ROOMA KAM 4:16 - Tepehuano Tepehuán del Sureste (Durango)

¹⁶ Puiꞌ ku baꞌ miꞌ dhɨr gu Abraam gu bopxiꞌñ jɨꞌk nam soiꞌm ɨlhdhat buiñor jup ba tɨ jɨɨgiꞌñ gu Dios, ja maa guiꞌ nat tuꞌ iimchux janoꞌ dɨɨlh gu Abraam, nat guꞌx ja joiꞌmdak ja tɨɨ nam jaꞌp pɨx buiñor tɨ jɨɨgiꞌñ. Baꞌ cham tuꞌ dai na miꞌ pu tu duñiaꞌ gu jaroiꞌ na jɨꞌk jax tu aagix kaꞌ na baꞌ maiꞌchiaꞌ guiꞌ na Dios tu maak, guꞌ jaꞌpji noꞌ soiꞌm ɨlhdhat buiñor jup tɨ jɨɨgiꞌñ gu Dios jaꞌp na jax janoꞌ gu Abraam. Baꞌ bɨɨx nach jɨꞌk puꞌñi soiꞌch ɨlhdhat buiñor tɨ jɨɨgiꞌñ gu Dios, jaꞌp ji buusan nar jich chaat gu Abraam.

ROOMA KAM 4:16 ပူးပေါင်းရင်းမြစ်များ

LUUKAS 19:9

Baꞌ gu Jesuus jup tɨtda: ―Puꞌjani jaꞌk jir tuꞌm kaꞌ am guiꞌ nam tuꞌ sɨlhkam jir bopxiꞌñ kaꞌ gu Abraam. Aap baꞌ xib yaꞌ dɨr jaꞌp jaꞌk cham tuꞌ mu jaꞌk ka jim nap paiꞌ gammɨjɨ gɨt miꞌ pup jum tulhiiñdhaꞌ.

ROOMA KAM 15:8

Guch Xoiꞌkam bha jii yaꞌ dhi oiꞌñgaꞌn nat bha ja palhbuidham guiꞌ nam jir Israel kam jaꞌtkam, pu kaiꞌñkam bha jii nat bhaiꞌ pu duñiim nat jax ja tɨɨdak gu Dios bɨjɨk guch bopxi kat na puꞌñich palhbuidhaꞌ gatuuk aach nach jir Israel kam jaꞌtkam. Baꞌ dhiꞌ bhaan matgir na gu Dios puiꞌ duñiaꞌ jax noꞌt ba tɨi.

ROOMA KAM 3:30

Na guꞌ dai maaꞌn pɨx jix jaiꞌch gu Dios, cham tuꞌ nam muiꞌx jaiꞌch. Daipuꞌx jaiꞌch gu Dios guiꞌ na uañchudaꞌ gu uaꞌtulhdhargaꞌn gu jaroiꞌ noꞌt soiꞌm ɨlhdhak buiñor ba tɨ jɨɨꞌñ guch Xoiꞌkam, cham jax bua sia ku matgilhdhix nar Israel kam piam ku guꞌ cham.

ROOMA KAM 4:11

Miꞌ dhɨr baꞌp bam matgilh nat baꞌ bhaan jup matgir ja bui gu jaꞌtkam nat gu Dios puiꞌ jaꞌk ba tɨɨ nar jix kɨɨꞌ maaꞌnkam, dai pɨx nat buiñor soiꞌm ɨlhdhak tɨ jɨɨꞌñ. Baꞌ gu jaroiꞌ na puꞌñi soiꞌm ɨlhdhai buiñor jup tɨ jɨɨꞌñdhaꞌ gu Dios sia ku guꞌ chakui matgilhdhix nar Israel kam, gu Dios pɨx dɨɨlh puiꞌ jaꞌk ba tɨgiaꞌ nar jix kɨɨꞌ maaꞌnkam kaꞌ, na guꞌ miꞌ puiꞌp tu daaꞌñchuꞌndaꞌ na jax gu Abraam, jaꞌp ji buusandaꞌ nar taataꞌn kaꞌ.

ROOMA KAM 5:1

Baꞌ aach jaiꞌ dhɨt cham tuꞌ bhaan kuiñcha ka biaꞌ buiñor gu Dios, nach guꞌ tuꞌ sɨlhkam tɨ jɨɨgiꞌñ soiꞌch ɨlhdhat nat guch Xoiꞌkam bɨɨx ba tuch ñamkichulh guch uaꞌtulhdharaꞌ.

ROOMA KAM 9:8

Baꞌ dhiꞌ jaꞌpnir jum duukam, na gu Dios tuꞌ sɨlhkam bopxiꞌñ ja ɨlhiiꞌñdhaꞌ guiꞌ nam puiꞌp tu jimdaꞌ nat jax tu jii dɨɨlh gu Abraam, cham tuꞌ gu jaroiꞌ na jaꞌp pɨx puiꞌm ɨlhiiꞌñdhaꞌ. Jaꞌp ji buusandaꞌ guꞌ nam miꞌ dhɨr maaxilhiaꞌ na paiꞌ gu Isaak nat jax tɨɨdak dɨɨlh gu Dios gu Abraam.

GALAASIA KAM 3:14

Baꞌ dhiꞌ puiꞌ jaꞌk tum duu na baꞌ bhaankam guch Xoiꞌkam jaiꞌ ja aꞌm jup biꞌyaꞌ guiꞌ nam cham jir Israel kam jaꞌtkam dhiꞌ nat tuꞌ iimchuxdhak gu Dios gu Abraam, dai pɨx noꞌm soiꞌm ɨlhdhat tuꞌ sɨlhkam buiñor ba tɨ jɨɨgiꞌñ. Gio na baꞌ puꞌñi bɨɨx jich aꞌm jich chajaañdhaꞌ gu Dios gux Dhuuduꞌ kam jix Uañ Iiꞌmdagaꞌn aach nach jɨꞌk buiñor tɨ jɨɨgiꞌñdhaꞌ guch Xoiꞌkam, puiꞌ nat jax tɨꞌɨɨk bɨjɨk.

GALAASIA KAM 3:16

Baꞌ puꞌñi ɨp gu Dios na mɨt gook dɨt maaꞌn ñiꞌook jup duu gu Abraam bɨjɨk. Gu Dios puiꞌ jaꞌk tɨɨꞌn gu Abraam nax bhaiꞌ tu jimiaꞌ dɨɨlh gio gu bopxiꞌñ nam jaiꞌchdhɨlhiaꞌ gatuuk. Baꞌ dhiꞌ nam jir bopxiꞌñ kaꞌ gatuuk, cham tuꞌ jaꞌp kaiꞌñkam jup kaiꞌch na dɨɨlh pɨx jix bhaiꞌ tu ja jimiaꞌ, guꞌ jaꞌpji na maadɨt miꞌ dhɨr jup jaiꞌchdhɨlhiaꞌ nam baꞌ dhiꞌ bhaankam jix bhaiꞌ tu jimiaꞌ, dhiꞌ baꞌch Xoiꞌkam nat xib yaꞌ ba jaiꞌchdhɨr.

GALAASIA KAM 3:22

Guꞌ ji na guꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam na gu uaꞌtulhdharaꞌ bɨɨx ja daam jup tuꞌiiꞌ gu jaꞌtkam. Guꞌ baꞌ guiꞌ nam jɨꞌk puꞌñi tuꞌ sɨlhkam buiñor ba tɨ jɨɨꞌñdhaꞌ guch Xoiꞌkam, miꞌ dhɨr ba ja bubuaxdhaꞌ gu Dios, na guꞌ dhiꞌ puꞌñir jum duukam nat jax tɨɨdak gu Abraam.

EEPESO KAM 2:5

Tɨɨꞌ nat jich dhuduaꞌñdhak jich baapmiꞌ janoꞌ nat paiꞌ dhuuk duaꞌñdhak giop bamiiꞌ guch Xoiꞌkam miꞌ dhɨr koiꞌñgaꞌn tɨr, sia kuch guꞌ koꞌiix kat kɨꞌn guch uꞌuaꞌtulhdharaꞌ nach jix buam tu buadaꞌ. Baꞌ xib cham tuꞌ mu jaꞌk ka jiim ich nach paiꞌ gammɨjɨ miꞌ pup jich chulhiiñdhaꞌ gɨt, sia ku guꞌ miꞌ jaꞌk jum aagɨt tɨi nach bhɨɨyaꞌ gɨt na chich gɇꞌ bach uaꞌtulhdhak.

EEPESO KAM 2:8

Baꞌ na pimɨt tɨ jɨɨꞌñ aapiꞌm nat gu Dios tuꞌ sɨlhkam ba xich joiꞌgɨlh, dhiꞌ bhaan cham tuꞌ mu jaꞌk ka jiim japim bhaan gu boi na mu jaꞌk bhɨix na pim paiꞌ gammɨjɨ gɨt miꞌ pup jum tulhiiñdhaꞌ. Cham tuꞌ pimɨt tuꞌ bhaan tu juanak maꞌiich dhiꞌ, guꞌ jaꞌpji puiꞌ pɨx nat xi jam joiꞌmdak jaꞌp jaꞌk jam tuttu gu Dios.

TIITO 3:7

Baꞌ miꞌ dhɨr dai nach ba jimiaꞌ nach gammɨjɨ buiñor bap tuiꞌkaꞌ nach jax baꞌ tuꞌm tɨi nɨɨra xib, nat guꞌ bach uañ guch uaꞌtulhdharaꞌ nat xich joiꞌmdak jich chɨɨ.

2 PEEGRO 1:10

Baꞌ aapiꞌm jiñ jaaduñ jich Xoiꞌkam bhaan, muiꞌ pim xim dɨkooꞌñdhatgɨdaꞌ na pim miꞌ puiꞌ xi jimɨi nañ jɨꞌk jax jam tɨtda na baꞌ bhaan jix maatɨꞌ kaꞌ na gɇꞌkam kɨꞌn xi jam joiꞌndat jam aꞌm ba tɨ nɨidhim gu Dios. Baꞌ miꞌ dhɨr cham tuꞌ jaꞌk jix xuulhgik kam ɨlhiiꞌñdhaꞌ pim na pim jax tu jimdat bɨɨpɨꞌ dɨr na pim chakui tɨ jɨɨꞌñdhat buiñor guch Xoiꞌkam.