ROOMA KAM 14:2 - Tepehuano Tepehuán del Sureste (Durango)

² Puiꞌ na jax nam guꞌ jaiꞌ dhɨt guch Xoiꞌkam jɨɨgiꞌñdham puiꞌm aaꞌ na bɨɨx pɨx jix bhaaiꞌ nam tu kuaꞌdaꞌ gu koiꞌ na tuꞌx jaiꞌch kaꞌ, guꞌ baꞌ guiꞌ nam cham pɨk bhaiꞌ buiñor tɨ jɨɨgiꞌñ guch Xoiꞌkam, puiꞌ ɨlhiiꞌñ am na dai gum ɨꞌxchadam kɨꞌn jix bhaaiꞌ nam tu kuaꞌdaꞌ.

ROOMA KAM 14:2 ပူးပေါင်းရင်းမြစ်များ

ROOMA KAM 14:1

Noꞌ jaroiꞌ maadɨt ba jam paxiaraim na cham pɨk bhaiꞌ buiñor tɨ jɨɨgiꞌñ guch Xoiꞌkam, baꞌ noꞌ guꞌ cham maat na jax pɨk jaꞌk jix aaꞌ gu Dios, chaꞌpim bɨɨx aixim ba ji chɨɨdaꞌ, jix joiꞌgɨꞌndaꞌ pim pɨx.

ROOMA KAM 14:14

Puiꞌ na jax aañ nañ guꞌ dɨɨlh jup jix chaat jiñ jur am bhaan na cham tuꞌ tuꞌx xidhuu yaꞌ dhi oiꞌñgaꞌn guiꞌ nar koiꞌ, nañ guꞌ puiꞌ jaꞌk tɨ jɨɨgiꞌñ. Guꞌ ji noꞌ guꞌ jaroiꞌ puꞌñi tuꞌx xidhuutuꞌn, dho cham tuꞌ kuadaꞌ ɨp gu tuꞌ nax xidhuutuꞌn kaꞌ, na guꞌ puiꞌ jaꞌk tɨ jɨɨgiꞌñdhaꞌ.

ROOMA KAM 14:20

Baꞌ chaꞌpim bhaan tu aꞌgadaꞌ gu tuꞌ koiꞌ noꞌr jix xidhuu piam ku guꞌ cham. Jax dhui nat guꞌ gu Dios bɨɨx tum kuaꞌdam jup tu duu na jɨꞌk jix chu jaiꞌch. Guiꞌ dho gi guꞌx xidhuu ji noꞌt gan koiꞌ kɨꞌn gai gɨi gu jaroiꞌ na puiꞌ tɨip ka tɨ jɨɨgiꞌñdhaꞌ buiñor guch Xoiꞌkam.

ROOMA KAM 15:1

Jaiꞌ dhɨt nach jɨꞌk bɨɨx jich jujur kɨꞌn buiñor tɨ jɨɨgiꞌñ guch Xoiꞌkam, nach jix bhaiꞌ bax maat na jax pɨk jaꞌk jix aaꞌ gu Dios, ja palhbuidhaꞌ ich guiꞌ nam chakui bɨɨx ja jujur kɨꞌn jix bhaiꞌ tɨ jɨɨgiꞌñ, nam chakui bhaiꞌ maat na jax pɨk jaꞌk jix aaꞌ gu Dios nam miꞌ puiꞌ jiimdaꞌ, cham tuꞌ nach dɨɨlh gɇꞌgɇrkam jich chaat kaꞌ nach xix maat.

1 KORIINTO KAM 10:25

Jix bhaaiꞌ dho na pim sabaꞌdai jugiaꞌ gu bakaax mu jaꞌp na tum gaꞌra, dai na pim cham tɨ tɨkkat ni na pim puiꞌ jim aagɨt noꞌ tɨkiix kaat kaꞌ baꞌ cham.

1 KORIINTO KAM 8:9

Ku guꞌ aapiꞌm na pim jɨꞌk jix bhaiꞌ bax kaapak na pim tɨ jɨɨgiꞌñ buiñor guch Xoiꞌkam, jum aaꞌ na pim cham ja taagiob tu kuaꞌdaꞌ guiꞌ nam chakui bhaiꞌ kaapak buiñor guch Xoiꞌkam, sia ku pim guꞌ aapiꞌm jix maat na cham xidhuu gu jax chuꞌm koiꞌ.

1 KORIINTO KAM 9:22

Baꞌ noꞌñ ja buip tuꞌiiꞌ ɨp guiꞌ nam chakui bhaiꞌ buiñor tɨ jɨɨgiꞌñ guch Xoiꞌkam, puiꞌñ jaꞌk jup tu jimdaꞌ nañ panaas chakui bhaiꞌp tɨ jɨɨgiꞌñ, aañ guꞌ nañ jax dhui dhiꞌ bhaan ja palhbuidhaꞌ nam jax jaꞌk jix bhaiꞌ kaapakaꞌ nam tɨ jɨɨgiꞌñdhaꞌ buiñor guch Xoiꞌkam. Baꞌ puꞌñi sia paiꞌ nañ jup tuiꞌñgɨdaꞌ, nañ jax jaꞌk ja nɨiꞌñdhaꞌ gu jaꞌtkam nam tu jimdaꞌ gu miꞌ kam, puiꞌñ jaꞌk jup ba tu jimdaꞌ nañ baꞌ bhaan ja maiꞌchiaꞌ, kat jam chi iam puꞌñi jaꞌk jaiꞌ dhɨt tɨ jɨɨꞌñdhai jimiaꞌ buiñor guch Xoiꞌkam.

GALAASIA KAM 2:12

Bɨɨpɨꞌ dɨr ja bɨɨm ka xi chu kuaꞌdaꞌ guiꞌ nam cham jir Israel kam jaꞌtkam. Baꞌ mɨkkat na mɨt bhammɨp ba ji bubua jɨꞌkchi guiꞌ nam bhaankam bhammɨ jaꞌp oipim gu Santiago, cham tuꞌ ja bɨɨm ka tu kuaꞌ, nat guꞌ bax ja ɨɨbhi. Miꞌ puiꞌ tu daaꞌñchuꞌ am guꞌ nam jax tu jim gu Israel kam jaꞌtkam nam cham tɨ jɨɨgiꞌñ buiñor guch Xoiꞌkam, jum aaꞌndaꞌ sap guꞌ nam matgilhdhix kaꞌ sia kum guꞌp tɨ jɨɨgiꞌñ buiñor guch Xoiꞌkam, miꞌ dhɨr baꞌ bax bhaaiꞌn kaꞌ ɨp nam ja bɨɨm tu kuaꞌdaꞌ guiꞌ nam jir Israel kam jaꞌtkam.

1 TIMOTEO 4:4

Nat guꞌ gu Dios tum kuaꞌdam jup tu duu gu koiꞌ bɨɨx na jɨꞌk jix chu jaiꞌch, cham tuꞌ nach guꞌ aach baꞌ yaꞌ dɨr puiꞌp ba duñiaꞌ na cham jir tum kuaꞌdam kaꞌ, dai ji nach tu kuaꞌdaꞌ xi taxchaabgidhat gu Dios.

TIITO 1:15

Na guꞌ gu jaroiꞌ na daix kɨɨꞌp tum duuꞌnkam bhaan jurtɨkaꞌ, bɨɨx jir jix kɨɨꞌp tum duuꞌnkam kaꞌ ɨp na jɨꞌk tuꞌ naiꞌx chu jaiꞌch. Guꞌ ji noꞌ guꞌ pu cham jɨꞌx tɨ jɨɨgiꞌñ nax jaiꞌch gu tuꞌ nar jix kɨɨꞌ, dho pu cham jɨꞌxdhaꞌ jaiꞌchdhɨlhiaꞌ, na guꞌ dai puiꞌ pɨx jaꞌk jum aaꞌndaꞌ. Puiꞌ na jax guiꞌ nam cham tɨ jɨɨgiꞌñ buiñor guch Xoiꞌkam nam daix buam tum duuꞌnkam bhaan jujurtɨk.

ISRAEL KAM 13:9

Puiꞌ ku pim baꞌ dai guiꞌ pɨx buiñor tɨ jɨɨꞌñdhat jix biiñak kaꞌ gammɨjɨ. Chaꞌpim tuꞌp jum buixdhat na jɨꞌk jax tu daaxix gu yaꞌ maaxik, puiꞌ na jax gu koiꞌ na jax chuꞌm jir jum kuaꞌdam gio na jax chuꞌm cham. Na guꞌ dhiꞌ cham jɨꞌxkat tuꞌ kɨꞌn jich palhbuidhaꞌ sia kuch tɨi miꞌ puiꞌ tu daaꞌñchuꞌ na jax tu daaxix. Jaꞌpji dhiꞌ nax ioꞌm jum aaꞌ nach miꞌ puiꞌ xi chu kuugalhdhidhaꞌ nat jax tu daasak guch Xoiꞌkam, nach baꞌ bhammɨ aayaꞌ jix dhaam buiñor gu Dios.

ISRAEL KAM 9:10

Na guꞌ dhiꞌ jaꞌp pɨx nach puiꞌ jaꞌk tu buadaꞌ, koiꞌ pɨx nach miꞌx bhaiꞌ buadaꞌ gam gu tuꞌ nach iꞌyaꞌ na pu cham tuꞌ bhaaiꞌn kaꞌ sia kuch tɨi jax chu bua, panaas baꞌ kuch bhaan pɨx tɨ nɨɨradaꞌ na jɨꞌx juugɨt puꞌñi maakam tu daasaꞌ gu Dios na tu aagix kaꞌ yaꞌ dɨr jaꞌp jaꞌk, cham paiꞌ nach iam uañchudidhaꞌ guch uaꞌtulhdharaꞌ pu chu buaꞌt.