MATEO 7:19 - Tepehuano Tepehuán del Sureste (Durango)

¹⁹ Baꞌ gu jax chuꞌm ɨꞌɨɨx noꞌ puꞌñi cham kɨɨꞌ tu iꞌbhaiꞌñchar, jir am nam soiñchɨi mu baas buaji bhaiꞌ xi kɨɨxdhaꞌ gu tai.

MATEO 7:19 ပူးပေါင်းရင်းမြစ်များ

MATEO 3:10

Baꞌ amuub ba kaat gu baiñdhas guiꞌ na kɨꞌn jum ɨꞌkiaꞌ gu takaaꞌn gu ɨꞌɨɨx, na guꞌ gu jax chuꞌm ɨꞌɨɨx noꞌ cham kɨɨꞌ tu iꞌbhaiꞌñchar, jix bhaaiꞌ nam ɨɨkɨi mu baas buaji bhaiꞌ xi mɨidhaꞌ.

MATEO 7:18

Baꞌ pu maaꞌn na jax jix maikak tu iꞌbhaiꞌñchardaꞌ gux kɨɨꞌ ɨꞌɨɨx, gio guiꞌ na pux maimdagɨm jup tu iꞌbhaiꞌñchar gu ɨꞌɨɨx, pu maaꞌn ɨp na jax chuꞌm tu iꞌbhaiꞌñchardaꞌ.

LUUKAS 3:9

Gio guꞌ jaꞌp ji buusan na pim aapiꞌm jir ɨꞌɨɨx guiꞌ nam iꞌbhaiꞌñchardat jix maikak bhɇbhɇɇ. Baꞌ noꞌ maadɨt cham kɨkɨɨꞌ iꞌbhaiꞌñchar, piam ku pu cham tu iꞌbhaiꞌñchar, amuub dho ba kaat gu baiñdhas na kɨꞌn jum iarai xim biimsai maap xim jumpadai miꞌ xim kɨɨxdhaꞌ gu tai ku mu jagiaꞌ, daman pup bɨɨx takaaꞌn xim boosgai bhaiꞌ xim iabuꞌ na baꞌ cham jaiꞌ bhaiꞌp ka iꞌpundaꞌ.

TIITO 3:14

Xi ja aagiꞌñdhaꞌ ap guch Xoiꞌkam jɨɨgiꞌñdham na puiꞌp jum aaꞌ nam ja palhbuidhaꞌ tuꞌ na pɨx kɨꞌn nam baꞌ puiꞌ maachidhaꞌ. Na guꞌ puꞌñi jaroiꞌ na pɨx bam aaꞌndaꞌ nam palhbuidhaꞌ guch Xoiꞌkam jɨɨgiꞌñdham.

ISRAEL KAM 6:8

Guꞌ ji noꞌ guꞌ dai gu tuꞌx bii uꞌuux jix joꞌiiꞌ mix joiꞌñ na cham tuꞌr jix kɨɨꞌ saiꞌ, dhiꞌ dho gi guꞌ cham tuꞌx kɨɨꞌ dɨbɨɨr kaꞌ ji. Baꞌ gu jaroiꞌ noꞌ puꞌñi pɨx jaꞌk ji buusan, am tɨꞌñchokaꞌ nam mu buaꞌ tai chɨr.

JUUDAS 1:12

Jaꞌp chi alh moox xiꞌɨraam noꞌm jaiꞌ mɨjɨmmɨp xi dharaa paiꞌ na pim tu piastatdaꞌ daich Xoiꞌkam jɨɨgiꞌñdham na pim jix bhaiꞌm taat kaꞌ buiñor gu Dios. Nam guꞌ dhiꞌ dhi jaꞌtkam cham tuꞌ kaꞌm tɨ nɨiꞌñ, ni nam jix maatɨt tu xiꞌɨꞌra, gɇꞌgɇr bha chu koiꞌmɨi am nam jɨꞌx ɨlhiiꞌñdhaꞌ, nam jax dhui pɨx baꞌ miꞌ ba jam iaꞌñdhaꞌ nam jax jir tuutuꞌm noꞌ pim gan ja bɨɨm tu kuaꞌ. Nam guꞌ mu dɨr bha jaꞌk pu cham xi jam joiꞌgɨꞌndaꞌ, dai dɨɨlh pɨx nam xim joiꞌgɨꞌn. Dhiꞌ jaꞌpni pɨx ji buan am jia na jax noꞌ tɨi pɨx jix chuk saiꞌchuꞌ gu tɨbaaꞌ, guꞌ ji noꞌ guꞌ cham bha duuk, dai na pɨx ji jim gammɨjɨ paiꞌ na jaꞌk uaꞌkaꞌ gu jɨbɨɨlh. Piam jaꞌpni ɨp na jax gu jax chuꞌm ɨꞌɨɨx noꞌ cham iꞌbhaiꞌñchar sia kut tɨi bam ai na paiꞌ dhuuk iibhaiꞌñchai ba bhaayaꞌ gɨt. Jaꞌp ji buusan nam pu ba koꞌiix dhiꞌ dhi jaꞌtkam, nam guꞌ cham xiim bam tulhiiñaꞌ.