MATEO 6:14 - Tepehuano Tepehuán del Sureste (Durango)

¹⁴ ’Na guꞌ noꞌ pim puꞌñi tu ja uañiꞌñ guiꞌ nam jum uaꞌtulhiꞌñ aapiꞌm jam bui, dho guꞌ puiꞌ dhop tu jam uañiꞌñkaꞌ guñ Gɨꞌkoraꞌ guiꞌ nax dhaam jup tuꞌiiꞌ.

MATEO 6:14 ပူးပေါင်းရင်းမြစ်များ

MATEO 5:7

’Jaꞌp moo joidham jix bhaiꞌ tu ja jim guiꞌ nam jɨꞌk jix chu joiꞌgɨꞌn, na guꞌ gu Dios puiꞌx joiꞌmdaip ja tɨgiaꞌ.

MATEO 6:12

Gio baꞌ nap iam tuch uañiꞌñkaꞌ ɨp nach jɨꞌx mach uaꞌtulhdhaꞌ aap jum bui, nach guꞌ aach puiꞌp tu ja uañiꞌñ guiꞌ nam puiꞌp jum uaꞌtulhiꞌñ aach jich bui.

MATEO 7:2

Na guꞌ noꞌ pim cham tu uañiꞌñ gu jaroiꞌ, gu Dios puiꞌ cham jup tu jam uañdhaꞌ. Jaꞌxbuiꞌ puiꞌp jam tɨɨdaꞌ na pim jax tɨɨdaꞌ gu jaroiꞌ.

MAARKOS 11:25

Baꞌ na pim paiꞌ dhuuk tu aꞌgadaꞌ jix dhaam jaꞌk buiñor guñ Gɨꞌkoraꞌ, noꞌ pim ampɨk tɨꞌñchu na pim jix bhaamut nɨiꞌñ gu jaroiꞌ, chaꞌpim bhaamut ka tɨꞌñchukaꞌ, tu uañiꞌñkaꞌ pim pɨx na baꞌ guñ Gɨꞌkoraꞌ puiꞌp tu jam uañiꞌñkaꞌ gu jam uaꞌtulhdharaꞌ.

LUUKAS 6:37

’Chaꞌpim jaꞌk buppiꞌñdhaꞌ gu jaroiꞌ sia kut tuꞌx buam jam duiñ, tu uañiꞌñkaꞌ pim pɨx, na guꞌ cham jɨꞌxkat tu jam uañdhaꞌ gu Dios noꞌ pim aapiꞌm cham tu ja uañiꞌñ gu jaꞌtkam.

EEPESO KAM 4:32

Bar jix bhabhaiꞌkam kaꞌ pim pɨx, jix ja joiꞌmdat japim jix bhaiꞌ xi ja buaꞌt gu jaiꞌ. Xi chum uꞌuañdhat japim noꞌ pimɨt tuꞌ cham am bua, puiꞌ nat jax xi jam joiꞌmdak tu jam uañ gu Dios bhaankam guch Xoiꞌkam.

KOLOOSAS KAM 3:13

Xi ñakooꞌndaꞌ pim noꞌt jaroiꞌ maadɨt tuꞌ cham am bua jam bui, cham tuꞌ na pim tukgɨi puiꞌp doodaꞌ. Tu uañiꞌñkaꞌ pim pɨx, jaꞌp na jax guch Xoiꞌkam nat tu jam uañ na pim buiñor jix uꞌuaꞌtulhdhix kat.

SANTIAGO 2:13

Na guꞌ noꞌ pimɨt aapiꞌm cham ja palhbuix ja joiꞌndak gu jaꞌtkam kɨꞌn gu tuꞌ na ja aꞌm jum aaꞌndaꞌ, gu Dios puiꞌ cham jup jam joiꞌndaꞌ aapiꞌm, guꞌ jaꞌpji na jam tulhiiñchudaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn, dai na puiꞌ xi jam tɨɨdai na pimɨt cham bhaiꞌ ja duu jix ja joiꞌndak gu jaꞌtkam. Guꞌ baꞌ guiꞌ nam jɨꞌk jix bhaiꞌ ja buimɨi jix ja joiꞌndat gu jaꞌtkam sia jaroiꞌ na pɨx, dhiꞌ dho gi guꞌx bhaiꞌ tu ja jimiaꞌ ji, jix bhaiꞌ ja tɨɨdai ja aichdhaꞌ guch Gɨꞌkoraꞌ na paiꞌp tuꞌiiꞌ.

1 JUAN 3:10

Pux bhaiꞌx maatɨꞌ kaꞌ jia nam jax jaꞌk tu jimdaꞌ guiꞌ nam sɨlhkam jir maamraꞌn kaꞌ gu Dios gio guiꞌ nam jup jir maamraꞌn gu jaꞌook. Puiꞌ na jax guiꞌ nam bɨɨx aixim tu buadaꞌ na jax cham jir am, na jax cham kɨɨꞌ kaꞌm nɨiꞌñ gu Dios, gio nam jix ja bhaamkiꞌñdhaꞌ gu jaiꞌch Xoiꞌkam jɨɨgiꞌñdham, dhiꞌ cham tuꞌ Dios jir maamraꞌn kaꞌ am, guiꞌ ji jaꞌook.