MATEO 9:38 - Tepehuano Tepehuán del Sureste (Durango)38 Baꞌ jam aꞌm jum aaꞌ na pim pu tɨɨdaꞌ gu Dios guiꞌ na jaꞌp ji buusan na yaꞌ tu gaa, na jaiꞌ bhaiꞌp ja jootsaꞌ guiꞌ nam ya jaꞌp tu ja aꞌgidhaꞌ gu jaꞌtkam gux bhaiꞌm kaiꞌchdham ñioꞌkiꞌñ. အခန်းကိုကြည့်ပါ။ |
MATEO 9:38
15 ပူးပေါင်းရင်းမြစ်များ
Baꞌp ja tɨtda ɨp gio gu Jesuus: ―Jix bhaiꞌ pim jum taat kaꞌ na ñich yaꞌ ba ai. Aañ bhaiꞌ pɨx puiꞌ jam tɨɨdam na pim jix bhaiꞌm ɨlhdhai naiꞌ xi jimiaꞌ bɨɨx kap na pim tu ja aꞌgiꞌñpuꞌ gu jaꞌtkam. Jaꞌp na jax aañ na ñich bha jii yaꞌ dhi oiꞌñgaꞌn na ñich bha tu jam aꞌgidham nat paiꞌ dhuuk bhañ joot guñ Gɨꞌkoraꞌ, puiꞌ kuñ baꞌ aañ yaꞌ dɨr jup jam jootos aapiꞌm.
Baꞌ maaꞌnnim nam jim saabut maap jumpaxich ka tu daan buiñor guch Gɨꞌkoraꞌ, puiꞌ jaꞌk ba ja jujurtuda gux Dhuuduꞌ kam jix Uañ Iiꞌmdaꞌ nam sap dɨɨlh pɨx bhaiꞌ ba ji ja aagaꞌ gu Bernabee gio gu Saulo nam puiꞌ jaꞌk tuꞌm kɨꞌn ja darsaꞌ nam miꞌ dhɨr jaꞌp jaꞌk naiꞌ bhaankam ba tu aꞌgadaꞌ gu Dios, nat guꞌ sap dhiꞌ ja aꞌm ba tɨ tɨɨ.
Jix aaꞌ guꞌ gu Dios na ja bui guch Xoiꞌkam jɨɨgiꞌñdham jix jaiꞌch kaꞌ am guiꞌ nam naiꞌ jiimɨt tu aꞌgidhaꞌ gu ñioꞌkiꞌñ, jaiꞌ baꞌ guiꞌ nam miꞌ dhɨr bhaankam jup ja aagiꞌñdhaꞌ gu jaiꞌch Xoiꞌkam jɨɨgiꞌñdham na jax jaꞌk jix aaꞌndaꞌ, jaiꞌ baꞌ guiꞌ nam jix bhaiꞌ ja aꞌgiꞌñdhaꞌ gu ñioꞌkiꞌñ guiꞌ na tu uaꞌñix na jax kaiꞌñkam jup jum kaiꞌch, jaiꞌ baꞌ nam jix bhaiꞌm duukam jup tu buadaꞌ na ni jaroiꞌ ku cham paiꞌ dhuuk pu chuꞌm tɨ nɨiꞌñdhaꞌ, jaiꞌ baꞌ nam tu duduadhiꞌñdhaꞌ gux kakoꞌkkam, jaiꞌ baꞌ nam ja palhbuiꞌñdhaꞌ gu jaiꞌ jaꞌtkam sia tuꞌ na pɨx kɨꞌn, jaiꞌ baꞌ guiꞌ nam jix gɨꞌm kɨꞌn ja sɨlhkaꞌndaꞌ guiꞌ nam puiꞌp tɨ jɨɨgiꞌñdhaꞌ buiñor guch Xoiꞌkam, gio jaiꞌ guiꞌ nam jaiꞌ ñiiñioꞌk kɨꞌn jix maatɨt tu daandaꞌ.
Baꞌ dhiꞌ pɨx jup jir diꞌ nat jaiꞌ dhɨt ja darai nam puꞌñi miaꞌn jir noonbiꞌñ kaꞌ, nam baꞌ miꞌ dhɨr bhaankam naiꞌ pu tu duñiaꞌ na jax ɨlhiiꞌñdhaꞌ. Gio jaiꞌ dhɨt jup ja darai nam bhaankam tu aꞌgadaꞌ na jax ja jurtuꞌnkaꞌ. Gio jaiꞌ dhɨt jup ja darai nam nai tu aꞌgaꞌ gux bhaiꞌm kaiꞌchdham ñioꞌkiꞌñ na dɨɨlh bhaan tu aꞌga guch Xoiꞌkam. Gio jaiꞌ dhɨt jup ja darai guiꞌ nam maap ja jumpadat daich Xoiꞌkam jɨɨgiꞌñdham ja jiñkaixdhat ja aagiꞌñdhaꞌ gu ñioꞌkiꞌñ na jax jir jum duukam, gio baꞌ nam maap tu daandaꞌ. Gio jaiꞌ ja darai ɨp guiꞌ nam ja mamtuxiꞌñdhaꞌ gu daich Xoiꞌkam jɨɨgiꞌñdham nam jax jaꞌk miꞌ puiꞌ jiimdaꞌ.
Palhɨɨp pɨx jañ ba tu jam aꞌgidhaꞌ bhaan dhi uꞌuan aapiꞌm jiñ jaaduñ na baꞌ moo bar daipuꞌ kaꞌ. Jich aꞌmkam japim tu daandaꞌ buiñor gu Dios na baꞌ gux bhaiꞌm kaiꞌchdham ñioꞌkiꞌñ guch Xoiꞌkam jotmodaꞌ bɨɨx kap aayaꞌ, gio nam baꞌ cham jax ji chɨꞌji joidham kɇɇji miꞌ puiꞌ ba jimiaꞌ guiꞌ nam kaayaꞌ, jaꞌp na jax aapiꞌm na pimɨt cham jax ji chɨꞌɨɨk kɇɇk miꞌ puiꞌ jii.
ကြော်ငြာတွေ