ROOMA KAM 13:1 - Tepehuano Tepehuán del Sureste (Durango)

¹ Gio gu gɇꞌgɇrkam nam jix chu jaiꞌch, tuꞌ kaꞌm japim xi ja nɨidhat, cham tuꞌ na pim gampaiꞌ ja ɨlhiiꞌñdhaꞌ, na guꞌ dhiꞌ gu Dios pɨx na ja daraas. Cham tuꞌ jaiꞌch kaꞌm gɨt guꞌ gu gɇꞌgɇrkam yaꞌ dhi oiꞌñgaꞌn noꞌ gɨt gu Dios cham pu kaiꞌchdhaꞌ.

ROOMA KAM 13:1 ပူးပေါင်းရင်းမြစ်များ

MATEO 6:13

Gio baꞌ nap gammɨjɨ jich aꞌm tɨ nɨidhidhaꞌ na baꞌ cham jich maiꞌchiaꞌ gux buam jum duukam. Jaꞌpni daipuꞌ.

JUAN 19:11

Baꞌ gio bhaiꞌp ji ñio gu Jesuus, jup tɨtda gu Pilaato: ―Puiꞌp dho kaiꞌch, nat guꞌ gu Dios jiñ Gɨꞌkoraꞌ puiꞌ ba tɨi jia nañ baꞌ yaꞌ jɨꞌ soiꞌ ba tuiꞌkaꞌ jum bui. Noꞌ gɨt chakui pu tɨꞌyaꞌ guñ Gɨꞌkoraꞌ, ¿jax jap gip jiñ dhoodaꞌ gɨt siap chi puꞌñi kaiꞌchdhaꞌ gɨt? Ku baꞌ guꞌ aap cham tuꞌ bhaan kuiñcha biaꞌ ji gu xib, guiꞌ ji nat jaroiꞌ maaxik jiñ kɨi nat baꞌ gɇꞌkam kɨꞌn jum uaꞌtulh.

GU NOONBIꞌÑ GUCH XOIꞌKAM 2:41

Baꞌ muiꞌ tɨ jɨɨꞌñ jamɨt gu puiꞌ nat jax jaꞌk tu ja aꞌgi gu Peegro, aixkam jɨꞌk baik miil. Miꞌ dhɨr baꞌ dai na mɨt bam bopko, gio baꞌ na mɨt ba ja bɨɨnat guiꞌ nam jɨꞌk pu bɨɨpɨꞌ dɨr ba tɨ jɨɨgiꞌñdhaꞌ buiñor guch Xoiꞌkam.

ROOMA KAM 12:21

Jaꞌkbuiꞌ pim maiꞌchɨkdaꞌ gux buam jum duukam kɨꞌn gux bhaiꞌm duukam na pim jup tu buadaꞌ, cham tuꞌ na jaꞌkbuiꞌ kat jam maiꞌchɨkdaꞌ.

ROOMA KAM 13:2

Gu jaroiꞌ baꞌ noꞌ cham tuꞌ kaꞌm ja nɨiꞌñ gu gɇꞌgɇrkam, dhiꞌ bhaan jix maatɨꞌ kaꞌ na cham tuꞌ miꞌ puiꞌ tu daꞌngɨ na jax ɨlhiiꞌñ gu Dios. Baꞌ gu jaroiꞌ na cham puiꞌ ɨlhiiꞌñdhaꞌ na jax ɨlhiiꞌñdhaꞌ gu Dios, dai na ba tulhiiñchudaꞌ.

EEPESO KAM 5:21

Tuꞌ kaꞌm japim xim nɨnɨidhat bɨɨx jɨꞌmaꞌn, cham tuꞌ na pim gɇꞌgɇrkam jum taat kaꞌ, na guꞌ puꞌñi jaꞌk bhaan jup jix maatɨꞌ kaꞌ baꞌ na pim tuꞌ kaꞌm nɨiꞌñ guch Xoiꞌkam.

1 TIMOTEO 2:2

Bɨɨx japim tu ja daañxiꞌñdhaꞌ nam jix bhaiꞌm taatɨt tu oiꞌñkaꞌ guiꞌ nam gɇꞌgɇrkam kɨꞌn daraa yaꞌ dhi oiꞌñgaꞌn nam baꞌ cham tɨ jɨgialhchuꞌnkaꞌ, gio baꞌ nam cham jich juandaꞌ aach nach buiñor tɨ jɨɨgiꞌñ guch Xoiꞌkam, nach baꞌ cham tuꞌ bhaan jax jich aagɨt miꞌ puiꞌ jiimdaꞌ na jax jix kɨɨꞌ kaꞌm nɨiꞌñ gu Dios.

TIITO 3:1

Gammɨjɨp ja tɨꞌñchoxiꞌñkaꞌ guch Xoiꞌkam jɨɨgiꞌñdham nam tuꞌ kaꞌm ja nɨidhat gu gɇꞌgɇrkam jix kakaiꞌ ganaiꞌ bɨɨx aixim nam tuꞌ kɨꞌn tu daraa, xix ja kɇɇkɇt am jax ñam kaiꞌchdhaꞌ. Bɨɨpɨꞌm jup xim gaꞌngadaꞌ noꞌ moor jix kɨɨꞌp jum duukam gu tuꞌ nam ja chiandaꞌ gu gɇꞌgɇrkam.

JUUDAS 1:8

Baꞌ dhiꞌ dhi jaꞌtkam nañ jaroiꞌ ja aaꞌ na mɨt bha jaꞌp maakam ba ji jam iatgi, puꞌñi jaꞌk jup tu ja doodaꞌ, na mɨt guꞌ puiꞌ gɇꞌp bam uaꞌtulh bɨxchuꞌ bhaan, gam nam puiꞌ kaiꞌchɨt oipo na cham tuꞌr jich Gɇꞌkam tuk guch Xoiꞌkam. Gio guꞌ cham tuꞌ kaꞌm nɨiꞌñ am puiꞌ xi kaiꞌchɨt, daman tuꞌ pɨx ja ɨlhiiꞌñ am guiꞌ nam ya jaꞌp jir gɇꞌgɇrkam. Sia gu noonbiꞌñ gu Dios gampaiꞌ pɨx ja biaꞌ am, dai nam giilhim xi ja aiꞌchuxdhat, nam guꞌ jaꞌp moo tuꞌ nam pɨx bhaan gɇꞌgɇrkam jum taat kaꞌ.

NAT JAX TƗ TƗƗ GU JUAN 1:5

gio baꞌ gu Jesuus jich Xoiꞌkam ɨp guiꞌ nat duadɨk giop bam mu dɨr koiꞌñgaꞌn tɨr, na xib jix ioꞌm gɇꞌkam kɨꞌn ba daa ja bui bɨɨx gu gɇꞌgɇrkam yaꞌ dhi oiꞌñgaꞌn. Guch Xoiꞌkam gɇꞌkam kɨꞌn xich joiꞌgɨꞌn jia, puiꞌ kut baꞌ bha jimɨɨk tuch ñamkix guch uaꞌtulhdharaꞌ kɨꞌn gu ɨꞌraꞌn nat jaax kuruus taꞌm, na baꞌ puꞌñi duuji tuch uañdhaꞌ gu Dios.

NAT JAX TƗ TƗƗ GU JUAN 17:14

Gio baꞌ nam palhbuidhaꞌ na tu kokdaꞌ buiñor guch Xoiꞌkam na jaꞌp ji buusan na gux kɨɨꞌ kasnir. Guꞌ ji nam guꞌ cham jɨꞌxkat jax dhoodaꞌ, na guꞌ guch Xoiꞌkam na mu dɨr bhaiꞌp ji chu kokdaꞌ ja bɨɨm guiꞌ nam kaichuꞌ, pu maaꞌn na jax tuꞌ pɨx doodaꞌ gu nobiiꞌñ gu jaꞌook gio gu gɇꞌgɇrkam nam kaichgɨdaꞌ. Na guꞌ guch Xoiꞌkam cham jɨꞌxdhat jaroiꞌ jax dhoodaꞌ, na guꞌ guiꞌr ja gɇꞌkam tuk guiꞌ nam naiꞌ jaꞌp jir gɇꞌgɇrkam. Bɨɨx oiꞌñdhaꞌ am janoꞌ guiꞌ na mɨt jɨꞌk tɨ jɨɨꞌñdhak buiñor miꞌ puiꞌ jii na jax jix aaꞌ.

NAT JAX TƗ TƗƗ GU JUAN 19:16

Baꞌ bha jaꞌp jannulhiram gio toonaram bhaiꞌ xi uaꞌñixchuꞌ na jax chɨɨꞌ, jup jum kaiꞌch: Gu ja gɇꞌkam tuk guiꞌ nam bɨɨx kap jir gɇꞌgɇrkam sia nar pa jaꞌk.