ROOMA KAM 11:11 - Tepehuano Tepehuán del Sureste (Durango)

¹¹ Baꞌ jaꞌp jañ jup kaiꞌch: ¿Pu gammɨjɨ maiꞌ ba suulh jamɨt aa chi baꞌ gu Israel kam jaꞌtkam na mɨt puiꞌ bɨɨx aixim bhaan bam tukgi? Chaam tuꞌ ji matgɨm, guꞌ jaꞌpji nam baꞌ jax dhui dhiꞌ bhaan cham mu jaꞌk bhɨɨyaꞌ guiꞌ nam cham jir Israel kam jaꞌtkam nam paiꞌ gammɨjɨ miꞌ pup jum tulhiiñdhaꞌ. Baꞌ bhaiꞌ pup ñiññiaꞌm ɨp gu Israel kam jaꞌtkam na guiꞌx bhaiꞌ ba tu ja jimdaꞌ, panaas kum dhiꞌ bhaan pɨx bhaiꞌ ji ja jɨɨꞌmoꞌ.

ROOMA KAM 11:11 ပူးပေါင်းရင်းမြစ်များ

LUUKAS 20:16

Mu jimɨi dho ja koodai jaiꞌp miꞌ ja iabuꞌ gu tujuandam. Baꞌp kaiꞌch am gu jaꞌtkam na puiꞌ kaiꞌch gu Jesuus: ―¡Iam gɨt moo cham jɨꞌxkat puiꞌ tuch dhoodaꞌ!

GU NOONBIꞌÑ GUCH XOIꞌKAM 13:42

Baꞌ na mɨt paiꞌ dhuuk ba tɨɨmu nam xi chu aꞌgimɨk, na mɨt miꞌ dhɨr ba bubua na paiꞌ tum daandaꞌ gu Paablo ja bɨɨm guiꞌ nam maap jim, mu jaꞌp puiꞌ ba ja tɨtda am gu jaꞌtkam nam sap gio puiꞌ jaꞌk jup tu ja aꞌgidhaꞌ na paiꞌ dhuuk gio muiꞌp jim bhɨɨyaꞌ na cham tum juandaꞌ.

GU NOONBIꞌÑ GUCH XOIꞌKAM 18:6

Guꞌ ji na guꞌ guiꞌ ni jɨꞌx kum tɨ jɨɨgiꞌñdhaꞌ, dai na mɨt bhaiꞌ pɨx ji bhaak, gio na jax aaꞌ kum pu tɨtda na jax cham jir am. Baꞌ gu Paablo xixiixkak gu jajannulhiꞌñ na sap baꞌ bhaan jix maatɨꞌ kaꞌ na mɨt cham kɨɨgalh gu puiꞌ na jax tɨi pup tu ja aꞌgidhimɨk, jup ja tɨtda baꞌ: ―Dho guꞌ aapiꞌm dho baꞌ dɨɨlh bar jam kuiñcha kaꞌ na jam tulhiiñchudaꞌ gu Dios, aañ cham tuꞌ kar jiñ kuiñcha kaꞌ, nañ guꞌ aañ ba jam aagiꞌñ. Baꞌ xib dɨr jaꞌp jaꞌk dai gu jaiꞌ jaꞌtkam jañ pɨx ba tu ja aꞌgiꞌñmɨraꞌ nam cham jir Israel kam, na pim guꞌ aapiꞌm cham kaim.

ROOMA KAM 10:19

Guꞌ baꞌ jaꞌp jañ jup jiñ aaꞌ: ¿Kaꞌ guꞌ pu cham maatɨt kɇɇ am aa na tuꞌ bhaan tum aꞌga? Jaꞌpji na guꞌ gu Moisees jup kaiꞌch maaꞌn kap nat paiꞌ tu uaꞌnak bhaankamuꞌn gu Dios: Aañ puiꞌ ja duñiaꞌ gu Israel kam jaꞌtkam nam ja jɨɨꞌmui bhaiꞌ ji bhaakuꞌ ja bui guiꞌ nam cham jir Israel kam jaꞌtkam, puiꞌñ ja duñiaꞌ nam ja bhaamkidhaꞌ guiꞌ nam pu cham tuꞌ maatɨt tɇ kɇɇ.

ROOMA KAM 11:1

Baꞌ jaꞌp jañ jup kaiꞌch aañ: ¿Pu cham tuꞌ aa chi baꞌ kap jum buixiꞌñ gu Dios ja bui gu Israel kam jaꞌtkam? Matgɨm ja aꞌm ji na tɨ nɨidhim pui. ¿Jax japim giñ ñɨiꞌñ aañ? Aañ puiꞌp jir Israel kam maaꞌnkam guꞌ, jir jiñ boxii gu Abraam, gio miꞌ dhɨr jaiꞌchdhɨr jañich ja bui gu kukuulsiꞌñ gu Benjamiin.

ROOMA KAM 11:12

Baꞌ noꞌ guꞌ pu kaiꞌñkam pɨx jix bhaiꞌ tu ja jii gu jaꞌtkam bɨɨx na jɨꞌx oiꞌñgaꞌn guiꞌ nam cham jir Israel kam jaꞌtkam, na mɨt cham am bua pɨx guiꞌ nam jir Israel kam jaꞌtkam, dho bak guꞌx bhaiꞌ ji na tu ja jimiaꞌ bɨɨx gu jaꞌtkam yaꞌ kam dhi oiꞌñgaꞌn noꞌ mɨt bɨɨx gu Israel kam jaꞌtkam miꞌ puiꞌp jii na jax jix aaꞌ gu Dios.

ROOMA KAM 11:14

Nañ guꞌ aañ jix aaꞌ nam gu Israel kam jaꞌtkam bhaiꞌ ji jam jɨɨꞌmoi miꞌ puiꞌp ba jimiaꞌ na jax jix aaꞌ gu Dios. Cham aaꞌ iñ guꞌ tɨi nam mu jaꞌk bhɨɨyaꞌ nam paiꞌ gammɨjɨ miꞌ pup jum tulhiiñdhaꞌ.

ROOMA KAM 11:31

Pu chuꞌm kɨꞌn jamɨt cham am jup bua xib gu Israel kam jaꞌtkam na pimɨt aapiꞌm jax chuꞌm kɨꞌn cham am bua bɨjɨk, ku guꞌ dɨɨlh ji gu Dios nat puiꞌ jaꞌk tu duu na baꞌ jax dhui xi jam joiꞌmdai jam aꞌm tɨ tɨgiaꞌ aapiꞌm. Miꞌ dhɨr baꞌ giox ja joiꞌmdai ja aꞌm jup tɨ tɨgiaꞌ gu Israel kam jaꞌtkam puiꞌ nat jax ba duu xib.