Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROOMA KAM 3:11 - Tepehuano Tepehuán del Sureste (Durango)

11 Ni ku cham jaiꞌch gu jaroiꞌ nax maatɨt tɇ kɇɇ, baꞌ pu cham jaroiꞌ jaiꞌch na iam xi gaagaꞌ gu Dios.

အခန်းကိုကြည့်ပါ။ ကော်ပီ




ROOMA KAM 3:11
25 ပူးပေါင်းရင်းမြစ်များ  

Jaꞌp jañ dho kaiꞌñkam jup kaiꞌch: Gu jaꞌtkam noꞌ mɨt tɨi kai gux bhaiꞌm kaiꞌchdham ñioꞌkiꞌñ gu Dios na jax jaꞌk ja aꞌm ba tɨ nɨidhidhaꞌ gɨt, noꞌ mɨt guꞌ cham maatɨt kai, dhiꞌ jaꞌp ji buusniaꞌ na jax gu tiriik nat miꞌ suulh boi chaꞌm na paiꞌx chu kabaak. Baꞌ na paiꞌ dhuuk miꞌ ji ɇɇji gu jaꞌook, maakam xi jurtudaꞌ, miꞌ pu cham tuꞌ bhaan ka tɨtɨɨꞌñchokaꞌ.


Puiꞌ xi kaiꞌchɨt am nam jix ioꞌm jix chu mamatdaꞌ, guꞌ jaꞌpji nam pu cham tuꞌ maat gux matgɨm.


Ku guꞌ dɨɨlh ji gu Dios nat xi ja doꞌñcho pɨx nam puiꞌ jaꞌk jum duñiaꞌ, gio nam pu tu duñiaꞌ nam jax jix aaꞌ dɨɨlh, na mɨt guꞌ cham aa nam miꞌ puiꞌ jimiaꞌ na jax jix aaꞌ, na mɨt guꞌ dai bhaan ba tɨtɨɨꞌñcho gu tuꞌ na cham jir kɨɨꞌ. Baꞌ cham jax bua siam chi baꞌ pum buimɨk jax ñam ɨlhiiꞌñ dɨɨlh, sia ku tɨi cham jir am.


Gio guꞌp jum kaiꞌch miꞌ na mɨt paiꞌ tu uaꞌnak gu bɨjɨk dɨr kam: Cham jaroiꞌ jaiꞌch na iam jix bhaiꞌm duukam jup tu duñiaꞌ, nim maaꞌn kux jaiꞌch.


Bɨɨx pɨx jamɨt bhaan bhɨi gu boi na paiꞌ cham tɨ kɨɨꞌ, bɨɨx aixim jix buam pɨx ba tu jim am baꞌ. Pu cham jaroiꞌx jaiꞌch iam nax kɨɨꞌp jum duukam xip tu duñiaꞌ, nim maaꞌn dho moo kux jaiꞌch.


Gio guꞌ guiꞌ nam puꞌñi dai bhaan jix buam jum aaꞌndaꞌ na jax ja jurtuꞌnkaꞌ gu ja tutkuꞌ nar yaꞌ kam dhi oiꞌñgaꞌn, dhiꞌ bhaan jix maatɨꞌ kaꞌ nam jix bhaamkiꞌñdhaꞌ gu Dios, na guꞌ cham bhaaiꞌn kaꞌ nam jax dhui miꞌ puiꞌ jimiaꞌ na jax tu aagix buiñor, gio guꞌ cham jɨꞌxkat miꞌ puiꞌ jimiaꞌ am sia pɨk jax kaꞌ gɨt.


Puiꞌ dhor tuꞌm kat ich ji bɨɨpɨꞌ dɨr nach chakui tɨ jɨɨꞌñdhat buiñor guch Xoiꞌkam, bɨɨx aixim tu buadaꞌ ich na tuꞌ cham jir kɨɨꞌ, nach guꞌ pu cham tuꞌ kaꞌm nɨiꞌñdhaꞌ gu Dios, jaꞌp ji buusandaꞌ pɨx nach jir tujuandam tugiꞌñ kaꞌ gux buam jum duukam. Maiꞌ suulhgix kat ich tuꞌ sɨlhkam kɨꞌn, dai nach xich jɨjɨɨgak kaꞌ tuꞌ na pɨx bhaan nach jax dhuix bhaak kaꞌ.


Aach nach guꞌ bax maat gu sɨlhkam Dios na jaroiꞌx ioꞌm jir gɇꞌkam, nat guꞌ bach mattuda gu Maraaꞌn jich Xoiꞌkam nat bhammɨ dɨr bha joot jix dhaam na puꞌñi yaꞌch aagiꞌñdhaꞌ na jax jir tuꞌm kam guch Gɨꞌkoraꞌ. Puiꞌ kuch baꞌ aach xib dai guch Xoiꞌkam buiñor tɨ jɨɨꞌñdhat miꞌ puiꞌ bhɨichuꞌ na jax jix aaꞌ, nach guꞌ bax maat nar diꞌ gu sɨlhkam Dios nax ioꞌm jir gɇꞌkam, gio nax bhaaiꞌ nach baidhikaꞌ gatuuk jix dhaam jaꞌk nach paiꞌ gammɨjɨx jɨjɨkgɨm bap tuiꞌkaꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ