ROOMA KAM 12:2 - Tepehuano Tepehuán del Sureste (Durango)

² Chaꞌpim puiꞌ jaꞌk ka tu duduakaꞌ nam jax jaꞌk tu dudua gu jaiꞌ jaꞌtkam nam cham tɨ jɨɨgiꞌñ buiñor guch Xoiꞌkam, ni ku pim cham puiꞌ jaꞌk kam aaꞌndaꞌ, guꞌ jaꞌpji na pim ba gaagidhaꞌ na pim jax jaꞌk jix bhaiꞌ biꞌiidhaꞌ gammɨjɨ buiñor gu Dios, na tuꞌr jix kɨɨꞌ buiñor guiꞌ gio na jax jir miꞌ puiꞌ.

ROOMA KAM 12:2 ပူးပေါင်းရင်းမြစ်များ

MATEO 13:22

Baꞌ guiꞌ nat miꞌ jaꞌk jup suulh na paiꞌ tuutkaꞌ gu tuꞌx bii uꞌuux jix joꞌiiꞌ, dhiꞌ guiꞌ nam puiꞌ tɨi joidham jup kaayaꞌ, guꞌ ji na guꞌ bhaiꞌ ji ja tukgidhaꞌ gu tuꞌ na yaꞌx chu jaiꞌch dhi oiꞌñgaꞌn bhaan. Tuꞌ nam pɨx bax joiꞌñdhaꞌ nam biaꞌkaꞌ jix dhaꞌram namkɨm, piam ku tuꞌ nam pɨx jax bax dhuñiim kaꞌ na tuꞌ cham jum aagidhaꞌ.

MAARKOS 4:19

Na guꞌ noꞌ mɨt tɨi ba tɨ jɨɨꞌñ, bhaiꞌ ji ja tukgidhaꞌ gu tuꞌ na yaꞌ dhi oiꞌñgaꞌn jix chu jaiꞌch. Tuꞌ nam pɨx bax joiꞌñdhaꞌ nam biaꞌkaꞌ jix dhaꞌram namkɨm, piam ku tuꞌ nam pɨx jax bax dhuñiik kaꞌ na tuꞌ cham jum aagidhaꞌ, nam jax dhui pɨx miꞌ bhaan jim iatat cham miꞌ puiꞌ ka tuiꞌñgɨdaꞌ na jax jix aaꞌ guñ Gɨꞌkoraꞌ. Baꞌ cham tuꞌ puiꞌ kaꞌ kiaꞌ, na guꞌ naiꞌ pɨx ji jugiidhaꞌ gux Uañ Iiꞌmdaꞌ.

JUAN 14:30

’Xib jañ cham tuꞌ mɨk ka tu aꞌgaꞌ aapiꞌm jam bui, na guꞌ amuub ba jimchuꞌ guiꞌ na yaꞌ tu daam kɨɨk na jɨꞌx oiꞌñgaꞌn, sia ku guꞌ tɨi cham tuꞌr jiñ jupaabkam.

JUAN 15:19

Na pim guꞌ aapiꞌm cham tuꞌ kar yaꞌ kam dhi oiꞌñgaꞌn. Jɨɨꞌ ji noꞌ pim puir yaꞌ kam kaꞌ gɨt, dho guꞌ yaꞌni jaꞌp jam dho pɨx jix bhaiꞌ jam tɨtdadaꞌ gu jaꞌtkam nam cham jiñ bui tɨ jɨɨgiꞌñ. Guꞌ ji na ñich guꞌ aañ yaꞌ ɇɇk ba jam umuaꞌ na pim jɨꞌk gammɨjɨ bañ kaichgɨdaꞌ aañ nam cham jiñ kɨɨgalhiꞌñ. Dhoꞌ guꞌ bɨɨx jam dho baꞌ bhaiꞌ ji jam bhaamkidhaꞌ aapiꞌm nam xi jam nɨiꞌñdhaꞌ na pim cham puiꞌ jaꞌk ka tu jimdaꞌ na jax guiꞌ am.

JUAN 17:14

Nam baꞌ cham pɨk moo jax xim aaꞌndaꞌ, nam guꞌ bɨɨx pɨx gu jaꞌtkam bax ja bhaamkiꞌñ nam aañ bañ kaichuꞌ, gam nam cham puiꞌ jaꞌk ka tu jim nam jax tu jim dɨɨlh, nam guꞌ dai puiꞌ pɨx jaꞌk ba tu daaꞌñchuꞌ nañ jax jaꞌk ja aagiꞌñ gum ñiꞌook na pich jɨꞌk jax jiñ chɨɨꞌn.

JUAN 7:7

Aañ matgam giilhim xiñ bhaamkiꞌñ am ji gu jaꞌtkam nañ xi ja aagiꞌñdhaꞌ nam jix buam pɨx tu buadaꞌ na jax cham jir am. Guꞌ noꞌ cham tuꞌ bhaan tu aꞌga jaroiꞌ jaꞌp na jax aapiꞌm, ¿tuꞌm gi kɨꞌn biaꞌ nam bhaiꞌ ji jam bhaamkidhaꞌ?

ROOMA KAM 12:1

Baꞌ aapiꞌm jiñ jaaduñ jich Xoiꞌkam bhaan, aañ soiꞌ jam tɨtda na pim gammɨjɨ miꞌ puiꞌ xi jiimdaꞌ na jax jix aaꞌ gu Dios, kapbhaiꞌ nat xi jam joiꞌmdak jam aꞌm ba tɨ tɨɨ. Gammɨjɨ pim jix uꞌuañ jup tuiꞌñgɨdaꞌ guiꞌ buiñor, chaꞌpim tuꞌ bhaan kam uaꞌtulhiꞌñdhaꞌ. Na guꞌ noꞌ pim puꞌñi duiñchuꞌ, dhiꞌ bhaan gɇꞌkamtuꞌndaꞌ pim gu Dios, gio nax bhaiꞌ tu jam jimdaꞌ aapiꞌm dɨɨlh. Gio na guꞌ puꞌñi jaꞌk jaꞌp ji buusandaꞌ na pim makgɨrxiꞌñdhaꞌ gu Dios gu jam iꞌiiꞌmdaꞌ.

ROOMA KAM 13:14

Gu jaꞌpji nach gammɨjɨ miꞌ puiꞌ xi jiimdaꞌ na jax jix aaꞌ guch Xoiꞌkam. Chaꞌch jich dhoꞌñchokaꞌ na jax jich jurtuꞌnkaꞌ gux buam jum duukam, na guꞌ dhiꞌ dai nach bach uaꞌtulhdhaꞌ noꞌch mi jɨɨgiꞌñ.

ROOMA KAM 7:12

Ku guꞌ tɨir jix uañ ji dhiꞌ bɨɨx na jɨꞌk jax tu aagix, cham tuꞌ na uaꞌtulhdharaꞌ bhaan jup tuꞌiiꞌ. Bɨɨx jɨꞌmaꞌn na jɨꞌk jax tu aagix jir miꞌ puiꞌ na jax jum kaiꞌch, jir jix kɨɨꞌp jum duukam.

ROOMA KAM 7:14

Jix maat ich ɨp na puiꞌ na jɨꞌk jax tu aagix jir tɇꞌkob kam, cham tuꞌr yaꞌ kam dhi oiꞌñgaꞌn bhaan. Baꞌ aach nach jir yaꞌ kam dhi oiꞌñgaꞌn bhaan, jaꞌp ji buusan nach gaꞌlhix buiñor gu uaꞌtulhdharaꞌ na baꞌ miꞌ dhɨr jup tuch juantuꞌn nach jup tu buadaꞌ na tuꞌr jix buam jum duukam.

ROOMA KAM 7:22

Jiñ jur am bhaan aañ tɨ jɨɨgiꞌñ nar am puiꞌ na jɨꞌk jax tu aagix,

1 KORIINTO KAM 3:19

Na guꞌ gu jaꞌtkam guiꞌ nam bɨɨx aixim jix chu mamatdagɨm jum ɨlhiiꞌñ yaꞌ dhi oiꞌñgaꞌn, buiñor gu Dios jaꞌp ji buusan am nam cham ja jur biaꞌ, na guꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: “Guiꞌ nam jix chu mamatdagɨm jum ɨlhiiꞌñ yaꞌ dhi oiꞌñgaꞌn, gu Dios dhiꞌ bhaan jix bhaiꞌ ja bhɨɨyaꞌ janoꞌ na paiꞌ dhuuk bhaiꞌ ba ja tɨkkadaꞌ nam jax jaꞌk tu jimiaꞌ yaꞌ dhi oiꞌñgaꞌn.”

2 KORIINTO KAM 4:4

Na guꞌ puiꞌ ja duuk gux buam jum duukam yaꞌ kam dhi oiꞌñgaꞌn nam baꞌ cham maatɨt kaayaꞌ ni kum jix maatɨt tɨgiaꞌ, sia ku tɨix abhaar mɨim na bhaan jum maaxiꞌñ gu Gɇꞌkam jich Xoiꞌkam na jax jir tuꞌm kam, gio guch Xoiꞌkam na puiꞌ bhaan jup jum maaxiꞌñ gu Dios duakam na jax jup jir tuꞌm kam.

2 KORIINTO KAM 5:17

Puiꞌ ku baꞌ gu jaroiꞌ noꞌt ba tɨ jɨɨꞌñ buiñor guch Xoiꞌkam, bar maakam tuꞌm kaꞌ iiꞌmdagaram bhaan, cham tuꞌ puiꞌ kiaꞌ na jax bɨɨpɨꞌ dɨr. Jaꞌp ji buusniaꞌ na jumai maaꞌnkam xibkam jup jum duñiaꞌ.

GALAASIA KAM 1:4

Guch Xoiꞌkam dɨɨlh jum doꞌñcho na mɨt mua na baꞌ puꞌñi jaꞌk tu namkix kaꞌ guch uaꞌtulhdharaꞌ, gam na baꞌ cham tuꞌch dhaam kap tuiꞌkaꞌ gux buam jum duukam na yaꞌ dhi oiꞌñgaꞌn jix jaiꞌch, nat guꞌ pu kaiꞌñkam bha jii na yaꞌ puiꞌ tu duñiaꞌ na jax jix aaꞌ gu Dios.

EEPESO KAM 1:18

Puiꞌ jaꞌk soiꞌp tɨtda iñ gu Dios na guiꞌ pɨx jam mattudaꞌ na pim baꞌ machiaꞌ nach tuꞌ nɨɨra na gatuuk jup tuch makiaꞌ dɨɨlh gu Dios, gio na pim baꞌ machiaꞌ na cham tuꞌ jaꞌp pɨx puiꞌm kaiꞌch na guch Xoiꞌkam miꞌ dhɨr baabuꞌ gu jaroiꞌ bhaan dɨr gu boi na mu jaꞌk bhɨix na paiꞌ gammɨjɨ miꞌ pup jum tulhiiñdhaꞌ, dhiꞌ miꞌ dhɨr ja boosgaim guꞌ gu Dios guiꞌ nam jɨꞌk jir jaꞌtkam tugiꞌñ kaꞌ.

EEPESO KAM 2:2

Miꞌ puiꞌ tu daaꞌñchugɨt japim nam jax jix buam tu jimdaꞌ gu jaꞌtkam nam yaꞌ dhi oiꞌñgaꞌn dai bhaan tɨtɨɨꞌñcho, jix jɨɨgiꞌñdhat japim na jax jam jurtuꞌnkaꞌ guiꞌ na iiꞌmdaꞌ bhaan jix jaiꞌch na bɨxchuꞌx bhaaiꞌ na pu tu duñiaꞌ, dhiꞌ na jaiꞌ iꞌiiꞌmdaꞌ puiꞌ ja daam jup tuꞌiiꞌ nam puiꞌ cham jup jir kɨkɨɨꞌ. Dhiꞌ baꞌ mɨk jaꞌk ja bhɨichdhatgɨdaꞌ gu jaꞌtkam na dɨɨlh jax ɨlhiiꞌñ guiꞌ nam jɨꞌk cham miꞌ puiꞌ jiimdaꞌ na jax jix aaꞌ gu Dios.

EEPESO KAM 5:17

Chaꞌpim puiꞌm ɨlhiiꞌñdhaꞌ na pim panaas pu cham jɨꞌxdhaꞌ machiaꞌ na jax jaꞌk jix aaꞌ gu Dios, na guꞌ dhiꞌ puiꞌ ji buusandaꞌ na pim pu cham jum jur biaꞌkaꞌ noꞌ pim puiꞌm aaꞌ, guꞌ jaꞌpji na pim xi gaagaꞌ na pim jax jaꞌk jix bhaiꞌ miꞌ puiꞌ jiimdaꞌ.

KOLOOSAS KAM 1:9

Baꞌ aach moo janoꞌ na chich jax puiꞌ tɨ kai, jam aꞌmkam jachich pu tu daanɨ buiñor gu Dios, janoꞌ dɨr jach cham jɨꞌx mɨk ka buppa nach jam aꞌmkam tu daan. Puiꞌ soiꞌ tɨtdatuꞌndaꞌ ich gu Dios na jam makiaꞌ gu matdaꞌ na pim baꞌx bhaiꞌ machiaꞌ na jax pɨk jaꞌk jix aaꞌ na pim miꞌ puiꞌ jimiaꞌ, sia gu iiꞌmdaꞌ bhaan na pim tu machiaꞌ na jax jaꞌk tu tuꞌiiꞌ.

KOLOOSAS KAM 3:10

xib maakam japim ba tu jim, miꞌ puiꞌ ba jiim japim na jax jix kɨɨꞌ kaꞌm nɨiꞌñ gu Dios. Saalh japim pɨx miꞌ puiꞌ ji jimiim na jax jaꞌk tu jim gu Dios nat jaroiꞌp tu duu bɨɨx na jɨꞌk tuꞌx chu jaiꞌch, na pim guꞌ saalh pɨx jix bhaiꞌ maachim na jax jaꞌk tu jim gu Dios.

KOLOOSAS KAM 4:12

Sia gu Epaapras mu jam ñioꞌkiꞌñ, dhiꞌ na puiꞌp jir tujuandam tugiꞌñ guch Xoiꞌkam. Dhiꞌ puiꞌp jix maat japim, na guꞌr mu kam jam bui. Gammɨjɨ soiꞌm ɨlhdhat tu daandaꞌ jam aꞌmkam aapiꞌm na baꞌ gu Dios jam aꞌm tɨ nɨidhidhaꞌ na pim miꞌ puiꞌ jiimdaꞌ na jax jix aaꞌ, na pim cham tuꞌ bhaan jum oꞌjolhdhat sia nar jax kaꞌ gɨt.

1 TESALOONIKA KAM 4:3

Dai puiꞌ pɨx jaꞌk jix aaꞌ guꞌ gu Dios na pim jix uꞌuañ jup tuiꞌkaꞌ guiꞌ buiñor gammɨjɨ. Chaꞌpim naiꞌ pɨx ja bɨɨm boppodaꞌ gu uꞌuub noꞌm cham jir jam bɨpnaꞌ,

TIITO 3:5

Baꞌ cham tuꞌ na chich moo tuꞌ gɇꞌkam kɨꞌn jix bhaiꞌ duiñ gu Dios kut baꞌ xich joiꞌmdak jich boosolh miꞌ dhɨr nach paiꞌ jaꞌk jich chulhiiñaꞌ gɨt, gu jaꞌpji dɨɨlh pɨx nat xich joiꞌgɨlh. Uana bɨɨx guch uaꞌtulhdharaꞌ, jaꞌp ji buus nat jich bopko suudaiꞌ kɨꞌn nach jix iꞌkoraꞌ kat, gio na chich panaas kiaꞌpɨx ba maaxir. Baꞌ gux Dhuuduꞌ kam jix Uañ Iiꞌmdaꞌ nat jich aꞌm jum tajaa, dhiꞌ puiꞌch jurtuꞌnkaꞌ nach jix mat kaꞌ na tuꞌr jix kɨɨꞌp jum duukam nach baꞌ miꞌ puiꞌ jiimdaꞌ.

SANTIAGO 1:27

Guꞌ dhiꞌ matgam noꞌñ tuꞌ sɨlhkam miꞌ puiꞌ ba bhɨichuꞌ na jax tu aagix gu ñioꞌkiꞌñ gu Dios nañ ba tɨ jɨɨgiꞌñ buiñor guch Xoiꞌkam, cham tuꞌ ji nañ kañ uaꞌtulhiꞌñdhaꞌ kɨꞌn gu tuꞌ yaꞌ kam dhi oiꞌñgaꞌn, puiꞌ na jax nañ jix buam tu ñiokdaꞌ gam nañ giilhim ja tɨtdadaꞌ gu jaꞌtkam, guꞌ jaꞌpji nañ jix ja joiꞌgɨꞌndaꞌ ji gio nañ ja palhbuiꞌñdhaꞌ gu aꞌaalh nam alh jir dɨꞌdɨr koiꞌ, gio gu dɨꞌdɨlhdhɨm uꞌuub nañ xi ja maakidhat gu tuꞌ na ja aꞌm jum aagaidhaꞌ.

SANTIAGO 4:4

Jaꞌp japim pɨx ba ji buan jiñ jaaduñ na jax gu jax chuꞌm ubii noꞌ tɨi bɨɨmaꞌn tɨɨmuiꞌx maaꞌn gu chioꞌñ, noꞌ guꞌ jumai bɨɨmaꞌn boppo. Dhiꞌ pu chuꞌm gu jaꞌtkam cham tuꞌ ja kɨɨgalhiꞌñ gu Dios, na pim guꞌx maat na gu jaroiꞌ noꞌ puꞌñi pɨx jaꞌk tu jim, noꞌ dai bɨɨx aixim tu bua na jax cham jir am, cham tuꞌ bhaan tɨ nɨidhidhaꞌ gu Dios, jir kɨꞌdargaꞌn kaꞌ pɨx, na guꞌ cham miꞌ puiꞌ jimdaꞌ na jax jix aaꞌ.

1 PEEGRO 1:14

Chaꞌpim mu jaꞌk bhaan ka tɨtɨɨꞌñchokaꞌ gu tuꞌ yaꞌ kam dhi oiꞌñgaꞌn na pim jax tu buimɨk janoꞌ na pim chakui tɨ jɨɨꞌñdhat buiñor guch Xoiꞌkam, na pim guꞌ aapiꞌm xib bar maamraꞌn gu Dios.

1 PEEGRO 1:18

Baꞌ aapiꞌm jiñ jaaduñ cham pu chuꞌt, tuꞌ kaꞌm japim xi ñɨidhat gu Dios, nat guꞌx bhaiꞌ ba duu nat tuch uañ guch uaꞌtulhdharaꞌ nach buam pɨx tu jimdat nam jax tu jimdat guch bopxi kat gam jich kukuulsi kat, nat bha joot guch Xoiꞌkam na yaꞌ tuch ñamkixdhaꞌ kɨꞌn guiꞌ nax ioꞌm jix dhaꞌram namɨɨk, cham tuꞌ kɨꞌn gu tuꞌ yaꞌ kam dhi oiꞌñgaꞌn na sap pɨk baꞌ puiꞌ tɨix dhaꞌram jup namɨɨk, puiꞌ na jax gux uam totbikdam gio gux chua totbikdam na naiꞌ pɨx jim xichuiꞌdhaꞌ mɨkkat.

1 PEEGRO 2:3

noꞌ pim dho ji moo baabuiꞌ puiꞌ bax chu maat na joidham jir jix bhaiꞌkam gu Dios piam ku guꞌ cham.

1 PEEGRO 4:2

dai ji na pim gammɨjɨ pɨx bhaan ji baapmigidhaꞌ na pim miꞌ puiꞌ tu kuugalhdhidhaꞌ na jax pɨx jaꞌk jix aaꞌ gu Dios na pim tuiꞌñgɨdaꞌ. Cham tuꞌx buam jum duukam kap jix chu duñiik kaꞌ pim nar yaꞌ kam dhi oiꞌñgaꞌn, ni na pim dɨɨlh jax ɨlhiiꞌñdhaꞌ, na pim guꞌ kaiꞌñkam soiꞌ pɨx bam ɨlhiiꞌñdhaꞌ buiñor noꞌ pim xim tulhiiñ.

2 PEEGRO 1:4

Miꞌ dhɨr baꞌ xich aagiꞌñ ɨp na jax jaꞌk jich palhbuiꞌñchuꞌndaꞌ bɨɨx jɨꞌmaꞌn nach jɨꞌk tuꞌ kaꞌm ba nɨiꞌñ, nach baꞌ miꞌ dhɨr puꞌñi duuji puiꞌ jaꞌk jup xi chu jimdaꞌ na jax gu Dios, baꞌ cham tuꞌ bhaan kach chutkagiꞌñkaꞌ ich gu tuꞌ nar yaꞌ kam dhi oiꞌñgaꞌn, ni nach jix buam kax chu duñiik kaꞌ na jax cham kɨɨꞌ kaꞌm nɨiꞌñ.

2 PEEGRO 2:20

Baꞌ guiꞌ nam puꞌñi tɨi ba tɨ jɨɨgiꞌñdhaꞌ buiñor guch Xoiꞌkam, nam bax mat kaꞌ nat ja aꞌmkam muu kuruus taꞌm nam baꞌ cham kam tulhiiñaꞌ, guꞌ ji noꞌ mɨt guꞌ gio jaꞌk jup suulh mu jaꞌk na paiꞌr tu uaꞌtulhdharaꞌ nam giox buam jup ba tu buadaꞌ na jax cham kɨɨꞌ kaꞌm nɨiꞌñ gu Dios, jix ioꞌm jix buam tuꞌm pɨx ba biꞌyaꞌ am, cham tuꞌ puiꞌ kiaꞌ na jax bɨɨpɨꞌ dɨr nam chakui tɨ jɨɨꞌñdhat buiñor guch Xoiꞌkam. Jix ioꞌm jix buam pɨx ba tu buadaꞌ am na jax cham kɨɨꞌ kaꞌm nɨiꞌñ gu Dios.

1 JUAN 3:13

Jam guguuxiꞌñ iñ ɨp jiñ jaaduñ na pim cham tuꞌ bhaan jax jum aaꞌndaꞌ sia kum xi jam bhaamkiꞌñ gu jaꞌtkam na pim bar jich Xoiꞌkam jɨɨgiꞌñdham.

1 JUAN 5:19

Aach nach jɨꞌk moo ba tɨ jɨɨgiꞌñ buiñor guch Xoiꞌkam, Dios buiñor jup tuiꞌdhiꞌ ich, na guꞌch aꞌm tɨ nɨidhim. Guꞌ baꞌ guiꞌ nam jɨꞌk tuꞌ pɨx ɨlhiiꞌñ guch Xoiꞌkam nam cham tɨ jɨɨgiꞌñ buiñor, dhiꞌ dai bɨɨx ja daam kɨɨk gu jaꞌook.

NAT JAX TƗ TƗƗ GU JUAN 12:9

Mu jaꞌk jamɨt xi ardi oiꞌñgaꞌn bhaan bɨnkam gu noonbiꞌñ, baꞌ xib bɨɨx kap na jɨꞌx oiꞌñgaꞌn oirɨt ja iatgiꞌñ gu jaꞌtkam. Dhiꞌ pɨx jir diꞌ gu koꞌ na bɨjɨk dɨr pu jaiꞌch nat dɨr dhi oiꞌñgaꞌn jup jum duu, na gook kɨꞌn tɨɨꞌ: Jaꞌook gio baꞌ Dhiabur.

NAT JAX TƗ TƗƗ GU JUAN 13:8

Baꞌ bɨɨx kap na jɨꞌx oiꞌñgaꞌn gu jaꞌtkam ba tu daan am buiñor gu nobiiꞌñ gu jaꞌook nat jɨꞌk pu cham ja dai gu Dios jix ioꞌm bɨjɨk dɨr na baꞌ moo dhi oiꞌñgaꞌn jup ba jaiꞌchdhɨlhiaꞌ, bhaan gu uꞌuan nam paiꞌ daaxix nam jɨꞌk bhammɨ aayaꞌx dhaam, nam paiꞌ gammɨjɨx jɨjɨkgɨm bap tuiꞌkaꞌ, na paiꞌ ja daasaim xib guiꞌ na jaꞌp ji buusan na gux kɨɨꞌ kasnir nam jɨꞌk tɨ jɨɨꞌñdhim buiñor.