ROOMA KAM 11:2 - Tepehuano Tepehuán del Sureste (Durango)

² Jax dhui nat guꞌ gu Dios pu bɨjɨk dɨr ja aꞌm tɨ tɨɨ gu Israel kam jaꞌtkam nam puꞌñir jaꞌtkam tugiꞌñ kaꞌ, baꞌ xib pui puiꞌ ja ɨlhiiꞌñ nam jir jaꞌtkam tugiꞌñ. Gi na pim guꞌx maat na jax jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam, na bhaan tu aꞌga gu Eliiyas na tɨi aagiꞌñ gu Dios nam buam pɨx ba tu jim gu Israel kam jaꞌtkam, jup tɨtda:

ROOMA KAM 11:2 ပူးပေါင်းရင်းမြစ်များ

MAARKOS 12:26

Guꞌ dhiꞌ na pim jax jaꞌk tɨi xi ɨlhiiꞌñ na pim cham tɨ jɨɨgiꞌñ nam maakam jaꞌk ba oipodaꞌ, cham tuꞌr puiꞌ ji, na guꞌ dɨɨlh pɨx na pim puiꞌm aaꞌ, cham paiꞌ puiꞌ tu uaꞌñix. ¿Kux cham jɨꞌxkat tu jiñkaiꞌñ japim aa mi uꞌuan taꞌm nat paiꞌ tu uaꞌna gu Moisees janoꞌ nat paiꞌ dhuuk bha ñioꞌkdhak gu Dios? Nap tɨtda bhaan jim uaꞌrgidhak gux bii uꞌux: “Aañ jir diꞌ pɨx gu Dios nam jax jiñ bui bax biiñak gu jam bopxi kat Abraam, gio gu Isaak, gio baꞌ gu Jakob.” Jaꞌpni bo nam kaiꞌch, ¿moo cham jup tɨꞌñchu pim?

LUUKAS 4:1

Baꞌ miꞌ Jordaan Ak nat jum bakua gu Jesuus, gɇꞌ bhaan jum tajaa gux Dhuuduꞌ kam jix Uañ Iiꞌmdaꞌ. Miꞌ dhɨr baꞌ pu sɨlh mu jaꞌk bhɨi maaꞌn kap gampɨx jix chu gak kɨr na paiꞌ pu cham jaroiꞌ oirɨ, na guꞌ gux Dhuuduꞌ kam jix Uañ Iiꞌmdaꞌ pɨx nat puiꞌ jurtuda.

JUAN 4:11

Baꞌ gio bhaiꞌ ji chu aꞌga gu ubii, jup kaiꞌch: ―¿Tuꞌp baꞌ kɨꞌn ɨlhiiꞌñ nap baxbhaꞌ, na guꞌr tuukab mɨjɨmmɨ na paiꞌ suuꞌn dhi suudaiꞌ? Tɇb jum aaꞌ gu tuꞌ nañ kɨꞌn giaꞌrgidhai mu baasaꞌ gu baiꞌñdhakar nañ baꞌ ba tu baiꞌgiaꞌ. Aap gi baꞌ nap cham uaꞌ na tuꞌ kɨꞌn, ni nap tuꞌ kaꞌm baxbhaꞌ. ¿Kaꞌ paap gi nɨidhat jup kaiꞌch ji gux kɨɨꞌ gu suudaiꞌ na puiꞌ kɨꞌn jix bhaiꞌ ba tuñ jimdaꞌ noꞌ ñich ba ii?

GU NOONBIꞌÑ GUCH XOIꞌKAM 13:48

Baꞌ na mɨt puꞌñi kai guiꞌ nam cham jir Israel kam jaꞌtkam, joidham jix bhaiꞌm ɨlh jamɨt, baꞌ puiꞌ ji chɨi mɨt na sap jir jix kɨɨꞌ gux bhaiꞌm kaiꞌchdham ñioꞌkiꞌñ guch Gɨꞌkoraꞌ. Miꞌ dhɨr baꞌ dai na mɨt ba tɨ jɨɨꞌñ buiñor guch Xoiꞌkam bɨɨx nam jɨꞌk pu ba aagix bɨɨpɨꞌ dɨr nam puꞌñi ba tɨ jɨɨꞌñdhaꞌ nam jax jaꞌk gammɨjɨ buiñor bap tuiꞌkaꞌ gu Dios.

GU NOONBIꞌÑ GUCH XOIꞌKAM 15:18

Baꞌ dhiꞌ guch Gɨꞌkoraꞌ nat puꞌñi jaꞌk tɨi bɨjɨk.

GU NOONBIꞌÑ GUCH XOIꞌKAM 3:17

’Baꞌ aañ xib bax maat jiñ jaaduñ na pim bak pu cham maatɨt na pimɨt jax kaiꞌñkam tu chia ja bɨɨm gu jam gɇꞌgɇrkam tuk nam muꞌaaꞌ gu Jesuus.

GU NOONBIꞌÑ GUCH XOIꞌKAM 7:40

Gio nam ba chian gu Aroon na maaꞌn jup ja duiñdhaꞌ gu dios, jup tɨtda am: “Maaꞌn jap jup jich duiñdhaꞌ gu dios na baꞌch aꞌm tɨ nɨiꞌñdhaꞌ, nach guꞌ cham maat nat pa jaꞌk bhɨi gu Moisees, guiꞌ nat jich boosolh mu dɨr Ejipto.”

ROOMA KAM 6:16

¿Jax gix maat japim noꞌt jaroiꞌ tujuandam tugiꞌñ kɨꞌn miꞌ paiꞌ ba ai buiñor gu jax chuꞌm gɇꞌkam puiꞌ pɨx cham ji namkidhat? ¿Cham aam aaꞌndaꞌ na miꞌ puiꞌ tu duñiidhaꞌ na jax tɨɨdaidhaꞌ gu gɇꞌkam tugiꞌñ, na guꞌ pu kaiꞌñkam mi aayaꞌ? Puꞌñi ɨp dho noꞌ jaroiꞌ buiñor jup tuiꞌdhiꞌ gu uaꞌtulhdharaꞌ, jum aaꞌndaꞌ na miꞌ puiꞌ tu duñiidhaꞌ na jax jix aaꞌndaꞌ, ku guꞌ dhiꞌ mu jaꞌk bhɨichdhaꞌ ji na paiꞌ gammɨjɨ miꞌ pup jum tulhiiñdhaꞌ. Guꞌ baꞌ noꞌt jaroi buiñor jup ai gu Dios, pu kaiꞌñkam buiñor jup aayaꞌ na miꞌ puiꞌ jimiaꞌ na jax jup jix aaꞌ.

ROOMA KAM 9:23

Baꞌ puiꞌp tu dai ɨp na paiꞌ dhuuk jup jich aagiꞌñdhaꞌ na xich joiꞌmdat jich aꞌm tɨ nɨiꞌñ aach nach jɨꞌk miꞌ puiꞌ jiimdaꞌ na jax jix aaꞌ, nat puch aꞌm tɨ tɨɨ ɨp bɨjɨk dɨr nach buiñor aayaꞌ.

ROOMA KAM 9:6

Ku guꞌ cham tuꞌ ji nach jax jich aaꞌndaꞌ na gu Dios baꞌ cham puiꞌ tu duiñchuꞌ nat jax ja tɨɨdak guch bopxi kat, guꞌ jaꞌpji nam guꞌ cham tuꞌ sɨlhkam bɨɨx jir Israel kam jaꞌtkam, sia kum jaiꞌ dhɨt puiꞌ tɨim ɨlhiiꞌñ.

1 KORIINTO KAM 6:2

Jix maat japim guꞌ na aach nach jɨꞌk buiñor tɨ jɨɨgiꞌñdhaꞌ guch Xoiꞌkam, janoꞌ na paiꞌ dhuuk jum tɨɨmoꞌ dhi oiꞌñgaꞌn, jaꞌkbuiꞌ kat tu ja aꞌgidhaꞌ ich bɨɨx gu jaꞌtkam guiꞌ nam cham miꞌ puiꞌ jimiaꞌ na jax jix aaꞌ guch Xoiꞌkam. ¿Jax jach baꞌ duukat jaꞌkbuiꞌ kat jup ja kaichuꞌ nam jax jich chɨtdadaꞌ mu dɨr bha jaꞌk?

1 KORIINTO KAM 8:3

Gu jaroiꞌ baꞌ na daandaꞌ gu Dios, jix bhaiꞌx mat kaꞌ ɨp gu Dios na dhiꞌ buiñor tu daan, jix joiꞌmdat baꞌ bhaan tɨ nɨidhidhaꞌ.

PILIIPOS KAM 1:22

Gio guꞌ noꞌñ jax dhuukat duatgɨt dhi tuukuꞌ bhaan maaꞌn nañ jax tu juantuꞌ bhaankam guch Xoiꞌkam, maaꞌn na jax jix bhaiꞌ tuñ jimdaꞌ. Baꞌx xijai nañ machiaꞌ.

ISRAEL KAM 1:1

Bɨjɨk muiꞌkim bha ja ñioꞌkdhak gu Dios bɨɨx aixim jaꞌk guiꞌ nam jɨꞌk bhaankamuꞌn tu aꞌgat gu ñioꞌkiꞌñ, jaiꞌ tɨɨtkiꞌ chaꞌm, jaiꞌ baꞌ maaxik ja bui jim maaxdhai. Guiꞌ baꞌ miꞌ dhɨr bha jaꞌk jup ja mattuꞌnkaꞌ am guch bopxi kat nam jax jaꞌk tuiꞌñgɨdaꞌ bɨɨx jɨꞌmaꞌn.

1 PEEGRO 1:2

Nat guꞌ bɨjɨk dɨr pu chuꞌm kɨꞌn jam aꞌm tɨ tɨɨ gu Dios na pim puꞌñi tɨ jɨɨꞌñdhaꞌ buiñor gu Maraaꞌn jich Xoiꞌkam, gio baꞌ nat bɨɨx jɨꞌmaꞌn jam tajaañ gux Dhuuduꞌ kam jix Uañ Iiꞌmdagaꞌn na pim baꞌ kaichgɨt miꞌ puiꞌ xi bhɨichgɨdaꞌ na jax jaꞌk jam jurtudidhaꞌ, gam na jam mattuꞌnkaꞌ nat guch Xoiꞌkam tu jam uañ gu jam uaꞌtulhdharaꞌ janoꞌ nat paiꞌ dhuuk jaax gu ɨꞌraꞌn bhaiꞌ bhaan gu kuruus na mɨt sissapa, na pim baꞌ miꞌ dhɨr cham tuꞌ ka uaꞌtulhdhix kaꞌ. Jaꞌpni, moo gɨt baꞌ gu Dios pɨx jam aꞌm tɨ nɨidhidhaꞌ na pim baꞌ gammɨjɨ cham tuꞌ bhaan jax jim aagɨt jix jɨjɨkgɨm jup tuiꞌkaꞌñ jaaduñ.