MATEO 4:19 - Tepehuano Tepehuán del Sureste (Durango)

¹⁹ Baꞌ ba ja baidhim gu Jesuus nam sap kaichgɨdaꞌ, jup ja tɨtda: ―Aañ puiꞌ ɨlhiiꞌñ jiñ jaaduñ na pim xib dɨr jaꞌp jaꞌk bañ kaichgɨdaꞌ na pim baꞌ bar jaꞌtkam bhiadam kaꞌ, na pim tu ja aꞌgidhaꞌ gux bhaiꞌm kaiꞌchdham ñiꞌook. Baꞌ guiꞌ nam jɨꞌk tɨ jɨɨꞌñdhaꞌ, puiꞌ ji buusniaꞌ na pim ba ja bhiaꞌ jaꞌp na gu boptop.

MATEO 4:19 ပူးပေါင်းရင်းမြစ်များ

MATEO 16:24

Miꞌ dhɨr baꞌ moop ja tɨtda bɨɨx gu noonbiꞌñ gu Jesuus: ―Noꞌ jaroiꞌx aaꞌ na gammɨjɨ bañ kaichgɨdaꞌ, jum aaꞌ na jaꞌp xi dhuuji na dɨɨlh jax ɨlhiiꞌñdhaꞌ, dai na pɨx bhaan ji bamgiaꞌ, cham jax bua sia kum jix muꞌaam.

MATEO 19:21

Baꞌp tɨtda ɨp gio gu Jesuus: ―Dho guꞌ maaꞌn kam biꞌiix ji nap pu tu duñiaꞌ, puiꞌ na jax guiꞌ nap jɨꞌk tuꞌ biaꞌ nap tu gaꞌrai ja makiaꞌ gu tuumiñ guiꞌ nam cham biaꞌ nam paiꞌ dhɨr uꞌji kɨꞌn tu sabaꞌdaꞌ. Baꞌ dhiꞌ puꞌñi jaꞌk jir jix chumñigam kaꞌ ap jix dhaam jaꞌk. Miꞌ dhɨr baꞌ dai nap gammɨjɨ bañ kaichgɨdaꞌ cham tuꞌ bhaan jim tukgidhat.

MATEO 4:18

Baꞌ na mu jaꞌp ka jim gu Jesuus bɨɨx juꞌñdharan gu gɇꞌ suudaiꞌ guiꞌ na Galilea bhaan bipioꞌ, baꞌ miꞌ ba ja tɨɨ gook gu jaꞌtkam daim sɨspidhim nam mu jaꞌp buppaim suudaiꞌ chɨr maaꞌn gu gɇꞌ asaak nam miꞌ tu bhibhia gu boptop. Baꞌ maadɨt dhiꞌ jɨꞌ Simoon tɨɨꞌ, guiꞌ nam Peegro kɨꞌn jup jix mat kaꞌ, gu jumaiꞌ baꞌ Anrees jup tɨɨꞌ.

MATEO 4:20

Baꞌ guiꞌ cham jax ji chɨꞌɨɨk jup ma oi mɨt. Miꞌ puiꞌ pup tu tuꞌiiꞌ gu gɇꞌgɇr ja aꞌsak guiꞌ nam kɨꞌn ka tu bhiadat gu boptop.

MATEO 8:22

Baꞌ gu Jesuus jup tɨtda: ―Aap moo cham tuꞌ bhaan jim tukgidhat xiñ kaichgɨdaꞌ. Matgɨm gu jaꞌtkam gammɨjɨ koꞌiidhat jum yaaspaidhaꞌ am ji.

MATEO 9:9

Baꞌ jaꞌxpɨx nat miꞌ dhɨr buusnɨk ba jii gu Jesuus, na mu jaꞌp ka jim, miꞌ ba tɨɨ maaꞌn gu maaꞌnkam, Mateo tɨɨgim, guiꞌ nar tuumiñ tutaandam tugiꞌñ kaꞌ gux ioꞌm gɇꞌkam Rooma kam, na miꞌ daakat pɨx ji dhaagim gu tuumiñ guiꞌ nam jɨꞌk mi chu namkidhim. Baꞌ gu Jesuus miaꞌn xi ɇɇk jup tɨtda: ―Aañ puiꞌ ɨlhiiꞌñ jiñ jaduuñ nap xib dɨr gammɨjɨ bañ kaichgɨdaꞌ. Baꞌ gu Mateo nat jax jup kɨkbo pɨx miꞌp daibu cham jax ji chɨꞌɨɨk, gammɨjɨ pɨx jiim am.

MAARKOS 2:14

Baꞌ jaꞌxpɨx nat giop ba jii, nat nammɨ ba ji bhɨi jupaaban na paiꞌ tum namkiꞌñ noꞌñ gɇꞌ tu bhiiñor, miꞌ pɨx ji chɨɨ gu Lebii, maraaꞌn gu Alpeo, guiꞌ nar tuumiñ tu taandam tugiꞌñ kaꞌ gux ioꞌm gɇꞌkam Rooma kam, Seesar tɨɨgim, na miꞌ daakat pɨx ji dhaagim gu tuumiñ guiꞌ nam miꞌ tu namkidhim. Baꞌ muiꞌ ji ai gu Jesuus, mi jaꞌp amuub xi kɨkbuk jup tɨtda: ―Aañ puiꞌ ɨlhiiꞌñ jiñ jaduuñ nap xib dɨr gammɨjɨ bañ kaichgɨdaꞌ. Baꞌ guiꞌ nat jax kɨkbuk pɨx chuꞌp jum duu cham jax ji chɨꞌɨɨk, gammɨjɨ pɨx koꞌkmar jiim am.

LUUKAS 5:27

Baꞌ jaꞌxpɨx nat miꞌ dhɨr buusnɨk gu Jesuus, mummɨ gama jaꞌk jaꞌp jup ba jim maaꞌn kap na paiꞌ daakat pɨx ji iichaim gu tuumiñ maaꞌn Lebii tɨɨgim, na guꞌ maadɨt jir diꞌ gu tuumiñ tutaandam tugiꞌñ gux ioꞌm gɇꞌkam Rooma kam. Baꞌ gu Jesuus mi jaꞌp miaꞌn xi ɇɇk jup tɨtda: ―Jiñ jaduuñ, maik, bañ kaichgɨdaꞌ ap.

LUUKAS 9:59

Baꞌ dɨɨlh gu Jesuus jaꞌp jaꞌk jup tɨtda jumai: ―Aañ jaꞌp ɨlhiiꞌñ jiñ jaduuñ nap bañ kaichgɨdaꞌ xib dɨr jaꞌp jaꞌk. Baꞌp kaiꞌch guiꞌ: ―Dho ea nañ ka xi yaaspai guñ chaat noꞌt ba muu nañ baꞌ miꞌ dhɨr bam kaichgɨdaꞌ gammɨjɨ.

JUAN 1:43

Baꞌ buimgidhak ma jii gu Jesuus maaꞌn kap na paiꞌ Galilea bhaan bipioꞌ. Bhammɨ pɨx ji chɨɨ gu Piliip na oirɨ. Baꞌp tɨtda: ―Bañ kaichgɨdaꞌ ap jiñ jaduuñ.

JUAN 12:26

Baꞌ gu jaroiꞌ noꞌx aaꞌ nañ kaichgɨt jiñ aꞌmkam ba tu juandaꞌ, jum aaꞌ na bɨɨx juraaꞌn kɨꞌn tɨ jɨɨꞌñdhat miꞌ puiꞌ xi jimdaꞌ nañ jɨꞌk jax tu aꞌga, na baꞌ jaꞌp ji buusniaꞌ na gammɨjɨñ bɨɨm jup tuiꞌñgɨdaꞌ sia nar paiꞌ dhuuk, na guꞌx kɨɨgalhdhat bhaan ba tɨ nɨidhidhaꞌ guñ Gɨꞌkoraꞌ.

JUAN 21:22

Baꞌp tɨtda gu Jesuus: ―Dho guꞌ dhiꞌ ba aagix ɨp dho na jax jaꞌk jup tu jimiaꞌ. Piam noꞌñ jix aaꞌndaꞌ gɨt na yaꞌ pu duakaꞌ janoꞌ juugɨt nañ paiꞌ dhuuk gio bhaiꞌp jimdaꞌ, yaꞌ dhop oirɨdaꞌ gɨt jia, ¿jax gip bua? Ku guꞌ dhiꞌ aañ dɨɨlh jup bax maat nañ jax jaꞌk jup tu daaxdhaꞌ na tu jimiaꞌ. Aap guꞌ dai ji nap miꞌ puiꞌ xi jimdat gammɨjɨ xiñ kaichgɨdaꞌ.

2 KORIINTO KAM 12:16

Jix maat japim ɨp jiñ jaaduñ na ñich cham tuꞌ tuꞌ jam taa na pim kɨꞌn jiñ xiispaꞌ, guꞌ ji nam guꞌ jaiꞌ sap puiꞌ kaiꞌch na ñich ɨxchuixim gɇꞌp jum duukam ma tu maꞌiich janoꞌ nañ bhaiꞌ dhɨr oilhimɨk jam bui, dai ji sap na pim guꞌ aapiꞌm pu cham maat na ñich jax duu.