Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROOMA KAM 2:8 - Tepehuano Tepehuán del Sureste (Durango)

8 Guꞌ baꞌ guiꞌ nam gammɨjɨ pɨx jum uaꞌtulhdhaꞌ, nam cham jɨꞌx aagaꞌ nam miꞌ puiꞌ jimiaꞌ na jax jix aaꞌ gu Dios, nam dai gux buam jum duukam jix joojoidhaꞌ, dhiꞌ jɨꞌ am gu Dios cham ja joiꞌmdai mu jaꞌk xi chu chiñiaꞌ nam ja iaboꞌ nam paiꞌx ioꞌm gammɨjɨ pup jum tulhiiñdhaꞌ, na guꞌx ioꞌm bhaamuꞌ ja bui.

အခန်းကိုကြည့်ပါ။ ကော်ပီ




ROOMA KAM 2:8
34 ပူးပေါင်းရင်းမြစ်များ  

Aañ jix maat na gu Dios jix dhaam dɨr jix bhaamut ja nɨiꞌñ gu jaꞌtkam guiꞌ nam cham miꞌ puiꞌ jiim na jax jix aaꞌ, na guꞌ dai nam bɨɨx aixim tu bua nam dɨɨlh jax ɨlhiiꞌñ, puiꞌ ku baꞌ bɨxchuꞌ bhaan pɨx ba ja tulhiiñchuꞌn. Na guꞌ puiꞌ nam jax cham tuꞌ kaꞌm nɨiꞌñ gu Dios, jaꞌp ji buusan nam dhiꞌ tu soobhiꞌñ nam cham machiaꞌ gu jaiꞌ jaꞌtkam na jax pɨk jaꞌk jir miꞌ puiꞌ nam tuiꞌñgɨdaꞌ.


Guꞌ ji na guꞌ cham tuꞌ nam moo bɨɨx kɇɇji miꞌ puiꞌp jimiaꞌ na jax jum kaiꞌchdhaꞌ gux bhaiꞌm kaiꞌchdham ñioꞌkiꞌñ guch Xoiꞌkam, jaꞌp na jax jum kaiꞌch miꞌ nat paiꞌ tu uaꞌnak gu Isaiiyas bɨjɨk, jup jum kaiꞌch: “Aapiꞌ Dios, cham jaroiꞌ iam tɨ jɨɨꞌñdhak miꞌ puiꞌ ba ji jii sia ku mɨt tɨi ba kai gux bhaiꞌm kaiꞌchdham jum ñiꞌook.”


Baꞌ dai puiꞌ pɨx chuꞌm tu aꞌgadaꞌ iñ nat tuꞌ jax joidham jix bhaiꞌm duukam bap tu duu guch Xoiꞌkam bhaankam aañ, nañ guꞌ aañ naiꞌ tu ja aꞌgidhim guiꞌ nam cham jir Israel kam jaꞌtkam nam miꞌ puiꞌ ba jimiaꞌ na jax jix aaꞌ gu Dios. Dɨɨlh jiñ ñiꞌook kɨꞌn jañich puiꞌ tu ja aꞌgi, gio puiꞌ tu duu ñich ɨp ja nɨiꞌñchudat gu jaꞌtkam.


Baꞌ aañ taxchaabgiꞌñ gu Dios na pim aapiꞌm dai gu Dios pɨx bar tujuandam tugiꞌñ, joidham bɨɨx jam jujur kɨꞌn japim miꞌ puiꞌ jiim na jax jix aaꞌ, na pimɨt guꞌ puiꞌ jaꞌk maat na mɨt jax jam aaꞌñ, sia ku pim guꞌ bɨɨpɨꞌ dɨr giilhim kam tulhiiñdhaꞌ na pim jir tujuandam tugiꞌñ kaꞌ gu uaꞌtulhdharaꞌ.


Baꞌ gu Dios puꞌñi ɨp, pu puiꞌ jaꞌk duu bɨjɨk nam jum tulhiiñaꞌ gu jaꞌtkam guiꞌ nam cham miꞌ puiꞌ jimiaꞌ na jax jix aaꞌ, tu dai baꞌ na paiꞌ dhuuk pɨk jum aayaꞌ nam jum tulhiiñaꞌ na baꞌ dhiꞌ bhaan matgilhiaꞌ na jax jir gɇꞌkam.


Guꞌ baꞌ noꞌ guꞌ jaroiꞌ maadɨt cham maat na jax pɨk jaꞌk xi dhuñiaꞌ dhiꞌ nañ jax kaiꞌch, noꞌ guꞌ dai nat bhaan pɨx ba ji ñiokbo, aañ yaꞌ dɨr pu tɨtda nach daipuꞌ puꞌñi jaꞌk jix maat nar joidham, cham jach jax chuꞌm jumaix maat. Sia jaiꞌ kap guiꞌ nam puiꞌp tɨ jɨɨgiꞌñ buiñor guch Xoiꞌkam, daipuꞌ puꞌñi jaꞌk jix maat am nar joidham.


Nañ guꞌx aaꞌ na pim miꞌ puiꞌ jiimdaꞌ nañ paiꞌ dhuuk gio muiꞌp jam tɨɨꞌmɨraꞌ. Jix buam tu tatdachiaꞌ guꞌ noꞌ ñich ba jam tɨɨ na pim cham miꞌ puiꞌ jiim, cham tuꞌñ baꞌ ka tu jam aꞌgidhaꞌ na pim jax jaꞌk bhaan jix bhaiꞌm taat kaꞌ. Jix buam guꞌ noꞌ pim daim kokda, piam ku pim xim jɨjɨɨgak bɨxchuꞌ pɨx bhaan, piam ku pim guꞌ bɨɨx aixim bhaan gɇꞌgɇrkam jum taat, piam ku pim guꞌ dɨɨlh pɨx xim jajoiꞌgɨꞌn, noꞌ pim guꞌ pu cham jajoiꞌgɨꞌn gu jaiꞌ. Piam ku pim jum iꞌiattulhiꞌñ, piam ku pim jum aꞌaꞌga, gammɨjɨ bɨɨx aixim ku pim puiꞌm bua na jax cham kɨɨꞌ kaꞌm nɨiꞌñ gu Dios.


Gio nam tuꞌ kaꞌm nɨidhat daandaꞌ sia tuꞌ na pɨx nam puiꞌ ji ɨlhdhat nar dios, sia ku guꞌ cham tuꞌ maaxik jir diꞌ gu sɨlhkam Dios. Gio nam jix jiipoiñar kaꞌ. Gio nam jix chu bhaamkiꞌñdhaꞌ, gio nam jix chɨ jɨjɨɨgak kaꞌ, gio nam palhɨɨp pɨx nɨɨrdaꞌ nam bhaakuꞌ. Gio nam jix aichuꞌn kaꞌ nam jax jaꞌk ja kokdhichdhaꞌ gu jaꞌtkam.


Chaꞌpim gɇꞌgɇrkam jum taatɨt bɨɨx aixim tu buadaꞌ na pim dɨɨlh jax ɨlhiiꞌñ, na guꞌ dhiꞌ dai na pim jax dhui bhaan pɨx jix bhaak kaꞌ, guꞌ jaꞌpji na pim soiꞌm ɨlhdhat tuꞌ jax buadaꞌ nar jix bhaiꞌm duukam. Puiꞌ pim ja biaꞌkaꞌ gu jaiꞌ nam jix ioꞌm muiꞌ namɨɨk, cham tuꞌ puiꞌ na aapiꞌm.


Pu kaiꞌñkam pɨx bha jimiaꞌ na yaꞌ ja tulhiiñchudaꞌ guiꞌ nam cham tuꞌp jum buixdhaꞌ na jax jum kaiꞌchdhaꞌ gux bhaiꞌm kaiꞌchdham ñioꞌkiꞌñ, na bhaan tu aꞌga nam jax jaꞌk dui cham kam tulhiiñaꞌ gɨt, nam dai tuꞌ pɨx ɨlhdhaꞌ gu Dios.


Chaꞌp tuꞌp jum buixiꞌñdhaꞌ noꞌm jaiꞌ dhɨt bhaan ñiokbo gu tuꞌ na pu cham tuꞌ mim nɨnɨiꞌñ, puiꞌ na jax noꞌm bhaan tu aꞌga gu bɨjɨk dɨr kam sapookiꞌñ nam jax tu jimdat guch bopxi kat, na guꞌ dhiꞌ bhaan pɨx jix bhaak kaꞌ am bhaan ji chu aꞌgat na jax tu aagix nat tu uaꞌnak gu Moisees. Guꞌ dhiꞌ cham tuꞌ kam aaꞌ xib, pu cham jañ maat nam jax kaiꞌñkam puiꞌ jaꞌk tu daaꞌñchuꞌ.


Baꞌ noꞌch guꞌ aach puꞌñi pɨx tuꞌiiꞌ, dai nach am tɨꞌñchokaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn na xich aaꞌñdhai guch Xoiꞌkam na chich tuꞌ bhaan jich uaꞌtulh mu jaꞌk xich jootsaꞌ na paiꞌ gɇꞌ mɨim gu tai na gammɨjɨ cham tuꞌtkɨ, miꞌ na paiꞌ ja tulhiiñchudaꞌ gu Dios guiꞌ nam jɨꞌk jix bhaamkiꞌñ.


Gio guch boxii kat Abraam puiꞌ bɨɨx juraaꞌn kɨꞌn jup jix biiñak kat buiñor gu Dios. Tɨɨꞌ nat tuꞌ kaꞌm tɨɨgɨk puiꞌ tu duu janoꞌ nap tɨtda na jimiaꞌ miꞌ dhɨr kiaꞌmiꞌñ mu jaꞌk na paiꞌ ja makiaꞌ saak gu dɨbɨɨr gu bopxiꞌñ nam muiꞌdhaꞌ. Gu Abraam muiꞌ pɨx pu jimchuꞌ na paiꞌ jaꞌk aaꞌñdhim gu Dios na bhɨɨyaꞌ, na guꞌ dai guiꞌ pɨx buiñor jix biiñaktuꞌ, dɨɨlh pu cham maat guꞌ na paiꞌ baꞌ sɨlh ba ji aayaꞌ, dai baꞌ na pɨx tɨ nɨɨraim na aagiꞌñdhaꞌ gu Dios na paiꞌ.


Guꞌ baꞌ nat guꞌ cham jɨꞌxdhaꞌ paiꞌ dhuuk tuꞌ bhaan jum uaꞌtulhdhak buiñor gu Dios, bɨɨx miꞌ puiꞌ tu kuugalh na jax jix aaꞌ, baꞌ puiꞌ jaꞌk duu gu Dios nar am na ja aꞌmkam mukiaꞌ gu jaꞌtkam, na tu ja namkixdhaꞌ gu ja uaꞌtulhdharaꞌ, na baꞌ miꞌ dhɨr puꞌñi duuji bax bhaaiꞌn kaꞌ nam jimiaꞌ jix dhaam nam paiꞌ gammɨjɨx jɨjɨkgɨm bap tuiꞌkaꞌ, guiꞌ dho ji nam jɨꞌk soiꞌm ɨlhdhai tɨ jɨɨꞌñdhaꞌ buiñor gio nam miꞌ puiꞌ jimiaꞌ na jax jix aaꞌ.


Guꞌ ji noꞌ guꞌ dai gɇꞌkam jum taatɨt naiꞌx ja bhaamkiꞌñ gu jaiꞌ na puiꞌ jim aagɨt nax ioꞌm jix chu maat sia tuꞌ na pɨx, gam sia na jax jaꞌk jix aaꞌ gu Dios, cham tuꞌr diꞌ kaꞌ gu matdaꞌ guiꞌ na Dios tu maak.


Paiꞌ noꞌm muiꞌ jaiꞌch gu pu chuꞌm gu jaꞌtkam, gammɨjɨ pɨx jum daaꞌngichgɨdaꞌ am tuꞌ na pɨx bhaan nam xim jɨjɨɨgak kat kɨꞌn gu tuꞌ nam biaꞌkaꞌ bɨɨx jɨꞌmaꞌn. Jum kooꞌndaꞌ am jaiꞌ, jaiꞌ baꞌ nam jum kokdadat jum koꞌktolhiꞌñdhaꞌ, gammɨjɨ na jax cham kɨɨꞌ kaꞌm nɨiꞌñ gu Dios.


Gio aapiꞌm uꞌuub jiñ jaaduñ jich Xoiꞌkam bhaan na pim tɨ bɨpnaꞌ, jam guguuxiꞌñ iñ ɨp na pim siamri tuꞌ kaꞌm xi ja nɨidhat gu jam bɨpnaꞌ na pim maap tu oiꞌdhaꞌ, na baꞌ guꞌ noꞌm jax dhuukat jaiꞌ dhɨt cham tɨ jɨɨgiꞌñ buiñor guch Xoiꞌkam, saalhiom bhaiꞌ ji chɨ jɨɨꞌñdhaꞌ am, dai nam xi jam nɨiꞌñdhaꞌ pɨx noꞌ pim aapiꞌm joidham jir jix bhabhaiꞌkam ja bui. Cham pɨk jum aaꞌndaꞌ baꞌ na pim gammɨjɨ tu ja aꞌgiꞌñdhaꞌ gu ñioꞌkiꞌñ gu Dios,


Na guꞌ xib yaꞌ aach jich bui nach jɨꞌk ba tɨ jɨɨgiꞌñ buiñor guch Xoiꞌkam, bar bhaan na paiꞌ dhuuk matgilhiaꞌ nach jɨꞌk moo jimiaꞌ jix dhaam jaꞌk buiñor gu Dios. Puiꞌ ku baꞌm aaꞌ nach jich chulhiiñaꞌ xib nach yaꞌ ka dudua dhi tutkuꞌ bhaan, na baꞌ bhaan jix maatɨꞌ kaꞌ noꞌch sɨlhkam buiñor tɨ jɨɨgiꞌñ, piam kuch guꞌ pɨx jap kaiꞌch. Dho jaiñ nach guꞌ aach puiꞌp xich chulhiiñaꞌ palhɨɨp sia kuch ba tɨ jɨɨgiꞌñ buiñor guch Xoiꞌkam nach baꞌ pɨk ba jimiaꞌ nach paiꞌ jaꞌk cham kach chulhiiñaꞌ. ¿Guiꞌ gi baꞌ nam pu cham kɨɨgalhdhat pu cham tɨ jɨɨgiꞌñ buiñor sia kum tɨi tu ja aꞌgiꞌñ gu ñioꞌkiꞌñ, jax japim ɨlhiiꞌñ na ji chu buusniaꞌ ja bui? Dho dai na xi ja aagiꞌñdhaꞌ dho na mɨt pu cham miꞌ puiꞌ jii na jax jix aaꞌ, miꞌ dhɨr dai na ba ja tulhiiñchudaꞌ.


am tɨꞌñchokaꞌ nax ioꞌm tulhiiñchudaꞌ gu Dios mu na paiꞌ mɨim gu tai nax ioꞌm jix choiñ ja nɨiꞌñchudat bɨɨx na jɨꞌk noonbiꞌñ gio guiꞌ na jaꞌp ji buusan na gux kɨɨꞌ kasnir, jaꞌp ji buusniaꞌ na ja iꞌchdhaꞌ guiꞌ nax ioꞌm jix xibuꞌ nax maimdaꞌ.


Baꞌ mi gɇꞌ kiicham na paiꞌ Babiloonia tɨ tɨɨꞌ, baik kap bhaiꞌ ji jai gu dɨbɨɨr. Baꞌ pu bɨɨx naiꞌ ji iaꞌrɨ gu baꞌbhak, sia bɨɨx kap na jɨꞌx oiꞌñgaꞌn na jax jir kikcham kat, nat guꞌ bɨɨx kap joi gu dɨbɨɨr, baꞌ muiꞌ koi mɨt gu jaꞌtkam. Baꞌ guiꞌ nam Babiloonia oiꞌñkat, jix ioꞌm ja tulhiiñchuda gu Dios, na guꞌ pu ja biꞌchulhiꞌñ na puꞌñi ja doodaꞌ jax chuꞌm tanoolh, na mɨt guꞌ gɇꞌ bam uaꞌtulh buiñor, jaꞌp ji buus nat ja iꞌiich gu biiñ nam kɨꞌn koꞌyaꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ