MATEO 6:30 - Tepehuano Tepehuán del Sureste (Durango)

³⁰ Gu Dios dho mi jaꞌp ja ɨꞌxcha gux aꞌbhar yooxiꞌ. Baꞌ noꞌt ba yoo, jaꞌp ji buusniaꞌ na joidham jix aꞌbhar ba tu ja tɨiꞌdhaꞌ. Tɨir saiꞌ pɨx guꞌ na pim jax ba nɨiꞌñ, dai ji na guꞌ cham muiꞌ juruuxiꞌñ. Jɨꞌk gook tanoolh pɨx juruuñdhaꞌ piam jɨꞌk baik, jumai buimgidhak jix gak mi jaꞌp tuutkaꞌ. ¿Gu baꞌ aapiꞌm cham puꞌñi joidham jix aꞌbhar jup tu jam tɨiꞌdhaꞌ aa guñ Gɨꞌkoraꞌ noꞌ pim bɨɨx jam jujur kɨꞌn tɨ jɨɨgiꞌñ buiñor?

MATEO 6:30 ပူးပေါင်းရင်းမြစ်များ

MATEO 14:31

Baꞌ gu Jesuus jotmodaꞌ xi dhaa ɨp, jup tɨtda baꞌ: ―¿Jax ku pich baꞌ dai ba ji chooꞌn? ¿Moo chakui bɨɨx jum jur kɨꞌn tɨ jɨɨgiꞌñ ap aa aañ jiñ bui?

MATEO 16:8

Baꞌ ba ja kai gu Jesuus nam jax kaiꞌchim, baꞌp ja tɨtda: ―¿Jax ku pim baꞌ moox buam jup bam aaꞌntuꞌ gu tuꞌ paan na pim cham uaꞌ? ¿Moo chakui bɨɨx jam jujur kɨꞌn tɨ jɨɨgiꞌñ japim aa aañ jiñ bui nañ aañ jir gɇꞌkam?

MATEO 17:17

Baꞌp kaiꞌch gu Jesuus: ―¿Moo jaꞌp chakui bɨɨx jam jujur kɨꞌn jix biiñak japim aa buiñor gu Dios? ¿Jɨꞌx jañ baꞌ yaꞌ pu oirɨt jup jam aagiꞌñdhaꞌ? Bhaiꞌ gor jiñ baiꞌñxiꞌñbop gux koꞌkkam yaꞌni jaꞌk.

MATEO 8:26

Baꞌ ñiñiak jup ja tɨtda gu Jesuus: ―¿Kux moo jaꞌp chakui bɨɨx jam jujur kɨꞌn jix biiñak japim aa aañ jiñ bui ku pim baꞌ moo jaꞌp jup bax chotdontuꞌ? Baꞌ puiꞌ xi chɨꞌɨɨk bamgɨk xi ñiok gu jɨbɨɨlh gio gu suudaiꞌ. Baꞌ miꞌ jotmodaꞌ naiꞌ ampɨx ji chu juu, pu cham paiꞌ ka jɨbɨɨr, ni gu suudaiꞌ ku ka guꞌnguk.

MAARKOS 4:40

Baꞌ miꞌ dhɨr jup ja tɨtda gu noonbiꞌñ: ―¿Jax ku pim baꞌ jaꞌp xiꞌ pɨk jup jix chotdon? ¿Moo chakui bɨɨx jam jujur kɨꞌn jix biiñak japim aa aañ jiñ bui?

MAARKOS 9:19

Baꞌp ja tɨtda gu Jesuus bɨɨx nam jɨꞌk miꞌp tuꞌiiꞌ: ―¿Jax ku pim baꞌ moo jaꞌp cham jɨꞌx buiñor jix biiñak guñ Gɨꞌkoraꞌ? ¿Jɨꞌx jañ baꞌ ya jaꞌp oirɨt jup tu jam aagiꞌñdhaꞌ? Bhaiꞌ gor xiñ baiꞌñxiꞌñbup gux koꞌkkam.

LUUKAS 12:28

Baꞌ noꞌ gu yooxiꞌ puiꞌx aꞌbhar tu ja tɨꞌiiꞌñ gu Dios sia kur gampɨx kam gio na buimgidhak bax gak kaꞌ, ¿gu Dios aa baꞌ cham jix aꞌbhar jup tu jam tɨiꞌdhaꞌ na xi jam joiꞌgɨꞌn na pim jir jaꞌtkam dudua kam jum jur biaꞌ kam? Tu jam tɨiꞌdhaꞌ ji matgɨm, dai ji na pim bɨɨx jam jujur kɨꞌn buiñor tɨ jɨɨgiꞌñdhaꞌ.

LUUKAS 9:41

Baꞌp kaiꞌch gu Jesuus: ―¿Moo ni jɨꞌx aa ku pim jum guguuxiꞌñdhaꞌ na pim buiñor jum biiñkadaꞌ guñ Gɨꞌkoraꞌ? ¿Jɨꞌx jañ baꞌ ya jaꞌp oirɨt jup jam aꞌgiꞌñdhaꞌ na pim jax jaꞌk duñiaꞌ? Ea gor bhaiꞌ xiñ baiꞌñxidhak dhix koꞌkkam yaꞌni jaꞌk amuub.

JUAN 20:27

Miꞌ dhɨr baꞌp tɨtda dai gu Tomaas: ―Aañ pɨx jir diꞌ na ñich giop duañ jaduuñ. Kanip xi chɨɨꞌ na dɨɨdɨꞌ guñ ñoonob miꞌ nañ paiꞌ sissapich. Miꞌp xi bapsadaꞌ gum deeꞌn nap baꞌ cham jax tɨꞌyaꞌ nar iatdaꞌ, gio yammɨni jaꞌk jap jup xi bapsadaꞌñ janoꞌm am na mɨt paiꞌñ xɨi. ¿Kaꞌ moo jaꞌp jix xijai aa nap bɨɨx jum jur kɨꞌn tɨ jɨɨꞌñdhaꞌ nañ aañ pɨx jir diꞌ na ñich giop dua?

ISRAEL KAM 3:12

Baꞌ aapiꞌm jiñ jaaduñ jich Xoiꞌkam bhaan, jix bhaiꞌ pim, chaꞌpim bɨɨx aixim tuꞌm bhaan tɨtɨɨꞌñchokaꞌ nar jix buam jum duukam, na pim cham mɨk buaꞌ na jax jix aaꞌ gu Dios na pim tuiꞌñgɨdaꞌ. Jix ioꞌm japim pɨx muiꞌ xix biiñak kaꞌ buiñor.

1 PEEGRO 1:24

Puiꞌ na jax ba tu uaꞌñix maaꞌn kap gu ñioꞌkiꞌñ gu Dios nap jum kaiꞌch: Bɨɨx na jɨꞌk gu jaꞌtkam jaꞌpni pɨx ji buan am na jax gu saiꞌ na mu jaꞌp tuut. Baꞌ nam paiꞌ dhuuk bar gɇꞌgɇrkam kaꞌ, jaꞌp pɨx jup ji buandaꞌ am na jax gu yooxgaꞌn. Baꞌ na paiꞌ dhuuk bhaatai naiꞌ ji gakiaꞌ gu saiꞌ, bɨɨx gu yooxgaꞌn pɨx cham paiꞌ matgilhiaꞌ, na guꞌ ba gakiaꞌ gu toonaꞌn.