ROOMA KAM 12:5 - Tepehuano Tepehuán del Sureste (Durango)

⁵ Puꞌñi ɨp baꞌ aach nach jɨꞌk buiñor tɨ jɨɨgiꞌñ guch Xoiꞌkam, maaꞌn nach jax pɨx buiñor maap jich dhaaꞌ sia kuch jir muiꞌ, nach guꞌ bɨɨx buiñor tɨ jɨɨgiꞌñ.

ROOMA KAM 12:5 ပူးပေါင်းရင်းမြစ်များ

JUAN 17:11

’Aap baꞌ ja aꞌm ka tɨ nɨidhidhaꞌñ Gɨꞌkoraꞌ dhiꞌ nam jɨꞌk bañ kaichuꞌ nam dɨɨlh yaꞌ ji biꞌyaꞌ dhi oiꞌñgaꞌn bhaan, nañ guꞌ aañ gio mu jaꞌk jup ba bhɨichuꞌ aap jum bui, nam baꞌ cham tuꞌ bhaan jax jim aagat maaꞌn ñiꞌook jup duukat gammɨjɨ miꞌ puiꞌ jiimdaꞌ nap jax jix aaꞌ aapiꞌ Gɇꞌkam nap giilhim jix uañ kɨꞌn kɨɨk, jaꞌp na jax aach nach maaꞌn ñiꞌook jup duukat maap jich dhaaꞌ.

ROOMA KAM 12:4

Na guꞌ puiꞌ na jax dhich chutkuꞌ, sia ku muiꞌ tuttuidhix nach kɨꞌn tuꞌx bua, guꞌ pɨx ji nach guꞌ cham tuꞌ bɨɨx kɨꞌn pu duñiaꞌ gu tuꞌ. Jax dhui na guꞌ bɨɨx jɨꞌmaꞌn aagix nach tuꞌ kɨꞌn jax buadaꞌ.

1 KORIINTO KAM 10:17

Baꞌ maaꞌn pɨx gu paan jach aꞌlhich jaisat kuaꞌ bɨɨx dhɨt sia kuch jax jir muiꞌ, nach guꞌ bɨɨx maap dai guch Xoiꞌkam buiñor tɨ jɨɨgiꞌñ. Na guꞌ puꞌñi baꞌr jum duukam kat kuaꞌdaꞌ ich gu paan na bhaan jum uaꞌrgiꞌñ na dhiꞌr bakxigaꞌn guch Xoiꞌkam nach jaroiꞌ buiñor tɨ jɨɨgiꞌñ bɨɨx dhɨt, dhiꞌ baꞌ bhaan jix maatɨꞌ nach bɨɨx dhɨt maaꞌn tuukuꞌp duuk bɨɨmaꞌn.

1 KORIINTO KAM 10:33

Na guꞌ aañ gu tuꞌ nañ jax buadaꞌ, bɨɨpɨꞌñ jix bhaiꞌ xiñ gaꞌngadaꞌ noꞌ moox bhaiꞌ ji buusniaꞌ ja bui gu jaiꞌ piam ku guꞌ cham, nañ guꞌx aaꞌ nam puiꞌ buiñor jup jimiaꞌ guch Xoiꞌkam, sia kuñ guꞌ aañ tɨix maat na pur cham tuꞌ sia tuꞌ na pɨx.

1 KORIINTO KAM 12:20

Guꞌ ji nat guꞌ puiꞌ jaꞌk jup jich dhuu gu Dios nach jax jaꞌk bar tuꞌm baꞌ. Sia baꞌ ku bɨɨx aixim tuꞌm tuch chuttuidhix nach kɨꞌn tu juandaꞌ, bɨɨx maap maaꞌn tuukuꞌp duuk ich.

1 KORIINTO KAM 6:15

¿Jix maat japim aa na aach nach jɨꞌk tɨ jɨɨgiꞌñ jaꞌp ji buusan na jaiꞌp jir bakxigaꞌn guch Xoiꞌkam dhich chutkuꞌ? ¿Jir am aa panaas nach guch Xoiꞌkam gu tukgaꞌn mu jaꞌk bɨpnalhiꞌñdhaꞌ bhaan gu ubii nar ganaiꞌ pɨx kaꞌ? Jir jix buam ji matgɨm.

EEPESO KAM 1:23

Aach baꞌ yaꞌ dɨr mu jaꞌk jaꞌp jup ji buusan nach jir tukgaꞌn, nach guꞌ buiñor tɨ jɨɨgiꞌñ. Bɨɨx nach jɨꞌk buiñor tɨ jɨɨgiꞌñ, guiꞌ bhaan jix oꞌjoꞌ ich. Sia bɨɨx na jɨꞌk tuꞌx chu jaiꞌch, bhaan jup tu tuꞌiiꞌ guch Xoiꞌkam sia pɨk nar jax kaꞌ gɨt.

EEPESO KAM 4:12

Baꞌ dhiꞌ nat bɨɨx aixim tuꞌm kɨꞌn ja darai, pu kaiꞌñkam dhiꞌ kɨꞌn ja darai nam baꞌx joojoidhat miꞌ dhɨr puiꞌ duñiaꞌ na jax jix aaꞌ. Aach pu chuꞌm kɨꞌn jich dharai bɨɨx jɨꞌmaꞌn nach jɨꞌk buiñor tɨ jɨɨgiꞌñ, nach baꞌ yaꞌ dɨr puiꞌp tu ja aꞌgidhaꞌ gu jaiꞌ jaꞌtkam nam baꞌ muiꞌdhaꞌ guiꞌ nam buiñor tɨ jɨɨgiꞌñdhaꞌ, gio nach baꞌ miꞌ dhɨr ja aagiꞌñdhaꞌ nam jax jaꞌk tuiꞌñgɨdaꞌ. Na guꞌ nañ jax ba kaiꞌch nach aach jaꞌp ji buan nach jir tukgaꞌn guch Xoiꞌkam,

EEPESO KAM 4:25

Chaꞌpim baꞌ naiꞌ kam iꞌiatgiꞌñdhaꞌ, sɨlhkam japim tum aꞌaꞌgiꞌñdhaꞌ bɨɨx jɨꞌmaꞌn, nach guꞌ bɨɨx maaꞌn tuukuꞌ pɨx jup duuk nach buiñor tɨ jɨɨgiꞌñ guch Xoiꞌkam.

EEPESO KAM 5:23

Na guꞌ gu chioꞌñ pɨk bhaan jup tu tuꞌiiꞌ, cham tuꞌ gu ubii. Jaꞌp na jax guch Xoiꞌkam na guiꞌ pɨk bhaan jup tu tuꞌiiꞌ bɨɨx nach jɨꞌk buiñor tɨ jɨɨgiꞌñ. Gio guꞌ dhiꞌ pɨx jich Xoiꞌkam gammɨjɨch palhbuiꞌñchuꞌndaꞌ sia tuꞌ na pɨx bhaan, na guꞌ nañ jax ba kaiꞌch nach jir tukgaꞌn pɨx.

EEPESO KAM 5:30

Na guꞌ puiꞌ nañ jax ba kaiꞌch, bɨɨx jɨꞌmaꞌn nach jɨꞌk buiñor tɨ jɨɨgiꞌñ, jaꞌp ji buusan nach jir tukgaꞌn.

KOLOOSAS KAM 1:24

Baꞌ aañ xib jam aꞌmkam pɨx jiñ chulhiiñ. Jix bhaiꞌñ chaat iñ nañ jam aꞌmkam jiñ chulhiiñ, jam aꞌmkam ba tɨɨmuim iñ ɨp sia na jɨꞌx tɨi ka biꞌiix nam jum tulhiiñaꞌ bɨɨx guiꞌ nam jɨꞌk tɨ jɨɨgiꞌñ buiñor guch Xoiꞌkam. Dɨɨlh guñ chuukuꞌ kɨꞌn jañ ja aꞌmkam ba tɨɨmuim, katti baꞌ iam jix bhaiꞌ tu ja jimiaꞌ dɨɨlh, puiꞌ nat jax jup jum tulhii guch Xoiꞌkam jich aꞌmkam aach nach jɨꞌk buiñor ba tɨ jɨɨgiꞌñ.

KOLOOSAS KAM 2:19

Cham tuꞌ buiñor jup tuiꞌkaꞌ am guꞌ guch Xoiꞌkam dhiꞌ pu chuꞌm gu jaꞌtkam, guch Xoiꞌkam pɨx guꞌ nar gɇꞌkam ja bui dhiꞌ nam buiñor tɨ jɨɨgiꞌñdhaꞌ, dhiꞌ baꞌ ja guguuxdhaꞌ nam jix ioꞌm miꞌ puiꞌ xi jiimdaꞌ na jax jix aaꞌ. Guch Xoiꞌkam pɨx sia ja maak na tuꞌ ja aꞌm jum aaꞌndaꞌ guiꞌ nam buiñor tɨ jɨɨgiꞌñdhaꞌ, sia guch Xoiꞌkam pɨx dɨɨlh miꞌ ja tuttuꞌ guiꞌ nam buiñor tɨ jɨɨgiꞌñ na paiꞌ jax jix aaꞌ gu Dios nam tuutkaꞌ.