MATEO 27:56 - Tepehuano Tepehuán del Sureste (Durango)

⁵⁶ na maadɨt jir diꞌ gu Mariiya Magdaleena, gio baꞌ gu jumai Mariiya guiꞌ nar dɨꞌɨɨꞌn gu Jakoobo gio gu Josee, gio baꞌ gu jumai guiꞌ nar ja naan gu Sebedeo gu maamraꞌn.

MATEO 27:56 ပူးပေါင်းရင်းမြစ်များ

MATEO 13:55

¿Cham aa pɨn jir diꞌ nar maraaꞌn guiꞌ na uꞌuux tu jiibdat jup tu buadaꞌ gu bɨxchuꞌ, na Mariiya jir dɨꞌɨɨꞌn, nam jir jum jajaaꞌnnim gu Jakoobo, gio gu Josee, gio gu Simoon, gio baꞌ gu Juudas?

MATEO 27:61

Baꞌ bɨɨx jup jiim am gu Mariiya Magdaleena gio gu jumai Mariiya, baꞌ miꞌ pup daraa am miꞌ na paiꞌ dhɨr mu tum bapkɨ miꞌ na mɨt paiꞌ tɨɨ gu Jesuus.

MATEO 28:1

Baꞌ na bar jumai buimgidhak nat kiaꞌpɨx ba ji chu maaxir, nat paiꞌ dhuuk ba buus janoꞌ na paiꞌ dhuuk aagix kaꞌ na cham tum juandaꞌ, nat kiaꞌpɨx muiꞌ ba jim bhɨi gu maaꞌn simaan, muiꞌ ma jii gu Mariiya Magdaleena gio gu jumai Mariiya na mɨt ba tɨ tɨɨgim mu na mɨt paiꞌ yaas gu Jesuus.

MAARKOS 15:47

Baꞌ gu Mariiya Magdalena, gio gu jumai Mariiya guiꞌ nam jax maap ba jiimdaꞌ, nɨiꞌñ am na mɨt paiꞌ tɨɨ gu tukgaꞌn gu Jesuus.

MAARKOS 16:9

Baꞌ jaꞌxpɨx cham mɨɨkim mu bam maax gu Jesuus buiñor gu Mariiya Magdalena, guiꞌ nat xijum gook maiꞌ joochxi gu cham kɨkɨɨꞌ iꞌiiꞌmdaꞌ bhaiꞌ dhɨr bhaan na kɨꞌn jix ñaanbiꞌ kat.

LUUKAS 24:10

Baꞌ guiꞌ gu uꞌuub maadɨt jir diꞌ gu Mariiya Magdalena, jumai baꞌr Juana, gio baꞌ gu jumai Mariiya nar dɨꞌɨɨꞌn gu Jakoobo, gio jɨꞌkchi pup gu uꞌuub jam maap jiim.

LUUKAS 8:2

gio jɨꞌkchi gu uꞌuub guiꞌ nat bɨɨpɨꞌ dɨr ja duduaꞌñ, nat ja aꞌm dɨr maiꞌ ja joot gu cham kɨkɨɨꞌ iꞌiiꞌmdaꞌ nam ja aꞌm jup tuiꞌñgɨt. Maadɨt jir diꞌ guiꞌ na Mariiya tɨɨꞌ, nam Magdalena kɨꞌn jup jix mat kaꞌ. Dhiꞌ jix jum gook gu cham kɨkɨɨꞌ iꞌiiꞌmdaꞌ bhaan jup tuiꞌñgɨt am.

JUAN 19:25

Baꞌ gu dɨꞌɨɨꞌn gu Jesuus mi jaꞌp amuub gam kɨɨk na paiꞌ sissap kuruus taꞌm gu maraaꞌn, bɨɨmaꞌn gu dhixiiꞌñ Mariiya nar bɨngaꞌn gu Kleopas, gio baꞌ gu Mariiya Magdalena.

JUAN 20:1

Baꞌ mummu nat paiꞌ buus na paiꞌ dhuuk cham ka tum juandaꞌ na bar tumiiñku taꞌm, kapbhuimuk nat jax kiaꞌpɨx jix dhaꞌnpam bhaiꞌ ji chu maaxir, gio muiꞌp ma jii gu Mariiya Magdaleena mu aiꞌ dɨꞌn kɨr na mɨt paiꞌ ulh gu tukgaꞌn gu Jesuus. Baꞌ mu nat ba ai, bhaiꞌ pɨx pu tɨ dɨꞌ bhɨjɨ dɨꞌn kɨr, mu pɨx jaꞌp kaat gu komaarak jodai na kɨꞌn bha kuupich.

JUAN 20:18

Baꞌ gu Mariiya Magdaleena miꞌ pu bhɨi nat ja aaꞌñdham nat jax pu tɨɨꞌn gu Jesuus. Mummu ɇɇk nam paiꞌ tɨbiap bɨɨx guiꞌ nam jɨꞌk kaichuꞌ, ba ja aagiꞌñ nat giop ba dua gu Jesuus, bɨɨx jup xi ja aagiꞌñ na jɨꞌk jax tɨtda mu nat paiꞌm maax buiñor.