MATEO 9:15 - Tepehuano Tepehuán del Sureste (Durango)

¹⁵ Baꞌp ja tɨtda gu Jesuus: ―Dho na guꞌ dhiꞌ jaꞌpni ji buusan jia na jax gu jaroiꞌ noꞌ mu paiꞌ ba xim tɨɨmom, nam guꞌ cham jɨꞌx jum saabum jum ɨlhiiꞌñdhaꞌ gu jaꞌtkam miꞌ jotmodaꞌ, nam guꞌx chu nak kaꞌ gu koiꞌ. Miꞌ dhɨr baꞌ noꞌt ba jii guiꞌ na miꞌ xim tɨɨmui nam dho gi baꞌ xim saabum bam ɨlhiiꞌñdhaꞌ ji gu jaꞌtkam.

MATEO 9:15 ပူးပေါင်းရင်းမြစ်များ

MATEO 9:14

Baꞌ miꞌ ba ai mɨt guiꞌ nam kaichgɨdaꞌ gu Juan jaꞌtkam bopkondam, baꞌ bhaiꞌ ba tɨkka am gu Jesuus na sap jax kum baꞌ cham jum saabdaꞌ gu jaꞌtkam tugiꞌñ, jup tɨtda am: ―¿Jax kum baꞌ cham jum saabdaꞌ dhim jaꞌtkam tuk? Nach baꞌ aach gammɨjɨch xaabdaꞌ, gio gu pariseos ba puiꞌ ɨp.

MATEO 9:16

’Cham jaroiꞌ jaiꞌch gu maaꞌnkam na alhiꞌch ɨɨkɨi gu xibkam jannulh bhaiꞌ jaꞌk daaxdhaꞌ bhaan gu kɨlhiiꞌñgaꞌn, na guꞌ maaꞌn na jax sarniaꞌ bɨɨx xikoolh dhɨr na paiꞌ dhuuk bhaiꞌ ji soꞌlhkaꞌ gu xibkam jannulh, miꞌ dhɨr dho gi baꞌ guꞌx ioꞌm bam duñiaꞌ ji, cham puiꞌ kiaꞌ na jax bɨɨpɨꞌ dɨr.

MAARKOS 2:19

Baꞌp ja tɨtda gu Jesuus: ―Dho na guꞌ dhiꞌ jaꞌpni ji buusan jia na jax noꞌ jaroiꞌ mu paiꞌ ba xim tɨɨmum, nam guꞌ cham jum saabum jum ɨlhiiꞌñdhaꞌ gu jajaaꞌnniꞌñ, nam guꞌx chu nak kaꞌ gu koiꞌ. Baꞌ puꞌñip ji buusan ja bui dhiñ jaꞌtkam tuk, cham jum saabum jum ɨlhiiꞌñ am gu xib, nam guꞌx bhaiꞌm taat nañ yaꞌ kap tuꞌiiꞌ ja bui.

MAARKOS 2:20

Ku guꞌ kam aajim ji nam paiꞌ dhuuk jiñ dhagiaꞌ guiꞌ nam boiñ bhɨichdhaꞌ, janoꞌ dho gi baꞌ bam saabuꞌ am ji.

LUUKAS 17:22

Baꞌp ja tɨtda dai guiꞌ nam jɨꞌk kaichuꞌ: ―Aapiꞌm jax chuꞌm tanoolh gio tɨip ba xiñ chɨɨgik kaꞌ maaxik jaꞌp na jax xib, guꞌ ji na pim guꞌ cham paiꞌ kañ chɨgiaꞌ.

LUUKAS 5:34

Baꞌ gu Jesuus jup ja tɨtda: ―Dho na guꞌ dhiꞌ jaꞌpni na jax gu jaroiꞌ noꞌ miꞌ paiꞌm tɨtmo nam cham jɨꞌx jum saabum jum ɨlhiiꞌñdhaꞌ gu jaꞌtkam miꞌ jotmodaꞌ, nam guꞌx chu nak kaꞌ gu koiꞌ.

LUUKAS 5:35

Gio na guꞌ cham tuꞌ gammɨjɨ mi oirɨt jum tɨtmot tu ja maakdaꞌ, daipuꞌ ji maaꞌnnim na bɨɨx maaꞌn jimdam miꞌ pu tu ja makiaꞌ, nam guꞌ ba baidhikaꞌ na xi chu ja maakai. Miꞌ dhɨr dho gi baꞌ guꞌ cham jax ka bua ji sia mɨt baꞌ bam saabu, na guꞌ bar cham tuꞌ kaꞌ. Puꞌñi ɨp baꞌ dhiñ jaꞌtkam tuk, cham jum saabum am gu xib, nam guꞌx bhaiꞌm taat nañ yaꞌ kap tuꞌiiꞌ ja bui.

JUAN 16:6

na guꞌ dai na pim jix buam bam aaꞌ nañ tɨi xi jam aagiꞌñ nañ bar boi chaꞌm kam.

JUAN 3:29

Baꞌ aañ xib giilhim jix bhaiꞌñ chaat nat yaꞌ ba ai. Jaꞌpniñ jix bhaiꞌñ chaat na jax gu jaroiꞌ na umuaꞌñdhix kaꞌ na bhaankamuꞌn tu ja maakdaꞌ gu jaꞌtkam na paiꞌ dhuuk bar bhaan kaꞌ na bam tɨɨmoꞌ gu biapmaꞌ bɨɨmaꞌn gu tɨyaa.

GU NOONBIꞌÑ GUCH XOIꞌKAM 14:23

Gio baꞌ nam jɨꞌmaꞌn xi ja darsaidhat guiꞌ nam tɨ jɨɨgiꞌñ buiñor guch Xoiꞌkam nam sap baꞌ ja guguuxiꞌñdhaꞌ gu jaiꞌ nam puiꞌp tɨ jɨɨgiꞌñ buiñor guch Xoiꞌkam. Baꞌ gatuuk nam paiꞌ dhuuk xi chɨɨmuidhat nam xi chu ja daañxidhat gio nam jum saabuimɨi, puiꞌ xi ja tɨtdaidhat am na gammɨjɨ ja aꞌm tɨ nɨidhidhaꞌ guch Gɨꞌkoraꞌ guiꞌ na mɨt jaroiꞌ buiñor ba tɨ jɨɨꞌñ.

1 KORIINTO KAM 7:5

Jix bhaiꞌ kaiꞌchɨt jam baꞌ maap boppodaꞌ paiꞌ nam duuk ɨlhiiꞌñdhaꞌ, cham tuꞌ na maadɨt cham aaꞌndaꞌ. Gio guꞌr am ɨp nam gook dɨt xi chu aꞌgai noꞌm jix aaꞌ nam jɨꞌk tanoolh cham maap boppodaꞌ, noꞌm guꞌx aaꞌ nam soiꞌm ɨlhdhat dai gu Dios buiñor ka xi chu dañiaꞌ. Baꞌ na paiꞌm aayaꞌ nam paiꞌ dhuuk juugɨt tu daasaꞌ, miꞌ dhɨr maaꞌn nam jax jix bhaiꞌ kaiꞌchɨt maap boppodaꞌ. Na guꞌ noꞌm mɨk cham maap boppo, cham maatɨꞌ kaꞌ noꞌm moo nakgaꞌ nam tɨ bɨɨm jix boꞌiik kaꞌ, kaꞌ baꞌ guꞌ dhiꞌ bhaan ja maiꞌchɨi gu jaꞌook bam uaꞌtulhdhaꞌ am.

2 KORIINTO KAM 11:27

Gio nañ jix ioꞌm tu juandaꞌ, bhaan pɨx jiñ chulhiiñdhaꞌ iñ, paiꞌjɨñ cham koksodaꞌ guꞌ, gam paiꞌjɨ nañ uamaidhaꞌ, puiꞌx bhiogɨt juruuxiꞌñdhaꞌ iñ. Gam nañ tonmoidhaꞌ paiꞌjɨ, gam nañ gɨbkaidhaꞌ nañ cham kɨkɨɨꞌ tu jajannulh.

NAT JAX TƗ TƗƗ GU JUAN 19:9

Baꞌ maadɨt gu nobiiꞌñ gu Dios jup jiñ chɨtda: ―Jaꞌpnip miꞌp xi chu daasaꞌ uꞌuan taꞌm: “¡Jaꞌp moo joidham jix bhaiꞌ tu ja jimiaꞌ guiꞌ nam jɨꞌk baidhix nam tu jugiaꞌ gu bhooꞌn, nam guꞌ bɨɨx dhɨt bɨɨmaꞌn jum tɨɨmoꞌ dhiꞌ na jaꞌp ji buusan na gux kɨɨꞌ kasnir! Baꞌ yaꞌ dɨr jaꞌp jaꞌk gammɨjɨx jɨjɨkgɨm bap tuiꞌkaꞌ am.” Gio baꞌ moo jaꞌpnip xi chɨi: ―Dhiꞌ nañ jɨꞌk jax jum tɨtda, bhaankamuꞌn gu Dios jañ puiꞌm tɨtda, cham tuꞌ aañ dɨɨlh. Sɨlhkam jup kaiꞌch gu dhiꞌ puiꞌ na jax kaiꞌch.

NAT JAX TƗ TƗƗ GU JUAN 21:2

Baꞌ jaꞌxpɨx bhammɨ dɨr jix dhaam buiñor gu Dios bhaiꞌ ba tɨmñim gu gɇꞌ kiicham na joidham tu tuꞌiiꞌ, jir diꞌ pɨx gu xibkam Jerusaleen. Joidham jix chu abhaar ji guꞌ, jaꞌp ji buusan na jax maaꞌn gu tɨyaa noꞌt joidham jix chua ba tɨm tɨiꞌ noꞌt ba jim tɨɨmo bɨɨmaꞌn gu chioꞌñ.