ROOMA KAM 2:25 - Tepehuano Tepehuán del Sureste (Durango)

²⁵ Jir sɨlhkam dho na tuꞌx bhaaiꞌ nam jum matgilhiꞌñ ja tutkuꞌ bhaan gu Israel kam jaꞌtkam nam baꞌ bhaan jix maatɨꞌ kaꞌ nam jir Israel kam, ku guꞌ noꞌm miꞌ puiꞌp duiñchuꞌndaꞌ gɨt ji na jɨꞌk jax tu aagix. Guꞌ pɨx ji nam guꞌ cham tuꞌ miꞌ puiꞌ jiim, pu cham tuꞌ bhaaiꞌ baꞌ siam tɨim matgilhiꞌñ.

ROOMA KAM 2:25 ပူးပေါင်းရင်းမြစ်များ

GU NOONBIꞌÑ GUCH XOIꞌKAM 7:51

Miꞌ dhɨr baꞌ moop ja tɨtda ɨp gio gu Teeban, jup kaiꞌch: ―Guꞌ ji na pim guꞌ aapiꞌm ni jɨꞌx ku pim cham maatɨt tɇ kɇɇ. Tɨi tu naanak japim dho gi ji sap, guꞌ ji na guꞌ ni jɨꞌx ku pim cham jam jujur kɨꞌn xim gaꞌnga na jax jaꞌk jix aaꞌ gu Dios, ni jɨꞌx ku pim jix aaꞌ na pim miꞌ puiꞌ jimiaꞌ na jax jaꞌk tɨi jam guguuxiꞌñdhaꞌ gux Dhuuduꞌ kam jix Uañ Iiꞌmdaꞌ. Jix ja oiꞌñ japim dho gu jam bopxi kat nam puꞌñi jaꞌk tu jimdat bɨjɨk,

ROOMA KAM 2:13

Cham tuꞌr biꞌxim kaꞌ am guꞌ guiꞌ nam jaꞌp pɨx kaayaꞌ na jax tu aagix nat tu uaꞌnak gu Moisees, guꞌ guiꞌ ji nam pu duñiaꞌ na jax jum kaiꞌch nam baꞌ cham jum tulhiiñaꞌ.

ROOMA KAM 2:23

Tɨi bhaan gɇꞌgɇrkam jum taat japim dho puiꞌ na jax tu aagix nat tu uaꞌnak gu Moisees, guꞌ pɨx ji na pim guꞌ cham tuꞌ bhaiꞌ biꞌiim buiñor gu Dios, na pim guꞌ cham tuꞌ miꞌ puiꞌ jiim na jax tu aagix.

ROOMA KAM 2:26

Na guꞌ guiꞌ nam miꞌ puiꞌ jiimdaꞌ na jɨꞌk jax tu aagix, dhiꞌ bhaan jix maatɨꞌ kaꞌ nam jir Israel kam jaꞌtkam kaꞌ, baꞌ puiꞌ ji buusandaꞌ nam matgilhdhix kaꞌ ja tutkuꞌ bhaan, sia kum guꞌ pu cham paiꞌ matgilhdhix.

ROOMA KAM 2:27

Baꞌ guiꞌ nam puꞌñi miꞌ puiꞌ jiimdaꞌ na jɨꞌk jax tu aagix, sia kum guꞌ cham tuꞌ matgilhdhix ja tutkuꞌ bhaan, dhiꞌx bhaaiꞌ nam pu ja tɨɨdaꞌ guiꞌ nam jir Israel kam jaꞌtkam na jax kum baꞌ cham miꞌ puiꞌp jiim, nam guꞌ jaꞌkbuiꞌ kat tɨim matgilhiꞌñ.

ROOMA KAM 2:28

Na guꞌ guiꞌ nam puiꞌm tɨɨtɨꞌndaꞌ nam jir Israel kam, cham tuꞌ dai daam dɨr pɨx nam puiꞌm tɨɨtɨꞌndaꞌ. Gio guiꞌ nam jum matgilhiꞌñdhaꞌ, cham tuꞌ dai daam dɨr pɨx ɨp nam jum matgilhiꞌñdhaꞌ na baꞌ puiꞌ bam kaiꞌchdhaꞌ nam ba matgilhdhix.

1 KORIINTO KAM 7:19

Na guꞌ cham jax bua sia ku jaroiꞌ matgilhdhix nar Israel kam piam ku guꞌ cham, guꞌ jaꞌpji noꞌ tɨ jɨɨꞌñdhat buiñor guch Xoiꞌkam miꞌ puiꞌ jim na jax jix aaꞌ.

GALAASIA KAM 6:13

Gio guꞌ puiꞌ pɨx cham tuꞌ bɨɨx miꞌ puiꞌp tu duiñchuꞌ am na jɨꞌk jax tu aagix guiꞌ nat Moisees tu uaꞌnak guiꞌ nam jɨꞌk tɨim matgilhiꞌñ. Dhiꞌ baꞌ bhaan jix maatɨꞌ nam jax dhui pɨx bhaan gɇꞌgɇrkam jum taat kaꞌ noꞌ pimɨt jum matgilh, nam guꞌ miꞌ dhɨr puiꞌ ba kaiꞌchdhaꞌ baꞌ na mɨt guiꞌ pɨx puiꞌ jam chia.

GALAASIA KAM 6:15

Aañ jix maat na pu cham tuꞌ bhaaiꞌ sia ku jaroiꞌ tɨi matgilhdhix piam ku guꞌ cham, guꞌ jaꞌpji nañ cham tuꞌx buam ka tu buadaꞌ, dhiꞌ pɨk ji nam aaꞌ, na jumai iiꞌmdaꞌñ aꞌm bap tuiꞌñgɨdaꞌ.