ROOMA KAM 10:1 - Tepehuano Tepehuán del Sureste (Durango)

¹ Jiñ jaaduñ jich Xoiꞌkam bhaan, aañ tɨix aaꞌ nam gɨt gu Israel kam jaꞌtkam cham mu jaꞌk bhɨɨyaꞌ nam paiꞌ gammɨjɨ miꞌ pup jum tulhiiñdhaꞌ, tɨi ja aꞌmkam puiꞌ jaꞌk tu daañchuꞌndaꞌ iñ buiñor gu Dios.

ROOMA KAM 10:1 ပူးပေါင်းရင်းမြစ်များ

LUUKAS 13:34

’Aapiꞌm jaꞌtkam Jerusaleen oiꞌñkam, jaꞌp pɨx na pim ja kooꞌn guiꞌ nam bhaankam tu aꞌgadaꞌ gu Dios. Tɨi jam aaꞌñdhidhaꞌm pɨx na pim jax jaꞌk duñiaꞌ na baꞌx bhaiꞌ ba tu jam jimdaꞌ. Aapiꞌm ja maꞌyasat ja kooꞌndaꞌ joodai kɨꞌn, guꞌ gu Dios pɨx na bhaiꞌ tɨi ja jootosdaꞌ nam baꞌ yaꞌ tu jam aꞌgidhaꞌ. Jaꞌp na aañ na ñich muiꞌkim tɨi ji jam aaꞌñ na pim miꞌ puiꞌ jimiaꞌ na jax jix aaꞌ gu Dios na baꞌ xi jam joiꞌmdat jam aꞌm ba tɨ nɨidhidhaꞌ gɨt, guꞌ ji na pim guꞌ cham aaꞌ. Dhiꞌ jaꞌp ji buus na jax gu takaaruiꞌ noꞌ tɨi pup bɨɨx xix ja boiꞌspam kat gu maamraꞌn noꞌ bax ja naa gu tuꞌ, guꞌ ji nam guꞌ cham mu jaꞌk aꞌjɨdaꞌ dɨɨlh.

JUAN 5:34

Ku guꞌ aañ cham tuꞌñ aꞌm jum aaꞌ ji nañ aꞌmkamuꞌn ñiokdaꞌ gu jaroiꞌ yaꞌ kam dhi oiꞌñgaꞌn. Guꞌ ji na pim guꞌ aapiꞌm cham maat nañ jir gɇꞌkam, guꞌ baꞌm aaꞌ na jaroiꞌ jam mattudaꞌ na pim baꞌx chu maax kɨr bap tuiꞌñgɨdaꞌ, na guꞌ ba uañchudhix kaꞌ gu jam uaꞌtulhdharaꞌ noꞌ pim jix aaꞌndaꞌ gɨt.

ROOMA KAM 10:2

Jix maat iñ aañ nam gu Israel kam jaꞌtkam tɨix aaꞌ nam gɨt miꞌ puiꞌ xi jiimdaꞌ na jax jix aaꞌ gu Dios, dai ji nam guꞌ cham maat na jax pɨk jaꞌk jum aaꞌ nam miꞌ puiꞌ jiimdaꞌ.

ROOMA KAM 9:33

Puiꞌm kaiꞌch ji guꞌ maaꞌn kap na mɨt paiꞌ tu uaꞌnak gu bɨjɨk dɨr kam na bhaan tu aꞌga dhiꞌ na puiꞌ ji buusan na gu jodai, jup jum kaiꞌch: Maaꞌn jañ miꞌ ja daaxdhaꞌ gu jodai gu Sion oiꞌñkam nam baꞌ dhiꞌ bhaan jutbui iaꞌlhiaꞌ. Baꞌ gu jaroiꞌ na bhaan bam machiaꞌ dhi jodai, cham tuꞌ bhaan jum xiꞌɨrboꞌ gatuuk.