ROOMA KAM 13:4 - Tepehuano Tepehuán del Sureste (Durango)

⁴ Pu kaiꞌñkam ja daraas guꞌ gu Dios gu gɇꞌgɇrkam nam baꞌ joidham jix bhaiꞌ tu oiꞌñkam guiꞌ nam jir jix kɨkɨɨꞌ jaꞌtkam. Baꞌ noꞌ pim guꞌ aapiꞌm jix buam pɨx tu jim, dho puꞌñi dai na pim jix chotdon kaꞌ na pim jix ja ɨɨbhiꞌñdhaꞌ gu gɇꞌgɇrkam. Na guꞌ cham tuꞌ jaꞌp pɨx uaꞌkaꞌ gu gɇꞌkam gu oxia, guꞌ jaꞌpji na dhiꞌ bhaan jix maatɨꞌ kaꞌ na ja tulhiiñchudaꞌ guiꞌ nam jix buam tomaat kaꞌ. Puꞌñi jaꞌk bhaankam tu juan am gu Dios gu gɇꞌgɇrkam yaꞌ kam dhi oiꞌñgaꞌn.

ROOMA KAM 13:4 ပူးပေါင်းရင်းမြစ်များ

ROOMA KAM 12:19

Jiñ jaaduñ jich Xoiꞌkam bhaan, aañ pu jam tɨtda na pim cham tuꞌ puiꞌp buadaꞌ gu jaroiꞌ noꞌt tuꞌx buam jam duiñ. Gu Dios dɨɨlh jix maat na jax jaꞌk ja duñiaꞌ guiꞌ nam jix buam tu buadaꞌ, na guꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam, na jaꞌpni kaiꞌch gu Dios: “Dai aañ jix bhaaiꞌ nañ jaꞌk buidhaꞌ gu jaroiꞌ na buam jam doodaꞌ. Pu chuꞌm kɨꞌn jañ jaꞌk jup buidhaꞌ na jax chuꞌm kɨꞌn jix buam jam doodaꞌ.”

ROOMA KAM 13:6

Guꞌ baꞌ nam guꞌ gu gɇꞌgɇrkam bhaankam tu juan gu Dios, jum aaꞌ ɨp na pim tu maakdaꞌ gu tuumiñ na jɨꞌk aagix na ja aꞌm biꞌiidhaꞌ.

1 TESALOONIKA KAM 4:6

Ni ku pim cham jix joidhat nɨiꞌñdhaꞌ gu jax chuꞌm jich Xoiꞌkam jɨɨgiꞌñdham gu bɨngaꞌn, ni jaroiꞌ jax chuꞌm jumai. Noꞌ jax dhuukat jaroiꞌ puiꞌ jaꞌk tu jim, Dios dhox ioꞌm tulhiiñchudaꞌ cham joiꞌmdai, nach guꞌ tɨi pu ba jam aagiꞌñdhaꞌ.

1 PEEGRO 2:14

Sia guiꞌ pim tuꞌ kaꞌm ja nɨidhat nat jix kakaiꞌ kɨꞌn mu jaꞌp ja darai jam bui na gɇꞌgɇr jir kikcham na baꞌ bhaankamuꞌn ja sɨlhkaꞌndaꞌ gu jaꞌtkam, gio nam ja tulhiiñchuꞌndaꞌ gu jɨꞌk nam buam pɨx tu buadaꞌ na jax cham jir am. Dai baꞌ guiꞌ nam tuꞌ kaꞌm tɨ nɨidhat jix bhaiꞌ tu jimdaꞌx kɨkɨɨꞌ jaꞌtkam ja biaꞌkaꞌ am.