ROOMA KAM 13:7 - Tepehuano Tepehuán del Sureste (Durango)

⁷ Gammɨjɨ jam aꞌm jum aaꞌ na pim tu maakdaꞌ gu tuumiñ na paiꞌ dhuuk jum aajidhaꞌ. Tu namkidhidhat japim sia tuꞌ na pɨx bhaan noꞌ pim tu uaꞌtuꞌn. Gio tuꞌ na aagix kaꞌ na pim tu namkiꞌñdhaꞌ, tu namkidhidhat japim. Gio tuꞌ kaꞌm japim ja nɨidhat guiꞌ nam aagix kaꞌ na pim tuꞌ kaꞌm ja nɨiꞌñdhaꞌ, jir jix bhabhaiꞌkam kaꞌ pim ja bui.

ROOMA KAM 13:7 ပူးပေါင်းရင်းမြစ်များ

MATEO 17:25

Baꞌp ja tɨtda gu Peegro: ―Tu namkiꞌñ ji matgɨm. Baꞌ xi mɨɨ nat tɨkkam gu Jesuus na jax jaꞌk jix bhaiꞌ gu dhiꞌ puiꞌ. Baꞌ na kiaꞌpɨx muiꞌ ji baakim mɨjɨ baꞌk chɨr, bɨɨpɨꞌ kat bhaiꞌ ba ñio gu Jesuus, jup kaiꞌch: ―¿Aap jax ɨlhiiꞌñ Simoon ja bui gux ioꞌm gɇꞌgɇrkam jum aaꞌndam nam jix jaiꞌch yaꞌ dhi oiꞌñgaꞌn bhaan? ¿Jaroom aagix nam ja namkiꞌñdhaꞌ, gu dɨɨlh ja jaꞌtkam tuk aa, kaꞌ gu jaiꞌ aa momkoran kam noꞌm ja daam kɨɨk?

MATEO 22:21

Baꞌ guiꞌp kaiꞌch am: ―Dho gux ioꞌm gɇꞌkam Rooma kam dho. Baꞌp ja tɨtda ɨp gio gu Jesuus: ―Dho pim xi maakidhat ku gi gux ioꞌm gɇꞌkam Rooma kam na jɨꞌk bhaan jup bipioꞌdaꞌ, gio gu Dios japim jup xi maakidhat na jɨꞌk bhaan jup bipioꞌdaꞌ.

MAARKOS 12:17

Baꞌp ja tɨtda: ―Dho pim xi maakidhat ku gi gu Seesar na puiꞌr jam gɇꞌkam tuk na jɨꞌk bhaan bipioꞌdaꞌ, gio gu Dios japim jup xi maakidhat na jɨꞌk bhaan jup bipioꞌdaꞌ. Baꞌ miꞌ puiꞌ pup tuꞌiiꞌ am nat puiꞌ jɨꞌ xi ja tɨɨꞌn, na guꞌ joidham jix bhaiꞌ xi bua na xi chu aꞌga. Cham jaroiꞌ puiꞌ kɇɇkɇt am.

LUUKAS 20:22

Baꞌ jaꞌp jach tuꞌm jup xim tɨkkam: ¿Jir am aa nach namkiꞌñdhaꞌ gux ioꞌm gɇꞌkam Seesar Rooma kam na jɨꞌk aagix nach namkiꞌñdhaꞌ, kaꞌ cham aa?

LUUKAS 20:25

Baꞌp ja tɨtda gu Jesuus: ―Dho pim xi namkidhat gu Seesar na jɨꞌk aagix na pim namkiꞌñdhaꞌ, gio gu Dios japim jup xi maakidhat na jɨꞌk bhaan jup bipioꞌ.

LUUKAS 23:2

Mu buiñor ba iattulhiꞌñ am baꞌ, jup tɨtda am: ―Aach jaꞌp tuꞌm kɨꞌn yaꞌm uaꞌtulhiꞌñ dhi maaꞌnkam. Mu jaꞌp oirɨt ja kokdhichuꞌn guch jaꞌtkamiꞌ, jup ja tɨtda nam sap cham namkiꞌñdhaꞌ gux ioꞌm gɇꞌkam Rooma kam. Gio na puiꞌ ja tɨtda na sap jir diꞌ guch Xoiꞌkam, na jaꞌp kaiꞌñkam jup ji kaiꞌchɨt na dhiꞌr diꞌ gux ioꞌm jich gɇꞌkam tuk.

ROOMA KAM 12:10

Puiꞌ pim jaꞌk xim ja joiꞌgɨꞌndaꞌ na jax noꞌ pim miaꞌn jir jum jajaaꞌnnim kaꞌ gɨt. Tuꞌ kaꞌm japim xim nɨnɨidhat, cham tuꞌ na pim ampɨx jum jajaaxmagiꞌñdhaꞌ.

ROOMA KAM 13:6

Guꞌ baꞌ nam guꞌ gu gɇꞌgɇrkam bhaankam tu juan gu Dios, jum aaꞌ ɨp na pim tu maakdaꞌ gu tuumiñ na jɨꞌk aagix na ja aꞌm biꞌiidhaꞌ.

EEPESO KAM 5:33

Bɨɨx dho baꞌ na pim jɨꞌk jir chichioꞌñ na pim tɨ bɨpnaꞌ, jum aaꞌ na pim jix ja joiꞌgɨꞌndaꞌ gu jam bɨpnaꞌ. Gio bɨɨx na pim jɨꞌk jir uꞌuub na pim jup tɨ bɨpnaꞌ, jum aaꞌ ɨp na pim tuꞌ kaꞌm ja nɨiꞌñdhaꞌ gu jam bɨpnaꞌ chichioꞌñ.

EEPESO KAM 6:5

Gio aapiꞌm na pim puiꞌ pɨx jir tujuandam nam cham jam namkiꞌñ, tuꞌ kaꞌm japim ja nɨidhat miꞌ puiꞌ xi chu duñiidhaꞌ jax ñam jam tɨɨdaidhaꞌ guiꞌ nam jir jam gɇꞌgɇrkam tuk yaꞌ dhi oiꞌñgaꞌn bhaan, jix ja ɨɨbhidhat japim miꞌ puiꞌ tu duñiidhaꞌ gu tuꞌ nam jam chiñiidhaꞌ. Gio cham tuꞌ na pim jix oodat parban pu buadaꞌ gu tuꞌ, guꞌ jaꞌpjix bhaiꞌ, panaas ku pim guch Xoiꞌkam pɨx tujuañxiꞌñdhaꞌ.

1 TIMOTEO 5:13

Piam nam naiꞌ pɨx jiimɨt ba tu aꞌgidhaꞌ kikcham na tuꞌ cham bhaiꞌm kaiꞌch, piam nam iataidhaꞌ, piam nam bax chu oꞌjoꞌndaꞌ.

1 TIMOTEO 5:17

Guch Xoiꞌkam jɨɨgiꞌñdham nam jix ioꞌm bax maat nam jax jaꞌk tu ja aagiꞌñ gu jaiꞌch Xoiꞌkam jɨɨgiꞌñdham, dhiꞌx ioꞌm jum aaꞌ ɨp na pim jix bhaiꞌ ja buadaꞌ. Gook jaꞌkbuiꞌ kim japim ja maakdaꞌ gu tuꞌ nam aaꞌndaꞌ, guiꞌ pɨk nam jix ioꞌm tu aꞌgat tu mamtuxiꞌñdhaꞌ gu ñioꞌkiꞌñ gu Dios.

1 TIMOTEO 6:1

Jaiꞌ dhɨt guch Xoiꞌkam jɨɨgiꞌñdham nam tu ja juantuꞌn puiꞌ cham ji ja namkidhat, jum aaꞌ nam tuꞌ kaꞌm ja nɨidhat miꞌ puiꞌ xi dhuñiidhaꞌ tuꞌ nam ja chiandaꞌ gu ja gɇꞌgɇrkam tuk nam baꞌ bɨɨx pɨx jix bhaiꞌ aaꞌndaꞌ gu Dios gio gu ñioꞌkiꞌñ dhiꞌ nach aach bhaan tu aꞌga.

1 PEEGRO 3:7

Guꞌ baꞌ aapiꞌm na pim jir chichioꞌñ, jam guguuxiꞌñ iñ ɨp na pim siamrix bhaiꞌp xi ja tɨtdat guiꞌ nam jir uꞌuub nam jir jam bɨpnaꞌ. Chaꞌpim ja bhaamkiꞌñdhaꞌ, xi ja palhbuidhat japim tuꞌ nam jax buadaꞌ mi jaꞌp. Na guꞌ gu ubii cham tuꞌ jaꞌxbuiꞌ puiꞌx ooꞌ na jax guiꞌ nar chioꞌñ, puiꞌ ku baꞌm aaꞌ na pim jix ja joiꞌndat ja palhbuiꞌñdhaꞌ na baꞌ guꞌ puiꞌx bhaiꞌ tu tatdaꞌ kaꞌ. Gio na guꞌ gu Dios jaꞌxbuiꞌ puiꞌp jix ja joiꞌgɨꞌn guiꞌ nam jir uꞌuub na jax aapiꞌm, puiꞌp ja baidhikaꞌ gatuuk jix dhaam jaꞌk nat paiꞌ jam iimchuda aapiꞌm na jam aichdhaꞌ, nam guꞌ puiꞌp ba tɨ jɨɨgiꞌñ buiñor guch Xoiꞌkam. Na baꞌ noꞌ pim puꞌñix bhaiꞌ kaiꞌchɨt maaꞌn ñiꞌook jup duuk na pim jir jum bɨpnagɨm, jam kɇɇkɇꞌ gu Dios tuꞌ na pim muiꞌ ba taandaꞌ soiꞌm ɨlhdhat.