MATEO 5:17 - Tepehuano Tepehuán del Sureste (Durango)

¹⁷ ’Aañ cham tuꞌ pu kaiꞌñkam bha jii ji nañ yaꞌ ja sooꞌmchulhdhaꞌ gu jaꞌtkam gu puiꞌ nat jax jaꞌk ja chianɨk gu Moisees nam miꞌ puiꞌ jiimdaꞌ gio gu puiꞌ na mɨt jax jaꞌk ja aaꞌñdhak guiꞌ nam bhaankamuꞌn tu aꞌgimɨk gu Dios, guꞌ aañ ji baꞌr diꞌ na ñich bhaiꞌ ba tu kuugalhdham na mɨt jax tu daasak.

MATEO 5:17 ပူးပေါင်းရင်းမြစ်များ

MATEO 3:15

Baꞌp tɨtda gu Jesuus: ―Dho guꞌr am kat dho jia, guꞌ pɨx ji na guꞌch aꞌm jum aaꞌ nach puiꞌ jaꞌk tu kuugalhdhaꞌ na jax tu uaꞌñix gu ñioꞌkiꞌñ gu Dios. Baꞌ puiꞌ cham jax ka tɨi gu Juan, dai nat ba bakua gu Jesuus.

MATEO 7:12

’Baꞌ puꞌñi jam aꞌm jum aaꞌ na pim jix bhaiꞌ ja buadaꞌ gu jaꞌtkam, sia kum mu dɨr bha jaꞌk cham bhaiꞌ jam bua, na guꞌ puꞌñi jaꞌk tu aagix ja bui gu yaꞌ kam dhi Israel, na mɨt guꞌ puiꞌ jaꞌk tu uaꞌnak guiꞌ nam bɨjɨk bhaankam tu aꞌgimɨk gu Dios.

LUUKAS 16:17

’Ku guꞌ bɨɨx miꞌ puiꞌm duiñchuꞌndaꞌ ji na jɨꞌk jax tu aagix nat tu uaꞌnak gu Moisees bɨjɨk, na guꞌ bɨɨx jum aaꞌ, cham tuꞌ puiꞌ na dhi dɨbɨɨr gio dhix dhaam na cham pɨk jum aaꞌ siat chi cham paiꞌ matgir jax chuꞌm tanoolh.

JUAN 8:5

Na guꞌ gu Moisees nat tu uaꞌnak puiꞌm kaiꞌch nach sap ja kooꞌndaꞌ ja maꞌyasat joodai kɨꞌn gu pu chuꞌm gu uꞌuub. ¿Aap jax kaiꞌch, muꞌaaꞌch aa?

GU NOONBIꞌÑ GUCH XOIꞌKAM 18:13

Baꞌ mu ji aichdhak bhaiꞌ ji iattulh jamɨt, jup kaiꞌch am: ―Aach yaꞌ baiꞌñchuꞌ dhi maaꞌnkam na ya jaꞌp oirɨt puiꞌ ja tɨtda gu jaꞌtkam nam sap buiñor tu daandaꞌ gu Dios na jax jaꞌk cham jir am nach puiꞌ jaꞌk tu daandaꞌ aach, na guꞌ maakam tu aagix aach jich bui.

GU NOONBIꞌÑ GUCH XOIꞌKAM 21:28

jup ja tɨtda am gɇꞌ kɨꞌn: ―Gor jich palhbuiꞌñ jich jaaduñ Israel kam kuch daagɨi tulhiiñchudaꞌ dhi maaꞌnkam na naiꞌ jimdat ja iatgidhidhaꞌ guch jaꞌtkam tuk, na puiꞌ ja tɨtdaidhaꞌ na sap pur cham tuꞌ gu puiꞌ nat jax jaꞌk tu uaꞌnak gu Moisees na tu aagix kaꞌ, gio sap yaꞌ dhi gɇꞌ chiop sia pur cham tuꞌ. Daman nat yaꞌ ja baapai gu jaiꞌ jaꞌtkam nam cham jir yaꞌ kam dhi Israel, sia ku guꞌx ioꞌm tɨix chu xidhuu.

GU NOONBIꞌÑ GUCH XOIꞌKAM 6:13

Jaiꞌ mɨt jup xi ja umuaꞌñdhak guiꞌ nam iattulhdhaꞌ gu Teeban, sia kum guꞌ tɨi cham kɇɇ noꞌ moo puiꞌ kaiꞌch piam ku guꞌ cham. Baꞌ na mɨt paiꞌ dhuuk bɨɨx maap xim jumpadak bhaiꞌ ji chu aꞌga, muiꞌ ji ñio mɨt dhiꞌ jɨꞌ na mɨt jaroiꞌ ja umuaꞌ, jup kaiꞌch am: ―Dho guꞌ aach puiꞌ kɇɇkɇꞌ ji dhi maaꞌnkam na gammɨjɨ puiꞌ kaiꞌchdhaꞌ na sap pur cham tuꞌ yaꞌ dhi gɇꞌ chiop gio baꞌ gu puiꞌ na jax jaꞌk tu aagix nach tu jimdaꞌ,

ROOMA KAM 10:4

Na guꞌ puiꞌ na jɨꞌk jax tu aagix guiꞌ nat Moisees tu uaꞌnak, miꞌ bhaan ji juu buiñor guch Xoiꞌkam. Puiꞌ ku baꞌ gu jaroiꞌ noꞌ buiñor ba tɨ jɨɨgiꞌñ guch Xoiꞌkam, gu Dios puiꞌ ba ɨlhdhaꞌ nar jix kɨɨꞌ maaꞌnkam kaꞌ.

ROOMA KAM 3:31

¿Guꞌ baꞌ dhiꞌ jaꞌp jir jum duukam aa panaas na pu cham tuꞌ bhaaiꞌ puiꞌ na jɨꞌk jax tu aagix? Chaam tuꞌ ji nar puiꞌ. Jax dhui nach puiꞌ pɨx jup tu duiñchuꞌ na jɨꞌk jax tu aagix aach nach jɨꞌk buiñor ba tɨ jɨɨgiꞌñ guch Xoiꞌkam.

ROOMA KAM 8:4

Gio pu kaiꞌñkam puiꞌ jaꞌk duu ɨp na baꞌ puiꞌ jaꞌk dui bax bhaaiꞌn kaꞌ nach miꞌ puiꞌ ba jimiaꞌ na jax tu aagix guiꞌ nat Moisees tu uaꞌnak, nach guꞌ cham tuꞌ miꞌ puiꞌ ka tu daaꞌñchuꞌndaꞌ na jax jix aaꞌndaꞌ dhich chutkuꞌ nar yaꞌ kam dhi oiꞌñgaꞌn bhaan, guꞌ jaꞌpji na jax jaꞌk jich jurtuꞌnkaꞌ gux Dhuuduꞌ kam jix Uañ Iiꞌmdaꞌ.