ROOMA KAM 4:2 - Tepehuano Tepehuán del Sureste (Durango)

² Noꞌ gɨt gu Abraam jix kɨɨꞌ maaꞌnkam tɨgiaꞌ gu Dios nax bhaiꞌm duukam bap tu duñiaꞌ gu tuꞌ na dɨɨlh jax ɨlhiiꞌñdhaꞌ, dhiꞌ kɨꞌn gɨt bhaan gɇꞌkam bam taat kaꞌ ja bui gu jaꞌtkam, sia ku guꞌ cham tuꞌ buiñor gu Dios.

ROOMA KAM 4:2 ပူးပေါင်းရင်းမြစ်များ

ROOMA KAM 15:17

Baꞌ aañ nañ tɨ jɨɨgiꞌñ buiñor guch Xoiꞌkam, joidham jix bhaiꞌ tu tatdaꞌ nat jax chuꞌm kɨꞌn jiñ dhai gu Dios nañ jir tujuandam tugiꞌñ kaꞌ.

1 KORIINTO KAM 1:29

Pu kaiꞌñkam pɨx puiꞌ jaꞌk duu gu Dios nam baꞌ bhaan jix mat kaꞌ gu jaꞌtkam na cham jir am na jaroiꞌ gɇꞌkam jum taatɨt puiꞌ kaiꞌchdhaꞌ na bɨɨx jix chu maat na jɨꞌk tuꞌx chu jaiꞌch dhi oiꞌñgaꞌn bhaan.

1 KORIINTO KAM 1:31

Baꞌ noꞌ jaroiꞌx aaꞌ na gɇꞌkam jum taat kaꞌ, jum aaꞌ na puiꞌ jaꞌk duñiaꞌ na jax jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam nap jum kaiꞌch: “Jir am na jaroiꞌ bhaan gɇꞌkam jum taat kaꞌ na miꞌ puiꞌ jim na jax jix aaꞌ gu Dios.”

1 KORIINTO KAM 4:7

Cham jaroiꞌ maadɨt jir dɨɨlh gaꞌn guꞌ gu tuꞌ, gu Dios pɨx tu jam maak bɨɨx na pim jɨꞌk tuꞌ tu biaꞌ. Cham jir am baꞌ na pim dhiꞌ kɨꞌn gɇꞌgɇrkam jum taat kaꞌ, na pim guꞌ cham dɨɨlh jup tu bua.

1 KORIINTO KAM 9:16

Gio cham tuꞌñ dhiꞌ bhaan gɇꞌkam jiñ chaat nañ tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam, nañ guꞌx maat nat gu Dios pɨx jiñ aꞌm tɨ tɨɨgɨk jiñ chia nañ dhiꞌ bhaan tu juanaꞌ. Jaꞌp chi cham bhaiꞌ tuñ jimiaꞌ noꞌ ñich cham pu duu.

2 KORIINTO KAM 11:12

Aañ gammɨjɨ miꞌ puiꞌ pu jimdaꞌ nañ jax ba jim nam baꞌ cham tuꞌ bhaan jiñ maiꞌchiaꞌ gu jaiꞌ nam tɨi dhiꞌ bhaan gɇꞌgɇrkam xim ɨlhdhak nat jax chuꞌm kɨꞌn jich dharai aach gu Dios.

2 KORIINTO KAM 11:30

Aañ dhiꞌ pɨx bhaan gɇꞌkam jiñ chaat nañ gampaiꞌ pɨx jiñ ɨlhiiꞌñ, cham tuꞌ jumai tuꞌ bhaan pup gɇꞌkam jiñ chaat iñ.

2 KORIINTO KAM 5:12

Cham tuꞌ pim jax jum aaꞌndaꞌñ jaaduñ nach dhiꞌ bhaan gɇꞌgɇrkam jich chaatɨt pɨx am jam aagiꞌñ nach jax jir tuꞌm kam, guꞌ jaꞌpji nach miꞌ pɨx jam aagiꞌñ na pim baꞌ dhiꞌ bhaan xim gaꞌngadaꞌ nam jaroiꞌ sɨlhkam bhaankam tu aꞌga gu Dios, nam cham jam iatgiꞌñdhaꞌ guiꞌ nam puiꞌ xi kaiꞌchdhaꞌ nam bhaankam tu aꞌga gu Dios, sia kum guꞌ cham tuꞌ sɨlhkam bhaankam tu aꞌga.

GALAASIA KAM 3:22

Guꞌ ji na guꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam na gu uaꞌtulhdharaꞌ bɨɨx ja daam jup tuꞌiiꞌ gu jaꞌtkam. Guꞌ baꞌ guiꞌ nam jɨꞌk puꞌñi tuꞌ sɨlhkam buiñor ba tɨ jɨɨꞌñdhaꞌ guch Xoiꞌkam, miꞌ dhɨr ba ja bubuaxdhaꞌ gu Dios, na guꞌ dhiꞌ puꞌñir jum duukam nat jax tɨɨdak gu Abraam.

EEPESO KAM 2:9

Baꞌ chaꞌpim tuꞌ kaꞌm jup bam ɨlhiiꞌñdhaꞌ na pim cham tuꞌ mu jaꞌk ka jiim na pim paiꞌ gammɨjɨ gɨt miꞌ pup jum tulhiiñdhaꞌ, na pimɨt guꞌ cham tuꞌ tuꞌ bhaan tu juanak pu chuꞌm maꞌiich.

PILIIPOS KAM 3:9

baꞌ gammɨjɨñ buiñor jup tuiꞌñgɨdaꞌ. Na guꞌ cham jɨꞌxdhaꞌx bhaiꞌ biꞌyaꞌ iñ gɨt buiñor gu Dios noꞌñ gɨt maaꞌn nañ jax miꞌ puiꞌ jimdaꞌ na jax pɨx tu aagix ja bui gu Israel kam jaꞌtkam, guꞌ jaꞌpji na ñich buiñor tuꞌ sɨlhkam tɨ jɨɨꞌñ na ñich baꞌx bhaiꞌ ji bii.