MATEO 8:13 - Tepehuano Tepehuán del Sureste (Durango)

¹³ Miꞌ dhɨr baꞌ moop tɨtda gu ja gɇꞌkam tuk gu sandaaruiꞌx: ―Ea ku gi na moo puiꞌ tu tuiꞌkaꞌ nap jax kaiꞌch jiñ jaduuñ. Ba jimiaꞌ ap jum kiꞌaam jaꞌk cham jax jim aagɨt. Baꞌ moo janoꞌ pu dua gu tujuandam tugiꞌñ, jix kɨɨꞌp jum duu.

MATEO 8:13 ပူးပေါင်းရင်းမြစ်များ

MATEO 15:28

Baꞌp tɨtda ɨp gio gu Jesuus: ―Aa guꞌ moo jaꞌp tuꞌ sɨlhkam soiꞌm ɨlhiiꞌñ ap ji jiañ jaduuñ. Ea ku gi na moo puiꞌ tu tuiꞌkaꞌ nap jax kaiꞌch. Baꞌ moo janoꞌ nat jax puiꞌ jɨꞌ tɨi gu Jesuus, jix kɨɨꞌp jum duu gu tɨɨyax, pu dua na kax ñaanbiꞌ kat na bhaan jup tuiꞌñgɨt gu cham kɨɨꞌ iiꞌmdaꞌ.

MATEO 17:20

Baꞌp ja tɨtda gu Jesuus: ―Dho na pim cham bɨɨx jam jujur kɨꞌn tɨ jɨɨgiꞌñ dho buiñor guñ Gɨꞌkoraꞌ. Na guꞌ noꞌ pim bɨɨx jam jujur kɨꞌn tɨ jɨɨgiꞌñdhaꞌ gɨt buiñor, sia ku pim guꞌ panaas cham tuꞌ bhaigɨm tuꞌiiꞌ, jaꞌp na jax gu mostaasa kai na panaas cham tuꞌ bhaigɨm tuꞌiiꞌ, aañ pu jam tɨtda na sia dhi oidhaꞌ jix bhaaiꞌ na pim pu tɨɨdaꞌ na maakam jaꞌk jimiaꞌ, puiꞌ dho ji chu buusniaꞌ noꞌ pim moo tuꞌ sɨlhkam tɨ jɨɨgiꞌñ buiñor guñ Gɨꞌkoraꞌ.

MATEO 8:4

Baꞌ xi sooꞌmchulhdhak ɨp na sap cham jaroiꞌ aagiꞌñdhaꞌ nat duaꞌñ, jup tɨtda: ―Dai nap moo cham jaroiꞌ aagiꞌñdhaꞌ na ñich aañ jum duaꞌñ. Dai nap sɨlh jimiaꞌ pɨx mu na paiꞌr chiop na paiꞌ daa guiꞌ na ja palhbuiꞌñ gu Israel kam jaꞌtkam nam tu daandaꞌ buiñor gu Dios, na baꞌm tɨgiaꞌ nap bax kɨɨꞌ. Xi chɨkkadaꞌ ap. Baꞌ noꞌ jax kaiꞌch nap bax kɨɨꞌ, dho guꞌ dai dho nap tu makgɨrtaꞌ na jax tu aagix nat tu uaꞌnak gu Moisees nam baꞌ bax mat kaꞌ gu jaꞌtkam na pich ba dua na kam ɇɇkat gu koꞌkdaiꞌ.

MATEO 9:22

Baꞌ gu Jesuus jaꞌk xi gɨɨsɨk jup tɨtda gu ubii: ―Chaꞌp jax kam aaꞌndaꞌñ jaduuñ. Pu ba dua pich ji matgɨm, nap guꞌ aañ jiñ bui bax biiñak. Baꞌ miꞌ jotmodaꞌ joidham jix bhaiꞌ bhaiꞌ ji chu tatdat gu ubii nat jax pu tɨɨꞌn gu Jesuus, jix kɨɨꞌ dhop jum duu na ka mɨrdat gu ɨꞌraꞌn.

MAARKOS 7:29

Baꞌp tɨtda gu Jesuus: ―Jaꞌpji moo sɨlhkam jia nap soiꞌm ɨlhiiꞌñ jiñ jaduuñ. Ba buus ji matgam gu cham kɨɨꞌ iiꞌmdaꞌ bhaiꞌ dhɨr bhaan gum maraax. Chaꞌp jax kam aaꞌndaꞌ, ba jimiaꞌ ap.

MAARKOS 9:23

Baꞌp tɨtda gu Jesuus: ―Dho guꞌ noꞌp guꞌ bax biiñak kaꞌ buiñor guñ Gɨꞌkoraꞌ, xib dho puiꞌ ji chu buusniaꞌ, na guꞌ guiꞌ cham tuꞌ xijaichuꞌn.

JUAN 4:50

Baꞌ gu Jesuus jup tɨtda: ―Bax kɨɨꞌ ji matgam gum alhii chuk jiñ jaduuñ. Jaꞌk jap ba gɨxiaꞌ cham jax jim aagɨt. Baꞌ guiꞌ pu jii ɨp nat jax pu tɨɨꞌn gu Jesuus, na guꞌx maat na sɨlhkam jup tɨtda, cham tuꞌ na pɨx jap kaiꞌch.