ROOMA KAM 3:2 - Tepehuano Tepehuán del Sureste (Durango)

² Matgɨm muiꞌ ji nat ja aꞌm ba tu bii bɨɨx aixim tuꞌm. Gu gɇꞌp jum duukam ja aꞌm bii, dhiꞌr diꞌ gux bhaiꞌm kaiꞌchdham ñioꞌkiꞌñ gu Dios na bhaan tu aꞌga nam jax jaꞌk miꞌ puiꞌ jiimdaꞌ na jax jix aaꞌ.

ROOMA KAM 3:2 ပူးပေါင်းရင်းမြစ်များ

JUAN 5:39

sia ku tɨir maaꞌn na pim tu jiñkuiꞌñdhaꞌ gu ñioꞌkiꞌñ guñ Gɨꞌkoraꞌ na pim sap pɨk baꞌ tɨix maachik na jax jaꞌk gammɨjɨ jam aꞌm tɨ nɨidhidhaꞌ. Matgam gɇɇꞌ jam aꞌm kam aaꞌ ji na pim baꞌx bhaiꞌ ba machiaꞌ. Tɨɨꞌ na pim guꞌ chakui maatɨt kɇɇ na aañ jiñ aagɨt jup kaiꞌch mi uꞌuan taꞌm na tu uaꞌñix,

GU NOONBIꞌÑ GUCH XOIꞌKAM 7:38

Gio dhiꞌ pɨx jup jir diꞌ gu Moisees na ja bɨɨm xi oilhimɨk guch bopxi kat mummɨ na paiꞌr gampɨx jix chu gak kɨr, gio nat ñioꞌkdhak maadɨt gu noonbiꞌñ gu Dios mummɨ na paiꞌr oidhaꞌ taꞌm Sinaii tɨ tɨɨgim. Guiꞌ baꞌ Moisees tu uaꞌnak na jax jaꞌk aagiꞌñ gu nobiiꞌñ gu Dios nach jax jaꞌk cham jich chulhiiñaꞌ gatuuk, na baꞌ miꞌ dhɨr jup bach aagiꞌñdhaꞌ aach.

ROOMA KAM 1:2

Baꞌ guiꞌ na bhaan tu aꞌga dhix bhaiꞌm kaiꞌchdham ñioꞌkiꞌñ gu Dios, gu Dios dɨɨlh ja aaꞌñ guiꞌ na bɨjɨk bhaankamuꞌn ya jaꞌp tu aꞌgimɨk na puꞌñi gatuuk yaꞌ aayaꞌ, dhiꞌ baꞌ miꞌ dhɨr puiꞌ jaꞌk tu uaꞌna mɨt.

ROOMA KAM 2:18

Jix bhaiꞌx maat japim ɨp na jax jaꞌk jix aaꞌ na pim tuiꞌñgɨt miꞌ puiꞌ jiimdaꞌ, na guꞌ na jax tu aagix nat tu uaꞌnak gu Moisees, jix bhaiꞌ jam aagiꞌñ na tuꞌ pɨk jum aaꞌ na pim miꞌ pu duñiaꞌ.

ROOMA KAM 3:1

¿Guꞌ tuꞌ mɨt baꞌ mi chɨɨ guiꞌ nam puiꞌm tɨɨtɨꞌ nam jir Israel kam jaꞌtkam gio nam jum matgilhiꞌñ?

ROOMA KAM 3:3

¿Baꞌ aapiꞌm jax ɨlhiiꞌñ na tu tuꞌiiꞌ nam baꞌ cham miꞌ puiꞌ jiim jaiꞌ dhɨt na jɨꞌk jax tu aagix? ¿Panaas aa gu Dios puiꞌ cham miꞌ puiꞌp ka tu duiñchuꞌ nat jax tɨi?

ROOMA KAM 9:4

Jir pu chuꞌm am ɨp guꞌ na jax aañ, maaꞌn nach jax pɨx jir Israel kam jaꞌtkam guiꞌ nat Dios puiꞌ ja duu nam jir maamraꞌn kaꞌ. Dhi Israel kam jaꞌtkam, joidham jix abhaar kɨꞌn ja buim mamxidhimɨk gu Dios, ja aaꞌñdhak baꞌ na jax jaꞌk tu tuiꞌkaꞌ ja bui gio na jax jaꞌk tu aagix kaꞌ, guiꞌ nat baꞌ Moisees ba tu uaꞌna, gio baꞌ nam jax jaꞌk tuꞌt tu daandaꞌ buiñor, gio baꞌ nat bɨxchuꞌ tu ja iimchuxdhak na gatuuk tu ja makiaꞌ.

1 KORIINTO KAM 9:17

Gio guꞌ cham paiꞌ jax jiñ chɨɨꞌn gu Dios nañ tuꞌ namkiꞌ nɨɨradaꞌ miꞌ paiꞌ maaꞌn kap xi chu aꞌgai, ni kut cham paiꞌñ chɨkka noꞌñ jix aaꞌ nañ naiꞌ tu aꞌgaraꞌ kaꞌ baꞌ cham. Jaꞌpji nat jiñ joot nañ naiꞌ tu aꞌgaꞌ.

2 KORIINTO KAM 5:19

Piam jaꞌpni jaꞌk, jax na pim jaꞌk jix maatɨt kaayaꞌ: Gu Dios pɨx dɨɨlh puiꞌ jaꞌk tu duu na guch Xoiꞌkam bhaankam puiꞌ jaꞌk tu duñiaꞌ nam jix bhaiꞌ biꞌyaꞌ bɨɨx gu jaꞌtkam buiñor dɨɨlh gu Dios, cham jax bua sia kum jax jix uꞌuaꞌtulhdhix. Dhiꞌ jɨꞌ pu chuꞌm jich chia aach gu Dios nach naiꞌ tu aꞌgaꞌ.

GALAASIA KAM 2:7

Guꞌ ji nam guꞌ jaꞌkbuiꞌ kat jup jiñ chɨtda nat sap aañ jiñ aꞌm tɨ tɨɨ gu Dios nañ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam, guꞌ baꞌ gu Peegro bhaan jup tɨ tɨɨ sap na tu ja aꞌgidhaꞌ gu Israel kam jaꞌtkam.

1 TIMOTEO 6:20

Baꞌ aap Timoteo, dɨɨlh jap miꞌ puiꞌ xi dhuiñchuꞌndaꞌ na pich tuꞌ ba maat nar joidham. Chaꞌp ja kɇkɇɇdat guiꞌ nam bɨɨx aixim tuꞌm tu aꞌga na tuꞌ yaꞌ dhi oiꞌñgaꞌn jax jum bua, na guꞌ pu cham tuꞌ mim nɨnɨiꞌñ. Dɨɨlh pɨx nam jax ɨlhiiꞌñdhaꞌ nam pu kaiꞌchdhaꞌ, cham tuꞌ na puiꞌ jaꞌk jix aaꞌ gu Dios.

ISRAEL KAM 5:12

Tɨi bar am kat ji guꞌ na pim jix bhaiꞌ bax mat kaꞌ gɨt dhi ñioꞌkiꞌñ gu Dios na jax pɨk kaiꞌñkam jup jum kaiꞌch, am jaiꞌ ba tu mamtuxiꞌñdhaꞌ pim gɨt, nat guꞌ dhiꞌ muiꞌ ba jur janoꞌ dɨr na pimɨt paiꞌ dhuuk kɇɇk dhix bhaiꞌm kaiꞌchdham ñiꞌook tɨ jɨɨꞌñ buiñor guch Xoiꞌkam. Guꞌ ji na guꞌ cham, pui jam aꞌm jum aaꞌ ji guꞌ na jaroiꞌ jam aagiꞌñdhaꞌ na jax pɨk kaiꞌñkam jup jum kaiꞌch dhix bhaiꞌm kaiꞌchdham ñioꞌkiꞌñ gu Dios. Jaꞌpni pɨx ji buan japim kiaꞌ na jax gu aꞌaalh guiꞌ nam jix ioꞌm kar aꞌlhich kaꞌ, nam pu chakui ioꞌgiꞌñdhaꞌ gu tɨmkalh, dai biiꞌm nam ioꞌdaꞌ.

1 PEEGRO 4:11

Puiꞌ na jax noꞌ gu jaroiꞌ maadɨt jix joojoiꞌñ na bhaankamuꞌn tu aꞌgaꞌ gux bhaiꞌm kaiꞌchdham ñioꞌkiꞌñ gu Dios, dho dhiꞌr diꞌ kaꞌ, dai ji na ba oidhidhaꞌ na ba tu aꞌgichgɨdaꞌ. Na guꞌ gu Dios dɨɨlh aaꞌñdhidhaꞌ na jax jaꞌk tɨꞌiidhaꞌ, na guꞌ bhaan tɨ nɨidhidhaꞌ. Piam ku guꞌ jaroiꞌ maadɨt jix joojoiꞌñ pɨx na bhaankamuꞌn ja palhbuiꞌñdhaꞌ gu jaꞌtkam gu tuꞌ na ja aꞌm jum aagaidhaꞌ, puiꞌp jir am dho, na guꞌ dɨɨlh gu Dios guguuxdhatgɨdaꞌ na baꞌ cham oodat pɨx bhaan ji bamgidhaꞌ nax bhaiꞌ ja buadaꞌ. Dhiꞌ pim baꞌ puꞌñi jaꞌk tu buaꞌt bhaan gɇꞌkamtuꞌndaꞌ gu Dios na pim jix bhaiꞌm taat kaꞌ nat jix bhaiꞌ duu guch Xoiꞌkam nat tu jam uañ gu jam uaꞌtulhdharaꞌ. Gammɨjɨ pim baꞌ moo tu daañchuꞌndaꞌ buiñor, na guꞌ guiꞌ gammɨjɨr gɇꞌkam. Jaꞌpni baꞌ pɨx tuiꞌkaꞌ.

NAT JAX TƗ TƗƗ GU JUAN 19:10

Baꞌ aañ na ñich jax jiñ oꞌlhia kɨꞌn kɨkbo, ba ji chu daanɨ ñich buiñor gu nobiiꞌñ gu Dios na miꞌ tuñ aꞌgiꞌñ, guꞌ ji na guꞌ guiꞌp jiñ chɨtda: ―Chaꞌp tu daandaꞌ aañ jiñ bui, nañ guꞌ aañ pur cham tuꞌ. Jir tujuandam tugiꞌñ iñ pɨx gu Dios jaꞌp na jax aap jiñ jaduuñ gio gu jaiꞌ nam jɨꞌk tuꞌ kaꞌm nɨidhat miꞌ puiꞌ ba jiim na jax chum aꞌga gux bhaiꞌm kaiꞌchdham ñiꞌook na bhaan tu aꞌga guch Xoiꞌkam. Guiꞌ ji Dios nap xi dhañiaꞌ. Na guꞌ bɨɨx nam jɨꞌk bhaankamuꞌn tu aꞌga gu Dios, bɨɨx ja jujur kɨꞌn ba tɨ jɨɨgiꞌñ am na jax jum kaiꞌch gux bhaiꞌm kaiꞌchdham ñiꞌook na bhaan tu aꞌga guch Xoiꞌkam.

NAT JAX TƗ TƗƗ GU JUAN 22:6

Baꞌ gu nobiiꞌñ gu Dios jup jiñ chɨtda ɨp gio: ―Bɨɨx na jɨꞌk jax jum tɨtda gu Dios, sɨlhkam jup kaiꞌch, cham tuꞌ na pɨx jap kaiꞌch, na guꞌ gu Dios jich Gɨꞌkoraꞌ gammɨjɨ puiꞌ tu kuugalhdhidhaꞌ jax noꞌt ba tɨi. Jir diꞌ pɨx guiꞌ na ja tajaañiꞌñkaꞌ gux Dhuuduꞌ kam jix Uañ Iiꞌmdagaꞌn guiꞌ nam jɨꞌk bhaankamuꞌn ja aagiꞌñdhaꞌ gu jaꞌtkam na jax tu duñiaꞌ gatuuk. Aañ baꞌ bhaiꞌp xiñ joot nañ sap puꞌñi bɨɨx ja mattudaꞌ guiꞌ nam jɨꞌk bhaankamuꞌn tu aꞌga gu ñioꞌkiꞌñ na jax tu duñiaꞌ jootom, na cham ka mɨɨkidhaꞌ.