiꞌ nat tuꞌp tu duu gu Dios, sia ku guꞌch aꞌm jup tuꞌiiꞌ gux Dhuuduꞌ kam jix Uañ Iiꞌmdaꞌ. Dhix Dhuuduꞌ kam jix Uañ Iiꞌmdaꞌ bɨɨpɨꞌ bach onbaiꞌ gu Dios na baꞌ dhiꞌ bhaan jich onbaiꞌñdhaꞌ ɨp gu gɇꞌp jum duukam gatuuk. Gio noꞌ ba pataaxix guch chutkuꞌ, miꞌ dhɨr dai nach tuꞌ sɨlhkam bar maamraꞌn kaꞌ gu Dios, nach guꞌ cham tuꞌx buam jum duukam kap tu buadaꞌ.

ROOMA KAM 9:10

Gio miꞌ dhɨr gatuuk puiꞌp jum duu ɨp na mɨt gook maaxir gu maamraꞌn gu Rebeeka, daipuꞌ dɨɨlh jir ja taat kaꞌ guꞌ tɨi guch boxii Isaak.

1 KORIINTO KAM 10:16

Nach paiꞌ dhuuk maap jich jumpadai xi taxchaabgidhai gu Dios tu iꞌyaꞌ gu biiñ ɨꞌlhich bapaas taꞌm nach bhaan tɨꞌñchoꞌ guch Xoiꞌkam janoꞌ nat paiꞌ dhuuk jup tu ii ja bɨɨm gu noonbiꞌñ, bɨɨx maaꞌn nach jax chuꞌm iꞌyaꞌ, na guꞌ dhiꞌ bhaan jum uaꞌrgidhaꞌ gu ɨꞌraꞌn guch Xoiꞌkam. Gio nach paiꞌ dhuuk taꞌtak jich jaixdhai tu jugiaꞌ gu paan gakdhiꞌñchix kam, puiꞌ maaꞌn nach jax pɨx bɨɨx jup jugiaꞌ, na guꞌ dhiꞌ bhaan jup jum uaꞌrgiꞌñ gu tukgaꞌn guch Xoiꞌkam. Bɨɨx baꞌ maaꞌn nach jax chuꞌm jugiaꞌ gio nach tu iꞌyaꞌ nach paiꞌ dhuuk puꞌñi soiꞌch ɨlhdhat maap jich jumpadaꞌ nach bhaan tɨꞌñchoꞌ guch Xoiꞌkam.

2 KORIINTO KAM 8:19

Gio dɨɨlh guch Xoiꞌkam jɨɨgiꞌñdham jamɨt bhaan tɨ tɨɨgɨk puiꞌ tɨi na dhiꞌ jaiꞌp jich oiꞌñdhaꞌ naiꞌ jaꞌp, na baꞌ jaiꞌch palhbuidhidhaꞌ nach tu jumpadaꞌ gu tuumiñ nach tuꞌ bhaan ba tu aꞌga. Gio guꞌ dhiꞌ nach bhaan pɨx gɇꞌkamtuꞌn guch Xoiꞌkam nach baꞌ puiꞌ jaꞌk duiñchuꞌ nach ja palhbuidhaꞌ gu jaiꞌ, gam nach jix aaꞌ nax bhaiꞌ tu ja jimdaꞌ ɨp dɨɨlh.

GALAASIA KAM 4:9

Guꞌ baꞌ xib na pim tɨi bax maat guiꞌ na jax chuꞌm sɨlhkam jir diꞌ gu Dios, sia ku guꞌ jaꞌkbuiꞌ kat jix bhaiꞌ xi jam maat na pim jax jir tuꞌm, ¿jax ku pimɨt baꞌ gio miꞌp ja jɨɨꞌñ gux buam jum duuꞌnkam nam jam daam jimiaꞌ, nam bɨxchuꞌx bhaaiꞌ nam pu tu duñiaꞌ yaꞌ dhi oiꞌñgaꞌn? Pu cham tuꞌ bhaaiꞌ am guꞌ tɨi buiñor gu Dios.

GALAASIA KAM 5:22

Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.

PILIIPOS KAM 3:1

Aapiꞌm jiñ jaaduñ jich Xoiꞌkam bhaan, jix bhaiꞌ pim jum taat kaꞌ buiñor guch Xoiꞌkam. Maaꞌn nañ jax jam tɨtda xib, na guꞌ aañ jiñ bui cham jax bua siañ pɨx mɨjɨ dɨr bhaiꞌ ji kɨksa, puiꞌ na ñich jax tu jam uaꞌñxi bɨɨpɨꞌ dɨr, na guꞌ aapiꞌm bhaan maachim na pim jax jaꞌk miꞌ puiꞌ jiimdaꞌ na baꞌx bhaiꞌ tu jam jimdaꞌ.

PILIIPOS KAM 3:3

Jax dhui na guꞌ guiꞌ nam sɨlhkam matgilhdhix kaꞌ nam jir Israel kam jaꞌtkam, jum aaꞌ nam puiꞌ jaꞌk tu jimdaꞌ na jax aach nach tu daan buiñor gu Dios, puiꞌ na jax pɨx jich jurtuꞌn gux Dhuuduꞌ kam jix Uañ Iiꞌmdaꞌ, jix bhaiꞌch chaat ich baꞌ nach buiñor tɨ jɨɨgiꞌñ guch Xoiꞌkam. Dhiꞌ bhaan tu daaꞌñchuꞌ ich aach, cham tuꞌ gu tuꞌ na daam dɨr jich chutkuꞌ bhaan jix maax kaꞌ.

PILIIPOS KAM 4:4

Baꞌx bhaiꞌ pim jum taat kaꞌ gammɨjɨ buiñor guch Xoiꞌkam. Gioñ moo puiꞌp xi chɨꞌyaꞌ: Jix bhaiꞌ pim jum taat kaꞌ.

KOLOOSAS KAM 2:6

Baꞌ gammɨjɨ pim miꞌ puiꞌ xi jiimɨt na jax jix aaꞌ guch Xoiꞌkam, na pimɨt guꞌ pu kaiꞌñkam buiñor tɨ jɨɨꞌñ. Jir jam gɇꞌkam tuk baꞌ xib.

1 PEEGRO 1:8

Na pim guꞌ aapiꞌm buiñor tɨ jɨɨꞌñdhat tuꞌ kaꞌm nɨidhat guch Xoiꞌkam miꞌ puiꞌ ba jiim na jax jix aaꞌ, sia ku pimɨt cham tuꞌ maaxik tɨɨgɨk na yaꞌ xi oilhimɨk. Jix maat iñ na pim bɨɨx jam jujur kɨꞌn jix biiñak buiñor, sia ku pim jix maat na cham tuꞌ yaꞌ kap tuꞌiiꞌ dhi oiꞌñgaꞌn bhaan, gam na pim gɇꞌkam kɨꞌn jix bhaiꞌm taatɨt buiñor jix jɨjɨkgɨm jup tuꞌiiꞌ na pu cham bhaaiꞌ na pim jax xim buadaꞌ ni na pim jax xi chɨtdadaꞌ,