ROOMA KAM 1:30 - Tepehuano Tepehuán del Sureste (Durango)

³⁰ Gam nam puiꞌ ja aꞌgadaꞌ gu jaiꞌ jaꞌtkam nam jix buam tu jim, dɨɨlh baꞌ pu cham jum nɨiꞌñdhaꞌ am. Gio nam jix bhaamkiꞌñ gu Dios. Gio nam cham tuꞌ kaꞌm ja nɨiꞌñdhaꞌ gu jaiꞌ jaꞌtkam, gɇꞌgɇrkam jum taat kaꞌ am pɨx, jix aaꞌndaꞌ am nam joidham jix bhaiꞌ ja aaꞌndaꞌ gu jaiꞌ gu tuꞌ nam jax buadaꞌ. Gio nam dɨɨlh pɨx jix aichuꞌndaꞌ nam jax jaꞌk duñiaꞌ gu tuꞌ nar jix buam jum duukam. Gio gu ja gɨgɨꞌkoraꞌ pu cham tuꞌ kaꞌm ja nɨiꞌñ am.

ROOMA KAM 1:30 ပူးပေါင်းရင်းမြစ်များ

MATEO 15:4

Puiꞌ na jax maaꞌn kap na jaꞌpni tɨi tu uaꞌñix gu ñioꞌkiꞌñ gu Dios: “Tuꞌ kaꞌm jap nɨidhat gum taat gio gum naan.” Gio baꞌ moo jaꞌpnip jum kaiꞌch ɨp: “Gu jaroiꞌ na cham tuꞌ kaꞌm nɨiꞌñdhaꞌ gu taataꞌn gio gu dɨꞌɨɨꞌn, am tɨꞌñchokaꞌ na joodai kɨꞌn maiꞌyaxix kam muukix kaꞌ.”

MATEO 16:21

Baꞌ ba ja aagiꞌñ gu Jesuus gu noonbiꞌñ na sap bhammɨ jaꞌk jim Jerusaleen, sap baꞌ noꞌt bhammɨ ba ai, tu chiñiaꞌ am nam tulhiiñchudai muꞌaaꞌ gu ja gɇꞌgɇrkam tuk gu Israel kam jaꞌtkam, gio gu ja gɇꞌgɇrkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, gio baꞌ guiꞌ nam sap jix mat kaꞌ gu ñioꞌkiꞌñ gu Dios. Ku baꞌ guꞌ sap baik tanoolh kɨꞌn duadɨi miꞌ ji na jax ba oirɨdaꞌ.

LUUKAS 21:16

Ku guꞌ bɨɨx pɨx bhaiꞌ ji jam bhaamkidhaꞌm ji guiꞌ nam cham jiñ bui tɨ jɨɨgiꞌñdhaꞌ, sia gu jam tataat noꞌm cham jiñ bui tɨ jɨɨgiꞌñ, sia gu miaꞌn jam jaaduñ, sia gu mɨk dɨr kam jam jaaduñ, sia gu jaroiꞌ na pim tɨi gook dɨt jix bhaiꞌ ka kaiꞌchdhaꞌ. Dhiꞌ baꞌ maaxik jam tuttuꞌ am ja bui gu gɇꞌgɇrkam, baꞌ jaiꞌ dhɨt jam koodaꞌ am noꞌm xi ɨlhiiꞌñ.

JUAN 7:7

Aañ matgam giilhim xiñ bhaamkiꞌñ am ji gu jaꞌtkam nañ xi ja aagiꞌñdhaꞌ nam jix buam pɨx tu buadaꞌ na jax cham jir am. Guꞌ noꞌ cham tuꞌ bhaan tu aꞌga jaroiꞌ jaꞌp na jax aapiꞌm, ¿tuꞌm gi kɨꞌn biaꞌ nam bhaiꞌ ji jam bhaamkidhaꞌ?

GU NOONBIꞌÑ GUCH XOIꞌKAM 5:36

Na guꞌ na pim jax bax maat jia nat jax jum duu gu Teudas kat janoꞌ nat paiꞌ dhuuk bhaiꞌ ji chu ja aꞌgi gu jaꞌtkam, na tɨi gɇꞌkam xim ɨlhiiꞌñdhaꞌ, baꞌ muiꞌ ba kaichgɨt am, jɨꞌk gook mambhɨɨx ooꞌm aixim. Baꞌ na mɨt paiꞌ dhuuk mua, naiꞌ pɨx jɨꞌdɨlh jii mɨt, pu ampɨx ji chu juu dho guꞌ.

ROOMA KAM 2:17

Baꞌ aapiꞌm na pim puiꞌ kaiꞌch na pim jir Israel kam jaꞌtkam, baꞌ na pim puiꞌ ji kaiꞌchɨt dhiꞌ bhaan tu daaꞌñchuꞌ pim na jax tu aagix nat tu uaꞌnak gu Moisees. Baꞌx bhaiꞌm taatɨt am gɇꞌgɇrkam jum taat japim na pim xi iim gu Dios jix dhaam kam.

ROOMA KAM 2:23

Tɨi bhaan gɇꞌgɇrkam jum taat japim dho puiꞌ na jax tu aagix nat tu uaꞌnak gu Moisees, guꞌ pɨx ji na pim guꞌ cham tuꞌ bhaiꞌ biꞌiim buiñor gu Dios, na pim guꞌ cham tuꞌ miꞌ puiꞌ jiim na jax tu aagix.

ROOMA KAM 3:27

Pu cham tuꞌ dho baꞌx jaiꞌch nach bhaan tuꞌ kaꞌm xich ɨlhiiꞌñdhaꞌ buiñor gu Dios, nach guꞌ cham tuꞌ miꞌ puiꞌ duiñchuꞌ na jɨꞌk jax jum kaiꞌch puiꞌ na jax tu aagix, puiꞌ pɨx nach bhaan tɨ jɨɨgiꞌñ.

2 KORIINTO KAM 10:15

Cham tuꞌch bhaan gɇꞌgɇrkam jich chaat ja bui gu jaiꞌ na chich cham aach tu ja aꞌgi gux bhaiꞌm kaiꞌchdham ñioꞌkiꞌñ guch Xoiꞌkam, dai aapiꞌm jam bui pɨx. Jix ioꞌm jach jam bui tu juanaꞌ noꞌ pim aapiꞌm xim gɨꞌlhdhim na pim buiñor tɨ jɨɨgiꞌñ guch Xoiꞌkam.

2 KORIINTO KAM 12:20

Nañ guꞌx aaꞌ na pim miꞌ puiꞌ jiimdaꞌ nañ paiꞌ dhuuk gio muiꞌp jam tɨɨꞌmɨraꞌ. Jix buam tu tatdachiaꞌ guꞌ noꞌ ñich ba jam tɨɨ na pim cham miꞌ puiꞌ jiim, cham tuꞌñ baꞌ ka tu jam aꞌgidhaꞌ na pim jax jaꞌk bhaan jix bhaiꞌm taat kaꞌ. Jix buam guꞌ noꞌ pim daim kokda, piam ku pim xim jɨjɨɨgak bɨxchuꞌ pɨx bhaan, piam ku pim guꞌ bɨɨx aixim bhaan gɇꞌgɇrkam jum taat, piam ku pim guꞌ dɨɨlh pɨx xim jajoiꞌgɨꞌn, noꞌ pim guꞌ pu cham jajoiꞌgɨꞌn gu jaiꞌ. Piam ku pim jum iꞌiattulhiꞌñ, piam ku pim jum aꞌaꞌga, gammɨjɨ bɨɨx aixim ku pim puiꞌm bua na jax cham kɨɨꞌ kaꞌm nɨiꞌñ gu Dios.

2 TESALOONIKA KAM 2:4

Dɨɨlh jum aagidhaꞌ nar Dios kaꞌ dhiꞌ dhi maaꞌnkam jix buam tomaatɨm, pu ja tɨtdaidhaꞌ gu jaꞌtkam nam dai guiꞌ pɨx ba daandaꞌ, na guꞌ sap cham tuꞌ jumaip jix jaiꞌch kaꞌ na bhaan jup tu tuiꞌkaꞌ bɨɨx na jɨꞌk tuꞌx chu jaiꞌch. Miꞌ paiꞌ jax chuꞌm chiop ɇɇji bɨɨpɨꞌ dɨr daakat bhaiꞌ ba tu ja aꞌgiꞌñdhaꞌ gu jaꞌtkam, sia ku guꞌ tɨix chu xidhuu na sɨlhkam Dios jup duiñxidhix kaꞌ gu chiop.

2 TIMOTEO 3:2

Gu jaꞌtkam bax aaꞌndaꞌ am nam muiꞌ biaꞌkaꞌ gu tuumiñ nam baꞌ bhaan tuꞌ pɨx ja ɨlhiiꞌñdhaꞌ guiꞌ nam cham tuꞌ biaꞌkaꞌ, gɇꞌgɇrkam jum taat kaꞌ am. Sia gu Dios tuꞌ pɨx ba ɨlhiiꞌñdhaꞌ am, jax ñam pɨx aiꞌchuxdhat ba aꞌgadaꞌ. Ni kum cham tuꞌ kaꞌm ka ja nɨiꞌñdhaꞌ gu ja tataat, tuꞌ pɨx ba ja ɨlhiiꞌñdhaꞌ am. Ni kum cham tuꞌ kaꞌm ka tɨ nɨiꞌñdhaꞌ gux xidhuuꞌn kam nax chu jaiꞌch, jaꞌp jam pɨx xi dhuukat sia kum tɨix maat.

TIITO 3:3

Puiꞌ dhor tuꞌm kat ich ji bɨɨpɨꞌ dɨr nach chakui tɨ jɨɨꞌñdhat buiñor guch Xoiꞌkam, bɨɨx aixim tu buadaꞌ ich na tuꞌ cham jir kɨɨꞌ, nach guꞌ pu cham tuꞌ kaꞌm nɨiꞌñdhaꞌ gu Dios, jaꞌp ji buusandaꞌ pɨx nach jir tujuandam tugiꞌñ kaꞌ gux buam jum duukam. Maiꞌ suulhgix kat ich tuꞌ sɨlhkam kɨꞌn, dai nach xich jɨjɨɨgak kaꞌ tuꞌ na pɨx bhaan nach jax dhuix bhaak kaꞌ.

SANTIAGO 3:5

Puꞌñi pɨx jup ji buusan dhiñ ñɨɨn na yɨjɨ kɨɨk jiñ chiñ am, jir ɨlhiꞌch jup jum duukam tɨi na palhɨɨp jaꞌp joiñdhaꞌ nañ baꞌ tu aꞌgadaꞌ. Guꞌ ji na guꞌ dhiꞌ baꞌ pɨk jix ioꞌm xi chu xi bua na paiꞌ dhuuk muiꞌ ji ñokiaꞌ, jaꞌp na jax gu tai noꞌt palhɨɨp mi jaꞌp paiꞌ gɨi nax chɨ mɨidhaꞌ, pu giilhim jɨꞌx na gɇꞌ tɨ mɨɨyaꞌ paiꞌ na juugɨt jix chɨ mɨidhaꞌ kaꞌ.

SANTIAGO 4:16

Guꞌ ji na guꞌ aapiꞌm dɨɨlh pɨx gɇꞌgɇrkam jim taatɨt bɨɨx aixim jum aaꞌndaꞌ na pim tu duñiaꞌ, ni jɨꞌx ku pim iam jix biiñak kat buiñor gu Dios. Dhiꞌ puꞌñi chuutuꞌm gu jaꞌtkam, cham tuꞌ ja kɨɨgalhiꞌñ guch Gɨꞌkoraꞌ, na guꞌ cham kɨɨꞌ kaꞌm nɨiꞌñ noꞌm dɨɨlh gɇꞌgɇrkam jum taat.

2 PEEGRO 2:18

Nam guꞌ giilhim gɇꞌgɇrkam jum taatɨt bɨɨx aixim kaiꞌchdhaꞌ dai, cham paiꞌ dhuuk gampaiꞌ pɨx jum ɨlhdhat tu aꞌgaꞌ am. Gam nam ja iatgidhat ja chiandaꞌ nam jix buam jum duukam jup tu duñiaꞌ guiꞌ nam kiaꞌpɨx bax mat kaꞌ na jax jaꞌk jix aaꞌ gu Dios nam tuiꞌñgɨdaꞌ.

JUUDAS 1:16

Baꞌ puꞌñi jaꞌk tu ja jimiaꞌ dhiꞌ dhi jaꞌtkam nañ jaroiꞌ bhaan tu aꞌga, nam guꞌ giilhim buam pɨx tomaat na jax cham puiꞌ jaꞌk aaꞌ gu Dios. Jix bhaiꞌx mat kam xim ɨlhiiꞌñdhaꞌ am gu ñioꞌkiꞌñ gu Dios, gɇꞌgɇrkam jum taatɨt gampaiꞌ pɨx ja ɨlhdhat jix bhaamut ja aaꞌndaꞌ am baꞌ guiꞌ nam sɨlhkam tu aꞌgadaꞌ gu Dios ñioꞌkiꞌñ puiꞌ xi ja aiꞌchuxdhat nam cham tuꞌ maat, nam sap baꞌ dai guiꞌ pɨx mu jaꞌk ja kaichgɨdaꞌ gu jaꞌtkam. Jix bhaiꞌm taat kaꞌ am baꞌ noꞌ mɨt mu jaꞌk ji ja kai, nam guꞌ miꞌ pɨx ja iatgiꞌñdhaꞌ.