MATEO 28:10 - Tepehuano Tepehuán del Sureste (Durango)

¹⁰ Baꞌp ja tɨtda gu Jesuus: ―Chaꞌpim totdon kaꞌñ jaaduñ, nat guꞌ pu cham tuꞌ jax jum duu. Chaꞌpim jax jum aagɨt xi boopoyaꞌ na pim pu ja tɨɨꞌnpuꞌ gu jaiꞌñ jaaduñ guiꞌ nam puiꞌp jiñ kaichuꞌ nam mu jimiaꞌ Galilea nam baꞌ mummɨñ chɨgiaꞌ.

MATEO 28:10 ပူးပေါင်းရင်းမြစ်များ

MATEO 14:27

Guꞌ ji nat guꞌ jotmodaꞌ mu ñio gu Jesuus, jup ja tɨtda: ―Chaꞌpim totdon kaꞌ. Aañiꞌ pɨx jup tuiꞌdhiꞌ.

MATEO 25:40

Baꞌ aañ jup ja tɨɨdaꞌ ɨp gio: “Dho guꞌ aañ guiꞌ ji nañ ja aagɨt jup kaiꞌch nam gampaiꞌm ɨlhiiꞌñdhaꞌ guiꞌ nam jiñ bui tɨ jɨɨgiꞌñdhaꞌ na pimɨt puꞌñix bhaiꞌ ja duu, puiꞌ kuñ baꞌp kaiꞌch na pimɨt aañ jix bhaiꞌñ dhuu. Na guꞌ dhiꞌ puiꞌ na pimɨt jax tu duu, dhiꞌ aañ jiñ aꞌmkam na pimɨt puiꞌ tu duu.”

MATEO 25:45

Baꞌ aañ jup ja tɨɨdaꞌ ɨp gio: “Dho guꞌ aañ guiꞌ ji nañ ja aagɨt jup kaiꞌch nam gampaiꞌm ɨlhiiꞌñdhaꞌ nam aañ jiñ bui tɨ jɨɨgiꞌñdhaꞌ na pimɨt cham puꞌñix bhaiꞌ ja duu, puiꞌ kuñ baꞌp kaiꞌch na pimɨt cham bhaiꞌñ dhuu aañ. Na guꞌ noꞌ pim puꞌñi jix bhaiꞌ ja duñiaꞌ gɨt, dhiꞌ puiꞌ ji buusniaꞌ gɨt na pim aañ jiñ aꞌmkam jix bhaiꞌ ja duñiaꞌ gɨt.”

MATEO 26:32

Ku baꞌ guꞌ aañ nañ paiꞌ dhuuk duadɨi giop ba bamgiaꞌ miꞌ dhɨr koiꞌñgaꞌn tɨr, bɨɨpɨꞌ kat mummɨ ba oirɨdaꞌ iñ ji Galilea na pim baꞌ aapiꞌm gatuuk mup ba aayaꞌ.

MATEO 28:16

Baꞌ gu noonbiꞌñ gu Jesuus muiꞌ ma jii mɨt ɨp mummɨ Galilea, maaꞌn kap na paiꞌr oidhaꞌ taꞌm miꞌ na paiꞌ tu ja aagiꞌñ nam tɨgiaꞌ.

MATEO 28:5

Baꞌ na mɨt paiꞌ dhuuk mummɨ ba ai gu uꞌuub miꞌ na paiꞌ ka yaasapkat gu Jesuus, jup ja tɨtda gu nobiiꞌñ guch Gɨꞌkoraꞌ: ―Chaꞌpim totdon kaꞌñ jaaduñ. Aañ jix maat jia na pimɨt gu Jesuus bhaiꞌ ba gaagam guiꞌ na mɨt kuruus taꞌm sissapa.

MATEO 28:7

Baꞌ gu xib dai na jam aꞌm jum aaꞌ na pim xi boopoyaꞌ na pim ja aaꞌñdhapuꞌ gu noonbiꞌñ, jaꞌp japim ja tɨɨdaꞌ: “Jup jich chɨtda gu nobiiꞌñ guch Gɨꞌkoraꞌ nat sap duadɨk giop bam gu Jesuus, sap baꞌ bɨɨpɨꞌ kat mummɨ ba oirɨdaꞌ na paiꞌ Galilea dɨbɨɨr bhaan bipioꞌ, mummɨ sap baꞌ tɨgiaꞌ pim.” Baꞌ aañ dhiꞌ pu kaiꞌñkam pɨx bha jii na ñich bha jam tɨꞌñchoixdham gu dhiꞌ puꞌñi.

MATEO 28:9

Baꞌ gamaiꞌ gu bɨɨx boi nam muiꞌ ka boopoꞌ, mi jaꞌp bɨɨpɨꞌ dɨr jim maaxdhak gu Jesuus muiꞌ xi ja ñioꞌki. Baꞌ guiꞌ amuub xi ɇɇk mi jaꞌp ja oꞌlhia kɨꞌn xi guꞌkɨk miꞌ xi komkɨk jamɨt gu tootnaꞌn bhaiꞌ ji chu daanɨ buiñor.

MAARKOS 16:7

Cham tuꞌ ji na pim jix buam jum aagɨt yɨjɨ ka tɨ nɨnɨiꞌñdhaꞌ dɨꞌn kɨr, jaꞌpji dai na pim ja aaꞌñdhapuꞌ gu noonbiꞌñ, puiꞌ na jax gu Peegro. Jaꞌp japim tɨɨdaꞌ nat giop ba dua gu Jesuus, mummu jaꞌk japim ba tɨgiaꞌ Galilea na ba oirɨdaꞌ, puiꞌ na jax ba jam tɨtda bɨɨpɨꞌ dɨr nam baꞌ moo daagɨi ba muꞌaaꞌ.

JUAN 20:17

Baꞌ gu Jesuus jup tɨtda: ―Aañiꞌ dhor diꞌ na ñich giop dua. Xi dhaiꞌññiaꞌ ap jiñ jaduuñ nap ja aaꞌñdharaꞌ gu jaiꞌñ jaaduñ nam jiñ kaichuꞌ mu nam paiꞌ tɨbiap. Jaꞌp jap ja tɨɨdaꞌ na ñich aañ ba jiix dhaam buiñor guñ Gɨꞌkoraꞌ guiꞌ na aapiꞌm jup jir jam Gɨꞌkoraꞌ gio baꞌ nar jam Dios tuk, nañ jax pu ba jam tɨtda bɨɨpɨꞌ dɨr.

JUAN 6:20

guꞌ ji nat guꞌ jotmodaꞌ mu ñio gu Jesuus, jup ja tɨtda: ―¡Chaꞌpim totdon kaꞌ! Aañiꞌ pɨx jup tuiꞌdhiꞌ.

ROOMA KAM 8:29

Pu bɨjɨk dɨr bax maat gu Dios nam jɨꞌk buiñor tɨ jɨɨꞌñdhaꞌ gu jaꞌtkam, baꞌ pu janoꞌ dɨr puiꞌ pu tɨi ɨp nam puiꞌp jir tuꞌm kaꞌ na jax gu Maraaꞌn. Jaꞌp ji buusniaꞌ nam jir jajaaꞌnniꞌñ kaꞌ, dai na gu Maraaꞌn jir bɨɨpɨꞌ kam kaꞌ.