MATEO 7:21 - Tepehuano Tepehuán del Sureste (Durango)

²¹ ’Baꞌ cham tuꞌ bɨɨx aayaꞌ am buiñor gu Dios guiꞌ nam puiꞌñ chɨtdadaꞌ nañ aañ jir gɇꞌkam, guꞌ jaꞌpji dai ji guiꞌ nam jɨꞌk miꞌ puiꞌ jimiaꞌ na jax jix aaꞌ guñ Gɨꞌkoraꞌ guiꞌ nax dhaam jup tuꞌiiꞌ.

MATEO 7:21 ပူးပေါင်းရင်းမြစ်များ

MATEO 12:50

Na guꞌ gu jaroiꞌ na puꞌñi miꞌ puiꞌ ba jimdaꞌ na jax jix aaꞌ guñ Gɨꞌkoraꞌ guiꞌ nax dhaam jup tuꞌiiꞌ, dhiꞌ puiꞌ ji buusandaꞌ na bar jiñ jaaduñ kaꞌ gio na bar jiñ ñaan kaꞌ.

MATEO 16:17

Baꞌp tɨtda gu Jesuus: ―Jaꞌp moo joidham jix bhaiꞌ tum jii Simoon aap nap jir maraaꞌn gu Jonaas, nat guꞌ cham tuꞌ jaroiꞌ yaꞌ kam dhi oiꞌñgaꞌn jum aaꞌñ gu dhiꞌ puiꞌ na pich jax jaꞌk tɨi nañ jir tuꞌp tuꞌm daꞌ aañ, guꞌ guñ Gɨꞌkoraꞌ ji guiꞌ nax dhaam jup tuꞌiiꞌ nat jum aaꞌñ.

MATEO 18:10

’Baꞌ aañ yaꞌ pu jam tɨtdañ jaaduñ na pim cham tuꞌ pɨx ja ɨlhiiꞌñdhaꞌ gu aꞌaalh jaꞌp na jax dhiꞌñi nañ yaꞌ daaꞌ, ni jax chuꞌm dho moo, nam guꞌ dhiꞌ ja aꞌm tɨ nɨidhat jup tuꞌiiꞌ jia gu noonbiꞌñ guñ Gɨꞌkoraꞌ guiꞌ nam jix dhaam jup tuꞌiiꞌ buiñor.

MATEO 18:19

’Baꞌ noꞌ pimɨt jɨꞌk gook maap xi chu aꞌgak ma tu daanɨ buiñor guñ Gɨꞌkoraꞌ, jam makiaꞌ dho na pim tuꞌ taandaꞌ, aañ moo yaꞌ pu jam tɨtda.

MATEO 18:3

jup ja tɨtda: ―Tuꞌ sɨlhkam kɨꞌn jañ yaꞌ pu jam tɨtda, gu jaroiꞌ noꞌ cham puiꞌm ɨlhiiꞌñ na jax dhiꞌñi alhii, cham jɨꞌxkat jimiaꞌ jix dhaam jaꞌk buiñor gu Dios.

MATEO 18:35

Baꞌ miꞌ pɨx juugɨt tu aꞌga gu Jesuus gu dhiꞌ puꞌñi jaꞌk. Miꞌ dhɨr baꞌ moop ja tɨtda: ―Baꞌ aapiꞌm puꞌñip jam doodaꞌ guñ Gɨꞌkoraꞌ guiꞌ nax dhaam jup tuꞌiiꞌ noꞌ pim cham tu ja uañiꞌñ gu jam jaaduñ bɨɨx jam jujur kɨꞌn.

MATEO 19:24

Gu kameeyo chi iam cham xijaim jup ɨlhiiꞌñ ji na buupuiram baakɨi gu soomkar jaꞌp dɨr jaꞌk buusniaꞌ, cham tuꞌ puiꞌ na jax gux chutumñigam nam giilhim jix xijaim ɨlhiiꞌñ nam miꞌ puiꞌ jimiaꞌ na jax jix aaꞌ guñ Gɨꞌkoraꞌ, nam guꞌ dai mu jaꞌk bhaan jix chutkagix kaꞌ gu tuꞌ nam biaꞌkaꞌ.

MATEO 25:10

Baꞌ na mɨt mu jaꞌk ka tu taañim na paiꞌ jax jum gaꞌradaꞌ, miꞌ jaꞌk ba ai gu biapmaꞌ guiꞌ na miꞌm tɨɨmoꞌ. Baꞌ guiꞌ nam jɨꞌk miꞌp tuꞌiiꞌ gu tɨtɨɨya, guiꞌ nam jix matdaꞌ na mɨt jax jaꞌk duu na baꞌ cham tutkiaꞌ guiꞌ nam kɨꞌn tɨ bɨꞌñdhatuꞌ, bɨɨmaꞌn muiꞌ ji baap jamɨt mu jaꞌk baꞌk chɨr miꞌ na paiꞌr koiꞌcham kaꞌ. Miꞌ dhɨr baꞌ dai nat jix bhaiꞌ bhaiꞌ xim kuu gu kiꞌñgob.

MATEO 25:21

Baꞌp kaiꞌch gu gɇꞌkam tugiꞌñ: “¡Aa guꞌ moo jaꞌp joidham jir jix kɨɨꞌ tujuandam ap ji jia! Ea nañ moo gɇꞌkam kɨꞌn jum daasaꞌ. Jabaak bha jaꞌk baꞌk chɨr nach baꞌ maap yaꞌ joidham jix bhaiꞌch chaat kaꞌ.”

MATEO 26:39

Baꞌ palhɨɨp baasɨꞌn iam xi jimɨɨk mi jaꞌp oꞌlhiaꞌn kɨꞌn xi kɨkbok jix ioꞌm xi dhumaartɨk na dɨɨrap xi chu siisap gu maꞌooꞌn bhaiꞌ ji chu daanɨ buiñor guch Gɨꞌkoraꞌ, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.

MATEO 26:42

Baꞌ daipuꞌ xi ja tɨɨdak gio mu jaꞌk jup ji dhuu nat ba tu daañim ɨp gio. Baꞌ maaꞌn na jax kaiꞌch na tu daan na jax bɨɨpɨꞌ dɨr, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku baꞌ guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.

MAARKOS 3:35

Na guꞌ gu jaroiꞌ noꞌ miꞌ puiꞌ ba jimchuꞌ na jax jix aaꞌ gu Dios, dhiꞌ bar jiñ jaduuñ kaꞌ gio nar jiñ ñaan kaꞌ.

MAARKOS 9:47

Piam ku guꞌ noꞌt jax dhuuk mam uaꞌtulh gu jaroiꞌ, noꞌt guꞌ gu buiꞌñ tuꞌm daꞌp duu, puiꞌ pɨx jup bax bhaiꞌ ɨp na tu chiñiaꞌ nam jupñidhaꞌ na baꞌ cham pɨx ba jim uaꞌtulhdhidhaꞌ. Na guꞌ cham jax bua sia ku maaꞌn pɨx tu bui, noꞌ tɨ jɨɨgiꞌñ buiñor guñ Gɨꞌkoraꞌ, cham tuꞌm tulhiiñaꞌ noꞌt bam jaꞌbsu gu tukgaꞌn, pu jimiaꞌx dhaam jaꞌk. Guꞌ gi baꞌ noꞌ guꞌ cham tɨ jɨɨgiꞌñ, sia ku tɨi bɨɨx gook jix kɨkɨɨꞌ gu buupuiꞌñ, mu jaꞌk dho pu bhɨɨyaꞌ jix chu tukgam kɨr na paiꞌr tulhiiñaraꞌ gammɨjɨ, na paiꞌ cham tutkɨ gu tai,

LUUKAS 11:28

Baꞌ gu Jesuus jup tɨtda: ―Jaꞌpji sia ji guiꞌ nam kɇɇji miꞌ puiꞌ ba jiimdaꞌ na jax jum kaiꞌchdhaꞌ gu ñioꞌkiꞌñ gu Dios na puiꞌ gammɨjɨx bhaiꞌp ba tu ja jimdaꞌ.

LUUKAS 13:25

Gio guꞌ cham tuꞌ gammɨjɨ bhaiꞌ pu kupioꞌkix kaꞌ dhiꞌ dhi kiꞌñgob. Aayaꞌ ji matgɨm gu tanoolh na paiꞌ dhuuk kuupaꞌ gu kiokam. Cham jɨꞌxkat ka jam kupioꞌkdhaꞌ noꞌ pimɨt dɨɨrap dɨr ba bii, sia pim chi tɨi gatuuk muiꞌp ba tu soon. Guiꞌp jam tɨɨdaꞌ mɨjɨ dɨr: “Jax dhui nañ aañ cham jam maat na pim jir jaroiꞌ dhaꞌ.”

LUUKAS 18:25

Gu kameeyo chi iam cham xijaim jup ɨlhiiꞌñ ji na bhaiꞌ baakɨi buiꞌram gu soomkar jaꞌp dɨr jaꞌk buusniaꞌ, cham tuꞌ puiꞌ na gux chutumñigam nam jix xijaim ɨlhiiꞌñ nam miꞌ puiꞌ jimiaꞌ na jax jaꞌk jix joiꞌmdat ja aꞌm ba tɨ nɨidhidhaꞌ gɨt gu Dios.

LUUKAS 6:46

’¿Jax ku pimɨt baꞌ cham miꞌ puiꞌ ba ji jii nañ jax jam aagiꞌñ na pim tuiꞌñgɨdaꞌ? Aapiꞌm dai puiꞌ xi kaiꞌchɨt nañ aañ jir gɇꞌkam.

JUAN 14:7

Na guꞌ noꞌ pim jiñ bui tɨ jɨɨꞌñdhat jix bhaiꞌ ba xiñ maat nañ jir tuꞌp tuꞌm daꞌ aañ, bɨɨx bhaiꞌ ji machiaꞌ pim na jɨꞌx jir gɇꞌkam guñ Gɨꞌkoraꞌ bhammɨ na paiꞌp tuꞌiiꞌ. Puiꞌ na jax xib na pim guꞌ bax maat na jɨꞌx jir gɇꞌkam, na pim guꞌ dɨɨlh jam buupui kɨꞌn ba nɨiꞌñ.

JUAN 15:23

Guꞌ ji na mɨt guꞌ bhaiꞌ pɨx cham jiñ kɨɨgalh, jix bhaamut pɨx kai mɨt nañ tɨip ba ja aagiꞌñ. Ku baꞌ guꞌ bɨɨx ji guñ Gɨꞌkoraꞌ nam cham kɨɨgalhiꞌñ, sia kum guꞌ jaꞌp jum aaꞌ nam panaas dai aañ cham jiñ kɨɨgalhiꞌñ.

JUAN 3:5

Baꞌp tɨtda gu Jesuus: ―Tuꞌ sɨlhkam jañ yaꞌ pum tɨɨdaꞌ, na gu jaroiꞌ noꞌx aaꞌ na gammɨjɨ bhaan tɨ nɨidhidhaꞌ gu Dios, bɨɨpɨꞌm aaꞌ na xim gaꞌngadaꞌ na jax jaꞌk duuji tajaañdhix kaꞌ gux Dhuuduꞌ kam jix Uañ Iiꞌmdaꞌ, na baꞌ miꞌ dhɨr jaꞌp ji buusniaꞌ na ba bakuañix kaꞌ suudaiꞌ kɨꞌn.

JUAN 5:17

Baꞌ gu Jesuus jup tɨtda: ―Dho na guꞌ guñ Gɨꞌkoraꞌ cham paiꞌ dhuuk daaxix na cham tuꞌ jax bua noꞌ moo jaꞌp xi chum aagaim jaꞌp na jax xib. Baꞌ aañ puꞌñi ɨp, cham jiñ jɨɨpiꞌñ iñ.

JUAN 6:40

Gio baꞌ jaꞌpni jaꞌk moop jix aaꞌ guñ Gɨꞌkoraꞌ nat bhañ joot, na bɨɨx guiꞌ nam jɨꞌk jix maatɨt jiñ kɇɇ, noꞌ mɨt ba tɨ jɨɨꞌñ nar sɨlhkam nañ jax tu aꞌgadaꞌ, gammɨjɨ ja aꞌm ba tɨ nɨidhidhaꞌ. Aañ baꞌ ja baidhikaꞌx dhaam jaꞌk na paiꞌ dhuuk tum kuugalhdhaꞌ yaꞌ dhi oiꞌñgaꞌn.

JUAN 7:17

Noꞌ jaroiꞌx maachim na miꞌ puiꞌ jimiaꞌ na jax jix aaꞌ gu Dios na tuiꞌñgɨdaꞌ, ba mattudaꞌ na Dios jir ñioꞌkiꞌñ nañ jax tu aꞌga, cham tuꞌ aañ dɨɨlh pɨx nañ jax ɨlhiiꞌñ.

GU NOONBIꞌÑ GUCH XOIꞌKAM 14:22

Baꞌ bhaiꞌ jɨꞌ jaꞌp na mɨt jax bhɨi, giop xi ja guguuxdhidhat am guiꞌ na mɨt jɨꞌk bɨɨpɨꞌ dɨr tɨ jɨɨꞌñ buiñor guch Xoiꞌkam, nam puiꞌ ja tɨtdaim nam sap gammɨjɨ bɨɨx ja jujur kɨꞌn pu tɨ jɨɨgiꞌñdhaꞌ buiñor guch Xoiꞌkam, gio nam jup ja tɨtdaim ɨp na sap jum aaꞌ nam jum tulhiiñaꞌ bɨɨx aixim nam baꞌ puꞌñi jaꞌk dui gammɨjɨ buiñor baꞌp tuiꞌkaꞌ gu Dios.

ROOMA KAM 12:2

Chaꞌpim puiꞌ jaꞌk ka tu duduakaꞌ nam jax jaꞌk tu dudua gu jaiꞌ jaꞌtkam nam cham tɨ jɨɨgiꞌñ buiñor guch Xoiꞌkam, ni ku pim cham puiꞌ jaꞌk kam aaꞌndaꞌ, guꞌ jaꞌpji na pim ba gaagidhaꞌ na pim jax jaꞌk jix bhaiꞌ biꞌiidhaꞌ gammɨjɨ buiñor gu Dios, na tuꞌr jix kɨɨꞌ buiñor guiꞌ gio na jax jir miꞌ puiꞌ.

ROOMA KAM 2:13

Cham tuꞌr biꞌxim kaꞌ am guꞌ guiꞌ nam jaꞌp pɨx kaayaꞌ na jax tu aagix nat tu uaꞌnak gu Moisees, guꞌ guiꞌ ji nam pu duñiaꞌ na jax jum kaiꞌch nam baꞌ cham jum tulhiiñaꞌ.

EEPESO KAM 6:6

Gammɨjɨ pim jix bhaiꞌ tu ja juañxiꞌñdhaꞌ sia noꞌm cham jam nɨiꞌñ, cham tuꞌ na dai noꞌm jam nɨiꞌñ na pim baꞌx bhaiꞌ miꞌ pu duñiaꞌ gu tuꞌ, na pim guꞌ aapiꞌm jir tujuandam tugiꞌñ guch Xoiꞌkam, jum aaꞌ baꞌ na pim miꞌ puiꞌ tu duñiidhaꞌ na jax jix aaꞌ gu Dios.

KOLOOSAS KAM 4:12

Sia gu Epaapras mu jam ñioꞌkiꞌñ, dhiꞌ na puiꞌp jir tujuandam tugiꞌñ guch Xoiꞌkam. Dhiꞌ puiꞌp jix maat japim, na guꞌr mu kam jam bui. Gammɨjɨ soiꞌm ɨlhdhat tu daandaꞌ jam aꞌmkam aapiꞌm na baꞌ gu Dios jam aꞌm tɨ nɨidhidhaꞌ na pim miꞌ puiꞌ jiimdaꞌ na jax jix aaꞌ, na pim cham tuꞌ bhaan jum oꞌjolhdhat sia nar jax kaꞌ gɨt.

1 TESALOONIKA KAM 4:3

Dai puiꞌ pɨx jaꞌk jix aaꞌ guꞌ gu Dios na pim jix uꞌuañ jup tuiꞌkaꞌ guiꞌ buiñor gammɨjɨ. Chaꞌpim naiꞌ pɨx ja bɨɨm boppodaꞌ gu uꞌuub noꞌm cham jir jam bɨpnaꞌ,

1 TESALOONIKA KAM 5:18

Taxchaabgiꞌñdhaꞌ pim gu Dios sia bɨɨx aixim bhaan jax ña tu jam jimdaꞌ, na guꞌ puꞌñi jaꞌk jix aaꞌ gu Dios na pim taxchaabgiꞌñdhaꞌ aapiꞌm na pim ba tɨ jɨɨgiꞌñ buiñor guch Xoiꞌkam.

TIITO 1:16

Puiꞌ xi kaiꞌchɨt am nam miꞌ puiꞌ jiim na jax jix aaꞌ gu Dios, guꞌ pɨx ji na guꞌ nam jax jaꞌk tu jim, pu dhiꞌ bhaan jix bhaiꞌx maatɨꞌ nam jaꞌp xi dhuukat na jax pɨk jaꞌk jum aaꞌ nam tuiꞌñgɨdaꞌ. Jix ja bhaamkiꞌñdhaꞌ am gu jaꞌtkam, gio nam cham tɨ jɨɨgiꞌñ na tuꞌ pɨk jir sɨlhkam, ni kum cham jɨꞌx iam xim guꞌnguxiꞌñ nam xip tu duñiaꞌ gu tuꞌ nar jix kɨɨꞌp jum duukam.

ISRAEL KAM 13:21

gam nax kɨkɨɨꞌ jaꞌtkam jup jam duñiaꞌ bɨɨx jɨꞌmaꞌn, na pim baꞌ gammɨjɨx biiñak kat miꞌ puiꞌ jiimdaꞌ na jax jix aaꞌ. Gu Dios baꞌ dɨɨlh jix maat miꞌ dhɨr jaꞌp jaꞌk na tuꞌ jax dhuñiaꞌ jam bui na pim ba tɨ jɨɨgiꞌñ buiñor guch Xoiꞌkam. Gammɨjɨch baꞌ moo gɇꞌkamtuꞌndaꞌ. Jaꞌpni pɨx tuiꞌkaꞌ.

ISRAEL KAM 4:6

Dhiꞌ gu bɨjɨk dɨr kam jich bopxi kat ja aagɨt jup kaiꞌch na mɨt cham jɨꞌxkat miꞌ puiꞌ jii tuꞌ kaꞌm tɨɨgɨk na jax tɨi pup ja tɨtdaimɨk guch Gɨꞌkoraꞌ, puiꞌ ku mɨt baꞌ cham jɨꞌxdhaꞌ bhammɨ dɨr ai Kanaan nam paiꞌx jɨjɨkgɨm bam jɨɨpdhaꞌ gɨt.

SANTIAGO 1:22

Ku guꞌ dhiꞌm aaꞌ ji na pim tuꞌ sɨlhkam miꞌ puiꞌ xi dhuiñchuꞌndaꞌ na jɨꞌk moo jax jum kaiꞌch gux bhaiꞌm kaiꞌchdham ñioꞌkiꞌñ gu Dios, cham tuꞌ daipuꞌ na pim jix mat kaꞌ pɨx. Na guꞌr ba puiꞌ pɨx ɨp sia pim tɨix maat noꞌ pim guꞌ cham pu bua na jax jum kaiꞌch, dɨɨlh japim uaꞌtulhdharaꞌ tɨr jum iabudaꞌ, na pim guꞌ cham am buatgɨdaꞌ.

1 PEEGRO 2:15

Na guꞌ guch Gɨꞌkoraꞌ puiꞌ jaꞌk jix aaꞌ na pim tuꞌ kaꞌm tɨ nɨidhat jix bhaiꞌ xi chu jimdaꞌ na jax jaꞌk jir am, nam baꞌ cham tuꞌ bhaan jax jam aꞌgadaꞌ guiꞌ nam cham tuꞌ kaꞌm tɨ nɨiꞌñ. ¿Jax jam gi biaꞌ nam ba ji chɨꞌyaꞌ jam bɨɨbhiꞌ dhɨr noꞌ pim guꞌx bhaiꞌ xi chu jim?

1 PEEGRO 4:2

dai ji na pim gammɨjɨ pɨx bhaan ji baapmigidhaꞌ na pim miꞌ puiꞌ tu kuugalhdhidhaꞌ na jax pɨx jaꞌk jix aaꞌ gu Dios na pim tuiꞌñgɨdaꞌ. Cham tuꞌx buam jum duukam kap jix chu duñiik kaꞌ pim nar yaꞌ kam dhi oiꞌñgaꞌn, ni na pim dɨɨlh jax ɨlhiiꞌñdhaꞌ, na pim guꞌ kaiꞌñkam soiꞌ pɨx bam ɨlhiiꞌñdhaꞌ buiñor noꞌ pim xim tulhiiñ.

NAT JAX TƗ TƗƗ GU JUAN 2:27

jaꞌp na jax aañ nat gɇꞌkam kɨꞌn jiñ dhai guñ Gɨꞌkoraꞌ bɨɨx kap na jɨꞌx oiꞌñgaꞌn. Aapiꞌm puꞌñi ɨp gatuuk, jɨꞌmaꞌn japim ja daadaꞌ kaꞌ gu bapaiñum oꞌxia, aapiꞌm baꞌ ja aagiꞌñdhaꞌ bɨɨx gu jaꞌtkam na mɨt tuꞌ bhaan cham am bua nam duduakat ja tutkuꞌ bhaan, baꞌ jaꞌp ji buusniaꞌ na pim ja jaisaꞌ kɨꞌn gu jam oꞌxia jaꞌp na bhiꞌñ jajaꞌ.

NAT JAX TƗ TƗƗ GU JUAN 22:14

Baꞌ joidham jix bhaiꞌ tu jimiaꞌ gu jaroiꞌ noꞌ cham tuꞌ bɨɨx aixim ka tu bua na tuꞌr uaꞌtulhdharaꞌ, na jaꞌp ji buusandaꞌ nax kɨɨꞌ tɨm tɨꞌiiꞌñkaꞌ gu jajannulhiꞌñ, nam guꞌ dhiꞌ baꞌ pɨx jix bhaiꞌ tɨɨdai mu baasaꞌ bhaiꞌ dhɨr na paiꞌ mu tum bapkɨ mɨjɨ jaꞌk gɇꞌ kiicham, baꞌ dai nam ba chiñiaꞌ na tu jugiaꞌ gu bhaidhaꞌ na mu kɨɨk ɨrban gu gɇꞌ kiicham na kɨꞌn gammɨjɨx jɨkgɨm bap tuiꞌkaꞌ.

NAT JAX TƗ TƗƗ GU JUAN 3:5

Bɨɨx guiꞌ nam jɨꞌk miꞌ puiꞌ jimiaꞌ nañ jax jix aaꞌ, puꞌñi chuꞌm jañ tu ja tɨiꞌdhaꞌ joidham jix chooto, gio baꞌ nañ miꞌ xi ja daasaꞌ uꞌuan taꞌm nam jax chɨɨꞌ nañ paiꞌ ja daasaim guiꞌ nam jɨꞌk tuꞌ kaꞌm jiñ ñɨidhat miꞌ puiꞌ ba jiim nañ jax jix aaꞌ nañ baꞌ gatuuk pu sɨlh ja baidhikaꞌ bhammɨ jaꞌk jix dhaam nam paiꞌ gammɨjɨx jɨjɨkgɨm bap tuiꞌkaꞌ. Aañiꞌ pu tɨɨdaꞌ janoꞌ gu Dios ja kaixdhat bɨɨx gu noonbiꞌñ na ñich aañ bɨɨx tu ja uañ gu ja uaꞌtulhdharaꞌ guiꞌ nam jɨꞌk tuꞌ kaꞌm jiñ chɨgiaꞌ xib.